[الطيارN]

اقتباس:     المشاركة الأصلية كتبت بواسطة مهندس عزوز  

طيار جاك الرد؟

ايوه والمعذره حبيبي ..

[كابتن عبدالله 70]

يا شباب .. في أوراق طلب الإلتحاق .. نموذج 6 .. صور الوثائق المطلوب إرفاقها مع طلب الالتحاق

كاتبين ( صورة بطاقة الهوية الوطنية لوالد الطالب + صورة السجل المدني لوالد الطالب )

يا جماعة وش الفرق بينهم ! مو السجل المدني مكتوب أصلا في الهوية الوطنية !

[مهندس عزوز]

اقتباس:     المشاركة الأصلية كتبت بواسطة كابتن عبدالله 70  

يا شباب .. في أوراق طلب الإلتحاق .. نموذج 6 .. صور الوثائق المطلوب إرفاقها مع طلب الالتحاق

كاتبين ( صورة بطاقة الهوية الوطنية لوالد الطالب + صورة السجل المدني لوالد الطالب )

يا جماعة وش الفرق بينهم ! مو السجل المدني مكتوب أصلا في الهوية الوطنية !

الهويه الوطنيه هي بطاقة الاحوال السجل المدني هو بطاقة العائله

[كابتن عبدالله 70]

اقتباس:     المشاركة الأصلية كتبت بواسطة مهندس عزوز  

الهويه الوطنيه هي بطاقة الاحوال السجل المدني هو بطاقة العائله

شكرا مهندس عزوز .. الله يكون بعوننا

[صاحب الطموح]

يا شباب الي سووو اختبار لياقه يعلمنا كيف الطريقه ؟؟؟

انتظر الرد

[مراقب جوي-]

مبرووك لكل المقبولين

واللي منهم انا :poster_dont::poster_dont:الله يوفق الجميع ان شاء الله بس عندي نقاط ابي استفسر عنها رجا

اللي اختبروا اللياقة والمقابلة .

• اللياقة """ كم دوره وكم الدقائق المطلوبه .
• المقابلة """" وش الاسئلة اللي طرحوها الاساتذه [ كل واحد يكتب اللي جاه ].

وهاذا اللي حبيت اطرحه في اول مشاركة لي في هذا المنتدى

[SalehSF]

السسلآم عليكم ورحمة الله وبركاته
ادري ان هذا الموضوع عن المقبولين بالجوية

اللي عنده خبر بفحص قبول البحرية ؟
وهل تقويم الأسنان مسموح ولا أفكه ؟

[حلمي النجمة]

انا قبل شوي طالع من الفحص كلوو تمام
الا الطول ناقص 2سم قالو لي ‏​فـ♡ـي الاخير روح المسرح
والمسرح يعني عطنا عرض اكتافك

[الطيارN]

اقتباس:     المشاركة الأصلية كتبت بواسطة حلمي النجمة  

انا قبل شوي طالع من الفحص كلوو تمام
الا الطول ناقص 2سم قالو لي ‏​فـ♡ـي الاخير روح المسرح
والمسرح يعني عطنا عرض اكتافك

ي رجال خيره ان شاء الله ولا يوقف طموحك عليها ..


بسس انت يوم جيت عند الطول رفضوك وعلى طول ما خلوك تكمل قالوا المسسرح ولا كملتها كلها ثم قالوا على المسرح !!

[حلمي النجمة]

لا كملتها كلها بعدين قالو المسرح

[الطيارN]

اقتباس:     المشاركة الأصلية كتبت بواسطة حلمي النجمة  

لا كملتها كلها بعدين قالو المسرح

اممممما اوم القلق صدق ..


طيب اسسمع باطفشك شوي


انت كنت عارف انك بتنرفض او ما علموك الا يوم رفضوك ان سبب الرفض الطول !!

