[dj_world_5]

بسم الله الرحمن الرحيم

ف الاول احب اوضح ان دا درس للمبتدئين

و يكون ليا الشرف :f52ar: لو فى محترفين فادونا برايهم ف الموضوع دا

شغلى كـ كوانتر طيران تقريبا روتينى :3d_017:

جده ، الرياض ، عمان ، بيروت ، الوطن العربى بشكل عام
لندن ، باريس ، المانيا .. اشهر الدول بشكل عام

انما بيبقى الموقف محرج لو دخل عميل يطلب مكان انا اصلا ما اعرفوش

مثلا .....

عاوز اروح كوريا الجنوبيه .. نزلنى فى العاصمه
عاوز اروح جورجيا ف امريكا
بص انا عاوز انزل اقرب مطار لمدينه كاديز ف اسبانيا
عاوز اروح فوورسوف ف بولندا

و غيرها و غيرها من الاسئله

و ماخبيش عليكو انا بلاقى ناس كتير بترد على العملاء كده

النت فاصل و الله
اصل ما فيش رصيد
بص انا هاوديك كذا و انتا اتصرف
اتصل كده بحد هناك و قولو دى تبع ايه

و غيرها من الردود الى لا تليق بكوانتر طيران محترف

انا موش جاى انهارده اديك درس ف الجغرافيا .. انا جاى اعرفك ازاى تتصرف ف المواقف الى زى دى

جاهزين ؟؟
-------------

فى شويه مواقع هاتفيدنا

https://www.google.com.eg
موقع جوجل من داخل مصر

www.google.com
من خارج مصر

https://en.wikipedia.org/wiki/Main_Page

ويكيبيديا ، الموسوعه الشاملهو يدعم العربيه


https://www.vayama.com
موقع فاياما ، لحجز جميع خطوط الطيران


**************************************

سبق و عملت موضوع يشرح موقع فاياما الجميل
انما نعيد تانى ف الاعاده افاده

الموقع دا يا جماعه موقع حجز جميع خطوط الطيران عن طريق الفيزا

بس الى بيميز الموقع دا و السبب ف وجوده معانا انهارده
هوا الخريطه الى موضح عليها جميع مطارات دول العالم
موش بس كده ، دا كمان فيه محرك بحث جميل جدا

دى صوره للموقع




دى صوره لدوله مصر موضح عليها المطارات




طبعا النقطه الكبيره مطار دولى ( انترناشيونال )
النقطه الصغيره مطار محلى ( دوميستك )


دى صوره انا واقف بالماوس على مطار القاهره الدولى




اسم المطار و الكود بتاعه على سيستم جاليليو

Cairo, Egypt, Cairo Intl. Arpt.
CAI


دا شرح سريع للموقع


--------------------------------------------------------------


حد يقولى طب دى مصر و احنا عارفين موقعها و اسمها و عارفين العاصمه بتاعتها


انما فى بلاد بيبقى اول مره نسمع عنها و مانعرفشى مكانها على الخريطه


اقولك بقى هنا يظهر محرك البحث بتاع الموقع







محرك البحث دا زى الصورتين الى فاتو
بيشتغل باكواد و باسماء دول و باسماء مدن


موش بس كده دا انتا لو كتبت اسم الدوله
هايديك قائمه باسماء المطارات و اكوادها






حد يقولى طب مصر و بعرف اكتبها بالانجليزى
القاهره بعرف اكتبها بالانجليزى و عارف الكود بتاعها


انما بقى الدول الى اول مره اسمع عنها اجيب اسمها منين
و لو لو لو عرفت اكتبها .. طب اعرف عاصمتها منين
و اكتب اسم العاصمه ازاى ؟؟


هنا بقى فايده موقع جوجل و موقع ويكيبيديا


مثلا عاصمه كوريا الجنوبيه


مطلوب منك تعرف:


كوريا الجنوبيه بالانجليزى
العاصمه بتاعتها مكتوبه بالانجليزى
الكود بتاع العاصمه
و الكود بتاع المطار لو مختلف عن كود العاصمه


و هنا بقى اديك معلومه على جمب: :balbal:


احنا اتعودنا ف الدول العربيه
ان كود المدينه هوا كود المطار
انما بره المدينه ليها كود و المطار له كود
و دا بيرجع لان ممكن المدينه الواحده يبقى فيها اكتر من مطار.


