[ahmed_m_w]

اقتباس:     المشاركة الأصلية كتبت بواسطة ehab.hass  

اولا : بشكر صاحب الموضوع على الافادة و باقى الاعضاء الى بيردوا على الاستفسارات
ثانيا : اخ احمد واضح انك عندك معلومات كويسة دلوقتى انا خريج حقوق و محامى تحت التمرين حاليا و عايز اغير مجالى لانى مش حابب المحاماه عشان كده انا بدأت اهتم بمصر للطيران مؤخرا لان فى زميل ليا اتعين فيها ضابط حركة تحميل و هى لا تحتاج تخصص و لا خبرة و دى اهم حاجة عندى هى انها تكون مش محتاجة تخصص او خبرة طبعا غير انه مكان كويس وليه مرتب و مزايا كبيرة فا انا كنت عايز اعرف ايه هى الوظائف الى بالمواصفات ده فى مصر للطيران او شركات اخر زى شركات الاتصالات او اى شركات كبيرة ؟
عايز امثلة يعنى
و بشكرك انك نبهتنى لموضوع الخمور ده لانى فعلا لم اكن اعرفه او اتوقعه ؟
علما انى انا جيد فى الانجليزى و لله الحمد بس ضعيف فى الاملاء بس امتاحان القوات المسلحة لا يظهر هذا الضعف
و جيد فى الكمبيوتر فى اغلب الاساسيات بس لا اعرف access
ارجو الافادة و جزاك الله كل خير

ده موضوع فيه ايميلات ممكن تقدم فيها
https://www.flyingway.com/vb/showthre...d=1#post587891

بالتوفيق ان شاء الله

[ehab.hass]

اقتباس:     المشاركة الأصلية كتبت بواسطة ahmed_m_w  

بص ياباشا عندك1- ضابط حركه ودى جميله جدا ووظيفه ليها مستقبل.
2-ضابط حركه تحميل ودى برده جميله وليها مستقبل لئن كل طياره بتدرب عليا وبيطلع ليك رخصه فى نفس الطراز ودى بتفتح ليك مجال كبير اوى فى العمل فى شركات اجنبيه او عربيه غير الخبره وانا قدمت فيها بس التقديم خلاص اتقفل.
3- ضابط امن ودى جميله بس دايما بيكون الطلب فيها خريجى تربيه رياضيه.
ده بالنسبه لمصر للطيران

اما عن اى شركه تانى مثلا زى رايا
وده فيها وظائف جميله جدا بس اغلبها اداريه
والتقديم فيها عن طريق الانترنت
وفيه شركات كتير عموما انا هعمل موضوع ان شاء الله فيه البريد الالكترونى للشركات دى كلها.

بس على فكرا كان فيه اعلان قريب جدا للمسابقه بتاعت النيابه العامه ليه مدخلتش فيه
على الاقل لو قبلت تكون وكيل نيابه احسن من الكلام ده كله

بالتوفيق ان شاء الله

الف شكر يا احمد بيه تعبك معايا و لسه هتعبك اكتر
اولا :بالنسبة للنيابة لازم جيد للاسف و انا من اصحاب المقبول
ثانيا :عايز اعرف الفرق بين ضابط الحركة و ضابط حركة التحميل و ايه هى المهام الى بيقوموا بيها و على فكرة انا سمعت عن ضابط حركة التحميل انها مش كويسة كا عمل
ثالثا : سمعت برضو عن وظيفة كويسة اسمها موظف حجز يا ريت لو تعرف عنها معلومات تفدنى بيها عن المزايا و طبيعة العمل
و جزاك الله كل خير

[nfro]

من فضلكم لو حد يعرف لازم اجيب كام في امتحان اللغه الانجليزية علشان اتقبل مع العلم ان مستواي في الانجليش انترميديت و هل يوجد امتحان كمبيوتر و عايزه اعرف معلومات عن الوظيفه نفسها من فضلكم حد يساعدني بليز

[mkh61083]

انا ميعادى يوم الثلاثاء فى المعهد بخصوص وظيفة ضابط حركه تحميل

ربنا يوفق الجميع

[nfro]

