[جريح القلب]

بسم الله الرحمن الرحيم

السلام عليكم ورحمة الله وبركاتة

طيران الامارات ,, طيران الاتحاد ,, طيران العربية

ياخواني بماا انه ماشاء الله عندنا خطوط طيران عالمية واقتصادية والله منعم عليهم بالارباح
ليش مايكون هنالك خصم على أسعار التذاكر لبعض الفئات من مواطنين دولة الامارات
(ذوي الدخل المحدود , كبار السن , طلاب الامارات في الخارج,,ألخ)
أخص بالذكر طلاب الامارات خارج الدولة .. ياجماعة نحن رايحن ندرس خارج الدولة والحمدلله الدولة
مب مقصرة معانا في أي شي ونشكرهكم جزيل الشكر ..

بس كل الي نتتمناه انه يكون في دعم على صعيد تذاكر السفر للخارج .. في بعض الاوقات توصل سعر التذكرة على السياحية فوق 9000 الاف درهم اماراتي ( ااستراليا الى الامارات )والصراحة مبلغ مبالغ فيه جدااااا
نحن كطلاب بس نطالب انه نحصل على اسعار خاصة او خصومات تصل 50 % من قيمة التذكرة
انا احاول بجد الطرق اني اتواصل مع أي عضو من ادارات شركة الطيران في الدولة والله يكتب الي فيه الخير

مانقول انة شي مستحيل نحن طلاب وعيال البلاد وترى عددنا قليل جدااا مايتعدى 10 الاف طالب ليش نروح للشركات الثانية ونفديهم لانه سعرهم يكووون دائما ارخص عن اسعار شركاتنا ,,
أتمنى أنه الرسالة توصل والسمووحة وأنتظر ردود الاعضاء وسماع كلمتهم

[خالد المازم]

والله اخوي اتمنى انه توصلهم رسالتك.. وان شاء الله انا اعرف ناس يصيرون لي يشتغلون في شركة طيران الامارات .. والله يكتب الي فيه الخير ..
السموحة على الفضول . بس حبيت شو تدرس ان استراليا؟.

[جريح القلب]

تسلم ياخوووي سلمك الله ادرس سياسية

[هلينسكي]

احنا طلابنا الي يدرسون بالأردن ياخذون خصومات 30 بالمئه بس مادري عن الطلاب الي بلندن وأستراليا وأمريكا لكن ماتقوع يعطونهم خصومات خلها على ربك

[FlyingWings]

احمد ربك مادمت تاخذ مكافاة زينه
الطلاب السعوديين منتشرين بالعالم كله وعددهم مع عوائلهم يمكن يفوق عدد سكان دول
ومع ذلك مافيه رحلات مباشرة من السعودية تخدمهم من الاصل رغم انهم لحالهم سوق لحاله
يعني لارحلات لكندا ولا لاستراليا ورحلات امريكا بس مدينتين يعني فيهم ترانزيت واسعار نااااار بعد
انت على الاقل عندك رحلات مباشرة موب زي اقاربي انلطعوا بدبي 15 ساعة ترانزت وهم رايحين لاستراليا
تحياتي لك

[إنسان ذوق]

حبذا لو هذا النوع من الشكاوي ينشر في صندوق الشكاوي للشركة الباعثة للطالب

أو البرنامج الصباحي في الراديو حتى تنظر الدولة لكم

القطرية نفس الكلام مالها خصم على طلاب قطر المبتعثين (( مع إنهم قليلين جدا ً بالنسبة للدول الأخرى))

فقط الشركة الباعثه تمنح الطالب تذكرة ذهاب أول البعثه
أما السفرات اللي بين هالفترة اللي يحتاجها الطالب إلى العودة للوطن مرة أخرى فهذه يتكفل بها الطالب

أنا أؤيدك أن هذا خطأ

أشكرك يالغالي ع الموضوع المهم

[السنافيه]

وعليكم السلام ورحمه الله وبركاتة..
انا اتفق معك اخوى،بس ياليت تكلم حد من مدارء الخطوط بيكون احسن خاصه اذا عددكم كبير..
دشيت اقولك عسي ربي يوفقكم ويحفظكم وينجحكم ويسهل اموركم..
السموحه

[كويتيه وافتخر]

هل حال عندنا بعد , لكن الاسعار عندنا معقوله الاشهر العاديه لكن المواسم طبيعي تكون نار

الله يهديهم و يفكرون بالطلاب و المرضى المسافرين على حسابهم الخاص الي يقطون الاف على السفرات

[جريح القلب]

اشكركم ياخواني على الدعم الطيب منكم انا احاول بشتى الطرق اني اتواصل مع احد اعضاء الادارة في الامارات او الاتحاد والله يكتب الي فية الخير .. دعواتكم

[3bdulaziz]

اقتباس:     المشاركة الأصلية كتبت بواسطة FlyingWings  

احمد ربك مادمت تاخذ مكافاة زينه
الطلاب السعوديين منتشرين بالعالم كله وعددهم مع عوائلهم يمكن يفوق عدد سكان دول
ومع ذلك مافيه رحلات مباشرة من السعودية تخدمهم من الاصل رغم انهم لحالهم سوق لحاله
يعني لارحلات لكندا ولا لاستراليا ورحلات امريكا بس مدينتين يعني فيهم ترانزيت واسعار نااااار بعد
انت على الاقل عندك رحلات مباشرة موب زي اقاربي انلطعوا بدبي 15 ساعة ترانزت وهم رايحين لاستراليا
تحياتي لك

الترانزيت مشكله وأنا مره وفرت لي شركه طيران الإمارات سكن بالفندق الي بالمطار والترانزيت فقط 8 ساعات مابالك لو أكثر


وبالنسبه للطلبه السعوديين تذاكرهم على حساب الحكومه

[طياران]

والله انك صادق بس يمكن عشان عليه ضغط في الفلوس

[خليجي قطري]

نفس الشي عندنا القطريه هالانجليز والبتان ميتين عليها لانها رخيصه برع وداخل اسعارها نااااااار
مره ابوي راح الصين درجة بزنس تذكرته ذهاب وعوده 15 الف ريال وفي واحد مصري صوبه رحلته القاهره دوحه هونغ كونغ ابوي سأله عن سعر تذكرته قاله بـ 9 الاف ذهاب وعوده
لاحظتوا انه الفرق كبيييييير

[hmh_722]

ولماذا لا يكون الخصم والعروض لكافة الفئات مواطنين وووافدين وبذلك يزيد تقدير الجمهور للناقلات وتزداد السمعة الطيبة للشركات