[forex]

السلام عليكم شباب
الله حيـــــــه كيف حالكم

الله يصبركم ان شاء الله الفرج قريب

في خبر جديد انو في دوره جديده حات عندنا اليوم sbcds
اتوقع سبلاي supply
ان شاء الله اموركم قريبه بأذن الله

[a.aziz dossary]

حنا بخير يمال الخير
وتسلم على المعلومه هذي الاخبار اللي تسر
جعل والديك الجنه

[A.S.Q]

الله يجب الفرج

[الفيصل001]

الله يوفقكم ان شاء الله

[الاصيل]

السلام عليكم ورحمة الله وبركاتة
كيف حالكم ياشباب طيبين ان شاء الله وينكم اختفيتوا
لا تيؤسوا راح يدقون علينا هذا الشهر ان شاء الله
لا تناموا وينك يالدوسري وفاهمك و way وريان وين شباب الدفعة 15
وطمنا عليك يا فوركس كيف حالك انت والفيصل عساكم بخير ان شاء الله
وين طلاتك الحلوة يا abc

[فاهمك]

موجودين نستنى الله يعين

[a.aziz dossary]

موجودين يا بعدي
لنصمد تحت شعار ( لاحياة مع اليأس ولا يأس مع الحياة)

[فاهمك]

بشروو يا اهل الرياض شلون دراستكم وش المستجدات

بشرو شلونكم بعد المطر عساكم طيبين

[abc1388]

الأخوه الأعزاء...

ابشركم بأنه
سوف تبدأ دورتكم ان شاء الله يوم السبت 22 مايو .
وسوف تبلغون هذا الأسبوع بالأجراءات.

متمنيا لكم التوفيق،،،

[فاهمك]

جزاك الله الف خيير

الحمد لله هانت .. الدوره تبداء 22
طيب والي موظف ما له شهر استقاله ؟.؟

[abc1388]

السلام عليكم
تم تحديد موعد الدوره وذلك يوم 22 مايو وسوف يتم الأتصال بكم هذا الأسبوع لأنهاء الأجراءات.

تحياتي،،،
ت
و

[الاصيل]

مشكوور وما قصرت الله يسعدك ويوفقك دنيا اخرة يااااارب
والله انك ذيب يا abc الله يكثر من امثالك

[rayan8033]

الله يبشركمـ بالخيـــــر

الحمد لله قرب الفرج :)

كتبت هذا الموضوع في 6.8.2009 وحنا الحين 10.5.2010 يعني معاناة 9 شهور

وبعد 491 رد على الموضوع
و 19740 مشاهدة

أشكر الجميع واحد واحد بلا استثناء ما ودي اذكر اسماء عشان ما انسى أحد

وبالتوفيق للجميع يـــآرب ..

[الاصيل]

السلام عليكم ورحمة الله وبركاتة
ياشباب حبيت اطمنكم بس اني اتصلت على الشركة يوم الاربعاء
وأكدوا لي انهم راح يتصلو عليكم هذا الاسبوع وانه راح نوقع العقود ونباشر في نفس الوقت
وان توقيع العقود راح يكون في معهد الشركة الظاهر انة في المطار بس حبيت تتطمنو وتتأكدوا من العنوان
والله يوفقنا جميعا

[فاهمك]

الله يبشرك بالخيــر

ان شاء الله بكره الفرج باذن الله

[forex]

على البركه شباب
مبروك عليكم
الصبر مفتاح الفرج والحمد لله رب العالمين

نراكم قريبا اجل ان شاء الله في الاس دي تي
وتوقيع العقود يبدوا لي يابالاس دي تي او بمبنى الثروات

والله يوفقكم

[فني-111]

الف الف مبرووووووووووك
هانت يا شباب

بس نبي نعرف كيف مستقبل الوظيفه لأني حاليا موظف وأخاف اترك وظيفتي وبعدين اقول يا ليت ..

الزيادات السنويه والبدالات والترقيات ونهاية الخدمه .. أحس هذى الأمور مو واضحه بصراحه

الشي الوحيد اللى عرفته انه تبدأ الدورة براتب 5 ويزيد لين يوصل 12 بعد خمس سنوات .

يا ليت اللى عنده معلومات يفيدنا

[الفيصل001]

الف مبرووووووووووووووووووووووووووووووووووووك للشباب

وان شاء الله نشوفكم قريب في مقر الدراسه

وبالنسبه للرواتب

5202 ريال

وزياده كل 6 شهور من 400 الى 600 ريال

طبعا يعطونكم تأمين طبي ممتاز جدا جدا جدا

ولكم خصومات كثيره اللى اذكر منها دي اتش ال 75%
شركة دودج جميع فنادق بودل اللى في المملكه والشيراتون والمريديان وانتركونتينينتال شاليهات بالبحرين وفنادق في دبي و شرم الشيخ ولندن و...............