[ماجد بن عبدالرحمن]

الله يسسستر ... ويوفقك يا حلمي النجمه خيرها بغيرها , وهل فيه احد سآل عن تقويم الآسنان .؟

[صاحب الطموح]

مهنس عزوز انت تقول انك ابتعاث ابتعاث جامعة الملك سعود

[حلمي النجمة]

فيه كثيرين مركبين تقويم

‏​ٱ‏​نـِْ♡̨̐ـِْا ياوم رحت وانت عارف يا طيار ‏​ٱ‏​ن اني بانطرد بس قلت 2 سم يمكن يمشوني فيها بس هذا قدر الله

[العميـد]

الســلآم عليكم ..! :)

يا كباتن المستقبل يا صقور الوطن ترا المدربين الي عندنا يقولون الاسبوع الجاي بتبدأ أختبارات اللياقة يعني من الحين امشوا

وهرولوا كثير لا تسلكون لنفسكم :) وبشم وبطن وقفز شدوا حيلكم فيه سباق 100 متر وفيه لفة على الميدان الكبير حقنا

مدري كم متر الزبدة الي بيدخل اعيد واكرر ترا العسكرية وسخة :) لا يتحمس ويحس انه بيدخل وهو الضابط المحترف :)

[F15-SA]

السلام عليكم ورحة الله

اعتذر عن انقطاعي عنكم الفترة اللي راحت

اليوم الحمد لله رحت لهم وعطوني موعد يوم الأثنين

ما قعدت لو 5 دقايق إلا انا مخلص أوراقي

الله يعين ويوفقنا يوم الاثنين ان شاء الله

[فتى الخرج]

الحمد لله توني اجريت الكشف الطبي والمقابلة الشخصية ولله الحمد نجحت فيهم وعطوني موعد اللياقة يوم الجمعه الساعه 3 العصر


اول شي الكشف الطبي : راح تدخل على 11 عيادة .. اول عيادة طول ووزن ويبون الطول متناسق مع الوزن , ولو ينقص سانتي واحد يكرشونك ((يحولونك المسرح)) ثاني عيادة عيادة الضغط والالوان يشيكون على ظغط و يعطونك دفتر به ارقام ملونه عاد انت تجاوب .. العيادة ال3 عيادة الاسنان عاد هنا اغلب اللي كرشوهم بسبب الحشوات ولا سن مكسور ولا سن ماهو موجود .. العيادة ال4 الطبيب النفسي يسألك ليش بتخش الجوية ويسألك هل تخاف من الاماكن المرتفعه يبي يشوف نطقك وحالة توترك وهل انت تتعتع بالكلام او لا ... العيادة ال5 عيادة العام << عاد هالعيادة بها قبايل ( يشوفون اماكنك الحساسة ) العيادة ال6 عيادة قياس النظر هالعيادة اصعب العيادة ممكن اسقطوا فيها 30 طالب وقدام عيني ياخذونهم للمسرح بس الحمد لله نجحت فيها .. العيادة ال7 عيادة فحص العين يعني يشوفون هل انت مسوي عمليات ليزر الخ ... والعيادة ال8 عيادة السمع يجلسونك بغرفة ويلبسونك سماعات وتسمع اصوات بال يالله تسمعها ( صوتها منخفض ) وهذي صعبه بس نجحت فيها والحمد لله ... العيادة ال9 عيادة طول اعضاء الجسم يشوفون فيه رجل اطول من رجل او يد اطول من يد الخ ... العيادة ال10 عيادة تخطيط قلب يشوفون قلبك .. العيادة ال11 عيادة المختبر يحللون بولك وانتم بكرامه ... اذا سقطت بأي اختبار من هال11 يبون يمسكونك الباب .. واذا تعديتهن يحولونك للمقابلة الشخصية .. المقابلة الشخصية سهله مره .. يسألك متى توحدت المملكه العربية السعودية؟ وش اكبر حقل نفط بالعالم ؟ ومنه الامين العام ؟ ووش عاصمة تركيا ؟ ووش حدود المملكه من الشمال؟ وهل لك اقارب عسكريين؟ وهل انت تدخن؟ يعني اسئلة بسيطه مره ...واتمنى من الله ان يوفقني ويوفقكم ...