اقتباس:     المشاركة الأصلية كتبت بواسطة mkh61083  

انا ميعادى يوم الثلاثاء فى المعهد بخصوص وظيفة ضابط حركه تحميل

ربنا يوفق الجميع

ربنا يوفقك ممكن لما تخلص الامتحان تقولنا الامتحان كان عباره عن ايه و النجاح من كام و في مستوي الطالب ايه؟

[dark_eagle]

اقتباس:     المشاركة الأصلية كتبت بواسطة nfro  

ربنا يوفقك ممكن لما تخلص الامتحان تقولنا الامتحان كان عباره عن ايه و النجاح من كام و في مستوي الطالب ايه؟

ممكن تروح تعمل امتحان مع نفسك هناك

بس الامتحان حلو يعني شغال

[nfro]

اقتباس:     المشاركة الأصلية كتبت بواسطة dark_eagle  

ممكن تروح تعمل امتحان مع نفسك هناك

بس الامتحان حلو يعني شغال

انا عارفه ان الامتحان كويس بس انا لما روحت امتحنت قبل كده دخلت من المستوي الخامس وانا مش عارفه مصرللطيران بتاخد من كام وبعدين ناس كتير بتقول انها بالواسطه اي حاجه بتعدي ده كله لخبتني

[dark_eagle]

اقتباس:     المشاركة الأصلية كتبت بواسطة nfro  

انا عارفه ان الامتحان كويس بس انا لما روحت امتحنت قبل كده دخلت من المستوي الخامس وانا مش عارفه مصرللطيران بتاخد من كام وبعدين ناس كتير بتقول انها بالواسطه اي حاجه بتعدي ده كله لخبتني

انا سمعت من 70 او 75 % الله اعلم

الوسطه متهيالي بتنفع بقي بعد امتحان الانجلش

انت عندك واسطه ولا مش عندك ؟

[nfro]

اقتباس:     المشاركة الأصلية كتبت بواسطة dark_eagle  

انا سمعت من 70 او 75 % الله اعلم

الوسطه متهيالي بتنفع بقي بعد امتحان الانجلش

انت عندك واسطه ولا مش عندك ؟

لسه بشوف والله بس انا المشكله في الانجليزي وحضرتك بتقول الوسطه بعد الاختبارات والنتيجة

[dark_eagle]

اقتباس:     المشاركة الأصلية كتبت بواسطة nfro  

لسه بشوف والله بس انا المشكله في الانجليزي وحضرتك بتقول الوسطه بعد الاختبارات والنتيجة

باذن الله خير

حاول انت بس تذاكر الفتره دي لغايه الامتحانات يوم 19 -6

شوف اي سايت انجلش ترجم فيه شويه هيبقي عندك كلمات حلوه هتفيدك باذن الله

وبعد كدا روح امتحن مع نفسك قبل ما امتحانات مصر للطيران تبدأ واكيد هتحس بالفرق ان شاء الله

واتكل علي الله اهم من اي حاجه

[reda bond (HR)]

اقتباس:     المشاركة الأصلية كتبت بواسطة ahmed_m_w  

الاسواق الحره مش اقسام كتير ولا حاجه هما كالتالى :-
1-سوق الاجهزه 2-سوق الروائح 3-سوق بيكون فيه كرستال وصينى 4-سوق الخمور والسجائر والشكولاته الى هو الخدمه الذاتيه. والاهم من كل ده ان اى موظف جديد بينزل فى الخدمه الذاتيه على شان المظهر الحجات التانيه دى بيكون فيها الناس القديمه ونادر جدا لما بينزلو حد من الناس الجديده فى القسم بتاع الروائح.

اما عن شركات الاتصالات والبنوك موجوده بالفعل وبمرتبات اكتر من كده كمان بس دى مش بينزل ليها اعلانات فى الجرائد وبيكون التقديم ليها عن طريق الانترنت من خلال موقع البنك او الشركه بتقديم السيره الذاتيه وهما بيتصلو بيك فى حاله انهم عاوزين موظفين وبالنسبه للبنوك بيتعمل اختبار فى auc
وشركات الاتصال الى هى زى رايه وفودافون والكلام ده كله بيكون من خلال الشركه نفسها من غير اختبار فى مكان تانى عدا شركه واحده عمرها ما كلمت حد هى موبينيل لئن التعينات فيها (كوسه) بمعنى اصح زى ما بنقول.

