[rlu]

بسم الله الرحمن الرحيم

أنا دلوقتى إن شاء الله داخل على المراحل الأخيرة فى التعيين فى مصر للطيران كمهندس إتصالات ومنها الكشف الطبى وأنا ياجماعة عندى قصر نظر بسيط وأرتدى له نظاارة طبيه , ووزنى 120 كيلو والطول 176 فهل هيقبلونى ولا لأ خصوصا إن هدفع 1000 جنيه ثمن الكشف , وياريت يا إخوانى ن فضلكم حد يقولى على خطوات الكشف الطبى وجزاكم الله خير عنا

[Randa872]

وأنا كمان مهندسة إتصالات معاك وكنت عايزةأعرف لو سمحتم إيه هي طريقة الكشف الطبى وهل فيه مثلا معايير معينة للمهندسين بالنسبة للكشف الطبى خصوصا فى الطول والوزن وهل لو منجحتش هتضيع ال 1000 جنيه وشكرا على المنتدى الجميل ده اللى خلانى من أسلوب أعضاءه فى الردود وأنا ببحث على جوجل قلت لازم أشترك فيه ويارب يبقى وشكم حلو عليا ويبقى ليكو الحلاوة

[moha4tec]

اصعب كشف على الترتيب كما يلى
1-الطيار المستوى الاول
2- الضيافه المستوى الثانى
3- المراقبه الجويه المستوى الثالث
فى هذه الاختبارات الثلاثه بييفحصوا الشخص فحصا دقيقا جدا جدا جدا من كل النواحى
اما الهندسه بيكون كشف بسيط جدا و لكن
مثلا ميكنش عندك اى بتر ولو فى عقله من اصابعك و الوزن على ما اظن و ممكن تعمل حركه جامده و تروح المستشفى فى الماظه نفسها و تروح العيادات كانك واحد عادى رايح تكشف فى يوم غير الكشف و تتصاحب على الممرض و تحاول تعرف منه اه طبيعة الكشف
اطمن ان شاء الله الكشف بسيط
و ان شاء الله موفق

[rlu]

جزاك الله خيرا أخى الكريم على الرد

الحمد لله على كل شيء أولا وأخيرا , وقد سمعت من أحد الأطباء فى المركز الطبى لمصر للطيران أن الكشف للمهندسين الغير عاملين على الخطوط أو خصوصا مهندسى الإتصالات سيكون كشف روتينى جدا بمعنى التأكد من خلو الجسم من الأمراض المزمنة أو الخطيرة أو المعدية أما الباقى فسيكون هناك تجاوزات كثيرة نظرا لعدم ضروريتها فى شغل الوظيفة وفى الأول وفى الأخر هذه قسمة ونصيب وربنا يوفق كل اللى وصلوا للمقابلة الشخصية إن شاء الله ويجمعنا بكم على خير

[m.hassan]

انا كمان مقدم في مصر للطيران بس انا مهندس كهرباء و لسه مدخلتش اي امتحانات الظاهر ان بالهم طويل اوي كل حاجة عندهم بتاخد علي الاقل شهر ياريت بما انك وصلت للمرحلة دي في التقديم تقولي علي شكل الامتحانات اللي انت عملتها قبل كده و ربنا يوفقك و يجعلها من نصيبك ان شاء الله و شكراً

[reda bond (HR)]

أولا
هو كشف عادى وروتينى جدا
وممكن تكشف بالنضارة وهيكتبلك على الاستمارة لائق بنضارة
ثانيا
مصر للطيران هى اللى بتتحمل قيمه الكشف لانه فى تبعها اصلا
وعمرنا ما اخدنا فلوس كشف من حد!!!

[heba khairey]

كنت عايزة أعرف ايه امتيازات العمل كمهندس اتصالات في قطاع المعلومات في مصر للطيران
من حيث المرتبات و مدة العقد و الترقيات
لاني مقدمة على الوظيفة دي و الحمد لله باعدي امتحاناتها كويس
بس شغالة دلوقت و مرتبي الحمد لله كويس و عندي فرصة سفر للتدريب في ألمانيا
بس بشرط اني أمضي عقد مع الشركة
فمش عارفة عصفور في اليد و للا مصر للطيران أحسن

[italianstalian]

يا جماعة انا قدمن فى مصر للطيران للصيانة و نجحت و اترشحت موارد بشرية بس انا كنت مقدم على مشتريات لان ده مجالى و معايا خبرة 3 سنين و سافرت المانيا و الصين و السودان فهل من الافضل انى اكمل فى مصر للطيران ولا اخلينى فى وظيفتى و ما هى المميزات التى ساحصل عليها

[mafiascorpion]

اقتباس:     المشاركة الأصلية كتبت بواسطة italianstalian  

يا جماعة انا قدمن فى مصر للطيران للصيانة و نجحت و اترشحت موارد بشرية بس انا كنت مقدم على مشتريات لان ده مجالى و معايا خبرة 3 سنين و سافرت المانيا و الصين و السودان فهل من الافضل انى اكمل فى مصر للطيران ولا اخلينى فى وظيفتى و ما هى المميزات التى ساحصل عليها

بالضبط اخصائي تدريب موارد بشريه ياريت لو حد يعرف عباره عن ايه الوظيفه بالضبط ومواعدها واي معلومات تانيه تخصها بعد اذنكم ياجماعه