[alshqeqe]

السلام عليكم

انا اسمي عبدالمنعم سعودي الجنسيه وهذا تقرير عن اكاديميه الفا في الشارقه Alpha Aviation Academy

اول ما بدات التواصل مع الاكاديميه علشان اخذ المعلومات جاني ايميل في اشياء كثيره مفيده عن الاكاديميه وراح تشوفونها بالمرفقات ، لاكن باختصار

1- مده الدراسه من 18 شهر الى 20. شهر (مع الاجازات وكذا)
2- تكلفه الدراسه 570 الف درهم اماراتي + 110 (تدفعها اذا بديت اللاين ترينق ، الي هي السنتين مع العربيه للطيران ويرجعونها لك لما تخلص السنتين) + مصاريف معيشتك في الامارات.
3- تتكون الدراسه تقريبا من اربع مراحل :
* المدرسه الارضيه.
* الطيران الفعلي، وراح تخلص 70 ساعه طيران في دوله البرتغال.
* المدرسه الارضيه للتحضير لل Airbus A320 .
* الطيران ب سيموليتر الAirbus A320 ( والطيران بالسيموليتر يعتبر طيران فعلي تقريبا)
4- راح تخلص 1500 ساعه مع العربيه للطيران وتكون مساعد اول First officer .

طريقه التقديم واختبارات القبول.
التقديم سهل كل ما عليك انك تدخل موقع الاكاديميه وتتواصل معاهم وراح يرسل لك ايميل فيه كل المعلومات الي تحتاجها
وانا راح ارفع كل الاشياء الي جاتني.

اختبارات القبول
تتكون من فيزياء، رياضيات، انجليزي، اختبارات عمليه، اختبارات الشخصيه وسرعه البديهه، مقابله مع دكتور نفسي، مقابله مع بعض مدربين الاكاديميه (او مدير الاكاديميه كابتن فيكتور)

1-اختبار القيزياء والرياضيات،
هذي اختبارات تكون على ورق وكل اختبار يتكون من 25 سؤال وراح يعطونك حاسبه
طبعا هذي الاختبارات مو صعبه كثير كلها مستوى الثانويه. (وراح تشوفون في المرفقات وش المواضيع الي راح يختبرونكم فيها)
2- اختبار الانجليزي،
كان جدا سهل بالنسبه لي ، ويتكون من اربع اجزاء ممكن اصعب جزء فيها هو الاستماع ( لانك راح تستمع الى حوار يدور بين الكابتن وبرج المراقبه ) لاتاخفون ماراح يقول مصطلاحات طيران بس شوي اللهجه صعبه. وراح تشوفون الاجزاء في الملفات المرفقه.
3- الاختبارات العمليه وما ادراك ما الاختبارات العمليه،،،
ينقسمون الى ست انواع ( الذاكره، تنسيق العين مع اليد Slalom ، تنسيق العين مع اليد والارجل Control ، اداره المهام Task Manager ، الفهم البسيط لاجهزه الطائره Orientation )
طبعا اذا ما عديت اي من الاختبارات الي قبل خصوصا الاختبارات العمليه راح يختبرونك مره ثانيه
وبالنسبه للختبارات العمليه اذا ما عديتها راح يرسلونك الى مقر تدريب في دبي وراح تدفع 500 درهم علشان تاخذ التدريب
وبعدها يعيدون لك الاختبار ( وهذا الي صار لي ) انا ما عديت ال Control و Orientation .

4- اختبار الشخصيه حاول انك تكون صادق فيه لانك اذا جلست تكذب راح يكشف كذبك الدكتور النفسي حاول واصلا هو مافيه اجابه صح او غلط يعني مثال ( راح تجيك جملتين وكل وحده فيهم تمثل شي مثلا تجيك جمله مكتوب فيها انا احب اني اخلص شغلي في الوقت المناسب والجمله الثانيه تقول انا احب اني اشتغل مع الفريق)
وانت تختار الي انت ترتاح له لانك اذا حطيت شي ثاني او كذبت راح تضطر انك تكذب في المقابله مع الدكتور النفسي وهذا الشي صعب فخلك كما انت ممكن ان الدكتور يحطمك ويحسسك انك ما تصلح تكون طيار بس ماعليك منه اضبط اعصابك وجاوب بثقه.

