[كنق دوم]

السلام عليكم ورحمة الله وبركاته
تم فتح باب القبول للأكاديمية لهذه السنة 1431هـ

شروط الإلتحاق
1-أن يكون سعودي الجنسية
2أ-ن يـكون حاصلا على شهادة الثانوية العامة (علوم طبيعية) بمعدل تراكمي لا يقل عن 80%
3-أن لا تــقل درجة مادة اللغة الانجليزية في استمارة الثانوية العامة عن 85%
4-أن لا يــزيد عمر المتقدم عن 22 سنة عند التقديم
5-أن لا يــكون قد مضى على تخرجه أكثر من 3 سنوات عند التقديم
6-أداء اختبار القدرات من قبل المركز الوطني للقياس والتقويم على أن لا تقل النسبة عن 65%.
7-أداء الاختبار التحصيلي من قبل المركز الوطني للقياس والتقويم على أن لا تقل النسبة عن 65%.
8-أن يجتاز المتقدم اختبارات القبول بالأكاديمية.
9-أن يتناسب الطول مع الوزن ( حسب جدول الأوزان ).
10-في حالة عندم توافق الشروط سوف يستبعد المتقدم من الترشيح نهائياً .

المستندات المطلوبة:
يجب أن يرفق المتقدم بعد إشعاره بالقبول المبدئي المرفقات التالية:
1صورة واضحة من بطاقة الهوية الوطنية.
2-صورة من استمارة الثانوية العامة طبق الأصل.
3-صورة من شهادة حسن السيرة والسلوك طبق الأصل.
4-إشعار نتيجة اختبار القدرات والاختبار التحصيلي.
5-عدد 4 صور شمسية ملونة حديثة مقاس 4X6.

رابط التسجيل:
https://www.gaca.gov.sa/saca/Students/Register.aspx

الموقع الأساسي:
https://www.gaca.gov.sa/saca/aviation_Arabic/saca_homepage_AR.html

[yazan alazab]

شكرا اخي الكريم على الخبر الجميل

واتمنى التوفيق الى جميع الطلاب السعوديين

[مراقب دوت كوم]

شكرن
جزاك الله خير
بروح اسجل مره ثانيه
loooolz

[كونترولنيو]

سبقتنـــــي فيه هالمــــــره
^_^ حلال عليك
يعطيك العافية ياحبوب و يستاهل التثبيت من مشرفنا العزيز
تاورجي
تحياتي

[كنق دوم]

الله يعطيكم العافية على الردود
وانت ماقصرت ياكنترولينو خير سابق في هذا المنتدى والاهم الاستفادة فقط
واشكر اخ تاورجي على التثبيت وان شاءالله تعم الفائدة للجميع.

[COBRA-90]

يعطيك العافية يالغالي على النقل ..

قدمت عليه ,, لكن يا اخوان .. ياليت تعطونا معلومات عن هالقسمين وكيف طريقة عملهم :
*تشغيل وسلامة المطارات .
* الاطفاء والانقاذ .


وبالتوفيق للجميع ..

[mormo]

شكرا جزيلا عن جد موضوع صغير بس خطير)^_^(

[كنق دوم]

اقتباس:     المشاركة الأصلية كتبت بواسطة COBRA-90  

يعطيك العافية يالغالي على النقل ..

قدمت عليه ,, لكن يا اخوان .. ياليت تعطونا معلومات عن هالقسمين وكيف طريقة عملهم :
*تشغيل وسلامة المطارات .
* الاطفاء والانقاذ .


وبالتوفيق للجميع ..

بالنسبة لقسم الإطفاء والانقاذ، فهو تخصص ممتاز وله مستقبل واعد ويتخرج الطالب بمسمى وظيفة ضابط إطفاء وانقاذ ويكون مسؤول عن عدد افراد او مايسمى بالفرقه .
ويحصل ضابط الإطفاء على دورات خارجية واغلبها تكون في امريكا.
وبالنسبة لتخصص سلامة المطارات ، فهو تخصص جديد وبما أنه جديد فمن المتوقع انه له مستقبل ممتاز جدا والمحظوظين هم اول دفعة تتخرج من هذا التخصص ويكون لهم نصيب الأسد في الطيران المدني. وهو خاص بسلامة الطيران وكل مايؤثر على الحركة الجوية.
اتمنى اني افدتك بالمعلومات الصحيحة.

الله يوفقك في القبول...

