[waleed_sami]

كيفكم شباب
كلنا الان اصبحنا بفضلكم طيارين بس وانا بطير اون لاين في مطارات مافيها ولا مراقب طيب لازم اهبط عن طريق ال STAR طيب مافي دروس عن الStar يعني احد الشباب يكون قدمها وطبعاً حتى في الاقلاع مافي دروس عن ال SID
بليز اعطوني شوية دروس بس عن هذه الموضوعين للاهمية وشكراً علشان لا اهبط في مطار بشكل غلط

[AboAbdulla]

ممكن الشرح في المواضيع التالية يقرب لك الفكرة شوي

ما هو الفرق بين SID و STAR

شرح الـ SID و الـ STAR بطريقة مبسطة مع مثال


هل يمكن رحلة كاملة بــATC

كيف تبرمج الـ FMC علي الـ Route

حصرياً خرائط الـ SID و الـ STAR لمطار القاهرة

SID : standard instrument departure
STAR :standard terminal arrival rout

[Cpt.Mohammed]

الأخ العزيز .. اولاً أسمحلي أطلب منك وضع اي سؤال مستقبلي او أستفسار في قسم الدعم الفني .. فهو خاص لتلقي الطلبات , حتي يتم النظر أليها في أسرع وقت ممكن ..

بالنسبة للـ SID و الـ STAR ... يوجد شروحات كتييير جداً علي المنتدي

كيف تبرمج الـ FMC علي رووت الرحلة
ما هو الفرق بين SID و STAR
شرح الـ SID و الـ STAR بطريقة مبسطة مع مثال

كل هذه دروس ..و الموضوع سهل جداً,مجرد معرفتك لمبدأه خلاص .. هيبقي سهل بأذن الله , الـ SID هو مسار معين يستخدمه الطيار ليغادر مدرج الأقلاع , وينتهي هذا المسار بأول نقطة من نقاط الرووت ..


مثال كما طلبت ..

سنفرض بأن الطيار سيغادر مطار القاهرة الي مطار الغردقة عبر الرووت SOLAM A727 RASMI A727 SEMRU DCT HGD ..

يمكنه أستخدام الـ SID الذي ينتهي بأول نقطة من نقاط المسار( SOLAM) او الأقرب منه (RASMI) ..

و لمطار القاهرة ثلاث SID لـ RASMI
بعد الاطلاع علي خرائط الـ SIDs كلها و الخاصة بمطار القاهرة..

- RASMI 1A
-RASMI 1B
-RASMI 1C

تاني خطوة هي أختيار الـ SID الخاص بالمدرج اللي هتقلع منه .. يعني لو بصيت في الصورة اللي تحت هتلاقي ان SID راسمي 1C للمغادرة من علي مدرج 23R ناحية الجنوب South .. لو الـ active runway for departure 23R , هنستخدم SID RASMI 1C .... كما بالصورة التالية



في الصورة نلاحظ ان الـ SID RASMI 1C يستخدم في حالة ان المدرج المتاح للأقلاع طبقاً لأتجاه الرياح او لمعلومات الـ ATIS الخاصة بالمطار 23R .. طبعاً أخترنا SID RASMI 1C دون غيره من باقي الـSIDs الموجودة (ALPID 1C - MENLI 1C ) ... لأنه الأقرب لأول نقطة في المسار وهي RASMI لأنها بعد SOLAM مباشرة .



لو المدرج المستخدم للمغادرة 05L , سنستخدم SID RASMI 1B ... كما بالصورة بالأسفل



يمكنك أيجادهم بالنظر في خريطة الـ SIDs الخاصة بالمطار كلها .. فمطار القاهرة مثلاً يملك 8 خرائط خاصة بالـ SID , و لا يوجد SID لـ SOLAM ... لذلك أستخدمنا الSID الأقرب .. وهو RASMI ..


الـ STAR نفس العملية السابقة .. ونفس الخطوات تقريباً ... شفت الموضوع سهل ازاي ؟؟؟؟


بص - هراجع معاك تاني انا عملت ايه بالضبط , كأني سأقوم برحلة خطوة خطوة :-


1- أستقبلت معلومات ATIS و الميتار الخاص بالمطار .. وجدت ان الأكتيف ران واي 05L .
2- قمت بفتح الـ 8 خرائط الخاصة بالـ SID لمطار القاهرة .. و ذلك لإيجاد SID يقود طائرتي للنقطة SOLAM .
3- للأسف لم أجد SID قريب للنقطة SOLAM غير اني اختار RASMI ..
4- بما ان المدرج الذي سأستخدمه للأقلاع هو 05L أذن سأكون مطالب بأختيار SID RASMI 1B ( الصورة الثانية ) ..
5- عندما قمت ببرمجة الـ FMC علي SID RASMI 1B , سيقوم تلقائياً بمسح نقطة SOLAM و يستبدلها بنقطة RASMI ( التي تتلو SOLAM) ..لأنها ستكون أخر الـ SID ...

ما أحببت قوله لك في النهاية - ان أسم الـ SID يدل علي النقطة التي سيقود طائرتك لها .. 1B و 1C ما هي الا مسميات تفرق بين 2 SID لنفس النقطة ..

يعني RASMI 1B يوصل لنقطة RASMI
ٌِRASMI 1C يوصل للنقطة RASMI
MENLI 1C يوصل للنقطة MENLI ...

و هكذا

لو عندك أي استفسار ازاي ندخل الـ SID او الـ STAR في الـ FMC قولي , و أرجو ان يكون الـ SID و الـ STAR بقي شىء سهل ليك يا كابتن ..


مثال كمان علي الـ STAR عشان متزعلش مني

الـ STAR هو رووت ( سيبك من كلمة أجراءات أقتراب و الكلام الكبير ده) .. يقود طائرتك من أخر نقطة في مسار رحلتك الي مدرج الهبوط ..


هنتخيل اننا هنعمل رحلة من مطار الغردقة لمطار القاهرة
رووت الرحلة هيكون SEMRU A727 RASMI A727 SOLAM ..

هنتخيل ان المدرج المتاح للهبوط 05L حسب قراءة الرياح ..

اخر نقطة قبل مطار القاهرة هي SOLAM و القريبة منها RASMI ..

هنفتح المرادي خرائط الـ STAR الخاصة بمطار القاهرة ..

هندور علي اي STAR خاص بمدرج 05L لـ SOLAM ..

مفيش غير RASMI .. لا مشكلة ولا حاجة .. هندقق في الخريطة و هنختار STAR RASMI 1B ... أنظر الصورة بالأسفل ..



و كشرح سريع احنا عملنا ايه عشان نختار الـ STAR ::: أختارنا الـ STAR الي هياخدنا من اخر نقطة في المسار RASMI لمدرج الهبوط المتاح للأستخدام طبقاً لقراءة الرياح 05L ....

شىء أخير : الـ ATC بيقولك علي الـ SID او الـ STAR , بس انت كطيار ليك الحق في رفض اي SID او STAR و التنسيق مع الـ ATC علي أختيار واحد أخر او ألغاء المغادرة الألية او الأقتراب الألي و طلب Radar vectors بعد الأقلاع او للأقتراب من مدرج الهبوط ...

أسف علي الطريقة الهزلية دي للشرح - كنت احب الشرح يكون متقن شويا بس مستعجل علي صلاة الجمعة ..


لو لسة الموضوع غامض ليك - أخبرني


بالتوفيق

[sayer123]

يعطيك العافية ماقصرت !!!!!!!!!