[kazanouva_007]

على حد علمى مش بتقبل محجبات

[مونى بونى]

ياريت تقولوالنا على الايميل اللى نبعتله السى فى ضرورى وكمان هما بيقبلوا محجبات ولا لاء ارجو الرد

[Zozza]

طيران الامارات نزل اعلان فى الجرايد طالبين مضيفات ومضيفين جويين
ويكون اوبن داى فى القاهرة يوم 28/9/2010
لوفى ناس مهتمية تروح

[Mîss Rabab]

اقتباس:     المشاركة الأصلية كتبت بواسطة مونى بونى  

ياريت تقولوالنا على الايميل اللى نبعتله السى فى ضرورى وكمان هما بيقبلوا محجبات ولا لاء ارجو الرد

لا موني مبيقبلوش محجبات
شوفي حظك في خطوط ثانية

[Mîss Rabab]

تفاصيل اوبن داي للخطوط الاماراتية
علشان تعرفو بظبط اول يوم بكون عامل زااي
كاتبها العضو
adelmera
عضو خط الطيران

فى عرض تفاصيل اليوم المفتوح لاختبارات الاماراتيه
طبعا احنا كان الميعاد بتاعنا فى فندق جلرين بلازا اسكندريه الساعه 8.5 بس طبعا انا رحت الساعه 8 على اساس ان الفروض احنا اللى نستناهم وليس العكس المهم انا مكنتش اعرف حد خالص وطبعا كنت مفتقد للعضو المحترم محمد (cabincrew22) اللى امتحن قبلى بيوم المهم انا قولت مش لازم اقف لوحدى وانا طالع فى اسنسير الفدق لقيت واحد دخل معايا اسمه شادى اتعرفنا على بعض ودخلنا لقينا نفسنا جين بدى لان فيش غير 4 او 5 اللى موجودين بس المهم الناس بدئت تيجى ورا بعض واتعرفنا على واحد اسمه عبد المنعم واسلام ورنيا وناس تانيه كتيرالمهم انا عارف ان التفاصيل دى مش هتفرق معاكم لكنى ذكرت الاسماء دى عشان مكمه معانا فى الحديث المهم العد بدء يزد حتى وصلنا بجى 100 واحد و واحده والساعه بقت 9 ومحدش عبرنا المهم شويه ولقينا واحده كبيره كده شويه ومتصابيه وصبغه شعره اصفر فى البدايه افتكرتها اجنبيه داخله تبص علينا ومسكا فى ايديها كيس دواء انا واقف مع زمايلى وهى معديه من قدامى ورحت قايل (ايه الوليه الحيزبون دى بتموت وجايا بدواها تختبرنا) على اساس انها مبتفهمش عربى المهم لقيتها خفت سرعتها وشبه وقفت للحظه بس حمدت ربنا انها مبصتش وراها تشوف مين اللى بيتكلم دخلت القاعه وراحت خارجه تانى وفى ايديها رزمه ورق واتكلمت لالانجليزى على موصلتها عشان اعرف بتقول ايه كانت حتطت الورق على التربيزه وبتقول help ur self المهم كل واحد اخد ورقه وهما كانو رقتين متدبسن فى بعض المهم الورقه دى مكتوب فيها نفس الرساله اللى جتلكم على الايميل الخاصه بمميزات التعاقد واللى ترجمه بتاعتها هنا https://www.flyingway.com/vb/showthread.php?t=36983
والورق الثانيه طبيعه الحيا فى دبى الطقس والجنسيات والعادات والتقاليد والملابس والديانات وحجات كتير كده المهم هى دخلت تانى ولقينا واحد شابه شويه عندها بتاع 30 سنه دخلت وراها والساعه 9.40 لقينا الشابه دى خرجت بتقول كلنا هندخل دلوقتى ومعانا الانفيتشن وكل واحد هياخد رقم هيستمر بيه طوال اليوم المهم بدانا دخل ولقيت الاثنين قاعدين على التربيزه المجاوره للباب والشابه بتسال كول واحد اسمه ايه وتشوف الانفيتشن فى ايده وتقوله يتحرك ياخد الرقم من الست الكبير انا داخل وقدامى عبد المنعم وامامه شخص وبتساله عن اسم وشافت موجود بقوله move step المهم هو فضل واقف وموقفنا وراه مشعارف بقى مسمعش ولا مفهمش الله اعلم راحت الوليه الكبيره دى قلتله تعالى هنا انا !!!!!!!!!؟!؟!؟!؟!؟!؟!؟!؟ وبقول ينهار اسود دى بتفهم عربى عبد المنعم فهم فبتسم شويه ودخل دلعه اسمه اول اسم عنده فى الكشف وانا اللى الاسم التانى على طول دخلت موطى صوتى ومختصر عشان التانيه متميز الصوت اللى اتكلم عليها بره ولت للى بشو فالاسماء نبر 2 وتحركت على الولى وانا ببتم وبس اخدت رقم 2 وقولت فى سرى الحمد لله مفتكرتنبش المهم جللسنا كلنا فى القاعه وبد الشبه دى تعرف بنفسها كان اسمها ايناس مصريه والست المتصابيه اسمها رندا وفضلت تتكلم عن الشركه والعيشه فى دبى وهى بتتكلم كانت بتسال اسئله للى عايز يقول مثال تعرفوا احنا عندنا كام مضيف ومضيفه وكانت الاجابه 12 الف طيب تعرفوا عندنا كام طائره؟ تعرفو لنا كام مركز طيران(مكاتب الشركه) حول العالم وفين؟ حجات من الموقع بتاعهم بس كلها انا شفت انها مش مهم على الاقل فى المرحله دى لان مكنش فى كتير بيرد 1 او 2 بالكتير وتكلمت بعد كته على دبى والحياه هناك والمميزات اللى بتقدمها الشركه لفريق العمل وبعد كده شغلت سي دى يشرح كل ده وبعد كده سالت حد عنده اى سؤال اللى كان عايز يسال كان بيسال المهم بدات رندا تكتب الارقام ومواعيد السركل دسكشن وطبعا بما انى انا رقم 2 فكنت فى المجوعه الاولى انا وعبد المنعم كل مجموعه كانت مقسمه لحوالى 35:40 شخص خرجا شويه وطبعنا منساش فى الوقت ده العضو محمد كان قالى على الاسئله فتربت عليها انا وعبدالمنعم لانه هو رقم 1 وانا 2 طبعا قولت لشادى واسلام ورنيا اسلام ورنيا كانوا فى السركل التانى كانت ارقامهم 45 و 63 فكانو قى السركل الثانى وشادى كان فى الثالث 95 طبعا دخلو السركل الاول والثانى مع بعض وشادى فضل مستنى بره مع الباقى اول لما دخلنا جلسا على الكراسى ايناس راحت قالت فى البدايه كل واحد هيجى يقول اسمه والرفرنس نبر على حسب الترتب الرفرنس وكانت فى بدايه هة معانا ورندا مع السركل الثانى ده كان اختبار تحديد الطول هما كانوا لازقين استيكر كده من طيران الامارات لازم وانت بتشبه تجيب قمتها وانت بتقيس بتسال انت كنت شغال قبل كده ولا لا ولو كت شغال فين والمده وبعد كده بتشكرك وترجع مكانك وبعد كد قالو كل واحد هيقدم اللى جانبه ويقول شيئين لم يذكرهم فى السي فى المهم بدء الاخبار اللى كنا عارفينه مسبقا والشكر يرجع لربنا فى الاول وبعد كده العضو محمد انا وعبد المنعم قدما بعض والعكش وحولنا بقد الامكان الحفظ على الهدوء والتركيز على عدم الخطاء فى لغه الجسد المهم انا كنت واخد الحته دى من ايناس وهى بتتكلم عن الشركه فى اول اليوم كنت مركز معاها وبشوفها بتتكلم ازاى المهم خرجنا ننتظر النتيجه 10 دقائق وايناس خرجت توزع النتيجه عبد المنعم لاول وانا الثانى اول