[ahmed459]

فى بداية الموضوع احب اشكر كل مشرفين و اعضاء المنتدى على المجهود الى بيبذلوه و الاخلاص فى الرد على استفسارات الاعضاء .. بجد بحس ان كل المنتدى بيخاف على بعضه و بيحب الخير للاخرين و ديه حاجة عظيمة و ربنا يحافظ عليها

اولا انا كان نفسى جدا انى ابقى طيار لكن طبعا معروف الصعوبات الى بتواجه الحلم دة فى مصر لذلك وجدت ان اقرب حاجة للحلم دة هو المضيف الجوى لان الطيران بحس بجد انه متعة وسحر جميل
الموضوع بقا هو ان دلوقتى الى بيفكر انه عايز يبقى مضيف مابيعرفش يعمل اية.. يعنى مثلا انا اتخرجت السنة دية و عايز ابقى مضيف .. مش عارف اقدم السى فى فين و اكتب فيه اية لان ممكن يتصلوا و يطلبك للعمل بالشركة او يحدد انترفيو بس لمكان تانى خالص غير الضيافة الجوية ...

1-احنا هنا عايزين نكتب اسماء و عناوين شركات الطيران عشان نقدم فيها للعمل كمضيف او مضيفة جوية مثلا زى مصر للطيران فى المطار القديم .. انا قصدى يعنى عنوان المكان المختص لاستلام السى فى مثل مكتب الhr عشان لو قدمنا السى في فى اى مكتب طيران مش هنضمن انه يوصل للاتش ار و ممكن يترمى .. بس لو محدش يعرف عنوان مكتب الاتش ار يبقى خلاص امرنا لله و نسلم فى اى مكتب طيران قريب.. اتمنى انكم تكونوا وصلتوا لوجهة نظرى
2- نحدد اية فى السى فى و احنا بنقدمة عشان يبقى معروف ان صاحب السى فى دة عايز يعمل كمضيف او مضيفة جوية .. انا كاتب فى السى فى career objective : cabin crew كدة مظبوط ولا اكتب حاجة تانية افضل؟

انا اسف انى طولت عليكم .. و اتمنى ان الموضوع دة يكون مفيد للكثير من الاعضاء .. منتظر ردودكم

ارجو من الادارة نقل الموضوع الى القسم المناسب اذا كان هذا القسم غير مخصص للضيافة الجوية او لسياق الموضوع

[ahmed459]

اية يا شباب ؟؟ هو انتوا اجازة انهاردة
كلها مشاهدات مافيش اى حد قال اى حاجة ليه؟؟:razz:

[vasco rossi]

انا برده كنت زيك بدور على شركات طيران اقدم فيها والحمد لله عرفت عناوينهم بعد مجهود مضني كل شركات الطيران في مصر غير مصر الطيران قطاع خاص و عدد الطائات بتاعتهم قليل قوي
1- المصرية للطيران: 112 شارع عمار بن ياسر اخر سور ستاد الكلية الحربية - النزهة الجديدة
2- amc للطيران: 5 شارع النصر - النزهة الجديدة
3- لوتس للطيران: 1 شارع الفريق كمال حسن علي مربع 1213 - شيراتون
4- ممفيس للطيران: 4 شارع الدكتور احمد لطفي - النزهة الجديدة
5- كورال بلو للطيران: شارع اسماء فهمي من شارع النزهة- ارض الجولف - خلف نادي الدفاع الجوي - الدور 8 (بس مش عارف عمارة رقم كام, روح واسأل)
انا رحت العناوين ده كلها ف يوم واحد مكملتش ساعة كلهم جنب بعض
نزلت محطة سراي القبة لفيت على كل الشركات ده ورجعت تاني بالتاكسي الجديد ابو عداد خد 50 جنيه بالظبط
بالنسبة لل cv اللي عرفته ان اهم حاجة في الظيافة الجوية ان :
1- الانجلش بتاعك يكون برفكت وياريت لو معاك لغة تانية
2-يكون طولك متناسب مع وزنك (يعني الهيئة تبقى كويسة مش تخين ولا قصير ولا طويل اوي)
3- يكون معالط صورة لونج تبين جسمك كله من الراس لحد الرجل فورمال طبعا)
بس وربنا معاك انا قدمت من 3 شهور و مستني الفرج ومش هييأس ابدا وقررت ان اروح كل اسبوع ارميلهم السي في بتاعي لحد مايزهقو مني

[ahmed459]

ههههههههههههههههههههه ربنا يوفقك و يبعتولك من غير مايزهقو ... و بجد شكرا جداااااااااا على ردك و انا هروح اقدم السى فى فى العناوين دية و لو عرفت اى حاجة جديدة هبقى اعرفك و ربنا يسهل و نبقى مضيفين اد الدنيا :)
و ياريت الى يعرف عناوين شركات تانية يكتبها و نساعد بعض .. كل الى يعرف عنوان مش موجود يكتبه بعد اذنكم .. و شكرا على ردك تانى و تالت يا vasco

[ahmed459]

نسيت اسالك يا vasco لما اروح اودى السى فى اروح لابس فورمال ولا عادى؟ يعنى هناك هقابل حد ولا هسلمه و بس .. انا اسف تاعبك معايا يا vasco

[vasco rossi]

ولا تعب حاجة انت تأمر يا احمد انا شايف انك تروح فورمال احسن يمكن يكونو حاليا عايزين مضيفين ويعملولك انترفيو وربنا يوفقك يوفقنا كلنا

[vasco rossi]

ياريت يا احمد تضيفني عندك عشان عايز اتكلم معاك [email protected]

[ahmed459]

انا ضيفتك عندى .. و نتكلم فى اقرب فرصة.. و اتشرفت جدا بمعرفتك يا حودة

[ahmed459]

طب هو مافيش اى حد بيشتغل فى الضيافة يعرف يفيدنا بأى معلومة عن التقديم

[شموس]

اتمنى حد يفيدك