[طيران بوبيان]

أعلنت شركة الخطوط الجوية الكويتية اعتمادها الخطط المستقبلية لتطوير قطاع التسويق والمبيعات والقائمة على استعادة مكانتها وكفاءتها التشغيلية والثقة لدى العملاء والخدمات الارضية والجوية عالية المستوى وتهيئة الشركة للربحية الجديدة خلال ثلاث سنوات.
وقال مدير دائرة التسويق والمبيعات في (الكويتية) محمد العنزي في تصريح صحافي اليوم ان أبرز ملامح الخطة التسويقية في السنوات المقبلة تشمل استراتيجيات عدة أهمها تشغيل رحلة يومية على الأقل لمختلف الاتجاهات وتشغيل رحلتين يوميا الى بعض الاتجاهات وتطوير عملية الربط بين الرحلات سواء من الشرق الى الغرب أوبالعكس وصولا الى تنمية وتطوير حركة النقل الجوي.
وأضاف العنزي ان ملامح الخطة تتضمن أيضا تقوية الارتباطات من اتجاهات الخليج الى اتجاهات الغرب وبالعكس وتقوية الارتباطات من اتجاهات الشرق الأوسط الى اتجاهات شبه القارة الهندية والشرق الأقصى وبالعكس والتشغيل الى محطات أوروبا والعودة السريعة دون المبيت للطائرة.
وذكر ان من شأن ذلك الاستغلال الامثل للطاقات المتاحة للطائرات ولطواقمها وفقا لمعدلات الصناعة والقوانين الدولية المعمول بها مبينا ان مجمل هذه الخطة يأتي حرصا من (الكويتية) على انتشار طائراتها في المحطات العالمية والسياحية كافة.






وعن فتح خطوط جديدة لصيف 2013 لفت الى أن التوسع الافقي لمحطات جديدة مرتبط ارتباطا وثيقا بدخول طائرات مستأجرة لتعزيز الأسطول الحالي الذي يواجه صعوبة لتطبيق جداول الرحلات المنتظمة الحالية لصيف 2013 وتلبية الطلب بسوق الكويت.
وأضاف ان الدوائر التشغيلية للخطوط الكويتية استكملت ترتيباتها لفتح خطوط جديدة الى فيينا وسراييفو واسطنبول الا أن خطة الاستئجار لعدد خمس طائرات جديدة من طراز (ايه 330) تواجه مصاعب تمويلها وفقا للخطة التي أعدها مجلس ادارة الكويتية لاستلام طائرتين في 24 الجاري وثلاث طائرات في أكتوبر المقبل.
وأشار الى ان خطة تحديث الأسطول "احدى الأهداف الاستراتيجية لادارة (الكويتية) ومجلس الادارة لتهيئة الشركة لمرحلة الخصخصة وتحقيق الربحية لدخول الشريك الاستراتيجي بالمرحلة المقبلة حيث تسعى ادارة (الكويتية) للاحلال والتحديث لاسطولها خلال 2013 من خلال الفرص المتاحة اما بالشراء أو الاستئجار وسيتم الاحلال والتجديد للأسطول تدريجيا وأحداث نقلة نوعية بالتشغيل للرحلات والخدمات المقدمة سواء منها الأرضية أو الجوية".






وعن خطة الشركة لاستعادة أسواقها والحركة الى طبيعتها لشبكة خطوطها قال العنزي ان دائرة التسويق والمبيعات حققت خلال الربع الأول (يناير - مارس 2013) ايرادات بلغت 3ر43 مليون دينار كويتي مقابل 7ر43 مليون دينار وبأهداف مرصودة بنسبة 99 في المئة.
ووصف تلك الارقام بأنها تمثل انجازا غير مسبوق بكل المعايير في ظل الظروف الحالية الصعبة التي تمر بها الخطوط الجوية الكويتية "والتي ليس لها مثيل بين شركات الطيران في منطقة الخليج والشرق الأوسط".
ولفت الى ان دائرة التسويق والمبيعات قدمت للادارة العليا خطة عمليات الاسطول الجديدة والطموحة للسنوات العشر (2013 - 2022) "حيث سيتم تطبيق خطة استراتيجية وتسويقية جديدة لاستعادة الأسواق وحصص المشاركة بتطبيق السياسات وهي تكثيف التشغيل الأسبوعي الى الاتجاهات الحالية كافة برحلة يومية على الأقل وهناك اتجاهات سيتم التشغيل اليها برحلتين أو ثلاث يوميا".
وقال العنزي ان الخطة تسعى الى التشغيل للاتجاهات دون نقطة متوسطة كما هو الحال على مسارات بانكوك /مانيلا وعلى مسارات روما/باريس واتجاهات كوالالمبور/ جاكرتا كما تسعى الدراسات التسويقية الى التوسع الأفقي لشبكة الخطوط الحالية الى محطات جديدة في أوروبا.