[teeto]

طيب ليه ما فيها تدريب طيااارين :poster_spam:

يعني تخصص تدريب كاباتن

[ابو عزوز]

سلام عليكم ورحمة الله وبركاته

انا قدمت العام وقبلوني ابشركم وانا الان ادرس فيها لي خمسة اشهر لاتفوتكم ياشباب اللي حاب يريح راسه من الجامعات وهم الجامعات لاتفوته يسجل فيها واذا انقبل يروح بدون تردد...

[مراقب جوي قريبا]

تكفى ابو عزوز ابي اسالك كم سؤال
الحين انا قدمت في الموقع وان شاء الله اني مقبول
ابي اسال عن اختبارات الاكادميه؟
وابي اسال كيف الدراسه عندهم صعبه ولا سهله
والكشف الطبي
اي يتناسب الطول مع الوزن ؟

[مراقب جوي قريبا]

تكفون ردوا انا في الجامعه ومادري وين اروح

[حاتم العطار]

السـلام عليكم ورحمة الله وبركاته .. وكل عام وانتم بخير ،
انا عضو جديد على هـ المنتدى الرائع .. حبيت اشاركم في الإستفسارات عن الأكاديمية السعودية للطيران المدني لأني بصراحه عندي كم سؤال ومحتار فيها .. انا بحثت عن إختصاص المراقبة الجوية ولقيت معلومات تقريباً كامله عن هـ الإختصاص وما قصروا الاخوان .. بس لما بحثت عن إختصاص " الإطفاء والإنقاذ " للأسف ما لقيت ولا معلومة .. لاني انا لما سجلت حطيت اول اختصاص إطفاء وإنقاذ لأني احب العمل هذا .. بس فيه كم سؤال وياليت اللي عنده معلومات يفيدني وجزاكم الله خير :
1. كم عدد ساعات العمل بعد التخرج هل هي 6 ساعات مثل المراقبة الجويه ؟ او يوجد فرق بينهما ؟

2. هل يوجد في الجامعات المعروفه إختصاص " إطفاء وإنقاذ " وماادري الجامعات المعروفه في الدول العربية ام دول الغرب ؟

3. كم اول مربوط من الراتب بعد التخرج ؟

4. هل يوجد مميزات لمن يكمل دراستة في الولايات المتحده الامريكية . إذا كان الجواب نعم او اكيد . يا ليت تذكرونها لي ؟

آســـف على الإطاله ولكني محتاج لـ المعلومات عن إختصاص الإطفاء والإنقاذ .. واتمنى من لدية المعلومات ان يفيدني .. وجزاكم الله خير

[COBRA-90]

ياليت لو احد الاخوان يرد على الاستفسارات .. ونكون شاكرين له

[تأبط خيرا]

اقتباس:     المشاركة الأصلية كتبت بواسطة مراقب جوي قريبا  

تكفى ابو عزوز ابي اسالك كم سؤال
الحين انا قدمت في الموقع وان شاء الله اني مقبول
ابي اسال عن اختبارات الاكادميه؟
وابي اسال كيف الدراسه عندهم صعبه ولا سهله
والكشف الطبي
اي يتناسب الطول مع الوزن ؟

بعد إذن الأخ العزيز أبو عزوز راح أرد على إستفسارك

أي إختبار تقصد ؟ إختبار القبول أو إختبارات الدراسة في الأكاديمية ؟
بالنسبة لإختبارات القبول فماعندي فكرة عنها . والإختبارات في المعهد تكون بشكل دوري .

الدراسة مهي صعبة ولاهي سهلة بس فيها تعب شوي وهذا طبيعي إذا كنت تبغى وظيفة بعد ما تتخرج لازم تشد حيلك .

الكشف الطبي سهل والإنسان "العادي" يعديه بسهولة كلها شوية كشوفات بسيطة .
طبعا الكشف الطبي هذا هو كشف طيران من الفئة الأولى وهو أسهل كشوفات الطيران .
موفق إن شاء الله أخوي .

