[nidal.salti]

السلام عليكم
انا من سوريا وادرس هندسة معلوماتية وهي السنة بخلص وحابب ادرس طيران ةبتمنا من يلي عندن خبرة يفيدوني لانو الصراحة قرات على النت كتير وفي بعض الامور ما عم افهما في عالم نصحتني باكاديمية بولاية فلوريدا وهاد الرابط تبعا
JAA PPL USA UK Flight Training USA,California,Florida specialising in JAA CAA PPL,Helicopter training,JAA ATPL Ground School,IMC,Night,Multi,FAA,DGCA-Indian Pilot Training,UK RT Radio licence, JAA ATPL,Professional Pilot Program,PTIP
وعالم قالتلي باندونيسيا لانو بتأمن شغل مباشرة بعد انتهاء الدراسة
| Alfa Flying School |
وسمعت انو لازم الواحد بعد ما يخلص الرخص يعمل تايب ريتنج ع نوع معين من الطائرات مع العلم انو بسوريا صعب اتوظف لانو عندن محسوبيات كتير ومن خلال بحثي بالنت لقيت اكاديميات بتخلص الدراسة بست شهور او 24 شهر او 12 شهر فما عم افهم على اي اساس التفاوت بالمدة الدراسية وايهما الافضل من حيث المدة بتمنا حدا يفيدني ويشرحلي بالتفصيل بعد حصولي على الرخص يوجد شركات تعملي تايب ريتنج مقابل مبلغ معين يأهلني ارجع لبلدي اتوظف ويكون معي ساعات وشو متطلبات الشركات من الساعات حتى اقدر اتوظف وشكراُ

[MrQoZy]

هههههه أخي انت بدك دورة طيران عشان تجاوب عن أسئلتك
طيب خليني أعطيك رابط واحد يجاوب على كل أسئلتك

راجع الفهرس التالي: للأكاديميــــات

شو بدك أحلى من هيك

أخي أنا الي 5 شهور بالمنتدى بلف وبدور لحد ما قبل كم شهر الله وفقني وقررت.

لازم تظل متابع بالمنتدى وتقرأ كل المواضيع وكل صغيرة وكبيرة وأنت لحالك رح تفهم كل شي وتصير تقفهم غيرك.

تحيتي لك وبالتوفيق للجميع إن شاء الله

[طيار الميج]

بدك تتوظف بالسورية
مستحيل
شركة متخلفة
و الطيارين للي فيها يا أما ولاد طيارين او اولاد مسؤلين
شوف أخي
أنطر شوي لسقوط الكلاب و بعديين رح ينرفع الحظر الامريكي عن سوريا
وان شالله سوريا رح تشتري طيارات جديدة و نروح انا و انت و كل حالم بالطيران بسوريا بعثة على حساب شركة الطيران السورية

[nidal.salti]

اخي الكريم طيار الميج هاد الشي معروف بالخطوط السورية بس المشكلة اذا انا طلعت ادرس طيران على حسابي ممكن شركات خليجية متل الاماراتية او شركات طيران صغيرة تقبل توظفني عندا واعمل تايب ريتنج على نوع طائرة لانو اسمعت في شركات بتعمل هل الشي وبتخصم من راتبك فهل الشي صحيح كونك عندك خيرة اكتر مني بهل المجال ومشكور والله يعطيك العافية وانشالله يتحقق هدفنا

[Dr.Alrefaey]

اخي الحبيب. بالنسبه لالنا السوريين فاعتمادك رح يكون 100٪ على نفسك . انسى السوريه لانه متل ماقال اخي طيار الميج كلها ولاد مسؤولين و شبيحه و ولاد طيارين. بدك تحط ميزانيه للدراسه+ تايب راتنج+ لاين تراننج و عقد العمل. ما بخفي عنك الموضوع مكلف جدا يعني من 100 الف دولار و اكثر. بس اذا بتحب تنتظر لبين ما يسقط النظام و بتنفتح البلد و بصير نقص طيارين كبير و بتتوظف باذن الله تعالى.. ايا مساعده اخي انا جاهز و الاخوه هون بالمنتدى ما بقصرو معك ان شاء الله.

[nidal.salti]

اخي الكريم شكرا كتير بس انا حاطت ميزانية بحدود ال 50 الف دولار وفي شخص بدرس باكاديمية الفا باندونيسيا قلي انو فيك تجي على اندونيسيا وتحول الرخصة تبعك لرخصة dgca وبتكلفني 9000$ وبتتوظف فاذا عندك خبرة عن هل الموضوع يا ريت تفيدني والله يعطيك العافية