آ«ط§ظ„ظƒظˆظٹطھظٹط©آ» طھط¹طھظ…ط¯ ط®ط·طھظ‡ط§ ط§ظ„ظ…ط³طھظ‚ط¨ظ„ظٹط© ظ„طھط·ظˆظٹط± ظ‚ط·ط§ط¹ ط§ظ„طھط³ظˆظٹظ‚ ظˆط§ظ„ظ…ط¨ظٹط¹ط§طھ


وذكر من بين تلك المحطات ميونيخ و ميلانو والى الطائف و مشهد و أصفهان و بغداد في منطقة الخليج العربي وايران والى أميركا شيكاغو وكندا/ تورنتو وآسيا الى الصين/كوانزو الى أفريقيا أثيوبيا/أديس ابابا.
وعن الاسعار التشجيعية أشار الى ان (الكويتية) تقدم أسعارا تشجيعية لارضاء أكبر شريحة ممكنة من العملاء انسجاما مع سعيها الدائم الى تعزيز تواجدها في الأسواق التي تشهد تنافسا حادا بين شركات الطيران "وتقدم أسعارا تشجيعية لعملائها الى مختلف الاتجاهات بمواسم الركود النسبي للحركة على مدار العام".

[kuwaity pilot]

الله يوفقهم انا السبت راد من دبي علي الكويتية كنت علي ال a310 نظام الترفية كان شغال الخدمة عجيبة والطيارة فل بس ناقص الكويتية طائرات حديثة

[s-a-l-e-m]

اقتباس:     المشاركة الأصلية كتبت بواسطة kuwaity pilot  

الله يوفقهم انا السبت راد من دبي علي الكويتية كنت علي ال a310 نظام الترفية كان شغال الخدمة عجيبة والطيارة فل بس ناقص الكويتية طائرات حديثة

صدقتني :) اي عجيييبه الكويتية شادين حيلهم و احنا واجبنا ك مواطنين نوقف معاهم وندعمهم

[طيران بوبيان]

عيوب الكويتية بشكل عام


1- قدم الاسطول

2- عدم وجود نظام ترفيه عصري

3- التأخير

4- قلة الوجهات السياحية

5- كثرة الموظفين الي فيها

6- عدد طائراتها قليل

7- عدم وجود مبنى خاص فيها






اذا حلت الكويتية هذه المشاكل


كدينا خير بعدها

[إنسان ذوق]

اقتباس:     المشاركة الأصلية كتبت بواسطة طيران بوبيان  

عيوب الكويتية بشكل عام

1- قدم الاسطول

2- عدم وجود نظام ترفيه عصري

3- التأخير

4- قلة الوجهات السياحية

5- كثرة الموظفين الي فيها

6- عدد طائراتها قليل

7- عدم وجود مبنى خاص فيها

اذا حلت الكويتية هذه المشاكل

كدينا خير بعدها

8- انقراض نادي الأميال

9- غياب تحسين البنية التحتية للمطار مؤقتا إلى حين افتتاح المطار الجديد

10- عدم تطبيق معايير الجودة العالمية

11- عدم الاهتمام في مقصورات الطائرات من حيث السعة والفخامة

12- غياب الخدمات الجانبية الأخرى كخدمة المسافر بشكل عام في الارض وفي الجو وخدمات أرضية والمعاقين وكبار السن والمرضى وماشابه ...

13- يجب تغيير قائمة الطعام بما يتناسب مع الوجهات المقصودة

14- يجب تغيير الموقع الإلكتروني ونظام الحجز وطريقته

15- غياب التسويق والدعاية والإعلان

[s-a-l-e-m]

اقتباس:     المشاركة الأصلية كتبت بواسطة إنسان ذوق  

8- انقراض نادي الأميال

9- غياب تحسين البنية التحتية للمطار مؤقتا إلى حين افتتاح المطار الجديد

10- عدم تطبيق معايير الجودة العالمية

11- عدم الاهتمام في مقصورات الطائرات من حيث السعة والفخامة

12- غياب الخدمات الجانبية الأخرى كخدمة المسافر بشكل عام في الارض وفي الجو وخدمات أرضية والمعاقين وكبار السن والمرضى وماشابه ...

13- يجب تغيير قائمة الطعام بما يتناسب مع الوجهات المقصودة

14- يجب تغيير الموقع الإلكتروني ونظام الحجز وطريقته

15- غياب التسويق والدعاية والإعلان

السلام عليكم اخوي انسان ذوق بالنسبه للنقاط الي موضحها بجاوبك عليها

بالنسبه للملاحظه رقم 8 - اخوي منو قالك انه النادي منقرض نادي الواحه موجوده و بكامل خدماته وانا احد اعضائه و الخدمات موجوده ومطبقه على اي اساس قلت هل الحجي مادري

9- التوسعه الجديده في المطار جميله و السوق الحره والمطاعم الداخليه كلها تم تجديدها وفتح مطاعم جديده اسمحلي بس فهو افضل من مطار الدوحه الحالي مافي ولا مطعم داخل غير كفتيريا صغيره وكوستا كوفي انا مادري على اساس قاعد تكتب هل الاتهامات من جد يعني

