[Fransa]

تعديل هام

1- ارسال السيرة الذاتية لشركة سكاي واي.
2- بعد نزول الاعلان الخطوط الجوية السعودية في الجريدة
يتم الحجز في المركز الثقافي البريطاني لامتحان البولاتس
نتيجة الامتحان بعد اسبوعين بتظهر في شركة سكاي واي
ممكن التسجيل للامتحان مرة اخري اذا تم الرسوب في المرة الاولي.
3- مقابلة لجنة الخطوط الجوية السعودية (للناجحين فقط في امتحان البولاتس).
4- الكشف الطبي.

[روفيدا]

يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااارب افرجها

[روفيدا]

لوسمحتي يا Fransa انتي بتقولي ان الخطوط هتيجي في شهر سبعه ان شاء الله قصدك يعني ان اللجنه هي اللي هتيجي في شهر سبعه ان شاء الله ولا قصدك ان الاعلان بتاع الخطوط هينزل في شهر سبعه ان شاء الله ياريت تفهميني ؟؟؟؟؟

[روفيدا]

لو سمحت مصدر موثوق ممكن حضرتك تقولنا المعلومات الاكيده بشان الخطوط السعوديه وامتي اللجنه هتيجي مصر عشان نلحق نجهز نفسنا

[روفيدا]

لو سمحتم يابنات ممكن تقولولي ازاي ممكن نحسن اللغه بتاعتنا في المحادثه الشفويه وايه المكان الكويس اللي نقدر ناخد فيه ؟؟؟؟؟

[Fransa]

ان شاء الله الاعلان هينزل في اخر شهر 6
اللجنة هتيجي في اول شهر 7
المعلومات دي كلها حتي اللي انا عدلتها اكيدة والله لانها من ناس شغالين في الخطوط الجوية السعودية
انا مش هقول معلومة غلط علشان ربنا هيحاسبني عليها
حتي لما عرفت اخبار جديدة نزلتها تحت اسم تعديل هام
بالنسبة للامتحان البولاتس فهو كتابة بس فحاولي تركزي الفترة دي علي الامتحان ده
وان شاء الله بعدها ابقي فكري في المقابلة لان بين الامتحان والمقابلة اسبوعين تلحقي تستعدي فيهم قدام اللجنة ان شاء الله

[Fransa]

اما بالنسبة للافضل مكان للانجليزي هو (المركز الثقافي البريطاني)
ممكن تشتري كتاب من المكتبة هناك علشان الامتحان
كتاب انجليزي تجاري خاص بكتابة التقارير والرسائل والخطابات
اما بالنسبة للمقابلة فلينك ده هيفيدك كتير
https://www.talkenglish.com/LessonDetails.aspx?ALID=259
واللجنة ان شاء الله اسئلتها بتكون بسيطة جدا المهم تجاوبي مش تسكتي
الموقع ده فيه اجابة كتابة وبالسمع كمان علشان تعرفي النطق الصحيح

[روفيدا]

متشكرة خالص يا Fransa ياحبيبتي ربنا يكرمك ويوفقك بس انا عايزة افهمك حاجه اعلان الخطوط السعوديه اللي كان نازل الفترة اللي فاتت كان نازل يوم 30/11/2011 تماام كدا وبعد كدا اللجنه جت في شهر يناير وبعدين يعني الواحد بينه وبين نفسه كدا بيفكر ازاي يعني هيجوا في شهر 7 واحنا هنكون صيام وكدا يعني وطبعا في بنات كتير مش من كايرو هبيقي صعب عليهم اووي يجوا الانترفيو وهما صايمين عشان كدا بس انا كنت بسال اللجنه هتيجي امتي

[Fransa]

ماهي ان شاء الله ان نزلوا في اول شهر 7
ورمضان هيكون نصف 7 يعني مش هيعملوا مقابلات لحد رمضان اكيد هما اكيد منظمين وقتهم وعارفين ان نزلوا مثلا علي اخر 6 او اول 7 عارفين هيمشوا امتي وعارفين ان مفيش مقابلات في رمضان اكيد
بس متقلقيش ان شاء الله مفيش مقابلات في رمضان المقابلات قبل رمضان يعني علي رمضان تكون المقابلات مع اللجنة خلصت بس ممكن الكشف الطبي هو اللي يكون في رمضان

[Fransa]