اما عن مميزات مصر للطيران برده هقولك الحاجه الوحيده الى بتستفيد بيها من بدايه الخدمه هى الخدمه الطبيه اما باقى المزايه زى التذاكر دى خصم 50% بعد سنه وبعد 3 سنوات بتاخد التذاكر المجانيه الى هى 2 داخلى و 2 خارجى كل سنه ليك وللدرجه الاولى الى هما الام والاب والزوجه والابناء فقط لا غير .

اما عن الاعداد الى متقدمه مش كبيره ولا حاجه هما تقريبا من 600 الى 700 مش اكثر.

وموضوع اثناء المقابله ده ممكن تتعين فى مكان تانى دى الكلام ده مش سليم 100% الحاجه الوحيده ان انتا اثناء الخدمه ممكن لو تم الاعلان عن وظائف بتاخد موفقه من رئيس القطاع او مجلس الاداره فى الشركه الى انت تابع ليها الى الشركه الى انت عاوز تقدم فيها لئن مصر للطيران مش شركه واحد. الكلام الى انت سمعته ده ممكن يكون على الفروع يعنى تتنقل شرم الغردقه الفروع يعنى ودى هى الى متاحه.

وشكرا

كلام حضرتك كان ماشى بصورة سليمة بنسبة 100% لحد ما جيبت سيرة الاعداد
أولا
أعداد المتقدمين وصلت تقريبا 6000 بنى آدم.
ثانياً
مفيش نقل لشرم والغردقة او اى محطه داخليه
الاعداد دى هيتم التعاقد معها لسد أحتياجات tp3 وصاله (1) وحتى لو مش كده
جهة الاداره هنا لا يمكن تنقل حد غصب عنه لاى محطه داخليه ..... وكل المحطات الداخليه بيتم التعاقد فيها بعماله محليه .. وحتى لو تم تعيين حد من القاهرة بيكون عارف من الاساس ومن اول ما بينزل الاعلان انه هيتم تخصيصه لمحطه شرم او الغردقه او مرسى علم
وشكرا

[reda bond (HR)]

اقتباس:     المشاركة الأصلية كتبت بواسطة ahmed_m_w  

بالفعل الكلام ده صحيح 100%
بيكون فيه اختبار مع الشركه الى مسئوله عن معارض البيع وهى شركه اورينتا

اما الاختبارات :
1- اختبار القوات المسلحه زى اى وظيفه تحديد مستوى.
2- اختبار بيكون لجنه من مصر للطيران وبعده على طول فى نفس اليوم يعنى اختبار مع الشركه الاجنبيه.
3- مقابله مع رئيس القطاع او نائب رئيس مجلس الاداره.
واهم حاجه فى الاختبار انك تكون عارف ايه هو تحالف استار والهدف منه والكلام ده وتتكلم عن نفسك بالغه الانجليزيه وبس كده هو اختبار سهل بس عاوز ثقه بالنفس مش اكثر
والاهم تقراء كويس عن تحالف استار وعن شركه مصر للطيران يعنى معلومات عامه عن الشركه وتتكلم ليه انت عاوز تشتغل فى مصر للطيران زى اى مقابله مع اى شركه مش صعب يعنى.
وان شاء الله بالتوفيق

كالعادة كلام حضرتك جميل بس دايما بينقصه حاجه بسيطه
أورينتا ليس لها اى علاقه بأسواق مصر للطيران ,,,,,, إلا بسوق مرسى علم فقط

[reda bond (HR)]

اقتباس:     المشاركة الأصلية كتبت بواسطة dark_eagle  

انا سمعت من 70 او 75 % الله اعلم

الوسطه متهيالي بتنفع بقي بعد امتحان الانجلش

انت عندك واسطه ولا مش عندك ؟

نسبة النجاح بيتم تحديدها على أساس أعداد الناجحين .... يعنى ساعات بيتم رفع درجة النجاح إلى 80% لو الأعداد اللى نجحت كبيرة

بس بكل حال من الأحوال لن تقل عن 65% ولن تزيد عن 80%

[ahmedhakim]

