[jaber-z]

السلام عليكم ورحمة الله وبركاته ,,,,,,,,,,,,,,,,,,,,

استفساري عن الخطوط الكويتيه اذا كان الشخص يريد ان يدرس ليكون طيار على حسابه تحت اشرافهم علما ان عمري الان 26 سنه وعندي اسئله ياليت تفيدوني فيها :

1- ماهي شروط الخطوط للاشراف على الطالب اذا كان على حسابه الخاص ؟


2- كم المبلغ الذي ادفعه وماهي التكاليف التي يغطيها ؟


3- هل يقومون بتدريس اللغه قبل البدء في علوم الطيران وكم مدتها ؟ ( لاأجيد اللغه )


4- كم اقصى مده لنيل الرخصه الاوربيه مع اللغه ؟


اخواني اخواتي ياليت لو تجاوبوني على الاسئله لاني بدات افقد الامل شيئا فشيئ وآسف اذا طولت عليكم .

وشكرا

[AIS Officer]

1- ماهي شروط الخطوط للاشراف على الطالب اذا كان على حسابه الخاص ؟

لازم تكون عندك شهادة ثانويةبالتشعيب العلمي, غير ذلك فماكو فايدة لاني رحت لهم و يا ليتني ما رحت لهمو تكون أقل من ستة عشرين سنة و لازم تكون حالتك الصحية جيدة و لغتة الإنجليزية جيداً فما فوق وهكذا

2- كم المبلغ الذي ادفعه وماهي التكاليف التي يغطيها ؟

تدفع مقدماً 10000 دينار كويتي لدراسة الجراوند سكول و من ثم تدفع باقي المبالغ في وقت آخر و المبلغ كله 35000-40000 دينار كويتي مع السكن و الدراسة و كل شي..... www.cabair.com

3- هل يقومون بتدريس اللغه قبل البدء في علوم الطيران وكم مدتها ؟ ( لاأجيد اللغه )

بهوات الكويتية يعطونك كورس تمهيدي مدته أربع شهور قبل البدء و الآن تقلصت الى شهرين, و لا يزال مسلسل التخبط جاري, لكن اللغة انت لازم تجيدها بنفسك و تدخل لك أحد المعاهد و أنصحك تروح القنصلية البريطانية.......

4- كم اقصى مده لنيل الرخصه الاوربيه مع اللغه ؟

سنة ونص و شوي هذا والله أعلم

[jaber-z]

مافي استثناء للعمر كل شيء اوكى الا العمر متعدي 26 بستة شهور ؟؟؟؟؟؟؟؟؟؟؟؟؟؟؟؟؟؟؟؟

فرحني

[AIS Officer]

روح عمليات الكويتية, روح عند كابتن ينقال له فقعان, قبله كان الكابتن شريف بيضون, بس ولو كان فقعان مو موجود روح حق شريف بيضون ترى يدليك, و شوي شوي عليهم تراهم كلهم "نفسية" و أنصحك في سنك هذا تروح لأي شركة طيران ثانية تكون تحت اشرافها بس على حسابك مثل الجزيرة بس الجزيرة يقبلون اقل من 23 سنة بس هم جرب الجزيرة لأنهم وايد افضل من الكويتية المتهالكة.........

اذا تبي اي شي بس ازهمني و انا عند وجهك......:)

[gam-max]

السلام عليكم
ماهيه الرخصه المطلوبه للجزيرة

[jaber-z]

يعطيك الف عافيه AIS Officer والله ماقصرت بس توقعاتك يعني فيه امل او لا انا انشالله بعد العيد راح اراجعهم واذا كان الشغله فيها واسطه على منو ادزها ؟؟؟؟؟

اذا تبي اي شي بس ازهمني و انا عند وجهك......:)

ماتقصر قول وفعل.

[AIS Officer]

في الطيران في أمل ان شاء الله بس في سنك هذا اخوي أنصحك تروح على حسابك اذا كنت قادر ان شاء الله على دفع تكاليف الدراسة و أخذ اللياسن المطلوبة للطيران الا و هي ليسن الATPL ا ما شابهها.....

اذا الواسطة موجودة فعلها و جرب حظك, و ادخل عند واحد ينقال له ناصر العجمي هو مال التسجيل في الجزيرة و تكلم معاه....هو موجود في عمليات الجزيرة في المطار الميزانين اللي يكون صوب المصافط ملوت المطار اللي ما يروحون لها وايد ناس و تكون على ايدك اليمين اذا طلعت من المصافط و باليسار او قدامك اذا طلعت من الأسنسير "مادري شلون تنكتب اسنسير؟!؟! " :)

بس هم بعد شوف لك شركة جذي تساعدك على انك تكون تحت اشرافها و على انك لما تخلص اتوظف معاهم و جذي لأن في مخاطرة اذا رحت على حسابك من غير ما تكون تحت اشراف شركة معينة....

جرب القطرية, واحد من الربع قالي ان اخو رفيجه توه متخرج من الكابير في بريطانيا تحت اشراف الكويتية و من تخرج راح القطرية لأن وايد أحسن......

والله تعالى أعلم

[jaber-z]

تشكر يااخوي على المعلومات القيمه وماقصرت ....