ونصيحة بلاش تعملي حسابك علي الدفعات اللي قابلك بمعني المواعيد لان كل حاجه بتتغير بين يوم وليلة ولان ان عملت حسابنا علي الدفعات اللي قابلنا بجد
هنلاقي ان في 100 بنت في مصر لحد دلوقتي ماسفروش اصلا من الدفعة اللي فاتت بالرغم انهم نجحوا دول ايه ظروفهم! (الله اعلم)
فالاحسن نركز في الدفعة بتاعتنا احنا بس..وندعي ربنا يكتبلنا الخير

[Fransa]

لقد تم قبول عدد من المضيفات المصريات فى شهر يناير 2012 بالتعاون مع شركة سكاى واى فى مصر و تم سفر مجموعتين بالفعل خلال شهرين الى جده, و لكن باقى المقبولات مازالوا منتظرين تحديد موعد لعمل الكشف الطبى و تحديد ميعاد السفر لكن سكاى واى لا تعلم متى سيتم سفر باقى المقبولات لذلك نريد الاستفسار عن هذا الموضوع
هل احد يستطيع إفادتنا لكن ارجوا التأكد من المعلومة لأننا بمنتهى الصراحة فى قلق شديد و ملل فظيع حيث ان الكثير مننا ترك عمله .

منقووووووووووووووول

[sozy elaraby]

لو سمحتي عاوزين موقع شركه سكاي واي علشان اللي هيسجل وبخصوص الحجز ف المركز الثقافي البريطاني لامتحان البولاتس فين مكانو ونحجز امتا

[sozy elaraby]

عاوزين عنوان شركه سكاي واي بالقاهره لان الموقع مش بيفتح والايميل اللي هنراسلهم عليه ورقم التلفون

[sozy elaraby]

عاوزين عنوان شركه سكاي واي بالقاهره لان الموقع مش بيفتح والايميل اللي هنراسلهم عليه ورقم التلفون

[Fransa]

شركة سكاي واي
العنوان : 7 ش الزهور متفرع من ش العروبة بجوار الكلية الحربية - ألماظة - مصر الجديدة.
الايميل : [email protected]
التليفون : 01202226227 - 01202226228
شركة سكاي واي ملهاش موقع انتي بتبعتي السي في ولما الاعلان ينزل بيتصلوا بيكي
وامتحان البولاتس في المركز الثقافي البريطاني, التسجيل مش قبل ما الاعلان ينزل
لان شركة سكاي واي بتتصل بالمركز تتفق معاها علي موعد امتحان البولاتس
المركز الثقافي البريطاني في القاهرة
مصر الجديدة : 4 ش المنيا متفرع من ش نزيه خليفة - مصر الجديدة
العجوزة : 192 ش النيل متفرع من ش جامعة الدول العربية - العجوزة
الخط الساخن : 19789
ده الرقم اللي بنتصل نحجز ونسجل لامتحان البولاتس ملهمش اي رقم تاني

[sozy elaraby]

مرسي ي حبيبتي تسلم ايدك

[Fransa]

و بكده تكون دي النهاية :(
افتكر كده مفيش جنس مخلوق يتجرأ ويفكر مجرد فكرة ان الخطوط السعودية ممكن تنزل مصر
مش قادرة اقول غير حسبنا الله ونعمة الوكيل في كل من تسبب في تعطيل مصالح ناس كتير

[sozy elaraby]

فرنسا add me [email protected]

[sozy elaraby]

يريت لما الاعلان ينزل ف الجورنان حد يقولنا او يقول اسم الجريده اي

[ZeiNa]

السلام عليكم ورمه اله وبركااته
اولا جزاكي الله كل خير علي مجهودك وياريتني عرفت من بدري عشان اجهز نفسي بس الحمد لله علي كل حال انا الحمدلله تنطبق عليا الشروط جميعها والحمدلله كمان مستوي اللغه الانجليزيه جيد جداا الطول والوزن وكله الحمدلله تمام بس كان عندي استفسار انا اتممت 30 سنه في شهر 3 اللي فاات فموقفي هايبقي ايه يعني المفروض بالنسبه للشروط ان لا اجاوز التلاتين ولا حتي بكام شهر والا ايه بالظبط عشان انا بعتت السي في بتاعي والصور خلااص بس بسأل حضرتك عشان اعرف لو هايتم استبعادي عشان كده او لأ