ولما تعدي هذا كله راح تسوي الفحص الطبي
وحط في بالك ان كل مرحله راح تسويها راح تدفع لها رسوم وكل هذا موجود في الملفات المرفقه

واذا خلصت الفحص الطبي راح تسوي مقابله يسمونها Panel interview معنها مقابله مع اكثر من شخص في نفس الوقت
في حالتي كان معي مدير الاكاديميه واثنين نسيت اسمهم
حاول انك تكون لابس عدل وتتكلم بثقه وتعرف الاجوبه المعتاده في المقابلات مثلا ( ليه تبي تكون طيار) ( ليه اخترت اكادميه الفا) ( وش تعرف عن اكادميه الفا وشركه العربيه للطيران ) ( وش نوع الطائرات الي تستخدمها شركه العربيه للطيران )
( وش نظرتك لنفسك بعد عشر سنوات او وين تبي تكون ) الى اخره.

واذا خلصت كل هذا مبروك عليك الانضمام والله يعينك تدفع المبلغ ،،،

واي سؤال او استفسار انا حاضر

[عبدالرحمن صبري.]

والله انك كفو
بس هل تتعين لما تخلص في العربيه ولا انت تدور
وهل تاخذ راتب في التايب ريتنج بالعربية

[phantom010]

السلام عليكم
بالنسبة ل 110 الف هل لازم تدفعهم و لا هم يخصمون من المرتب و اذا بتدفعهم متى يندفعو؟
و المصاريف دفعه واحده و لا مع كل رخصة مبلغ معين؟

[alshqeqe]

اقتباس:     المشاركة الأصلية كتبت بواسطة عبدالرحمن صبري.  

والله انك كفو
بس هل تتعين لما تخلص في العربيه ولا انت تدور
وهل تاخذ راتب في التايب ريتنج بالعربية

اساسا شركه العربيه للطيران هي الي افتتحت هذي الاكاديميه علشان تدرب طيارين لها، لان هم ما يضمنون لك شي علشان لاسمح الله وصار شي مايكونو ملتزمين بتوظيفك كل الي عليهم انك تخلص ال 1500 ساعه.

لاكن احتماليه انك تتوظف عندهم جدا كبيره لانك متدرب تحت اشرافهم ( واول يوم دوام لي دخل علينا مدير الاكاديميه وقال لنا كلام زبدته انك لاتشيل هم الوظيفه)

[alshqeqe]

اقتباس:     المشاركة الأصلية كتبت بواسطة phantom010  

السلام عليكم
بالنسبة ل 110 الف هل لازم تدفعهم و لا هم يخصمون من المرتب و اذا بتدفعهم متى يندفعو؟
و المصاريف دفعه واحده و لا مع كل رخصة مبلغ معين؟

بالنسبه للمصاريف الي اهي 570 الف راح تكون على اربع دفعات
142500 في اول شهر
142500 في خامس شهر
142500 في عاشر شهر
142500 في الشهر الخامس عشر
وبالنسبه لل 110 الف راح تدفعهم اول ما تخلص البرنامج بعد 19 شهر تقريبا ولازم تدفعهم دفعه وحده (لانها تعتبر ضمانه للعربيه للطيران انك راح تكمل العقد معهم )

[Abu HASAN]

طمنا عليك الان وين صرت
لاني مهتم وحاب اقدم لابني في الاكاديميه

[Muhammad Alfors]

اقتباس:     المشاركة الأصلية كتبت بواسطة alshqeqe  

السلام عليكم

انا اسمي عبدالمنعم سعودي الجنسيه وهذا تقرير عن اكاديميه الفا في الشارقه Alpha Aviation Academy

اول ما بدات التواصل مع الاكاديميه علشان اخذ المعلومات جاني ايميل في اشياء كثيره مفيده عن الاكاديميه وراح تشوفونها بالمرفقات ، لاكن باختصار

1- مده الدراسه من 18 شهر الى 20. شهر (مع الاجازات وكذا)
2- تكلفه الدراسه 570 الف درهم اماراتي + 110 (تدفعها اذا بديت اللاين ترينق ، الي هي السنتين مع العربيه للطيران ويرجعونها لك لما تخلص السنتين) + مصاريف معيشتك في الامارات.
3- تتكون الدراسه تقريبا من اربع مراحل :
* المدرسه الارضيه.
* الطيران الفعلي، وراح تخلص 70 ساعه طيران في دوله البرتغال.
* المدرسه الارضيه للتحضير لل Airbus A320 .
* الطيران ب سيموليتر الAirbus A320 ( والطيران بالسيموليتر يعتبر طيران فعلي تقريبا)
4- راح تخلص 1500 ساعه مع العربيه للطيران وتكون مساعد اول First officer .

