[super]

السلام عليكم ورحمة الله وبركاتة
انا مقدم على وظيفة ظابط حركة فى شركة مصر للطيران ....
انا قدمت فى الاعلان ده من شهر 4 ايلى فات ولسة منتظر الاختبارات يوم 22 /5بتاعة اللغات والكمبيوتر انا سمعت انها حتبقا فى معهد قوات المسلحة ايلى فى كوبرى القبة ومش عارف ده صح ولا غلط يا ريت ايلى يعرف حاجة عن الاختبارات وايه المفروض نعملوه يساعدنا والف شكر ليه ارجو الرد من المتخصصين وجزاكم الله خير بسرعة قبل الاختبارات يا رررررررررررررررررررريت لانى مش عارف هل فى كتب اشتريها ازاكرها ولا ايه ولا مصطلحات طيران ولا اى نوع وشكرا جزيلا

[nor_islam]

شوف الموضوع دة وتابعة من اولة لاخرة وان شاء الله هيفيدك

https://dvd4arab.maktoob.com/showthre...281204&page=27

[super]

الف شكر لرد حضرتك انا بعتلك رسالة عالموقع يا ريت ترد عليا فى اقرب وقت وجزاك الله خير

[danzel_l]

السلام عليكم ورحمة الله وبركاتة

ازيك يا جميل هو فعلا الامتحانات بتبقى فى معهد القوات المسلحة للغات اللى فى كوبرى القبة ده بالنسبة لمتحان الانجليزى اما بالنسبة لمتحان الحاسب الالى فا ده برده هيبقى فى معهد القوات المسلحه للنظم والمعلومات فى الشارع اللى قدام طيبه مول جنب نادى دار الدفاع الجوى

وليك خالص تحياتى بالنجاح والتوفيق ان شاء الله

[super]

السلام عليكم ورحمة الله وبركاتة
شكرا لردك اخى فى الله دانزل وعموما هوا فاضل اقل من اسبوع على ميعاد الاختبار ربنا يستر ويكون الامتحان سهل واكيد حقولكم ايه حصل بالظبط وخير ان شاء الله وربنا يوفق كل المقدمين

[nnoga2005]

اقتباس:     المشاركة الأصلية كتبت بواسطة super  

السلام عليكم ورحمة الله وبركاتة
انا مقدم على وظيفة ظابط حركة فى شركة مصر للطيران ....
انا قدمت فى الاعلان ده من شهر 4 ايلى فات ولسة منتظر الاختبارات يوم 22 /5بتاعة اللغات والكمبيوتر انا سمعت انها حتبقا فى معهد قوات المسلحة ايلى فى كوبرى القبة ومش عارف ده صح ولا غلط يا ريت ايلى يعرف حاجة عن الاختبارات وايه المفروض نعملوه يساعدنا والف شكر ليه ارجو الرد من المتخصصين وجزاكم الله خير بسرعة قبل الاختبارات يا رررررررررررررررررررريت لانى مش عارف هل فى كتب اشتريها ازاكرها ولا ايه ولا مصطلحات طيران ولا اى نوع وشكرا جزيلا

السلام عليكم ... حضرتك انا مقدم في اخصائي دعم عملاء وفعلا الامتحان بتاع اللغات في معهد القوات المسلحة بكوبري القبة ... والامتحان عبارة عن 100 سؤال منهم خمسين سؤال استماع وخمسين اختيارات كل دا بوقت .... ونظام الاسئلة عبارة عن اسئلة عاملة تخص اللغة مثل الجرامر ... اما اختبار الكمبيوتر مش عارف اذا كان في اختبار او لاء الكمبيوتر مقدور علية وهيكون لغات بردة .... وانا منتظر النتيجة حاليا للغات ... وشكرا ..... مع العلم هتدفع 20ج بالمعهد لزوم اختبار يعني ... وحاول تروح بدري قبل المعاد بيكون الطابور زحمة جدا هناك ..... سلام

[super]