نرجع للمثال بتاعنا
هانفتح موقع جوجل




هانكتب : عاصمه كوريا الجنوبيه




هايظهر نتايج كتير .. هاننزل لاخر الصفحه من تحت




هنلاقى جوجل ترجملى الجمله بتاعتى
The capital of South Korea


ممكن ناخد الترجمه كوبى


و ندخل على موقع ويكيبيديا
https://www.wikipedia.org




و اعمل باست و ابحث




هنلاقى ف نتايج البحث


Seoul Capital of South Korea





معلومه على جمب :balbal:


احنا لو خدنا الترجمه و عملنا باست ف موقع جوجل
هايدينا برضه اسم العاصمه








يعنى علشان بيبقى فى ناس مستصعبه موقع ويكيبيديا


كده احنا جبنا


اسم الدوله بالانجليزى
اسم العاصمه بالانجليزى


ناقص بس كود العاصمه على السيستم


هانفتح موقع فاياما
https://www.vayama.com


ممكن نبحث باسم العاصمه على طول ما احنا خلاص اتاكدنا ان سيول هيا العاصمه


خد بالك بقى


لما هانكتب ف محرك البحث Seoul
هنلاقى طلعلى اكتر من اختيار


فاكرين لما كونا بنبحث بمدينه القاهره
ادانى اختيار واحد بس لان :


كود مدينه القاهره هوا كود مطار القاهره الدولى و ف نفس الوقت المطار شغال محلى برضه


انما ف المثال اللذيذ بتاعنا
هنلاقى ادانى 3 اختيارات




اول اختيار
Seoul, South Korea, All Airports
SEL
و دا كود مدينه سيول بكل موانيها الجويه و البحريه و القطارات
و لو استخدمنا الكود بتاعها SEL
فى جاليليو هنلاقى ان السيستم ادانى ف الريسبونس كود المطار الرئيسى فى المدينه دى


تانى اختيار
Seoul, South Korea, Gimpo International (regional flights only)
GMP
ودا للرحلات الداخليه فقط
و لو استخدمنا الكود بتاعها GMP
فى جاليليو هنلاقى ان السيستم ادانى رحله ترانزيت تنزل الاول ف المطار الدولى
و ياخد رحله للمطار المحلى


تالت اختيار
الى احنا بالفعل بندور عليه
Seoul, South Korea, Incheon Intl.Arpt.
ICN




دا بقى المطار الدولى ف مدينه سيول عاصمه كوريا الجنوبيه


طب عرفنا منين انو دولى ؟؟
Intl. Arpt

دى اختصار لكلمه انترناشيونال اير بورت


و لو استخدمنا الكود بتاعه ICN
فى جاليليو هنلاقى الريسبونس بيدينى نفس المطار و اقدر ساعتها ادى للعميل سعر مظبوط
+++++++++++++


و لو اختارنا الاختيار التالت
هنلاقى الموقع طار بينا على موقع كوريا الجنوبيه ف الخريطه
و كتبلنا اسم المطار و الكود بتاعه




**************
طب احنا كده تهنـــــا :f44ar:


عاوزين نرتب افكارنا


الاول نستخدم جوجل علشان نعرف اسم الدوله او المدينه بالانجليزى
لو فى دوله ما نعرفشى العاصمه بتاعتها
او فى مدينه مانعرفشى دى ف دوله ايه
نستخدم موقع ويكيبيديا او موقع جوجل
لما نجيب بيانتنا بالانجليزى نستخدم
محرك البحث الى ف موقع فاياما
و نعرف اكواد المطارات الى هانستخدمها ف السيستم