طريقه التقديم واختبارات القبول.
التقديم سهل كل ما عليك انك تدخل موقع الاكاديميه وتتواصل معاهم وراح يرسل لك ايميل فيه كل المعلومات الي تحتاجها
وانا راح ارفع كل الاشياء الي جاتني.

اختبارات القبول
تتكون من فيزياء، رياضيات، انجليزي، اختبارات عمليه، اختبارات الشخصيه وسرعه البديهه، مقابله مع دكتور نفسي، مقابله مع بعض مدربين الاكاديميه (او مدير الاكاديميه كابتن فيكتور)

1-اختبار القيزياء والرياضيات،
هذي اختبارات تكون على ورق وكل اختبار يتكون من 25 سؤال وراح يعطونك حاسبه
طبعا هذي الاختبارات مو صعبه كثير كلها مستوى الثانويه. (وراح تشوفون في المرفقات وش المواضيع الي راح يختبرونكم فيها)
2- اختبار الانجليزي،
كان جدا سهل بالنسبه لي ، ويتكون من اربع اجزاء ممكن اصعب جزء فيها هو الاستماع ( لانك راح تستمع الى حوار يدور بين الكابتن وبرج المراقبه ) لاتاخفون ماراح يقول مصطلاحات طيران بس شوي اللهجه صعبه. وراح تشوفون الاجزاء في الملفات المرفقه.
3- الاختبارات العمليه وما ادراك ما الاختبارات العمليه،،،
ينقسمون الى ست انواع ( الذاكره، تنسيق العين مع اليد Slalom ، تنسيق العين مع اليد والارجل Control ، اداره المهام Task Manager ، الفهم البسيط لاجهزه الطائره Orientation )
طبعا اذا ما عديت اي من الاختبارات الي قبل خصوصا الاختبارات العمليه راح يختبرونك مره ثانيه
وبالنسبه للختبارات العمليه اذا ما عديتها راح يرسلونك الى مقر تدريب في دبي وراح تدفع 500 درهم علشان تاخذ التدريب
وبعدها يعيدون لك الاختبار ( وهذا الي صار لي ) انا ما عديت ال Control و Orientation .

4- اختبار الشخصيه حاول انك تكون صادق فيه لانك اذا جلست تكذب راح يكشف كذبك الدكتور النفسي حاول واصلا هو مافيه اجابه صح او غلط يعني مثال ( راح تجيك جملتين وكل وحده فيهم تمثل شي مثلا تجيك جمله مكتوب فيها انا احب اني اخلص شغلي في الوقت المناسب والجمله الثانيه تقول انا احب اني اشتغل مع الفريق)
وانت تختار الي انت ترتاح له لانك اذا حطيت شي ثاني او كذبت راح تضطر انك تكذب في المقابله مع الدكتور النفسي وهذا الشي صعب فخلك كما انت ممكن ان الدكتور يحطمك ويحسسك انك ما تصلح تكون طيار بس ماعليك منه اضبط اعصابك وجاوب بثقه.

ولما تعدي هذا كله راح تسوي الفحص الطبي
وحط في بالك ان كل مرحله راح تسويها راح تدفع لها رسوم وكل هذا موجود في الملفات المرفقه

واذا خلصت الفحص الطبي راح تسوي مقابله يسمونها Panel interview معنها مقابله مع اكثر من شخص في نفس الوقت
في حالتي كان معي مدير الاكاديميه واثنين نسيت اسمهم
حاول انك تكون لابس عدل وتتكلم بثقه وتعرف الاجوبه المعتاده في المقابلات مثلا ( ليه تبي تكون طيار) ( ليه اخترت اكادميه الفا) ( وش تعرف عن اكادميه الفا وشركه العربيه للطيران ) ( وش نوع الطائرات الي تستخدمها شركه العربيه للطيران )
( وش نظرتك لنفسك بعد عشر سنوات او وين تبي تكون ) الى اخره.

واذا خلصت كل هذا مبروك عليك الانضمام والله يعينك تدفع المبلغ ،،،

واي سؤال او استفسار انا حاضر

راسلني علي الواتس أب +201068043936