[ahmedhakim]

السلام عليكم ورحمة الله وبركاته

اخوانى انا اريد الرد على استفسارت بخصوص وظيفة منسق صالة بالمطار
الحمد لله تم قبولى فى الشركة القابضة للمطارات بمصر وتم اختيارى للعمل بمطار شرم الشيخ الدولى
وحبيت اعرف معلومات عن الوظيفة وقمت بالبحث الكتير ولم اجد شىء

احب استفسر عن :
1- نوعية الوظيفة يعنى دورى ايه فى الوظيفة دى
2- مميزات الوظيفة
3- عيوب الوظيفة
4- هل يوجد فيها ترقيات ولا لاء؟


اى اريد نظرة عامة عن الوظيفة
ولكم منى جزيل الشكر والاحترام واسف لو ازعجتكم
تحياتى للجميع




احمد حكيم

[airalgerie]

والله لا اعرف
أتمنى أن يفيدوك

[عبد الله المهنا]

مبروك الوظيفة الجديده اخي الكريم للأسف ليس عندي اي معلومات عن هذا النوع من الوظائف
ان شاء الله يفيدونك الشباب

[م.عمرو]

بداية ألف مبروك على الوظيفة

انا هجاوبك من واقع الي بشوفه بحكم عملي في مطار القاهرة

وظيفة المنسق عموما هي تقديم يد المساعدة والعون للمسافرين بشكل عام في مختلف النواحي

يعني مثلا بتبقى مسؤول عن منطقة معينة في صالة المطار فبتقوم بإرشاد الركاب والمسافرين في اتجاه معين او لما حد منهم يسألك عن مكان حاجة معينه او اتجاه البوابات او يسألك عن الرحلات وخلافه وهكذا، يعني هي بشكل عام وظيفة لمساعدة المسافر في المطار من اول دخوله من الباب وانتهاء ببوابات الإقلاع

اكيد في تفاصيل ومسؤوليات في الوظيفة دي اكتر من كدة مش عارفها لكن انا جاوبت بحكم الي بشوفه عادة اثناء التجوال في صالات المطار

وربنا يكتبلك الخير ويوفقك ان شاء الله

[ahmedhakim]

الف شكر لحضرتك والله وان شاء الله يكتب للجميع الخير

شكرا على ردك واجابتك

وشكرا عبد الله الله يبارك فيك

airalgerie شكرا على ردك تحياتى ليك

واتمنى اى حد عنده معلومة ياريت يخبرنى بيها

[Princees]

اخى الفاضل
اولا الف مبروك وربنا يوفقك فى عملك يااااااارب
ثانياُ عندى استفسار هى الشركة المصرية للمطارات بتنزل وظائف؟ ولو اه بتبقى فى الجرائد الرسمية ولا فين ؟ واتابعها ازاى؟
ثالثاً لو فى وظائف حالية متاحة للإناث ياريت تقولى عليها وعلى مكان التقديم؟ او ازاى اسأل واعرف او اروح مبنى ايه للسؤال؟
وجزاك الله خير واصلح لك الاحوال

[ahmedhakim]

اقتباس:     المشاركة الأصلية كتبت بواسطة Princees  

اخى الفاضل
اولا الف مبروك وربنا يوفقك فى عملك يااااااارب
ثانياُ عندى استفسار هى الشركة المصرية للمطارات بتنزل وظائف؟ ولو اه بتبقى فى الجرائد الرسمية ولا فين ؟ واتابعها ازاى؟
ثالثاً لو فى وظائف حالية متاحة للإناث ياريت تقولى عليها وعلى مكان التقديم؟ او ازاى اسأل واعرف او اروح مبنى ايه للسؤال؟
وجزاك الله خير واصلح لك الاحوال

معلش انا اسف جدا لتاخرى على اجابة حضرتك
موضوع الشركة المصرية للمطارات بتنزل وظايف دى بتبقى قليلة يعنى انا عشان اكون صريح معاكى كان ليه واسطة جوة وقالتلى ان فيه تقديمات على مطارات شرم الشيخ والغردقة وكنت هشتغل فى الغردقة ومش عارف ايه اللى حصل وقالوا لأ المجموعة دى هتشتغل فى مطار شرم
عموما لو ليكى حد جوة الشركة هيفيدك ولو على الاقل يقلك فيه تقديمات تانية ولا لأ؟؟ بس وانا قاعد فى مكتب الواسطة لقيت واحد داخل بيسال عن تقديمات لمطار سوهاج وفعلا كان فيه ناس بتقدم فى مطار سوهاج
واكيد طبعا فيه بنات بتقدم فى الشركة دى بس لازم تكون واسطة كبيرة معاكى لأنك هتشتغلى فى الشؤؤن الادارية فى قلب الشركة او فى ادراة من الادارات او فى قطاع شؤون العاملين
طبعا حضرتك تعرفى طريق المطار كويس تمام ؟؟؟ مش هتكملى بقى عالمطار لأ انتى هتنزل قبلها عند مبنى الشركة نفسه اسمه الشركة المصرية القابضة للمطارات على ايدك اليمين
يعنى لو هتروحى بعربيتك او هتروحى بتاكسى هتلاقيها بسرعة وهتدخلى شارع على ايدك اليمين هتمشى حوالى 200 متر وهاتلاقى البوابة بتاعت الأمن وهيسالك داخلة لمين؟؟؟
وطبعا لو هتروحى تبقى تروحى بعد الساعة9 الصبح عشان الامن مش هيدخل اى زائرين قبل 9 صباحا
بس نصيحة من اخ لأخته
لو معكيش واسطة جوة الشركة يبقى متتعبيش نفسك
انا عارف ممكن اكون ضايقتك بكلامى دة بس الواسطة بقت ماشية فى كل شغل كبير
مصر للطيران - شركة الملاحة الجوية - المصرية للمطارات كلهم واسطة فى واسطة

ربنا يوفقك يارب ويرزقك ويقدملك الخير حيثما كاااااان

اخوكى حكيم