اهم حاجه و احنا بندور نركز على كلمه
Intl. Arpt


***************


عاوز بس اقول ان ف كل سيستم طيران
جاليليو ، امادويس ، سيبر ، ....
فى انظمه بحث جغرافيه مشابه
بس انا عارف ان المبتدئين بيخافو يتعاملو مع السيستم
و بيبقى حاسس انو ف متاهه


علشان كده انا حبيت ادى طريقه بحث بعيد عن السيستم
ممثله ف موقع جوجل ، ويكيبيديا ، فاياما


بس خلى بالك
مافيش غنى عن السيستم حتى لو كان معقد


*********************************


لو جالك واحده
بتقولك انا جوزى ف مدينه كاديز ف اسبانيا
عاوزاك تنزلنى اقرب مطار للمدينه دى


اى واحد عاوز يريح دماغه :protest: ،، هايقولها هانزلك العاصمه
و حد يستقبلك من هناك


انما لو انتا محترف هاتعمل غير كده
بص يا سيدى
لو عايز اشوف اقرب مطار لمدينه cadiz
فى دوله spain

هاعمل الانترى دا
C*map/spain-cccc


كل الى بعمله انى بكرر اول حرف من المدينه الى عاوز اشوفها اربع مرات
Cadiz … c c c c


هايدينى الريسبونس دا





CADIZ / XRY 25MI / SVQ 70MI /
دا السطر الى يهمنى


فيه اسم المدينه CADIZ
و كود المطار XRY يبعد حوالى 25 ميل من المدينه
و كود المطار SVQ يبعد حوالى 70 ميل من المدينه


طبعا احنا عرفنا بقى لو فيه كود مطار زى XRY
نعرفه ازاى ؟؟ :haha:


نروح على محرك البحث موقع فاياما
و نكتب كود المطار




هنلاقى ظهرلى اسم المطار و الكود و اسم المدينه
Jerez de la Frontera, Spain, Jerez de la Frontera Arpt.
XRY

و لو ضغطت على اسم المطار هايوريك موقعه كمان على الخريطه




*************
و بكده يبقى خلصنا الدرس
:jumping:

و بقينا قادرين نعرف ...


اسم اى بلد او مدينه بيتكتب ازاى
نقدر نفرق بين كود المدينه و كود المطار
نقدر نفرق بين المطار الدولى و المحلى
نقدر نعرف اقرب مطار لاى مدينه ف العالم
نقدر نعرف الدوله دى فين و المدينه دى ف اهى دوله


نقدر نستغنى عن الورقه اياها الى تحت ازاز الكوانتر الى مليانه اكواد


نبقى واثقين ان دى المدينه الى العميل عاوز يروحها من غير ما نسال حد :ANSmile01: و نتاكد

-------------------------------------
و اخيرا تقبلو تحياتى
اخوكم / احمد الديب

[pilote747]

مشكوووووووووووووووووور وماقصرت اخوي عالاظافه الجميله

[dj_world_5]

شكرا ليـــــــــــــك

[alfortei]

thank's alot

[laial]

شكرا أخوي على هالمعلومات القيمة

بس حبيت أضيف على اللي انت قلته
نقدر نعرف كود المدينة دايركت من الغاليليو

CDXRY.<
وتقبل مروري

[wagih]

thanks alot

[dj_world_5]

شكرا لمروركم الكريم

[nadher]

بصراحة انا عاجز عن الشكر لهذا الموضوع واتمنى مثل هذه المفاجات
مشكور اخي dj_world_5

[dj_world_5]

شكرا لمروركم

[Jamdi]

والله درس جميل جدا

شكرا على المجهود الكبير

[Tweet]

مشكوووووووووووووووووووووووووووور

[Q8nawaf]

بالتوفيق لكم جميعا

[feizjassim]

:ebdaa::balbal::jumping:

[روح بغداد]

مشكوووووووووووووووووور وماقصرت