مافتحت الورقه لقيت thank you رحت قافلها تانى وبسال منعم عملت ايه قالى نجح وانت قلت له لا وهو بيورينى الورقه لقيت فى الاولthank you رحت فاتح ورقتى تانى لقيت كلمه congratulation بس فى السطر الثالث هو اللى بشاور لى عليها وبيقولى ما انت نجحت اهو يابنى انا مكنتش مصدق طلع انهم فى الاول كده كده بيشكروك على وقتك وبعدين بيقولو لك النتيجه وتسرعى ده اللى كان مش هيخلينى اكمل واروح هو سبب خروجى فى الامتحان اللى بعد المهم بنسال اسلام ورنيا لقيناهم خرجوا احنا انتظرنا حوالى ساعه على المجموعتين التانين الى كان فيهم شادى لما يمتحنوا والنتيجه وكده المهم للاسف شادى كمان خرج والعدد صفصف على 20 فقط دخلنا على امتحان الانجلش بينى وبنكم انا كنت داخل قلقان لان النجليز بتاعى اتاثر جامد بدراستى للروسى وممارستى اليوميه له المهم دخلنا انا مكنش معايا قلم استاذنت وخرجت جبت قلم من الرسبشن ورجعت كانت هيه بتشرح ازاى نجاوب بيكون فى كراستين واحد اساله والثانيه اللاجابه كل شخصين على تربيزه كل واحد من الاثين معا امتحان يأما رقم 4 او 5 انا كان معايا رقم 4 المهم الامتحان عباره عن هى البدايه قطعه فى عمودين بتفهما جيدا وبعدين تجاور على الاسئله نظام تويفل بحت اساله اختياريه وهد كده عليها نظام وصل جمله بساوى كلمه او كلمتين من العمود الاخر مش هكذب عيكم المصطلحات كانت جامده شويه المهم غليط فى الجزئيه دى وبعد كده بيكون فى فوكابلارى ورد نظام وصل بس مستقل عن القطعه اللى فى البدايه ده سهل وموجود زى كتير فى المتخانات التويفل اللى على النت وبعد السؤال اللى تسرعت فيه وكان لانى مقرتش راس السؤال كويسكا بيقول اختر الاجابه الصحيحه من A-D انا شوفتها A&B وشفت فى كراسه الاجابه مربعين افتكرت انه كان عايز اكثر اجابتين ملائمين لنص السؤل ولكن كان رقم السؤال فى مربع والمربع الثانى فاضى لاجابه على الرغم من سهوله السؤال الا انه اتحسب كله غلط لكتابتى اجابتين لكل سؤال وعد كده بتيجى قتعه تانيه وعليها اسئله اختياريه دى متوسطه يعنى ممكن اناس تحلها بسهوله جدا وعد كده كان سؤال البرجراف هى قالت اشطبوا على الموجود عندكم فى كراسه الاساله وملتنا الموضو وهو اكتب 3 اشياء عايز تغيرهم فى شخصيتك و3 اشياء بتحبهم وعايز تنميهم ولماذا طبعنا مش عايز اقول ان75% ملحقوش يحلوا الامتحان كله من صعوبته اسف اقصد لانه يحتاج لوقت للتفكير وليس صعب انا ملحقتش اكمل البرجراف لنصفه وكان الوقت انتهى . اه الوقت كان ساعه واحده فقط عنى الامتحان على الاقل كان عايز سغاعه ونصف المهم خرجنا لمده ساعه عشان يصححوا الورق ورجعنا عبد المنعم نجح الحمد لله وانا طبعا لما اكتشفته من اخطاء لى بعد الخروج من الامتحان توقعت عندم مواصلتى للاختبار المهم خرجت انا و8 اخرين فضل11 لامتحان I.Q كان عبد المنعم واحد مهم بس لحد كده وانا روحت واتصلت ب عبدالمنعم بالليل قالى للاسف هو كمان خرج من امتحان ال I.Q وفضلش غير 4 بس هما اللى هيكملوا للفينال.

