[teeto]

السلام عليكم...
الأسلئة هنا كثير عن اختبارالخطوط وكيفية وشروطه ووقته ،،،، الخ
حبيت اكتب الكلام هذا عشان يكون مرجع للكل.
ايش هوا اختبار الخطوط او موافقة الخطوط؟
هذه اختبار تشترطه عليك الملحقية يختبره في قدراتك اذا كنت تبى تدرس طيران وبدونه ماراح تقدر تدرس تخصص الطيران. وهوا اختبار قدرات وبعده مقابلة شخصية وفحص طبي.
شروط الاختبار؟
تكون مبتعث وعندك بعثه سارية، (عمرك اقل من 22 بالهجري)، شهادة ثانوي طبيعي او علمي، تكون مخلص لغه وعندك قبول نهائي من احدى الجامعات التالية:
• Kent University
• Middle Tennessee State University
• Saint Louis University
• University of North Dakota
• West Michigan University
• Minnesota State University - Mankato
• Utah State University
ملاحظة: هذه اخر الجامعات المقبولة والمطلوبة ممكن يصير تغير في المستقبل.
هل يقبلون القبول المشروط؟
ممكن يقبولوا الاقبول المشروط اذا كان من احد الجامعات المقبولة فوق بس بشرط انك تجيب قبول نهائي قبل بداية السمستر الي يكون بعد الاختبار( يعني لازم تبدا جامعه في السمستر الي بعد اختبار الخطوط)
كيفية التسجيل للاختبار؟
الملفات المطلوبة هيا:
صورة لجواز سفرك وبطاقة احوالك، صورة لي شهادة الثانوي، صورة لي قرار ابتعاثك وايضا ورقة تثبت انك حاليا مبتعث وتدرس في بدل البعثه، صورة لي قبول الجامعه، وترسل اسمك بالعربي والانجليزي ، جوالك وايميلك، واسم الجامعه او المعهد الي انت فيه حاليا.
ترسل كل ملفاتك على الايميل هذا:[email protected]
مواعيد ومكان الاختبار؟
الاختبار دايما يكون مرتين في السنة مره نهاية شهر نوفمبر ومره بداية شهر ماي
وغالبا يكن الاختبار في واشنطن دي سي في فندق شيرتون
عندي مشكلة وحاب استفسر؟
اول شي ارسل استفساراتك كلها في الايميل الي فوق اذا مافاد
ممكن تكلم الاخ نزار مهلهل
وهذا ايميله: [email protected]
ملاحظه: راسل الايميل الي فوق قبل ما تلكم الاخ نزار لانه هوا غالبا راح يحولك ويقولك راسل الايميل.
كيفية الاختبار؟
اول شي اختبارعادي جدا مشابه لاختبارات القدرات اذا نجحت فيه يعطوك موعد للمقابلة الشخصية وتكون بعد الاختبار بيوم الى ثلاثه ايام واذا عديت في المقابلة تكون انتا كذا تقريبا مقبول ويبقي لك الفحص الطبي، يعطوك اوراقك تسويها ويكون الفحص في جدة.
ايش الاختبار؟
الاختبارت زي ماقلت اختبار قدرات عادي يشوفوه في قدراتك ، مو صعب ولا هو سهل .
ملاحظة: الاختبار هذه السنة راح يكون بالانجليزي غير السنوات اللي فاتت واحتمال يستمر باللغه الانجليزية.
وهذا نموذج قريب جدا للاختبار على كلام كثير من الي اختبروه:
https://www.hrdiscussion.com/iqtest-start.html
ليش لازم اختبره؟
ببساطه الملحقية ماتبى تدفع فلوس الرخص علي طالب ماعنده القدرة انه يصبح طيار في المستقبل.
هل اذا نجحت في الاختبار يعني انا مبتعث من الخطوط وارج بتوظيف مباشر؟
لا موشرط، الاختبار هذا بس عشان تدرس بس يكون لك اولوية في التوظيف بعد ما تتخرج وتكون اجراءاتك سهلة. ممكن تدخل في ابتعاث الخطوط اذا كان معدلك عالي في الجامعه وماشي تمام في الدراسه راح يطلبو منك الانظام لبعثتهم.
هذا الي قدرت عليه وسامحوني على التقصير واتمنى من الاخوة الي عنده زيادة او يعدل شي في الموضوع لا يبخل عليا.

[فاهم]

إلى سمعته أن مندوبين من الخطوط السعوديه بين فتره وفترة يروحو أمريكا ويسوون مقابلات شخصية للي يدرسون علوم طيران على حسابهم في امبري ريدل مدري صحيح هالكلام

[teeto]

اقتباس:     المشاركة الأصلية كتبت بواسطة فاهم  

إلى سمعته أن مندوبين من الخطوط السعوديه بين فتره وفترة يروحو أمريكا ويسوون مقابلات شخصية للي يدرسون علوم طيران على حسابهم في امبري ريدل مدري صحيح هالكلام

تقريبا، هما مندوبين بس اغلبهم يكون في امريكا مشروفين على المبتعثين من الخطوط،

فكرة الموافقة هذه يظمو المبتعثين من بعثة الملك على علىبعثة الخطوط

(ملاحظة: الانضام على بعثة الخطوط مو شرط يكون مباشر.. الغرض الاساسي من الموافقة انه الملحقة ماتدفع فلوس لي واحد ماعنده قدرة دراسة الطيران)