[طيار على حسن]

ماهو افضل قاموس للمبتدئين يحتوي على اكبر كم من مصطلحات الطيران؟ ارجوكم عايز ادخل دراسة الطيران وانا مستعد .......

[Cpt.Mohammed]

نصيحة .. متحاولتش تحفظ اي مصطلحات دلوقتى , استنى لما تدرس و المصطلحات هتلاقيها قدام عينك يومياً و هتثبت في مخك , اما لو حفظت مصطلحات دلوقتى , هتثبت ف مخك بدون موقف معين او مرتبطة بكلمة قالها مدرسك , فأسترجاعها هيكون اصعب من ان تكون مرتبطة بموقف او كلمة او اشارة من مدرسك .. فلما يحصلك الموقف ده هتلاقيك عارف المصطلح .. وممكن المصطلح اللى هتذاكره و تحفظه دلوقتى يثبت ف مخك بتصور خطأ ( لأن مفيش موقف ارتبط بيه او رسمة على السبورة او صورة ف الكتاب ) , وهيفضل محفور ف ذهنك بالتصور الخاطيء ..

بالنسبة للـ abbreviations , متحفظهاش , هتلاقيك تلقائياً حافظها من كتر المذاكرة في الكتب و بأذن الله ربنا يوفقك و تشتغل , طول ما الأختصارات دي بتعدي قدامك كل يوم فمتقلقش .. انا مرحل جوي و بستخدم الأختصارات و المصطلحات دي يومياًفي شغلى و عمرى ما حفظتهم , ثبتوا في مخى بالوقت .. فمتتعبش نفسك ..

محدش هيلومك و يقولك انك مش كفء عشان مش حافظ مصطلحات , لأن حتى الكباتن الكبار المخضرمين ف المجال لما بيكونوا ناسيين حاجة بيفتحوا الكتب , وتلاقيهم بيقولوا : استنى افتح الكتاب .. و احنا العاملين في المجال بناخدها كزيادة تاكد , عمرنا ما بناخدها على محمل : دا مش عارف او نسي .. لأن الخطأ بموتة زي ما بيقولوا , ولازم نتأكد مرة و اتنين و عشرة ..

عموماً تفضل قاموس لمصطلحات الطيران , هيفيدك ف دراستك ..

Dictionary_of_Aviation.pdf

بالتوفيق ان شاء الله

[tariq mohamed]

بالنسبة انك عايز تبدا الدراسة وانت جاهز فانصحك انك تتطور الإنجليزي كلغة مش بس انجليزي طيران .. لأنك حتستعمل الإنجليزي للتواصل مع الطلاب والمدرسين والمراقبين و لفهم المنهج بصورة سهلة وواضحة - يعني تفهم طريقة الشرح بالإنجليزي -بالإضافة انك لازم يكون سمعك للإنجليزي 100% (تسمع وانت فاهم يعني ) ..

طبعاً لازم تبذل مجهود كبير، سواءً دخلت كورس او درست لوحدك ، بس حتشوف مجهودك ..

دا بالنسبة لتجربتي مع اللغة :) .. وبالتوفيق ..

[tariq mohamed]

اقتباس:     المشاركة الأصلية كتبت بواسطة Cpt.Mohammed  

نصيحة .. متحاولتش تحفظ اي مصطلحات دلوقتى , استنى لما تدرس و المصطلحات هتلاقيها قدام عينك يومياً و هتثبت في مخك , اما لو حفظت مصطلحات دلوقتى , هتثبت ف مخك بدون موقف معين او مرتبطة بكلمة قالها مدرسك , فأسترجاعها هيكون اصعب من ان تكون مرتبطة بموقف او كلمة او اشارة من مدرسك .. فلما يحصلك الموقف ده هتلاقيك عارف المصطلح .. وممكن المصطلح اللى هتذاكره و تحفظه دلوقتى يثبت ف مخك بتصور خطأ ( لأن مفيش موقف ارتبط بيه او رسمة على السبورة او صورة ف الكتاب ) , وهيفضل محفور ف ذهنك بالتصور الخاطيء ..

بالنسبة للـ abbreviations , متحفظهاش , هتلاقيك تلقائياً حافظها من كتر المذاكرة في الكتب و بأذن الله ربنا يوفقك و تشتغل , طول ما الأختصارات دي بتعدي قدامك كل يوم فمتقلقش .. انا مرحل جوي و بستخدم الأختصارات و المصطلحات دي يومياًفي شغلى و عمرى ما حفظتهم , ثبتوا في مخى بالوقت .. فمتتعبش نفسك ..

محدش هيلومك و يقولك انك مش كفء عشان مش حافظ مصطلحات , لأن حتى الكباتن الكبار المخضرمين ف المجال لما بيكونوا ناسيين حاجة بيفتحوا الكتب , وتلاقيهم بيقولوا : استنى افتح الكتاب .. و احنا العاملين في المجال بناخدها كزيادة تاكد , عمرنا ما بناخدها على محمل : دا مش عارف او نسي .. لأن الخطأ بموتة زي ما بيقولوا , ولازم نتأكد مرة و اتنين و عشرة ..

عموماً تفضل قاموس لمصطلحات الطيران , هيفيدك ف دراستك ..

Dictionary_of_Aviation.pdf

بالتوفيق ان شاء الله

شكراً كابتن .. أنا كنت مفكر احفظ كل يوم خمس مصطلحات بتعاريفهم بس بعد كلامك دا خليها لوقتها ..
:) بالتوفيق ..

[نور الدين العم]

إن شاء الله عقبال الكل يصيروا طيارين

[alaaabunejem]

النجاح بحاجة للاجتهاد