10- هم هذي مادري يعني شلون مو مطبقين عليها اعلى معايير الجوده والطيارات قاعد يسمحون لها بالاقلاع

11- اما من ناحيه المقصورات الداخليه جيده من ناحيه الفخامه مريحه ونظيفه و سيعه صراحه يعني

12- جميع الخدمات الي يحتاجها المسافر موجوده ونستخدمها شخصيا للا سافرنا و هل الصوره تحكم مدى احترافيه طاقم الكويتية



13- وجبات الكويتية لا عليها غبار ماراح اتكلم عنه

14- تم تغيييره مؤخرا

15- الكويتية تتمتع بحجوزات فل على مدار العام ف ما تحتاج التسويق مثل بعض الشركات و هم في تسويق بسيط وقت ايام الدوام على بعض الوجهات

بالاخير مع احترامي الشديد لك هذه اعتبره تشويه سمعه من غير دلائل جد يعني مادري من وين اتييبون هل الكلام وانتو ما شفتوه بعينكم

[s-a-l-e-m]

اقتباس:     المشاركة الأصلية كتبت بواسطة طيران بوبيان  

عيوب الكويتية بشكل عام


1- قدم الاسطول

هذا لا يعيب الخطوط فهناك شركات اسطولها قديم بس حلو ومحدث ولكن لا باس فيه هناك طائراات 330 و 320 و 321 حديثه سوف تحل مكان بعض طائراات الاسطول الحالي

2- عدم وجود نظام ترفيه عصري
لا باس به لان طيارات 330 و 321 و 320 يايين بالطريج
3- التأخير
ملتزمين بمواعيدهم للامانه و التاخير يحدث في كل الشركات واكثر من الكويتية

4- قلة الوجهات السياحية
اتفق معاك
5- كثرة الموظفين الي فيها
لا اتفق الكويتية تعاني من نقص حاد
6- عدد طائراتها قليل
اتفق معاك
7- عدم وجود مبنى خاص فيها
اتفق معاك و اهما قاعد يبنون المطار اليديد و راح يكون لهم منطقه بروحها شي اكيد




اذا حلت الكويتية هذه المشاكل


كدينا خير بعدها

.................

[طيران بوبيان]

اقتباس:     المشاركة الأصلية كتبت بواسطة s-a-l-e-m  

.................

حلو اقتباسك و تعقيبك اخوي هههههههههههه


يعني انا قلت النقاط الي الكل يشتكي منها


و انا شخصيا لا اسخر من الكويتية بل اريد لها التطور و الازدهار اليوم قبل باجر

انا بس اذكرلكم العيوب الحالية التي يجب على ادارة الكويتية حلها

[s-a-l-e-m]

اقتباس:     المشاركة الأصلية كتبت بواسطة طيران بوبيان  

حلو اقتباسك و تعقيبك اخوي هههههههههههه


يعني انا قلت النقاط الي الكل يشتكي منها


و انا شخصيا لا اسخر من الكويتية بل اريد لها التطور و الازدهار اليوم قبل باجر

انا بس اذكرلكم العيوب الحالية التي يجب على ادارة الكويتية حلها

لوووول ماعليه ان شاء الله القادم افضل

[s-a-l-e-m]

[abood airways]

اقتباس:     المشاركة الأصلية كتبت بواسطة إنسان ذوق  

8- انقراض نادي الأميال

9- غياب تحسين البنية التحتية للمطار مؤقتا إلى حين افتتاح المطار الجديد

10- عدم تطبيق معايير الجودة العالمية

11- عدم الاهتمام في مقصورات الطائرات من حيث السعة والفخامة

12- غياب الخدمات الجانبية الأخرى كخدمة المسافر بشكل عام في الارض وفي الجو وخدمات أرضية والمعاقين وكبار السن والمرضى وماشابه ...

13- يجب تغيير قائمة الطعام بما يتناسب مع الوجهات المقصودة

14- يجب تغيير الموقع الإلكتروني ونظام الحجز وطريقته

15- غياب التسويق والدعاية والإعلان

رايك واحترمه لاكن لا يوجد في من الموضوعيه ولو ذره اذا هاذي رايتك فسمحلي فانت يا احي العزيز من المستحسن عدم كتابه عن الكويتيه لانك تفتقر لبنيه التحتيه لمعلومات عن الكويتيه اخوي هاذا ليست اول مره تهاجم الكويتيه في اشياء تمتاز بها ولو اخذنا بكامك فيعني الكويتيه تصكرت من 1995 على العموم بالاخير رايك وكل عام وانت بخير

[الخطوط الكويتيه]

اقتباس:     المشاركة الأصلية كتبت بواسطة إنسان ذوق  

8- انقراض نادي الأميال

9- غياب تحسين البنية التحتية للمطار مؤقتا إلى حين افتتاح المطار الجديد

10- عدم تطبيق معايير الجودة العالمية

11- عدم الاهتمام في مقصورات الطائرات من حيث السعة والفخامة

12- غياب الخدمات الجانبية الأخرى كخدمة المسافر بشكل عام في الارض وفي الجو وخدمات أرضية والمعاقين وكبار السن والمرضى وماشابه ...

