[sara shiko]

السلام عليكم و رحمه الله وبركاته
محتاجه مساعدتكم
انا قلقانه جدا....
مش عندي واسطه وسمعت انها اهم حاجه عشان يقبلوني في مصر للطيران
وحاسه اني بتعب نفسي ع الفاضي وفي الاخر مش هيقبلوني
ولكم مني جزيل الشكر

[Cpt.Mohammed]

متهيألي يا سارة الواسطة بتأثر بنسبة قليلة جدا لأنك بتدرسي على حسابك ....

بس ده ميمنعش ان فيه وسايط برضو ... عشان أكون صريح معاكي ...

الأخ مؤمن بيدرس ف الكلية حاليا وهو يقدر يقولك بالضبط اذا كان فيه ولا لا ....

وربنا يوفقك

[{yasmeen}]

وعليكم السلام ورحمة الله وبركاته

اهلا ياسارة ..

بصى ياحبيبتى هى الواسطة موجودة فى كل مكان

الكوسة دلوقتى مفيش اسهل منها

بس هقولك حاجة انتى بتسالى ممكن اتقبل منغير واسطة

هقولك اه ممكن طبعا عارفة امتى ..

لو ربنا كاتبلك نصيب فيها وانك تشتغليها هتتقبلى منغير واسطة ولا حاجة

ادعى بس وان شاء الله واللى ليكى نصيب فيه هتشوفيه

فى ناس بتتقبل منغير واسطة وبيبقى عشان نصيبها

وفى نااس بواسطة ووالله مابتتقبل كمان واعرف ناس كدا

سيبيها على ربنا بس

كتير بيتمنو يشتغلو فى الضيافة وفى بنات بتشتغل وبنات لأ

الفيصل هو النصيب فى الموضوع ده

اعملى اللى عليكى وقوى اللغة وشوفى مواصفتهم فى الطول والوزن وكدا

وربنا يوفقك ويحققلك اللى تتمنيه يارب

:):)

[sara shiko]

شكرا على النصيحه
وماتنسوش تدعولي.....
عشان بجد انا اكتر حاجه بعرف اعملها اني ابتسم للناس

[EGYPTIAN]

بصي الان مفيش غير الواسطة بس الواسطة بتتدخل لما يكون فية عيب يعيب المتقدم فبيستعين بالواسطة عشان تحركة شوية فلو انتي مفيش اي عيب يعيبك في هذا المجال اذا توكلي واعرفي ان ربنا فوق كل شئ واتمنى ان تتقبلو تحياتي وموفقة باذن الله

[kareem kimo]

اقولك على حاجه انا اشتغلت فى مصر للطيران من غير واسطة

[m_hamza1980]

مصر للطيران مفيهاش وسايط

[safae]

الله معنا وقسمتنا سناخذها بدون واسطة ان شاء الله

[Moemen]

لأ معلش
ده مفيش أكثر من مصر للطيران لما تيجي للوسائط !!
من أول الكلية و حتي التعيين و أثناء العمل وألا هتلاقي واحد أصغر منك و خبرة أقل و بيتفوق عليك في الدرجات في الشركة ! و هذا هو السبب الرئيسي الي خلاني أبعد عن مصر للطيران

لكن انا اتكلم بخصوص الطيارين و ليس المضيفين لأكون صريح لأني لا أعرف شئ عن المضيفين

من يوم ما دخلت الكلية و ولحد يوم أخذ الأوراق من عندهم و كل وسائط في وسائط

بس ده ميمنعش ان في ناس بتقبل من دون وسائط و زي ما في أخ قال ان الوسائط تكون مهمة اذا كان في عيب نريد التغاضي عنه

و بالتوفيق للجميع ان شاء الله

[meda85]

طيب يا جماعة انا قدمت فى الضيافة الجوية لمصر للطيران وكنت عايز اعرف اية هى الامتحانا الى هدخلها انشاء الله عشان الواحد يعمل ال علية والباقى على ربنا

[wamo2008]

اقتباس:     المشاركة الأصلية كتبت بواسطة meda85  

طيب يا جماعة انا قدمت فى الضيافة الجوية لمصر للطيران وكنت عايز اعرف اية هى الامتحانا الى هدخلها انشاء الله عشان الواحد يعمل ال علية والباقى على ربنا

وانا كمان عايزة اعرف
وربنا يوفقنا جميعا يارب في كل شئ

[الاميرة بياض الثلج]

السلام عليكم
ليش لا لو فيكي كل الشروط و تحبي الوضيفة توكلي على الله و لا تخافي