[:MuStAfA AL-IrAqI:]

السلام عليكم ورحمة الله

شباب
ارغب بدراسة الطيران بالاردن او بالعراق
واكون طيار مدني

فاذا كانت جنسيتي عراقية
كم تكلفة التعلم بالاردن
وبالعراق؟؟
واذا كنت اردني
هل ستختلف ؟
بغض النضر عن سلاح الجو طبعا

وما هية الشهادات المطلوبة لاصبح طيار معتمد

وكم هية مدة الدراسة باكملها حتى استلامي اول طارة ؟


طبعا قد يكون الموضوع له اجابات سابقة
وسبب طرحي اني اريد اجابات فقط على كد اسالتي
وايضا اذا كان في اي تغير بالدراسات وقوانين الانضمام
وشاكر لكم جهودكم

[أمير النهرين]

حبيبي بالعراق ماكو تدريس طيران مدني.... بالاردن موجوده و ماكو فرق بالسعر اذا جنت عراقي او اردني بس الاردن غاليه كلش اكثر من امريكه وبرطانيه و للاسف الرخصه من الاردن ضغيفه لا تقبلها الخطوط العراقيه خلى حد علمي...ولها السبب الخطوط العراقيه ارسلت الطلاب الى اكسفورد

[:MuStAfA AL-IrAqI:]

اها مشكور اخوية الغالي
على حد علمك كم راتب الطيار بالخطوط العراقية ؟؟
وتكلفة الدراسة باكسفورد؟

[nancy haddad]

في طلاب عراقين بدرسو في الاردن وعلى حد علمي انها مقبوله في العراق لانه من فتره شركة عراقيه اخدت 25 طالب اردني وعراقي تخرجو من اكاديمية الطيران الملكيه الاردنيه اكملو هندسة هياكل ومحركات بجميع الاحوال الشروط
ثانوية عامه ناجح
فحص طبي درجه اولى
فحص لغه انجليزيه لتحديد مستوى الطالب
التلكفة كالتالي :
65 الف دولار
دفعه اولى 14 الف
3 الاف شهري

[:MuStAfA AL-IrAqI:]

اممم
طيب بالنسبة للفحص الطبي
نضري الحمد لله 6\6 بس عندي انحراف ربع درجة ويجوز صارت نص هع
فا تاثر بشي ؟

[أمير النهرين]

اقتباس:     المشاركة الأصلية كتبت بواسطة nancy haddad  

في طلاب عراقين بدرسو في الاردن وعلى حد علمي انها مقبوله في العراق لانه من فتره شركة عراقيه اخدت 25 طالب اردني وعراقي تخرجو من اكاديمية الطيران الملكيه الاردنيه اكملو هندسة هياكل ومحركات بجميع الاحوال الشروط
ثانوية عامه ناجح
فحص طبي درجه اولى
فحص لغه انجليزيه لتحديد مستوى الطالب
التلكفة كالتالي :
65 الف دولار
دفعه اولى 14 الف
3 الاف شهري

أخت نانسي للاسف معلوماتج خاطئه..و انا متأكد بان الخطوط العراقيه لا تقبل خريجين الاردن وهاذي من وزير النقل السابق و الحالي.. انا خريج الملكيه الاردنيه اصلاً .. أما بالنسبه للشركه فـ مثل ما اسلفتي أخذت طلاب من الهندسه وليسو طيارين..ولكن للاسف العدد مبالغ فيه.. ولم يكونو خريجي السنه وأنما للي يحصل على افضليه فقط!! وهاذي الشركه في كردستان العراق

انا حالياً ادرس طيران في أمريكا و الرخص كلها FAAالامريكيه و السعر اقل من نص سعر الاردن وشامل كلشي كمان...أما بالنسبه للدفع فـ أدفع على كل ساعه (يعني متى ما أطير أدفع ) و أنا غير ملزم بـ اي عقد معهم (يعني على راحتي أنسحب أو أغير الاكادميه في أي وقت وماخسر ولا نص دولار) و هاذ للاسف عير موجود في الاكادميات العربيه..

حبيبي الغالي أنصحك تحاول تدرس في أمريكا أو أوربا أو استراليا..وأذا ما كدرت تتوفق بالفيزه .. أتجه الى جنوب أفريقيه (راح تلكه الجماعه كلهم هناك) و هناك تكدر تاخذ faa أو jaa أو caa على حسب النضام الي تريده وطبعا كل وحده في أكادميه مختلفه عن الاخرى في جنوب أفريقيا..وهناك السعر همين بنص سعر الاردن ولعتك الانكليزيه تتقوه وخطوط الطيران هناك أكبر و أوسع ..اما الاردن فـ مالك غير خط العقبه و عمان

على كل حال أذا رحت للاردن جيبلي وياك شويه منسف هههههه

[:MuStAfA AL-IrAqI:]

حبيبي تريده كركي لو شلون هههههه
بس شنو الفرق بين الرخص يعني اني ماعندي مشكلة حتى لو اطير بين مطار الملكة عالية وماركة يعني قبل ما اوصل للارتفاع ابدي بالهبوط
انا بنيتي اكون ع الخطوط الجوية العراقية


وياريت توضحلي الفرق بالشهادات ومنو الاحسن

[nancy haddad]

بالنسبة للطلبة الهندسة سدئني ما عم ببالغ في العدد وممكن كمان اكتر ازا بتحب بعطيك اسم الشركه الي اخدت الطلاب وهي قابلت وامتحنت الطلاب وعلى اساسه اختارورا على كلن يا سيدي ربنا يوفق الجميع وامريكا الي بقدر يروح يدرس هناك برضو هادي فرصه كتير منيحه بتاخد الطيران من منشأه