هذا اللي اذكره

طبعا تكون طالب في السنتين الاولى بس في الشركة مسجلين لك متدرب فني صيانة طائرات
والثلاث سنوات الباقيه تكون في القاعده اما بالرياض او تبوك او غيرها من القواعد الجويه

طبعا كل مرحله يزيد فيها الراتب

وكل سنه انت كموظف يجيك اسهم في الشركة مع نهاية كل سنه تقدر تحتفظ فيها او تبيعها

بعد الخمس سنوات اللي ممكن تقل او تزيد على حسب مستواكم الدراسي بيكون الراتب 13 الف هذا على الكلام اللي نسمعه

انا قبل ماادخل الشركه كنت موظف في قطاع ثاني استخرت ووقعت العقد مع الشركة والحمد لله انا راضي بوضعي الحالي

اي سؤال ياشباب انا حااااااااااااااااااضر

والله يوفقكم واهم شي الحضووووووووور وعدم التأخير على الدوووووووووووووام

وبالتوفيييييييييييييييييييييييييييييييييييييق

[فني-111]

اقتباس:     المشاركة الأصلية كتبت بواسطة الفيصل001  

الف مبرووووووووووووووووووووووووووووووووووووك للشباب

وان شاء الله نشوفكم قريب في مقر الدراسه

وبالنسبه للرواتب

5202 ريال

وزياده كل 6 شهور من 400 الى 600 ريال

طبعا يعطونكم تأمين طبي ممتاز جدا جدا جدا

ولكم خصومات كثيره اللى اذكر منها دي اتش ال 75%
شركة دودج جميع فنادق بودل اللى في المملكه والشيراتون والمريديان وانتركونتينينتال شاليهات بالبحرين وفنادق في دبي و شرم الشيخ ولندن و...............

هذا اللي اذكره

طبعا تكون طالب في السنتين الاولى بس في الشركة مسجلين لك متدرب فني صيانة طائرات
والثلاث سنوات الباقيه تكون في القاعده اما بالرياض او تبوك او غيرها من القواعد الجويه

طبعا كل مرحله يزيد فيها الراتب

وكل سنه انت كموظف يجيك اسهم في الشركة مع نهاية كل سنه تقدر تحتفظ فيها او تبيعها

بعد الخمس سنوات اللي ممكن تقل او تزيد على حسب مستواكم الدراسي بيكون الراتب 13 الف هذا على الكلام اللي نسمعه

انا قبل ماادخل الشركه كنت موظف في قطاع ثاني استخرت ووقعت العقد مع الشركة والحمد لله انا راضي بوضعي الحالي

اي سؤال ياشباب انا حااااااااااااااااااضر

والله يوفقكم واهم شي الحضووووووووور وعدم التأخير على الدوووووووووووووام

وبالتوفيييييييييييييييييييييييييييييييييييييق

مشكور أخوي الفيصل على المعلومات الحلوه

بس أنا اقصد البدالات و الزيادات بعد الخمس سنوات والترقيات بالإضافه الى مكافأة نهاية الخدمة ؟؟
ياليت تسألي عنها وأكون شاكر لك
لأني اشتغل بأحدى الشركات الكبيرة في الشرقيه والشركه البريطانيه طبعاً ما شاء الله ما عليها كلام ,, بس وانا اخوك ودي أعرف التفاصيل عشان أعرف اقرر إما اوقع أو اقعد في وظيفتي

آسف على الإطاله ويعطيك الف العافيه


بإنتظار ردك

[فاهمك]

شباب فيه احد دقو عليه الشركه؟؟

[a.aziz dossary]

السلام عليكم انا دقوا علي اول امس وقالولي توقيع العقد والدوام فعلا راح يكون يوم السبت القادم بمبنى المعهد السعودي للتدريب والتطوير بالمطار
شكرا على كل من ساعدنا على المعلومات وان شاء الله راح نشوفكم السبت
التحيه للجميع بدون استثناء
اخوكم عبدالعزيز الدوسري

[جهني المدينه 123]

السلام عليكم

ما شاء الله أشوف ناس انقبلت .. بالتوفيق ان شاء الله

كان فيه تقديم قبل ثلاثه اشهر وقدمت عليهم وبعد عشره ايام كتبت رد هنا استفسر عن النتائج وما جاني خبر ..

فأبي أعرف هم دقوا عليهم أو ارسلولهم رساله أو حتى انقبلوا وبَدو بالدراسه ..

كيف وضعهم يعني ثلاثه اشهر ولا حتى كلمه وجبر خاطر

.. بعدين ...

لَه لَه لَه ما هقيت انك حساس يا الدوسري افا عليك بس زعلت من كلمه دنحي .. ما تسوى يا حبيّبي :baaa2:

[a.aziz dossary]

هلا فيك ياجهني
اول شي احب اقوله انو اذا تبي شي اي شي بالحياه تقدر تحصل عليه بس قبل ما تحصل عليه لازم انك تتبع اشياء او اسلوب ان صح التعبير ومن هذي الاشياء ( الاسلوب ) ما علينا ....