اقتباس:     المشاركة الأصلية كتبت بواسطة nnoga2005  

السلام عليكم ... حضرتك انا مقدم في اخصائي دعم عملاء وفعلا الامتحان بتاع اللغات في معهد القوات المسلحة بكوبري القبة ... والامتحان عبارة عن 100 سؤال منهم خمسين سؤال استماع وخمسين اختيارات كل دا بوقت .... ونظام الاسئلة عبارة عن اسئلة عاملة تخص اللغة مثل الجرامر ... اما اختبار الكمبيوتر مش عارف اذا كان في اختبار او لاء الكمبيوتر مقدور علية وهيكون لغات بردة .... وانا منتظر النتيجة حاليا للغات ... وشكرا ..... مع العلم هتدفع 20ج بالمعهد لزوم اختبار يعني ... وحاول تروح بدري قبل المعاد بيكون الطابور زحمة جدا هناك ..... سلام

الف شكر على ردك انا رحت وعملت تحديد مستوى قبل الاختبار الاساسى وجبت 53 فى الميه وطلعت المستوى 4 واخدت وصل بكده بس النجاح المطلوب فى الوظيفة كام فى الميا النسبة يا ريت لو حد يعرف يقول

[m.hassan]

انا كنت مقدم في اعلان للمهندسين من فترة بس هو مفيش درجة معينة للنجاح في امتحان الانجليزي بس هما بياخدوا مثلاً اعلي 200 او 300 درجة حسب ما هما عايزين يعني مثلاً خدوا مننا 150 واحد بس انت شد حيلك و حاول تذاكر و تحل علي الانجليزي في الفترة دي و ربنا يوفقك
امتحان الكمبيوتر بيبقي عبارة عن 40 سؤال تحريري في الويندوز و الوورد و الاكسل و الباور بوينت هو بصراحة رخم شويه لأنه تحريري يعني لو كان عملي كان هيبقي اسهل و ربنا يوفقنا جميعاً و يكتبهالنا ان شاء الله

[m.hassan]

علي فكرة امتحان الكمبيوتر اللي انا عملته ده كان في مركز تدريب مصر للطيران في المطار

[super]

شكرا للردود والتواصل بس خلاص ايلى زاكر زاكر بكرة معاد اول اختبار للوظيفة ربنا يستر عايزين دعاوتكم معانا وربنا يسهل ونشتغل كلنا ان شاء الله

[dark_eagle]

المواعيد نزلت من الخميس العصر

هما اللي مقدمين ف الوظيفه بعد الناس اللي مشوهم عشان اوراقهم غلط يعملو حوالي 9500 دا بخصوص وظيفه ظابط حركه مش 30 الف والارقام الفلكيه اللي كانت بتتقال دي

الامتحانات ف قرات مسلحه هتبقي ساعه 12 ضهر ان شاء الله

بالتوفيق للجميع

[mkh61083]

انا ميعادى ان شاء الله يوم الثلاثاء فى المعهد

ربنا يوفق الجميع

[super]

انا معادى يوم 27 -5 الساعة 2 الظهر فى معهد القوات المسلحة كوبرى القبة وربنا يسهل

[nfro]

اقتباس:     المشاركة الأصلية كتبت بواسطة super  

انا معادى يوم 27 -5 الساعة 2 الظهر فى معهد القوات المسلحة كوبرى القبة وربنا يسهل

بليز ممكن كل اللي امتحن يقول الامتحان كان في مستوي الطالب ال ايه من فضلكم وكمان ياريت نعرف النجاح من كام

[super]

