[Girl With Wings]

السلام عليكم

انا طالبة من دبي .. هاذي اخر سنه لي و ان شا الله بتخرج قريب ..
ناوية ادخل كلية الامارات للطيران ..
و طبعا اتعرضت للردود فعل محبطه جدا
كوني بنت و بدخل مجال الطيران !
طموحي اكون كابتن طيار و لا مساعد الطيار ..
و بتشجيع من أهلي خصوصا ابوي الحمدالله
قدرت اوقف بويه كل من حبطني و حاول يبعدني عن حلمي ..

دورت وايد في المنتديات عن الكلية و كيفية التسجيل
و الحمدالله لين الحين ما في شي يمنع اني ادرس عندهم ..
نسبتي تقريبا 85% و درجة السيبا عندي 198
و ان شا الله قريب باخذ الـ IELTS ..
و قريت في احدى المنتديات عن الطول و الوزن و النظر
كل شي تمام بس عندي نقص في النظر يمكن 3 درجات
ما ادري اذا هالعيب بيمنعني من الدراسة في الكلية و لا اقدر اسوي لاسيك و اكمل عادي ؟!

الشي الثاني .. ما أعرف كيف التحق بالكلية ؟!
هل اروح لهم و اسجل عادي و اسوي المقابلة ؟
و لا اتريا نسبتي للثانوية العامة تطلع وبعدين اروح لهم؟
و شو هي الصعوبات الي بواجها كوني بنت في الكلية ؟
هل بتكون في تفرقة بيني و بين الطلبة الي معاي؟

و شكرا ..

[شيرازيه]

ولا انا بعد نفس حالتج
السنة هاي بتخررج و ابي ادخل مجال الطيراان وماعندي معلوومات كافية

اتمنى يساعدوونا

[SL500]

حسب ما عرفت عنها ان هناك برنامج للمواطنين والمواطنات يتطلب 1- فحص طبي شامل 2- مقابلة شخصية 3-امتحان عام عن الطيران 4-اجتياز التوفل بدرجة لاتقل عن 400 . دراسة المرحلة التأسيسية في الكلية وبعدها يتم إرسال المتدربين للخارج في أحد المعاهد المتعاقدة مع الكلية لمدة سنة واحدة وأخيراً تأهيل المتدربين لقيادة الطائرات . وما اعتقد انك تواجهي صعوبة بينك وبين الطلبة أو ماشابه .. وفي أغلب الحالات التسجيل بيكون عن طريق الموقع .. بالتوفيق لك اختي

[KUWAIT ATC]

تمت الاجابه في الموضوع الاخر :)

[THE PILOT NASSER]

تمت الإجابة في الموضوع الثاني لك..أرجوا أن تشاهديه