[طالب حق]

السلام عليكم ورحمة الله وبركاته ،،

الله يحييكم اخواني هذي اول مشاركه لي هنا و بما اني مراقب جوي والمراقبه الجويه كما تعلمون ليست بالسهله ولابد من توفر البيئه المناسبه للعاملين فيها انا استنكر من الاداره العامله في مطار الملك خالد بالرياض وتعاملهم مع جميع موظفينهم ،،

اولا ؛ اي موظف يطلب منهم حق له لا يأخذه بالسهوله ، تعاملهم تعامل همجي وعقولهم من زمان خذني بالقوه وللامانه الاخ عبدالرحمن الزهراني المدير العام اول ما مسك زمام الامور كان بدايته جيده ولكن البيئه التي حوله هي من خلته يتعامل مع الموظفين على ما يشتهون ،،

ثانيا ؛ من حق اي موظف ان يطلب نقله من كرو الى كرو اخر اذا كان الموظف منسق مع الموظف الاخر والمشرفين موافقين على ذالك ولكن عندنا في الرياض المسؤولين يرون غير ذالك وهو تعاملهم مع الموظفين كأنهم يعملون عندهم شخصيا !! اذن ما فائدة المشرفين ان لم تعطونهم صلاحيات!!

اذا لم ارتاح نفسيا انا يالمراقب الجوي مع المشرف،، من حقي طلب التغيير الى كرو اخر بعد التنسيق مع المشرفين وزميلي في الكرو الاخر لكن ما اقول الله يفكنا من عقلياتهم المتحجره.

ثالثا ؛ انا اول مره اعرف بأن الدائره الحكوميه لا توفر الماء والشاهي والسكر لموظفيها !! الشاهي والسكر نقول نمشيها ولكن الماء !! هههههههه

اول مره اشوف اداره تطلب من موظفيها (قطه) للمويه هذا شي مؤسف بصراحه

اداره حكوميه ومراقبه جويه من افضل الوظائف على وجه الارض والمفروض يوفرون كل سبل الراحه لموظفيها يطلبون قطه للماء لا حول ولا قوة الا بالله نحن نطلب مثل غيرنا من الموظفين في اي دائره حكوميه وهذا حقنا



رابعا واخيرا ؛ الى هيئة الطيران المدني نطلب منكم تنفيذ ما طلبه الملك وهو اعطائنا رواتبنا في دوام العيد 100٪ وليس 40 ٪ ونرجو منكم عند التوظيف للمراقبه الجويه ان تقبلون من جميع المدن وليس من جده فقط . . . . . ( موب حقتكم لحالكم ترى ) بحيث ان يكون هناك عدد مناسب في كل مدينه !! الان الكروات اللي في الرياض فيها نقص كبير وصلنا ان نشتغل في الكرو الان 3 فقط وهذا مجحف بحقنا بالمقابل في جده كل كرو 6
اتقوا الله في انفسكم المشرف في جده ما يشتغل وعندنا زيه زي الموظف بس الفرق ان اسمه في التوقيع اول واحد هههههه والله شي يرثى له


وللحديث بقيه لن اتوقف هنا


شاكر وقدر لكم

[Flying Eagle]

حال مؤسف صراحه مو مثل ما نتوقع اجل الله يستر ع وقتنا وش يصير

ثاني شي الكلام هنا ما راح يفيد ولا يعطي بشي المفروض تروح ترفع شكوى رسمية ( اذا قبلوها احمد ربك )

ثالث شي والله لازم سبل الراحه كلها متوفرة للمراقب الجوي لانها من اصعب الوظائف في العالم مو معقول موية مافي !!! ولا حتى بدل سكن ولا اي خدمات متميزه !!

[طالب حق]

اقتباس:     المشاركة الأصلية كتبت بواسطة Flying Eagle  

حال مؤسف صراحه مو مثل ما نتوقع اجل الله يستر ع وقتنا وش يصير

ثاني شي الكلام هنا ما راح يفيد ولا يعطي بشي المفروض تروح ترفع شكوى رسمية ( اذا قبلوها احمد ربك )

ثالث شي والله لازم سبل الراحه كلها متوفرة للمراقب الجوي لانها من اصعب الوظائف في العالم مو معقول موية مافي !!! ولا حتى بدل سكن ولا اي خدمات متميزه !!

اهلا بك يا عزيزي الامور هنا اصعب بكثير

بالنسبه لامور لرفع الشكوى هذا لا ينفع ابدا لان سبق وان رفعنا شكاوي في امور اخرى ولكن لا حياة لمن تنادي .


