[killer1155]

السلام عليكم

انا دخلت كلية الملك فيصل الجوية هالسنة الحين لي عندهم شهرين
والي موب عاجبني فيها ان التعيين الطيار فيها مايكون فالرياض ( تبوك خميس مشيط...)
وانا سحبت ملفي من جامعة الملك سعود
فسؤال هل اقدر ارجع الجامعة

ارجوكم والي عنده اي حل او نصيحة لايبخل علي فيه

[Omar Alawadhi]

اقتباس:     المشاركة الأصلية كتبت بواسطة killer1155  

السلام عليكم

انا دخلت كلية الملك فيصل الجوية هالسنة الحين لي عندهم شهرين
والي موب عاجبني فيها ان التعيين الطيار فيها مايكون فالرياض ( تبوك خميس مشيط...)
وانا سحبت ملفي من جامعة الملك سعود
فسؤال هل اقدر ارجع الجامعة

ارجوكم والي عنده اي حل او نصيحة لايبخل علي فيه

الأفضل انك تتواصل مع الجامعة على طول
طلع رقمهم من موقعهم او دليل و اتصل ;)

[Zezox1000]

اخوي انا ان شاء الله هاذي السنه ب اقدم على كلية الملك فيصل الجوية تنصحين بها
وبعدين اذا معليك امر كم المعدل الي دخلت به

[Zezox1000]

تنصحني
سلام وعلكم ورحمة الله وبركاته

[inventor]

اخوي كيف دخلت وعمرك 24 لاني خابرهم مايقبلون الا خريجي السنه هذي

[لاكلند]

السلام عليكم... كيف تدخل وانت تعرف العسكريه ومشاكلها... بعدين من ضمن لك انك طيار من الحين!!

الامور والمشا كل فى الدنيا والعسكريه معقده.. اذا ماعندك صبر كمل دراستك احسن لك.... بالتوفيق..

[MrQoZy]

اقتباس:     المشاركة الأصلية كتبت بواسطة لاكلند  

السلام عليكم... كيف تدخل وانت تعرف العسكريه ومشاكلها... بعدين من ضمن لك انك طيار من الحين!!

الامور والمشا كل فى الدنيا والعسكريه معقده.. اذا ماعندك صبر كمل دراستك احسن لك.... بالتوفيق..

ههههه انا فلسطيني أردني ودفع نص عمري عشان بلد توظفني عندها ههههه.
أخي السائل خليك صبور.

[ZUH_SH]

اقتباس:     المشاركة الأصلية كتبت بواسطة killer1155  

السلام عليكم

انا دخلت كلية الملك فيصل الجوية هالسنة الحين لي عندهم شهرين
والي موب عاجبني فيها ان التعيين الطيار فيها مايكون فالرياض ( تبوك خميس مشيط...)
وانا سحبت ملفي من جامعة الملك سعود
فسؤال هل اقدر ارجع الجامعة

ارجوكم والي عنده اي حل او نصيحة لايبخل علي فيه

يا رجال احمد ربك انك دخلتها , لانها حلم الالاف من الشباب السعوديين , وترا اذا انقبلت في تخصص طيار , لازم اول ما تتخرج تتعين في , تبوك او خميس مشيط لفنرة محدودة (فترة تدريب) .. ثم بعد ان تستقر على طائرة معينة تعمل في نفس قاعدتها ..

مثلا : لو عينوك في تبوك , راح تتدرب على طاىرة الهوك , وبعد التدريب راح يقسمونكم الى مجموعات .. المجموعة الاولى (المتفوقين) راح يختارون طياراتهم الرسمية التي يعملون عليها .. لو كنت من هاذي المجموعة واخترت مثلا طاىرة f15 لازم تعمل في الظهران او خميس مشيط او الطاىف فقط ولو اخترت طاىرة النقل سي ون ثيرتي .. لازم تعمل في الخرج او جدة فقط ولو اخترت التايفون لازم تعمل في الطاىف او تبوك

اما اذا كنت من المجموعة الثانية .. هم راح يرسلونك لـ قاعدة معينة ..


واذا كنت تتوقع انك راح تعمل طيار في الرياض , ترا هذا شي مستحيل لان قاعدة الرياض الجوية لا يوجد فيها اسراب للطيران , واقرب قاعدة ممكن تعمل فيها كطيار قاعدة الخرج .. اما لو تخرجت بتخصص غير الطيار ومشغل انظمة التسليح و الملاحة .. راح تتمكن من العمل في الرياض

وانا انصحك تستمر فيها .. لان مستقبلها ممتاز جدا .. واعتذر على الاطالة

[ZUH_SH]

اقتباس:     المشاركة الأصلية كتبت بواسطة لاكلند  

السلام عليكم... كيف تدخل وانت تعرف العسكريه ومشاكلها... بعدين من ضمن لك انك طيار من الحين!!

الامور والمشا كل فى الدنيا والعسكريه معقده.. اذا ماعندك صبر كمل دراستك احسن لك.... بالتوفيق..

في كلية الملك فيصل الجوية , يعلمونك التخصص اللي انقبلت عليه ( يعني يقولون لك انت بتصير طيار او بتصير فني ) من اول ما تدرس ..

عشان كذا الولد , متاكد انه راح يكون طيار ..