[احتمال ضعنا]

ياشباب المدرسة ماعطوني شهادة حسن سيرة وسلوك ؟؟؟؟؟؟؟؟؟؟؟؟؟؟؟؟؟؟؟؟

[fighter pilo0ot]

^^^

عادي كلنا ماعطونا
انا سلمت ملفي ولا سألوني عنها

[ملك بني شهر]

يا فتي الخرررج بالله لازم الوزن يتناسب مع الطووول ,’
عز الله رحت فيها
انا ووزني
102 و طولي 173
و الوزن المناسب لطولي 74 ؟؟؟؟؟
بالله لازم يتناسب الوزن و الطول عششان مااتعب نفسي و اروح ., الرياض انا من تنومه ..؟

[فاهم]

الله يوفقكم جميعا بالنسبه لي انا قبل 3 سنوات انقبلت فيها وتعالو شوفو الضلم الي صار نجحت بالاختبارات وسويت اخر حاجه الي هي اختبار الياقه تخيلو جبت المركز الاول بالسباق ونجحت باختبار الياقه خلاص توقعت نفسي مقبول وبلاخير حصلت نفسي خارج المقبوليين والله كليه الملك فيصل الجويه اغلب طلابها داخليين بواسطات وانا متاكد واحد واسطته قويه حطوه مكاني شدو حيلكم والله يوفقكم

[هتلر العرب]

طيب يا شباب انا اسناني متسوسه وعندي واحده من اسناني مكسور نصفه يعني ما في امل يقبلوني

[احتمال ضعنا]

والله على كلام الششباب يقولون لا
وانا عندي في حشوات لاكن خلوها على الله

[هتلر العرب]

اقتباس:     المشاركة الأصلية كتبت بواسطة احتمال ضعنا  

والله على كلام الششباب يقولون لا
وانا عندي في حشوات لاكن خلوها على الله

لا تقولونها ياخي والله جالس اسهر الليل كلها علشان هل كلية واخر شي علشان الاسنان ما يقبلوني وشو انا بصير رجال يحمي البلد ويحمي الدين والا عارضة ازياء طيب يا شباب تكفون ما فيه طريقه اعدل فيها اسناني

[ملك بني شهر]

والله على الاسنان
حراام بالله اثنين محشيين و واحد ملعوووب في ابو جده ,’
لكن على الله ,’كل شيء مكتووووب ,’ صيدلة ولا الجوية

[هتلر العرب]

اقتباس:     المشاركة الأصلية كتبت بواسطة ملك بني شهر  

والله على الاسنان
حراام بالله اثنين محشيين و واحد ملعوووب في ابو جده ,’
لكن على الله ,’كل شيء مكتووووب ,’ صيدلة ولا الجوية

معليش اخوي بسائلك سؤال كم نسبتك في التراكمي والقياس والتحصيلي

نصيحة اخوك لا تضيع المجال الطبي ترا زين وله مستقبل

[ماجد بن عبدالرحمن]

ههههههههههههههههههههههههههههههه ااما عشان حششوات انطرد ياعمي انا اسناني فيها اكثر من 5 فيها حشوات ومركب تقويم وحالتي حاله , بس الدنيا مب موقفه على جويتهم ان جت جت ولا بطقاق

[kesho]

شباب وزني 85 وطولي 175 انا بيمشي وضعي

[ماجد بن عبدالرحمن]

اقتباس:     المشاركة الأصلية كتبت بواسطة kesho  

شباب وزني 85 وطولي 175 انا بيمشي وضعي

والله مدري يا الغالي .. وانا مثلك انا وزني 78 ووطولي 171 اتوقع اوزانا مقبوله بشكل عام لان لو دخلنا فيه 45 يوم تمارين بلهبل

[الكابتن 1]

يا شبااب انا اليوم رحت وفحصت وسويت المقابلة الشخصية وكلها عدت على خير الحمد لله

بالنسبة للي يسال عن الاسنان

شوف حبيبي انا مركب تقويم وعندي حشوات كثيير ومشوني

اللي ماينقبل هو اللي عندة تسوس بس او اللي اسنانة ملخبطة ولاهي مترتبة

وبصراحة اليوم ردو نااس كثير من الفحص اكثرهم على حد علمي

طول ووزن ..

اي سؤال انا حاضر