13- يجب تغيير قائمة الطعام بما يتناسب مع الوجهات المقصودة

14- يجب تغيير الموقع الإلكتروني ونظام الحجز وطريقته

15- غياب التسويق والدعاية والإعلان

يعطيك العافية

10- عدم تطبيق معايير الجودة العالمية

ج / لو كنت تقصد علي السلامة لو انه الكويتية ما تطبق معايير السلامه فشلون تطير الي اوربا و امريكا


14- يجب تغيير الموقع الإلكتروني ونظام الحجز وطريقته

ج / تم تغيره و في موضوع بلمنتدي عن تغير موقع الكويتية


13- يجب تغيير قائمة الطعام بما يتناسب مع الوجهات المقصودة

ج / عفوا اخوي الكويتية تقدم وجبات حتي علي الوجهات القصيرة مو مثل بعض الشركات و تمويل الكويتية ممتاز بدرجات الثلاث و الكويتية تقدم وجبات خاصه لاطفال و جبات خاصه لانسان النباتي و وجبات خاصه للمرضى السكر و الخ و كل ماعليك انك تبلغ الكاونتر في المطار و ينفدون طلبك


12- غياب الخدمات الجانبية الأخرى كخدمة المسافر بشكل عام في الارض وفي الجو وخدمات أرضية والمعاقين وكبار السن والمرضى وماشابه ...


ج / من قال اصلا الكويتية وانت عند الكاونتر يسؤلونك ان كان معاك معاق او كبير سن علشان يقدمون له خدمه خاصه و الكويتية تحط اسره للمرضى علي طائرات 340 و 777


11- عدم الاهتمام في مقصورات الطائرات من حيث السعة والفخامة

ج / اخوي جرب 300 و 310 و شوف السعه و الراحه و فخامة الدرجة الاولى مناسبة جدا ولا تنسى انه الطائرات من الجيل القديم




اتمنى من الاعضاء لما يتكلمون عن شركة معينة يكونون مجربينها مو يتكلم علي رايه الشخصي لانه سمعه للشركة و شكرا

[إنسان ذوق]

الأخوه الكرام
سالم
عبود ايرويز
الخطوط الكويتية

أنا أتأسف أسف شديد على كتابة ذلك ، كان يجب أن يكون أفضل مما كان ، ولكنني أعترف أن صراحتي المطلقة تخلق لي مشاكل ونقاشات بيزنطية في قليل من الأحيان ، أما الرأي الذي طرحته فقد رأيته بأم عيني ، أيضا ممن يتحدثون بذلك هم ( عيال بطنها ) أقصد أصدقائي الكويتيين إلى جانب اضطلاعي المستمر في شؤون الطيران.

أما بالنسبة لدفاعكم المستميت فهذا لن يقدم أو يؤخر من رأيي وآراءكم في شئ ! الجميع هنا في المنتدى وخارجه يدركون تماما ماهي الخطوط الكويتية وقدراتها وموقعها في بين شركات الطيران بل على الأقل في الخليج العربي.

قراء الردود هم من يحكمون بما كتبناه مقارنة بالواقع ، وأعتذر عن عدم الخوض في نقاش آخر يا إخوة.

ومبارك عليكم الشهر الفضيل جعلني الله وإياكم من الصائمين والقائمين فيه ومن العتقاء من النار.

[طيران بوبيان]

اقتباس:     المشاركة الأصلية كتبت بواسطة إنسان ذوق  

الأخوه الكرام
سالم
عبود ايرويز
الخطوط الكويتية

أنا أتأسف أسف شديد على كتابة ذلك ، كان يجب أن يكون أفضل مما كان ، ولكنني أعترف أن صراحتي المطلقة تخلق لي مشاكل ونقاشات بيزنطية في قليل من الأحيان ، أما الرأي الذي طرحته فقد رأيته بأم عيني ، أيضا ممن يتحدثون بذلك هم ( عيال بطنها ) أقصد أصدقائي الكويتيين إلى جانب اضطلاعي المستمر في شؤون الطيران.

أما بالنسبة لدفاعكم المستميت فهذا لن يقدم أو يؤخر من رأيي وآراءكم في شئ ! الجميع هنا في المنتدى وخارجه يدركون تماما ماهي الخطوط الكويتية وقدراتها وموقعها في بين شركات الطيران بل على الأقل في الخليج العربي.

قراء الردود هم من يحكمون بما كتبناه مقارنة بالواقع ، وأعتذر عن عدم الخوض في نقاش آخر يا إخوة.