اقتباس:     المشاركة الأصلية كتبت بواسطة حاتم العطار  

السـلام عليكم ورحمة الله وبركاته .. وكل عام وانتم بخير ،
انا عضو جديد على هـ المنتدى الرائع .. حبيت اشاركم في الإستفسارات عن الأكاديمية السعودية للطيران المدني لأني بصراحه عندي كم سؤال ومحتار فيها .. انا بحثت عن إختصاص المراقبة الجوية ولقيت معلومات تقريباً كامله عن هـ الإختصاص وما قصروا الاخوان .. بس لما بحثت عن إختصاص " الإطفاء والإنقاذ " للأسف ما لقيت ولا معلومة .. لاني انا لما سجلت حطيت اول اختصاص إطفاء وإنقاذ لأني احب العمل هذا .. بس فيه كم سؤال وياليت اللي عنده معلومات يفيدني وجزاكم الله خير :
1. كم عدد ساعات العمل بعد التخرج هل هي 6 ساعات مثل المراقبة الجويه ؟ او يوجد فرق بينهما ؟

2. هل يوجد في الجامعات المعروفه إختصاص " إطفاء وإنقاذ " وماادري الجامعات المعروفه في الدول العربية ام دول الغرب ؟

3. كم اول مربوط من الراتب بعد التخرج ؟

4. هل يوجد مميزات لمن يكمل دراستة في الولايات المتحده الامريكية . إذا كان الجواب نعم او اكيد . يا ليت تذكرونها لي ؟

آســـف على الإطاله ولكني محتاج لـ المعلومات عن إختصاص الإطفاء والإنقاذ .. واتمنى من لدية المعلومات ان يفيدني .. وجزاكم الله خير

وعليكم السلام ورحمة الله ،،

أنا من وجهة نظري الشخصية أن تطلب تخصص المراقبة الجوية أولا ثم تخصص تشغيل وسلامة المطارات ثم الإطفاء والإنقاذ.
والسبب هو من ناحية مادية فقط وفرق الرواتب . وجميعها تخصصات مهمة ولا يمكن تقليل شيء منها.
بالنسبة لساعات العمل فتختلف من مطار لمطار وأتوقع أن تكون بمعدل 6 ساعات في اليوم الواحد بنظام الشفتات/ الورديات .

بالنسبة لإكمال الدراسة فلا يتوفر لتخصص الإطفاء والإنقاذ شهادة جامعية متخصصة . فقط موجودة في المراقبة الجوية وفي تخصص تشغل المطارات وفي تخصص السلامة الجوية .
ولكن الإبتعاث لإكمال الدراسة في الخارج بعد التخرج من الأكاديمية فيه بعض المعوقات الإدارية حاليا ولكن ليس مستحيل .

بالنسبة للرواتب فممتازة جدا والحمد لله والشكر .

موفق إن شاء الله.

[مراقب جوي قريبا]

كم فرق الراتب بين مراقبه جويه وبين اطفاء وانقااذ
وسلامه وتشغيل المطارات <
كيف راح يكون عملهم يعني امن الطيران
ولا وشو

[مراقب جوي قريبا]

وتعبناك معنا باسلتنا جزااك الله خير

[تأبط خيرا]

الفرق بالظبط ماني عارف والله
لاكن فيه فرق كبير لصالح المراقبة الجوية
بالنسبة لسلامة وتشغيل المطارات فهذا قسم جديد وما عندي خبر عن مميزاته ودوامه .. ولكن (وجهة نظري) أنه تخصص ممتاز ومستقبله جيد للشطار .

المهم المراقبة هي الأفضل بدون أي شك .
موفق.

[D.J 999]

متى العادة تعلن نتائج القبول هل بعد ماينتهي التسجيل مباشرة ولا كيف ارجو الرد الله يوفقكم؟؟؟

[كنق دوم]

...معليش على التأخير...

انتهت فترة التسجيل لهذا العام والمقرر في 17 - 9
بخصوص الاعلان عن النتائج كالمعتاد انها بعد اسبوع من انتهاء التسجيل
ولكن بحكم الاسبوع الجاي آخر اسبوع فاحتمال مؤكد بنسبة 99% ان المقابله الشخصية تكون في شهر شوال بعد العودة من عطلة العيد
موفقين للخير ان شاء الله

[D.J 999]

انا نسبتي 89.61 واخذت في التحصيلي 73 وفي القدرات 70 وفي الأنجليزي 96 تتوقعون ياخذوني انشالله؟؟؟

[حاتم العطار]

الله يعطيك العافية يا " تأبط خيراً " ما قصرت على المعلومات الحلوه . وجهة نظرك في محلها . بس ياليت لو تذكر لي كم راتب المراقب الجوي وكم راتب الإطفاء والإنقاذ لأني والله محتار .. بعدين . عندي سؤال أخير :
.. أقدر أحول الإختصاص إن شاء الله إذا درست في الأكاديمية ولا فيه عقد على اني أبقى بالإختصاص اللي انا سجلت فيه .. وجزاك الله خير ..