الى الاخ nfro لسة يوم الاربعاء بداية الاختبارات فى معهد القوات المسلحة للغات والامتحان بيكون 100 سوال اول 50 سوال سماعى عالكمبيوتر بسماعة وبيكون زمن الاجابة 17 ثانية بين السوال والتانى للاجابة وال50 سوال الباقيين بيكونوا اختيارات وقراءة بس انا عملت التحديد للمستوى ده قبل الامتحان الاساسى من نفسى يعنى لو عايز تجرب خد معاك عشرين جنية والبطاقة وروح اعمل تحديد مستوى والنتيجة بتطلع بعديها بنص ساعة تقريبا تعرف جبت كام فى الميه بالنسبة للنجاح من كام ده مش معروف لغاية دلوقتى لو تعرف ابقا قولنا والامتحان فى اسئلة عايزاه تركيز وللطالب المتوسط يعنى السهل المتنع عايز واحد فاهم كلمات وجرامر وربنا يوفقنا جميعا ان شاء الله تقبل مرورى

[mkh61083]

ياجماعة انا روحت امتحنت انهارده الثلاثاء الحمد لله فى القوات المسلحة بخصوص وظيفة ضابط حركة تحميل ونصيحتى ياريت تروحو على 12 او 12:30 وتروح على الخزنة تدفع ال 20 جنيه وانت زى الباشا وتاخد وصل بانك دفعت ها يكون متسجل فيه رقمك اللى ها تتدخل بيه الحقوا احجزوا فى اول 100 دول اول ناس بتتدخل والامتحان مدته ساعة عبارة عن 100 سؤال 50 منهم سماعى ( وده بنصح فيه انك تجرب السماعات الاول قول لاى حد من هناك انك عايز تجربها وهما كده كده ها يقولولك برضه ع الموضوع ده وبعدين السؤال الواحد بيتقال مرة واحدة بس ومدة الاجابة على السؤال 16 ثانية من بعد السؤال ما بيخلص ويفضل انك تقرا الختيارات بسرعة قبل ما تسمع السؤال عشان يبقى عندك فكرة هو ممكن يتكلم عن ايه وده ها يسهلك الموضوع شويه وبعدين لو انت سمعت سؤال ومتاكد من اجابته جاوب على طول واضغط على زر next وما تستناش ال 16 ثانية يخلصو عشان ها تحتاج الوقت ده فى ال 50 الاخرى والمراجعة على اللى حليته بعد كده ) اما ال 50 الاخرى ( فهى عبارة عن جمله او سؤال وفى 4 اختيارات ها تختار منهم اجابة واحدة طبعا وده مش مرتبط بوقت وبيكون عبارة عن شويه جرامر ازمنة على قاعدة if على استخدامات can , ought to , وخلافه بالاضافة الى حفظ الكلمات لازم تكون عارف كلمات كتير ) وفى النهاية المندوب بره ها يقولك غالبا ابقى روح على لوحة الاعلانات فى المطار مكان ما قدمنا عشان نعرف النتيجة على يوم 19-6 ان شاء الله وبالتوفيق للجميع ان شاء الله

[ahmedothman]

شكرا للمعلومات المهمة دى ارجو التوفيق

[داركو]

جزاك الله خيرا انا امتحنت وكنت عايز اعرف ميعاد المنتيجة امتى بس بعد لما نعرف النتيجة هانعمل ايه بعد كدة
المفروض يكونوا هم معرفيننا الحاجات كلها مش كل خطوة يقولولنا على اللي بعدها وممكن مايقولوش كمان

[dark_eagle]

اقتباس:     المشاركة الأصلية كتبت بواسطة داركو  

جزاك الله خيرا انا امتحنت وكنت عايز اعرف ميعاد المنتيجة امتى بس بعد لما نعرف النتيجة هانعمل ايه بعد كدة
المفروض يكونوا هم معرفيننا الحاجات كلها مش كل خطوة يقولولنا على اللي بعدها وممكن مايقولوش كمان

19-6 باذن الله هتتعلق مكان مارحت شفت هتمتحن فين هيبقي يوم جمعه

بالتوفيق للجميع

[داركو]

جزاك الله خيرا على الإفادة

[أمير القلوب]

يا أخوانا اى مساعده فى الأمتحان معانا امتحان يوم 16/9/2009 فى مراجع جوده لو حد يعرف اى حاجه عنها يا ريت يقول جزاكم الله كل خير فى الايام المفترجه دى