ومبارك عليكم الشهر الفضيل جعلني الله وإياكم من الصائمين والقائمين فيه ومن العتقاء من النار.

اخوي انت فتحت على نفسك ابواب

فيا ليت تجيب معلومات دقيقة و صحيحة مئة في المئة علشان تكون برهان علي صحة كلامك



و بغيت اسئلك سؤال واحد


كم مره سافرت على الخطوط الجوية الكويتية ...؟؟

[s-a-l-e-m]

اقتباس:     المشاركة الأصلية كتبت بواسطة إنسان ذوق  

الأخوه الكرام
سالم
عبود ايرويز
الخطوط الكويتية

أنا أتأسف أسف شديد على كتابة ذلك ، كان يجب أن يكون أفضل مما كان ، ولكنني أعترف أن صراحتي المطلقة تخلق لي مشاكل ونقاشات بيزنطية في قليل من الأحيان ، أما الرأي الذي طرحته فقد رأيته بأم عيني ، أيضا ممن يتحدثون بذلك هم ( عيال بطنها ) أقصد أصدقائي الكويتيين إلى جانب اضطلاعي المستمر في شؤون الطيران.

أما بالنسبة لدفاعكم المستميت فهذا لن يقدم أو يؤخر من رأيي وآراءكم في شئ ! الجميع هنا في المنتدى وخارجه يدركون تماما ماهي الخطوط الكويتية وقدراتها وموقعها في بين شركات الطيران بل على الأقل في الخليج العربي.

قراء الردود هم من يحكمون بما كتبناه مقارنة بالواقع ، وأعتذر عن عدم الخوض في نقاش آخر يا إخوة.

ومبارك عليكم الشهر الفضيل جعلني الله وإياكم من الصائمين والقائمين فيه ومن العتقاء من النار.

علينا وعليك يتبارك اخوي وعساك من عواده

بكل تاكيد لك حريه الانتقاد وصراحتك على العين والراس ولكن انت قاعد تتكلم عن اشياء غير صحيحه ف كل السلبيات الي ذكرتها غير موجوده في الكويتية على الاطلاق ف احنا ما نهاجمك عشان صراحتك لكن كلامك مافي ذره من الصح مع احترامي الشديد لك ويسعدني حقيقه النقاش معاك و مع الاخوان اكيد

واخيرا طبعا بكل تاكيد الجميع يعرف مستوى الكويتية و ماهي الكويتية اساسا انا اتكلم عن اشخاص جربوها مو بس يتكلمون واهما اساسا ما يعرفون شكلها من برا شلون صاير وانا شخصيا لو اواجه مشاكل معاهم صدقني يعني ماراح اسافر معاهم على احساب راحتي ولكن في الواقع مرتاح معاهم ويسعدني ويشرفني لما تكون لي رحله على متن الكويتية و معنا الكويتية اغلى الموجود من ناحيه الاسعار

[kuwaity pilot]

اقتباس:     المشاركة الأصلية كتبت بواسطة s-a-l-e-m  

صدقتني :) اي عجيييبه الكويتية شادين حيلهم و احنا واجبنا ك مواطنين نوقف معاهم وندعمهم

اكيد اصدقك نظام الترفية شغال صج انصدمت والصراحة حرام الاعلام شوة صورة الكويتية بس انا احس الكويتية غير صج عز وانا من واجبي ادعم ناقلنا الوطني

[KUWAIT AIRWAYS]

محد ضيع الكويتية غير المجاملات ، يخي انا ماني فاهم الكويتيه من فوق لي تحت مشاكل ليش نرقع لها ، الانتقاد البناء سبب للحل ،
بسكم مجاملات الكويتية فاشلة وتحتاج تجديد من فوق لي تحت الشي واضح وما يبيله كلام
اخوي انسان ذوق قواك الله رايك سليم واستمر بالانتقاد
كلنا نحب الكويتية كتاريخ وكطائر وطني ولكن الانتقاد واجب طالما بناء
وعلى فكرة مو يعني انسان ذوق انتقد الكويتيه تقعدون تقارنونها بالقطرية .
لو تبونها بالمقارنه القطرية والاماراتيه احسن من الكويتيه لا تقول تاريخ لانه بفترة بسيطه سطرت كتب من التاريخ وهذا بحد ذاته انجاز
وشكرا

[s-a-l-e-m]

اقتباس:     المشاركة الأصلية كتبت بواسطة KUWAIT AIRWAYS  

محد ضيع الكويتية غير المجاملات ، يخي انا ماني فاهم الكويتيه من فوق لي تحت مشاكل ليش نرقع لها ، الانتقاد البناء سبب للحل ،
بسكم مجاملات الكويتية فاشلة وتحتاج تجديد من فوق لي تحت الشي واضح وما يبيله كلام
اخوي انسان ذوق قواك الله رايك سليم واستمر بالانتقاد
كلنا نحب الكويتية كتاريخ وكطائر وطني ولكن الانتقاد واجب طالما بناء
وعلى فكرة مو يعني انسان ذوق انتقد الكويتيه تقعدون تقارنونها بالقطرية .
لو تبونها بالمقارنه القطرية والاماراتيه احسن من الكويتيه لا تقول تاريخ لانه بفترة بسيطه سطرت كتب من التاريخ وهذا بحد ذاته انجاز
وشكرا