شف ياطويل العمر بس عشان تكون بالصوره الدفعه 15 snttp اللي انا منها قدمنا على الشركه واختبرنا السنه المضيه بشهر 8 وخلصنا الفحوصات برمضان وبس وجلسنا ننتظر التزكيه الامنيه الى ان جانا اتصال قبل 3 اسابيع وقالوا ترى الدوره تبدا بعد اسبوع وهذا حنا بالدوره يعني صار لنا اسبوعين .
يعني عشر شهور ننتظر اتصال من ناحيتي انا اقولك اصبر على الرد ولا توقف عند هذي النقطه اجلس قدم واذا جتك وظيفه اشتغل لو ب2000 ريال والله يوفقك. هذا اللي اقدر اخدمك فيه واذا تبغى اي شي انا حاظر

[forex]

اقتباس:     المشاركة الأصلية كتبت بواسطة a.aziz dossary  

هلا فيك ياجهني
اول شي احب اقوله انو اذا تبي شي اي شي بالحياه تقدر تحصل عليه بس قبل ما تحصل عليه لازم انك تتبع اشياء او اسلوب ان صح التعبير ومن هذي الاشياء ( الاسلوب ) ما علينا ....

شف ياطويل العمر بس عشان تكون بالصوره الدفعه 15 snttp اللي انا منها قدمنا على الشركه واختبرنا السنه المضيه بشهر 8 وخلصنا الفحوصات برمضان وبس وجلسنا ننتظر التزكيه الامنيه الى ان جانا اتصال قبل 3 اسابيع وقالوا ترى الدوره تبدا بعد اسبوع وهذا حنا بالدوره يعني صار لنا اسبوعين .
يعني عشر شهور ننتظر اتصال من ناحيتي انا اقولك اصبر على الرد ولا توقف عند هذي النقطه اجلس قدم واذا جتك وظيفه اشتغل لو ب2000 ريال والله يوفقك. هذا اللي اقدر اخدمك فيه واذا تبغى اي شي انا حاظر

<<<<<<<<<<<<
مساااااااااااااكييييييييييييييييييييييييين

دوام دوام دوام
احنا والحمدلله اجازه اسبوع
مريحين ومكبرين المخده

بالفعل زي ماقالك اخونا عبدالعزيز الصبر مفتاح الفرج

[a.aziz dossary]

هههههااااااااي
انت اللي مسكين الوعد بعد اسبوعيييين
وبعد شهرين تحق لنا اسبوع +رمضان+ العيد يا باشا يعني انتو اللي مساكييييييييييييييييييين
ههههههههههههههههههههههههههههههههههههههاي

[forex]

اقتباس:     المشاركة الأصلية كتبت بواسطة a.aziz dossary  

هههههااااااااي
انت اللي مسكين الوعد بعد اسبوعيييين
وبعد شهرين تحق لنا اسبوع +رمضان+ العيد يا باشا يعني انتو اللي مساكييييييييييييييييييين
ههههههههههههههههههههههههههههههههههههههاي

اي والله صدقت

ياخي طلع كلام ان اجازه رمضان لنا حنا يمكن ما راح ناخذها كلها
يمكن نداوم ل 20 رمضان وبعدها اجازه
الله يستر

[الفيصل001]

اقتباس:     المشاركة الأصلية كتبت بواسطة forex  

اي والله صدقت

ياخي طلع كلام ان اجازه رمضان لنا حنا يمكن ما راح ناخذها كلها
يمكن نداوم ل 20 رمضان وبعدها اجازه
الله يستر

محمد تتكلم جد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[a.aziz dossary]

ليه طيب؟
يمكن كذه تخلصون اسرع؟

[forex]

اقتباس:     المشاركة الأصلية كتبت بواسطة a.aziz dossary  

ليه طيب؟
يمكن كذه تخلصون اسرع؟

اقتباس:     المشاركة الأصلية كتبت بواسطة الفيصل001  

محمد تتكلم جد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله هذا الي سمعته من مصدر موثوق والله اعلم

ليش والله مادري هل ممكن عشان نخلص بسرعه برضوا مادري
ومافي شي رسمي الى الأن

مشكله انه ما يقولون او ما يكون رسمي الا قبله بأسبوع
الله يسهل
والله المخططين لرمضان بيروحون فيها

[Way]

اقتباس:     المشاركة الأصلية كتبت بواسطة forex  

اي والله صدقت

ياخي طلع كلام ان اجازه رمضان لنا حنا يمكن ما راح ناخذها كلها
يمكن نداوم ل 20 رمضان وبعدها اجازه
الله يستر

طيب يا شباب وش المشكله؟
حتى حنا بالشاهين مداومين زيكم, انا اشوف ان هذا شيء طبيعي كل الشركات تداوم برمضان إلى آخر يومين قبل العيد فحتى الاجازه من 20 تعتبر شي ممتاز مقارنة بالشركات الثانيه