[:MuStAfA AL-IrAqI:]

تسلمين خيتي بس ما عرفنة الجواب :D

[أمير النهرين]

اقتباس:     المشاركة الأصلية كتبت بواسطة :MuStAfA AL-IrAqI:  

حبيبي تريده كركي لو شلون هههههه
والله دتحرجني ... اي والله اذا جميد كركي هاي توب )
بس شنو الفرق بين الرخص يعني اني ماعندي مشكلة حتى لو اطير بين مطار الملكة عالية وماركة يعني قبل ما اوصل للارتفاع ابدي بالهبوط (وين كاعدين بمجمع رغدان؟بعدين منو يخليك أطير من مطار الملكه علياء؟ لتخليني أتهور وحجيهه)
انا بنيتي اكون ع الخطوط الجوية العراقية....ع راسي يا زلمه بس هيه الخطوط وينهه أصلاً؟


وياريت توضحلي الفرق بالشهادات ومنو الاحسن

شوف عيوني....اني أدري أنته ماعندك مانع تاخذ اي رخصه المهم أتكون فاهم...بس يا حبيبي اذا تتخرج من الاردن وترجع للعراق وتلكه كل الي متقدمين خريجين أكسفورد و أمريكه و استراله وجنوب أفريق والرخص مالتهم كلهه أوربيه و عالميه و أمريكيه...تتوقع راح يعوفوهم كلهم ويوضفوك انته يالي رخصتك اردنيه؟...اني ماقصد بكلامي التقليل من الرخصه الاردنيه ولكنها لا تقارن بالامريكيه ولا بالاوربيه ولا بالكنديه و ألي همه متوفرين و بأسعار أرخص من الاردن..هاي وحده..ثاني شي مو هذوله خريجين الاردن كلهم نايمين ليش محد وضفهم؟ بينما لو كانت رخصهم أمريكيه أو أوربيه كان أشتغلو بغير دول أو اي شركه عالميه ومشى حالهم...

اني حسب تجربتي بالاردن و أمريكه أشوف أنو التدريب الارضي (الجراوند سكول) في الاردن أحسن بكثييييييييير من أمريكا لان المدربين بالاردن أغلبهم خريجين سلاح الجو وكفائتهم عاليه جداً...أما بالتدريب الجوي (فلايت تريننك) الامريكان يفوقون الاردنيين بـ سنين ضوئيه و أعلبهم طيارين مدنيين و يعرفون شلون يتعاملون وي الطالب...بالنسبه للاسعار فـ الاردن اسعارهم غاليه جداً جداً جداً مضاعف سعر أمريكا ..ولاتنسه نضره شركات الطيران كيف ينضرون لخريجي أمريكا أو أوروبا و كيف ينضرون لخريجي الدول العربيه كلهم بشكل عام..لعتك الانكليزيه في الاردن ما تتقوى يعني يادوب المسطلحات و الاشياء الي تحتاجهه (أدري عدهم دوره مكثفه للغه الانجليزيه و انا درستهه وأعرف المستويات) ومع ذالك مستوياتهم مو أكثر من المستوى الرابع فقط ,,,بينما أمريكا كل يوم تتقوه بيهه يعني لما تتخرج بتكون وصلت مستوى عاشر أذا ما أخذت التوفل بدربك لان حياتك كلهه أنكليزي راح أتصير..بالنسبه للطيران فـ الاردن كلشي بيهه مقيد وقوانين مايصير تطير أكثر من كذا وممنوع كذا وممنوع كذا و مالك غير خط عمان للعقبه و العقبه عمان...هاذ غير المواعيد و أزدحام عالطائرات و عدد طائراتهم قليل بمقارنه مع عدد الطلاب و الموعد مالتك يتغير على غفله و متكدر أطير كل يوم ..بينما أمريكه عكس هاذ تماماً تاخذ راحتك بكل شي ماعدى مكان المطارات شويه مقيده من سلطه الطيران المدني و بأمريكه تروح مطارات مختلفه و أماكن مختلفه وتزيد خبرتك وتروح ولايات وأماكن بعيده و بأوقات مختلفه بالنهار وباليل بينما الاردن ماعندك بس عمان و العقبه هاهيه...بعدين لما تنزل بالعقبه تروح لفندق نسيت أسمه و حاطيكم كل كم طالب بـ غرفه وحده عبالك سجن مال نسوان هههه بينما أمريكه تروح فنادق رهيبه ..بأختصار أمريكه راحه نفسيه و تتعلم طيران ولغه و مستقبلك مفتوح بكثير من دول العالم ...

الزبده .... ريح راسك ووفر فلوسك و أمن مستقبلك وطلع أمريكه لو أوربه ودرس طيران.

طبعاً أني ما حجيتلك على العقد الي توقعه بالملكيه الاردنيه وشيسوون بيك بالقوانين...و التأمين الصحي من الدرجه الاولى (لما تتمرض يقولك حيل بيك وبو زايد) وين متروح يرفضوك هههههههههههه سأل مجرب ولا تسأل حكيم

[:MuStAfA AL-IrAqI:]

هههههههههههههههههه يمعود اعصابك هع
حبيبي ما قصرت وردة
وياريت تقبل الاضافه ع الميل

[:MuStAfA AL-IrAqI:]

شباب
بموقع اختبار عمى الالوان اجيب 7 من 12
فا اكدر ادخل طيران ؟؟
هذي الصور الي ما اميزها

هاي شايفها 46

وهذي

شايفهة 28

اما هذي للاسف

شايفها 46



الان يقبلوني لو اقرة السلام :D

[:MuStAfA AL-IrAqI:]

upيا جماعة الخير