الحين منو قارن بين القطرية و الكويتية وعلى فكره ترى كلامك مافي ذره من الصحه عزيزي حدد مكان الخلل عشان االناس تعرف شترد عليك حبيبي الناس مجربه وعارفين انقص علي نفسنا يعني ردودك كلها حقد علي الكويتية واتحدااك جدام الاعضاء انه اي نقطه سلبيه قالها الاخ انسان ذوق موجوده واتحدى اي واحد يثبت لي نقطه من النقاط الي قالها انسان ذوق صحيحه وحده بس

[s-a-l-e-m]

اقتباس:     المشاركة الأصلية كتبت بواسطة kuwaity pilot  

اكيد اصدقك نظام الترفية شغال صج انصدمت والصراحة حرام الاعلام شوة صورة الكويتية بس انا احس الكويتية غير صج عز وانا من واجبي ادعم ناقلنا الوطني

طبعا مشوه سمعتها بسبب مصالحهم الخاصه وبسبب الدمغراطية عندنا كل شي شفاف هذا شي زين بس وين الي يفهم مو مثل بعض الدول الخليجية والله العظيم سمعت بلاوي بشركات طيران بلاوي جايده حيل حيل واعطال فنية ما تنكتب بصحفهم المحلية ممنوع !!!! والناس تصدق الي ينكتب وصدقني الي يقول الكويتية تعبانه هذا يا محتر من شي او حاقد

[s-a-l-e-m]

الكويتية عزنا وفخرنا وعز وفخر لكل كويتي والي مو عاجبه يشرب من ماي البحر لوووول

[الخطوط الكويتيه]

اقتباس:     المشاركة الأصلية كتبت بواسطة KUWAIT AIRWAYS  

محد ضيع الكويتية غير المجاملات ، يخي انا ماني فاهم الكويتيه من فوق لي تحت مشاكل ليش نرقع لها ، الانتقاد البناء سبب للحل ،
بسكم مجاملات الكويتية فاشلة وتحتاج تجديد من فوق لي تحت الشي واضح وما يبيله كلام
اخوي انسان ذوق قواك الله رايك سليم واستمر بالانتقاد
كلنا نحب الكويتية كتاريخ وكطائر وطني ولكن الانتقاد واجب طالما بناء
وعلى فكرة مو يعني انسان ذوق انتقد الكويتيه تقعدون تقارنونها بالقطرية .
لو تبونها بالمقارنه القطرية والاماراتيه احسن من الكويتيه لا تقول تاريخ لانه بفترة بسيطه سطرت كتب من التاريخ وهذا بحد ذاته انجاز
وشكرا

هههههههههه انزين الكويتية فاشله و طايح حظها واحنا نجامل اوك


بس ليش حاط صورت الكويتية و اسمك كويت ايرويز و خطوط المفضله الخطوط الكويتية ههههههههههههههههههههههههه تناااقض كبير بس من كلامك مبين انه الكويتية قاهرتك بشي و يا ترا شنو الشي

[s-a-l-e-m]

اقتباس:     المشاركة الأصلية كتبت بواسطة الخطوط الكويتيه  

هههههههههه انزين الكويتية فاشله و طايح حظها واحنا نجامل اوك


بس ليش حاط صورت الكويتية و اسمك كويت ايرويز و خطوط المفضله الخطوط الكويتية ههههههههههههههههههههههههه تناااقض كبير بس من كلامك مبين انه الكويتية قاهرتك بشي و يا ترا شنو الشي

هههههههههههههههه قوية اي والله تناقض

[KUWAIT AIRWAYS]

اقتباس:     المشاركة الأصلية كتبت بواسطة s-a-l-e-m  

الحين منو قارن بين القطرية و الكويتية وعلى فكره ترى كلامك مافي ذره من الصحه عزيزي حدد مكان الخلل عشان االناس تعرف شترد عليك حبيبي الناس مجربه وعارفين انقص علي نفسنا يعني ردودك كلها حقد علي الكويتية واتحدااك جدام الاعضاء انه اي نقطه سلبيه قالها الاخ انسان ذوق موجوده واتحدى اي واحد يثبت لي نقطه من النقاط الي قالها انسان ذوق صحيحه وحده بس

لما ما احدد مكان خلل على كلامك يعني كل النقاط السلبية اهي الخلل وماله داعي اذكرها نقطه نقطه لكثرهم

[KUWAIT AIRWAYS]