[حاتم العطار]

ولا يهونون بقية الأخوان .. اللي عنده معلومه عن سؤالي يا ليت يفيدني . وإن شاء الله ماراح أنسى لكم هذا المعروف .. ودمتم بـخير

[حاتم العطار]

D.J 999 مشاء الله عليك . نسبتك حلوه والأحلى درجتك في الإنجليزي لأنه شيء مهم في الأكاديمية بحكم ان اول سنه تكون كورس مكثف في هـ اللغه مثل ما قالوا الأخوان .. وبالأول والأخير . التوفيق عند الله سبحانه .. إذا قبلوك هذا فضل من الله . وإذا ما قبلوك أمكن انها خيره لك .. والله كاتب لك خيراً منها . تقبل مروري .

[مراقب جوي قريبا]

ااااااب لعيونك

[مرمر زماني]

اقتباس:     المشاركة الأصلية كتبت بواسطة كنق دوم  

بالنسبة لقسم الإطفاء والانقاذ، فهو تخصص ممتاز وله مستقبل واعد ويتخرج الطالب بمسمى وظيفة ضابط إطفاء وانقاذ ويكون مسؤول عن عدد افراد او مايسمى بالفرقه .

ويحصل ضابط الإطفاء على دورات خارجية واغلبها تكون في امريكا.
وبالنسبة لتخصص سلامة المطارات ، فهو تخصص جديد وبما أنه جديد فمن المتوقع انه له مستقبل ممتاز جدا والمحظوظين هم اول دفعة تتخرج من هذا التخصص ويكون لهم نصيب الأسد في الطيران المدني. وهو خاص بسلامة الطيران وكل مايؤثر على الحركة الجوية.
اتمنى اني افدتك بالمعلومات الصحيحة.

الله يوفقك في القبول...

جزاك الله خير

بس وش دخل الاطفاء وانقاذ

في تخصص علمي

وش دخل القدرات
في هذا وظيفة

يعني ال بيصعبونه على ناس

ماقول ال الله يكون في العون

[مراقب جوي قريبا]

ياااااجماعه السلام عليكم

ماعليش الدخله غلط.

لكن انا خريج ثانوي قدمت على هيئة الطيران المدني وانا ماعندي معلومات عنها

فانتم اهل الخبره

وتعرفون اكيد اللي عنده معلومات عنها شافيه وافيه يقولي عن دواماتها وعن رواتبها وعن مكان التعيين

وهل يمديني انقل وعن افضل تخصص وهل الوظيفه حكوميه وهل تنصحوني فيها ودوامها كيف كرف والا عادي

وتسلمون

[ابو عزوز]

والله يااخوان ما ادري وش اقلكم الاكاديميه كانت معهد وهذا الكلام قريب يعني انا عندك قاعد ادرس فيها ولقيتلي طلاب فيها توهم تخرجو على ايام المعهد رواتبهم تقريبا :
المراقب الجوي 8100 غير بدل السكن ومكافاة رمضان مدري اش قصتها هذي مكافاة رمضان يعطونك راتب زياده قبل رمضان .
ظابط اطفاء 8400 غير .............
بس اللي سمعته ان المراقب الجوي في العلاوات افضل لانه شغله اصعب من الاطفاء يعني لا يغرك الراتب اللي في البدايه راح يكون افضل منك المراقب مستقبلا قديش راح يكون افضل؟ ما ادري بصراحه .

هذي الرواتب لما تتخرج من معهد التدريب حاليا اكاديميه وعلى ما سمعنا راح يكون فيه فرق في الراتب بيننا وبينهم لاننا راح ندرس 3 سنوات بينما هم دارسين سنتين وبخصوص اختبار القبول لاتشيل همه بسيط بس راح يعتمد على لغتك الانجليزيه لان الاختبار تحديد مستواك في اللغه اذا ارسلولكم رسائل بلغوني لاني راح اقلكم الطريقه بالتفصيل اش راح تسوي لما تروح هناك ....

[مراقب جوي قريبا]

جزاك الله خير ابو العز نبيك تكون معانا خطوه بخطوه

[ابو عزوز]

انشاءالله ما انشغل واكون موجود على طول ...