الاعلام هو الحل الوحيد

اما بالنسبه للراحه والسكن راح انزل موضوع اخر يتكلم عن مواضيع كثيره بهذي الخصوص

[WILLY WALSH]

شكل الحال بهالمؤسسة ردية ، بداية من اسلوبهم في القبول والتسجيل واعلان اسماء الطلاب ( لي 9 شهور انتظر اعلان اسماء المقبولين في الاكاديمية ) الى الموظفين !!! ياخي الله يعينكم والله انكم تستاهلون كل خير يا عيوننا الساهرة ، والله ياخذ حقكم يا رب .. تحيتي لكم

[المهندس/محمد الناهسي]

بيض الله وجهك في كل كلمة قلتها..وكثر الله من أمثالك..

الحقيقة أنا من المتابعين للهيئة ومن المحبين لمجال الطيران.. في الحقيقة كثيرة الشكاوي ع هذه الهيئة .. والسبب أكيد أنه إداري ..ولكن الله يكون بعونكم.. ووظيفتك من أفضل الوظائف ويكفيك أنها ثالث أفضل مهنة بالعالم.. الشئ الثاني ونا خوك والله كنت احب هذا المجال وقدمت حوالي ثلاث سنوات متتالية ولكن..ّ!!! للأسف لم يحالفني الحظ في ذلك..مع أنه كان مستواي في الثانوية ممتاز والقدرات والتحصيلي جيدة ..ولكن الحمدلله ع كل حال .. وأختم كلامي وفقكم الله ع أداء هذه الامانة والرسالة الكبيرة ..
تقبل مروري..

[ميزو 7]

مااقول الا حسبي الله عليهم والله يأخذ حقنا منهم سواء طلاب او موظفين...

[طالب حق]

اقتباس:     المشاركة الأصلية كتبت بواسطة المهندس/محمد الناهسي  

بيض الله وجهك في كل كلمة قلتها..وكثر الله من أمثالك..

الحقيقة أنا من المتابعين للهيئة ومن المحبين لمجال الطيران.. في الحقيقة كثيرة الشكاوي ع هذه الهيئة .. والسبب أكيد أنه إداري ..ولكن الله يكون بعونكم.. ووظيفتك من أفضل الوظائف ويكفيك أنها ثالث أفضل مهنة بالعالم.. الشئ الثاني ونا خوك والله كنت احب هذا المجال وقدمت حوالي ثلاث سنوات متتالية ولكن..ّ!!! للأسف لم يحالفني الحظ في ذلك..مع أنه كان مستواي في الثانوية ممتاز والقدرات والتحصيلي جيدة ..ولكن الحمدلله ع كل حال .. وأختم كلامي وفقكم الله ع أداء هذه الامانة والرسالة الكبيرة ..
تقبل مروري..

الله يحييك وهذا واجبنا

وانا اشوف اكثر زملائي يشتكون من المعامله السيئه و قل العطاء المردود لهم واذا سالتهم لماذا لا تشتكون يردون بان لا فائده من الشكوى ويبدو لي انهم خائفون :)

ونصيحتي لك حاول تكون مراقب جوي بعيدا عن السعوديه


وشكرا لمرورك

[طالب حق]

اخوي ويلي و ميزو شكرا لمروركم

[AS@KFA]

اقرب تشبيه للطيران المدني عندنا بالسعودية
مثل
الاسلام لما يجي الكافر او اليهودي او النصراني ويقرا عن الاسلام ويعجبه ويقتنع
ويجي يبي يدخل الاسلام يشوف شي من احد او من اللي يدعون الاسلام ويغير رايه 180 درجه ويصير يكره الاسلام

مجال الطيران بشكل عام افضل وانجح واقوى مجال ماديا ومهنيا ومستقبليا
ولكن
هيئه الطيران المدني عندنا بما ان مقرها بجده فراح يكون الوضع من سيء الى اسواء

بس ان شاء الله تنتقل للرياض اقل تقدير او يمسكونها كفار وونصارى علشان تفيدنا ونستفيد
او حتى هندوسين عندهم ذمه وضمير
كنا نضحك على قطر والامارات شوفو ون وصلو لانهم جاوب ناس عندها الضمير شغال بنسبة 100%


الله يعز ابو متعب ويحمي لنا حكومتنا

قرار الملك واي قرار او امر يصدره لازم يطلعون لك فيه ثغره من تحت الارض ما تنفعك وتطلع بلوشي