اقتباس:     المشاركة الأصلية كتبت بواسطة الخطوط الكويتيه  

هههههههههه انزين الكويتية فاشله و طايح حظها واحنا نجامل اوك


بس ليش حاط صورت الكويتية و اسمك كويت ايرويز و خطوط المفضله الخطوط الكويتية ههههههههههههههههههههههههه تناااقض كبير بس من كلامك مبين انه الكويتية قاهرتك بشي و يا ترا شنو الشي

اي نظامك ماتقرا الكلام كلة . وتاخذ الجزء الي يتقبلة عقلك فقط
اصعد فوق واقرا مره ثانيه يوم قلت اني كلنا نحبها كتارخ وكناقل وطني
والانتقاد مو عيب
بس انك تجذب وتقول انها مو فاشلة اعذرني حدث العاقل بما لا يعقل واضحه
اقرا عدل يبه
واحب ابشرك مو قاهرتني ولا لي مشاكل معاهم بالعكس اسافر معاهم وعادي

[s-a-l-e-m]

اقتباس:     المشاركة الأصلية كتبت بواسطة KUWAIT AIRWAYS  

لما ما احدد مكان خلل على كلامك يعني كل النقاط السلبية اهي الخلل وماله داعي اذكرها نقطه نقطه لكثرهم

وانا سبق وقلت ان النقاط الي ذكرها الاخ انسان ذوق مو موجوده وغير صحيحه

[طيران بوبيان]

بالعربي



الي عاجبته الكويتية خل يمدحها و يسافر عليها


و الي ما تعجبه الكويتية لا يذمها ولا يشوه سمعتها ولا يسافر عليها


اسئل مجرب ولا تسأل طبيب


مشكورين على ردودكم و وجهات نظركم

[Dreamliner_787]

كل شخص حر يدافع عن الكويتيه أو يذمها

بس الصراحه في ناس تبالغ في المدح لدرجة أني أحس انهم يسافرون بطيارة الأمير !!!

نفس الشي بالنسبه للأشخاص الي يذمون احياناً تصير في مبالغه

العقل والمنطق يقول أن الكويتيه فيها محاسن وفيها مساوء
والمساوء أكثر للأمانه

المحاسن : الأكل ، حجم الكرسي ، مهارة الطيارين والمهندسين

المساوء : قلة الطيارات ، قلة الوجهات ، الأسطول قديم ، الأعطال المتكرره ، سوء نظام الترفيه ، التعامل السيء من بعض المظيفين

[الكابتن القطري]

مازال أمام الكويتية طريق طويــــــــــــل لتحقق ما حققته شركات الطيران الأخرى
والأسباب كثيره و متنوعة ولو سطرناها هنا نحتاج موضوع كامل
وجدير بالذكر هنا بأن بـ استطاعة الخطوط الكويتية
التقدم و التطور بل أيضاً تحقيق الإنجازات في مجال الطيران مستقبلاً و أكثر
لكن هذا لن يحدث طالما ما زالت هناك عقليات تندرج تحت مقولة (( الآمور طيبة وإحنا بخير ))
و للـ أسف المقولة هذه لا يؤمن بها مجموعة بسيطة بل للـ أسف طالت حتى بعض المسؤولين !!
الذين لا يملكون ذمة ولا ضمير وحال الخطوط الكويتية خير شاهد على هذا
نعم آمور الخطوط الكويتية بخير وتعال جرب السفر على متنها و بعدين ناقش وتكلم !
لكن ماذا عن سمعة و إدارة و تطور وتاريخ عريق للكويتية حرام بل فعلاً عيب يروح هدر تاريخ !!
والسبب ناس ما تخاف الله ولا همهم سمعة الخطوط ولاهمهم الكويت أصلاً
وبـ نستمر نقول الآمور طيبة وحنا بخير وتعال شوف الكويتية و جرب السفر على متنها
و طز في الآمور الأخرى أهم شي أحجز تذكرتي أسافر أكل في الطيارة أنزل و أرجع
الحمد لله كا شوفوني ما صار شي في الطيارة أحلى خدمة و راحة
لأ يا حبيبي لأ إذا تفكيرنا راح يستمر بهذه الطريقة كمسافر بس !!!
فلننسى تقدم و تطور الخطوط الكويتية
أما إذا كان التفكير الإداري المحنك الذي يهم قطاع الطيران وسمعة الكويتية فـ هنا نقول
برافو تستطيع البدء من هنا
وتعلمون ماذا أقصد بالتفكير الإداري المحنك ؟

جملة واحده تختصر الكثير

( أن تصل بخطوط بلدك للعالمية )

شلون و وين و ما العمل ؟

الآمر بيد كل مسؤول في الخطوط الكويتية

و أكرر مسألة التطور و التقدم ليست براحتي في السفر ولا بخدمة قدمتها لي مضيفة
الأمر أكبر وهو أن تصل الكويتية بسمعتها و تاريخها إلى مستويات عالية في قطاع الطيران
وتنافس أكبر الشركات و تبتكر أهم ملحقات شركة طيران تجاري لها تاريخ
يا أخي أبسط أبسط شيء من بين ملايين الإمور المهمة إشتر إسطول شغل فيه الشركة
بدل مقولة الآمور طيبة وحنا بخير
وهذا الخبر أسعدني جداً وبالتوفيق إن شاء الله يشتغلون على الخطوط صح
يــا رب