[Fransa]

انا اسفة جدااا وبعتذر ليكي اني اقولك ان سن 30 مستبعد
لاني اعرف بنت كانت 29 وشهور والطول والوزن والانجلش ممتاز والمظهر فوق الممتاز
ولكن استبعد لقرب سنها من 30
بعتذر ليكي مرة تانية

[ZeiNa]

صبااح الخير لا خالص متعتذريش العفو جزاكي الله خيرا علي ردك عشان ما احطش امال كبيره في الموضوع بس عايزه اسالك تاني عن حااجه هو تم استبعاد صديقتك دي من البدايه يعني ما اتصلوش بيها اصلا والا بعد اجراء المقابله من قبل اللجنه او الشركه سكاي واي في الاول فهميني النقطهه دي بس عشان حابه اعرف انهم مثلا بياخدوا انطباع من شكل البنت اذا كان باين عليها السن والا لأ لان انا محدش بيديني عمري ابداا وده حقيقي بجد مش بقول كده عشان الوظيفه يعني ...شكلي مش بيدي اكتر من 22 ..23 سنه بس طبعا لامهرب من الحقيقه ولو مش ليا نصيب الحمدلله علي كل حاال وحظ اوفر للجميع ياارب.... وميرسي لزوقك جداا

[blue rose7]

هاي يازينا,,, انا عايزه اقلك انو متخفيش وروحي اقدمي ولما هما يرفضوكي يبقا خلاص لانو مش شرط والله انو يكون عندك 30 انو هما يرفضوكي وبعدين اصلا السن المطلوب من 22 لحد 30 يعني اتوكلي علي الله وروحي قدمي
وبعدين انتي بتقولي انو شكلك يبان اصغر يعني ان شاء الله لو ليكي نصيب حتتقبلي
وربنا يوفق الجميع

[Fransa]

ربنا يوفق الجميع للخير ان شاء الله
ياريت ياجماعة بالله عليكوا اللي يرد علي سؤال يكون متأكد من الرد مش يقول رأيه هوه الشخصي
علشان صاحب السؤال بيكون عاوز "الرد اليقين" مش ارائنا احنا الشخصية في حاجة زي كده
والله العظيم يازينة انا مابكدب عليكي الموضوع ده فعلا حصل هي لما راحت قدمت في الشركة نفسها
استبعدوها في نفس الوقت وقالها لقرب سنك من 30 ... بالله عليكي تسمحيني

[blue rose7]

صح كلامك انو المفروض كل واحد يقول الحاجه اللي متاكد منهااااا بس انا قلت انو هيا تروح مش خسرانه حاجه يعني احنا نقلهاااا اقعدي عشان في وحده كان عمرها 30 وماتقبلتش طيب يمكن هيا لها نصيب تتقبل ويعدوهااا يعني دا كان كل قصدي انو هيا مش خسرانه حاجه لو راحت وفي الاول والاخير ماحدش بياخد الا نصيبوووووو
ويمكن ربنا كاتبلها نصيب وزي مانتي بتقولي انو صحبتك عمرها 30 وماتقبلتش في ناس برضو قالت انو في بنات كانو 30 واتقبلو وانا قرءت الكلام دا بنفسي في المنتدي
كل واحد بياخد نصيبو والقرار راجع لزينا بالاخر
ثاااااااااااااااااانكس

[mona2012]

لو سمحتوا هو اللي عايز يقدم لسه من الاول خالص لميل شركة سكاي واي قبل الامتحان والحاجات دي يقدم السي في وفيه صورة شخصية عادية زي أي شغل ولا حتى الصورة اللي في السي في بتبقى بلبس فورمال وهل ابعته بس ولا بنبعت كمان صورة كامله؟

[habiba alsaeed]

في شرط غريب على السيت بتاع الخطوط السعودية ان لازم المضيفة تكون بتعرف تسبح مش اقل من 25 م ؟؟؟
حد شاف الشرط ده ؟؟؟؟

[blue rose7]

انا ماعندي فكره علي الموضوع دا بس معقول انو بيدققو؟ ,,انا بسبح علي قدي ههههههههههه

[nana_777]

u have to swim 25 meters

[zara]

حد يعرف ياجماعة ايه الاسباب اللي ممكن تعوق اجتياز الكشف الطبي ؟؟