اولا احب اشكر صاحب الموضوع انه اتاح لنا المناقشة الجميلة دى
ثانيا انا كنت انهاردة فى مصر للطيران وشوفت العدد اللى مقدم فى وظيفة ضابط حركة وكان العدد تقريبا 12000 واحد مقدم فى الوظيفة دى
انا امتحانى ان شاء الله هايبقى يوم الخميس
كنت عايز اضيف حاجة بخصوص امتحان اللغات بتاع معهد القوات المسلحة ان الامتحان بيجى 90% منه جرارمر ومن وجهة نظرى الشخصية ان الامتحان بتتحط الاسئلة بتاعته على عدد الناس اللى عايزين يشغلوهم
بمعنى
ان لو العدد كبير وعايزين حوالى 15 او 20 واحد طبعا هايجيبوا امتحان نااااااااااااااار انما لو العدد قليل بيجيبوا الامتحان كويس وفى وجهة نظرى الشخصية برضه ان الامتحان مبيبقاش لتحديد المستوى ولا حاجة انما بيبقى عشان يطير نااااااااااس كتير من الوظيفة
فيه حاجة اخيرة لو ليك وسطة فى معهد اللغات نفسه هاتفيدك جدا جدا
ده كده موضوع اللغة
تانى حاجة بخصوص الانترفيو انا كنت عملت انترفيو قريب فى وظيفة ضابط لاسلكى بس الحمد لله على كل حال مقبلتش المهم اتسالت فى عواصم البلاد ( عاصمة اثينا ايه ؟؟؟ ) والعملات والحاجة اللى ركزوا عليها فعلا روت الرحلات اللى هو خط سير الطيارة بمعنى هايقلك لو الطيارة طالعة من مصر وهاتروح اسبانيا ايه البلاد اللى هاتعدى عليها؟؟؟؟ كده يعنى وادونا ورقة انجليزى نقراها هاتبقى كلام عن المطارات والطيران بصفة عامة ونسييييييييييييييت اهم حاجة اول سؤال اتسالته فى المقابلة دى ( قدم نفسك بالانجليزى طبعا واشتغلت فين قبل كده برضه بالانجليزى )
معلش طولت عليكم بس فى الاخر عايز اسال سؤال بخصوص ضابط حركة تحميل وضابط الحركة ايه الفرق بينهم وهل مستقبل كل وظيفة منهم كويس يعنى ليها ترقيات ووظيفة حلوة كده ولا ايه بالظبط؟؟؟؟؟؟؟
اخوكم حكييييييييييييييييييييييييم

[mkh61083]

ياجماعة انا روحت امتحنت انهارده الثلاثاء الحمد لله فى القوات المسلحة بخصوص وظيفة ضابط حركة تحميل ونصيحتى ياريت تروحو على 12 او 12:30 وتروح على الخزنة تدفع ال 20 جنيه وانت زى الباشا وتاخد وصل بانك دفعت ها يكون متسجل فيه رقمك اللى ها تتدخل بيه الحقوا احجزوا فى اول 100 دول اول ناس بتتدخل والامتحان مدته ساعة عبارة عن 100 سؤال 50 منهم سماعى ( وده بنصح فيه انك تجرب السماعات الاول قول لاى حد من هناك انك عايز تجربها وهما كده كده ها يقولولك برضه ع الموضوع ده وبعدين السؤال الواحد بيتقال مرة واحدة بس ومدة الاجابة على السؤال 16 ثانية من بعد السؤال ما بيخلص ويفضل انك تقرا الختيارات بسرعة قبل ما تسمع السؤال عشان يبقى عندك فكرة هو ممكن يتكلم عن ايه وده ها يسهلك الموضوع شويه وبعدين لو انت سمعت سؤال ومتاكد من اجابته جاوب على طول واضغط على زر next وما تستناش ال 16 ثانية يخلصو عشان ها تحتاج الوقت ده فى ال 50 الاخرى والمراجعة على اللى حليته بعد كده ) اما ال 50 الاخرى ( فهى عبارة عن جمله او سؤال وفى 4 اختيارات ها تختار منهم اجابة واحدة طبعا وده مش مرتبط بوقت وبيكون عبارة عن شويه جرامر ازمنة على قاعدة if على استخدامات can , ought to , وخلافه بالاضافة الى حفظ الكلمات لازم تكون عارف كلمات كتير ) وفى النهاية المندوب بره ها يقولك غالبا ابقى روح على لوحة الاعلانات فى المطار مكان ما قدمنا عشان نعرف النتيجة على يوم 19-6 ان شاء الله وبالتوفيق للجميع ان شاء الله