[KUWAIT ATC]

اعيد واكرر ماقاله الاخ KUWAIT AIRWAYS حسين


مشكلتنا عندنا ناس عقلياتها تعبانه,, عندهم الي يدافع عن الكويتيه هذا كويتي اصيل (فشيخ) ! والي يذم الكويتيه هذا عدو! واذا كان كويتي بعد! فهذا مزدوج ولا ماعنده ولاء من الاساس!

الله يعينا على عقليات مثل هذي,شلون نرتجي تنميه بديرتنا معاهم؟



الاخ سالم يقول

"الكويتية عزنا وفخرنا وعز وفخر لكل كويتي والي مو عاجبه ***************"



منو قالك انها فخر لكل كويتي؟ احصيت الكويتيين انت وسألتهم؟

اولهم حسين جدامك انكرها وقال شركة تعبانه ويبيلها بناء من اول وجديد,, ومافتخر فيها, ولا حسين مو كويتي صار بعد؟



وانا ثانيهم اقولك, الكويتيه, فاشله, فاشله, فاشله,

انا الاسبوع الي طاف راجع للدوحه على الكويتيه, وطبعا شي معتاد التأخير كان ساعتين, لكن ابي اعرف وين الترفيه؟

الترفيه ماكان شغال,وعلامات عدم التدخين و ربط حزام الامان كانت كلها خربانه!

بما انك حطيت نفسك سفير للكويتيه,, قولي وين الترفيه خلال ذيك الرحله؟ وخلال كل رحلات الشهريه! بين الدوحه والكويت؟

[s-a-l-e-m]

اقتباس:     المشاركة الأصلية كتبت بواسطة KUWAIT ATC  

اعيد واكرر ماقاله الاخ KUWAIT AIRWAYS حسين


مشكلتنا عندنا ناس عقلياتها تعبانه,, عندهم الي يدافع عن الكويتيه هذا كويتي اصيل (فشيخ) ! والي يذم الكويتيه هذا عدو! واذا كان كويتي بعد! فهذا مزدوج ولا ماعنده ولاء من الاساس!

الله يعينا على عقليات مثل هذي,شلون نرتجي تنميه بديرتنا معاهم؟



الاخ سالم يقول

"الكويتية عزنا وفخرنا وعز وفخر لكل كويتي والي مو عاجبه ***************"



منو قالك انها فخر لكل كويتي؟ احصيت الكويتيين انت وسألتهم؟

اولهم حسين جدامك انكرها وقال شركة تعبانه ويبيلها بناء من اول وجديد,, ومافتخر فيها, ولا حسين مو كويتي صار بعد؟



وانا ثانيهم اقولك, الكويتيه, فاشله, فاشله, فاشله,

انا الاسبوع الي طاف راجع للدوحه على الكويتيه, وطبعا شي معتاد التأخير كان ساعتين, لكن ابي اعرف وين الترفيه؟

الترفيه ماكان شغال,وعلامات عدم التدخين و ربط حزام الامان كانت كلها خربانه!

بما انك حطيت نفسك سفير للكويتيه,, قولي وين الترفيه خلال ذيك الرحله؟ وخلال كل رحلات الشهريه! بين الدوحه والكويت؟

بالنسبه لكلامك كله ارد واقول مافي شي كامل بالدنيا الا الله سبحانه وتعالى و بما معناه انه في سلبيات بلكويتية ومحد يختلف فيها و في كل خطوط سلبيات و ارد واكرر انا لما رديت على حسين )كويت ايرويز ) علقت على كلامه لما وافق انسان ذوق في النقاط الي طرحها و النقاط الي طرحها انسان ذوق مع احترامي لشخصه غير صحيحه بتاتا فهي افتراء حقيقا

وبالاخير انا ماني سفير للكويتية ولاني وزير انا مجرد مسافر و طرحت تجربتي و هذا من حقي اني اسولف عن تجربتي

و بعدين تعال قولي تدرى والله تبطون الجبد اكثر ناس يسبون ويذمون وانتو كل سفراتكم عليها يا اخي دام مو عاجبتك شوف غيرها مو تسافر فيها واتيي هني فيها وفيها

يعني جد انا مادري شلون هل الناس صايره واحد مسوي اسمه كويت ايرويز والثاني كل شوي طاق ومسافر فيها و اهما اكثر ناس يتذمرون منها غريب امركم


وبعدين ما اسمحلك تغلط علينا مثل ما انت لك وجهه نظر للناس لها وجه نظر وكيفها مو غصب يذمون فيها عشان حضرتك وبعدين ما الفشيخ الا انت و ويهك وامثالك