اتمنى ان اكون وصلت الاحداث كلها واكون قدرت اساعدكم فى شيىء.

[just_for_one_a]

اقتباس:     المشاركة الأصلية كتبت بواسطة Zozza  

طيران الامارات نزل اعلان فى الجرايد طالبين مضيفات ومضيفين جويين
ويكون اوبن داى فى القاهرة يوم 28/9/2010
لوفى ناس مهتمية تروح

طيب المكان هيبقى فين ؟

[serag eldin]

اوبن داى الامارات يوم 28 سبتمر فى فيرمونت مصر الجديدة شارع العروبه
الى يلحق يسجل على الموقع

[iam alegend]

هاااااااي يا جماعة

انا اول مرة اشارك هنا

انا سجلت من حوالي اسبوع ولسه محدش رد عليا وانا عارف ان الاوبين داي يوم 28

هل ده عادي ولا ايه



وعندي سواليييييين

هل فعلا الامارتية بتقدم خمور؟؟؟؟ وكمان هو لازم الطول يناسب الوزن بالضبط؟؟ ولا الشكل العام
يكون كويس بس؟؟؟



وياريت للي رايح يوم التلات يقووووووووووول وللي اتبعتله يقول ضرورى

ومتشكر اووووووى ليكم

[just_for_one_a]

هو لازم يا جماعة انفتيشن
ولا ه اوبن داى ولا اية بالظبط

[beautifuleyes]

ربنا يوفقكم كل الرايح الاوبن داى ويكون يوم سهل عليكوا ان شاء الله
بس أمانة متنسوش تحكولنا عملتوا ايه وحصل ايه معاكوا

تحياتى لكم جمييييييييييعا

[just_for_one_a]

اقتباس:     المشاركة الأصلية كتبت بواسطة just_for_one_a  

هو لازم يا جماعة انفتيشن
ولا ه اوبن داى ولا اية بالظبط

????????????????

[dodor9]

ياجماعه هو لازم انفتيشن او اسجل على الموقع ولا عادى لو رحت على طول

[iam alegend]

مش عارف بجد وياريت للي يعرف يرد

عشان انا سجلت علي الموقع ومحدش بعتلي حاجة

ومش عارف اروح ولا لازم يبعتولي.....

[تفـارق]

مشكور ع الخبر ، و بالتوفيق للجميع

[Zozza]

لا موش لازم انفيتشين
عادى لان فى ناس من جميع المحافظات بتيجى وناس كمان ماعدنهاش فكرة عن المجال وبتقدم وكمان بتشوفو فى الجرايد وماعندهاش فكرة او خلفية عن وظيفة الضيافة اصلا
وبالتوفيق لكلو

واالامارات موش فيه حجاب بمعنى حجاب اى شركة دلوقتى فيها بنطلون وكمان جوب اليه تحب تلبس حاجة من دول تلبس
وكمان فيه طرحة كدا بس مابتغطيش الشعر كلو

والاهم انها بتقدم خموووووووور فى رمضان كمان وبيعلمو الطاقم ازاى يعملو وكوكتيلات وكدا

وبالتوفيق لكلو

[iam alegend]

انا قريت في نفس التوبيك انهم لازم يبعتوللك وغير كده مرحش


يا جماعة انا عايز كلام اكييييييييييييييييييييييييييييييد بلييييييييييييييييييييييييييييييييييييييز


يعنى حد راح قبل كده


وبلييييييييييييييز جاوبنى بسرررررررررررررعة عشان مفيش وقت

[قمر الزمان]

اقتباس:     المشاركة الأصلية كتبت بواسطة iam alegend  

هل فعلا الامارتية بتقدم خمور؟؟؟؟

نعم الإماراتية بتقدم خمور وهيقولولكو الكلام ده كله في ال open day .
وأنصحكو يا جماعة تفكرو تاني قبل ما تروحو .
( و من ترك شيئا لله عوضه الله خيرا منه ) حديث شريف

[iam alegend]

انا متردد جدااااااا عشان كده

بصراحة مش عايز ابدا حياتى في اي حاجة حرام

بس برده احيانا بقول وقتها هخلي اي مضيفة هي للي تقدمله وهبقي معرف للي شاغلين معايا
انى مش بتاع خمور وكده


مش عارف بجد......انا متردد اوووى اروح بكرة ولا لا


وكمان انا عايز اعرف هو انا اروح عادي ولا لازم يبعتولي مع العلم انى مسجل علي السايت بقالي
حوالي اسبوع؟؟؟

[beautifuleyes]

يااااااااااااااارب ثبتنا

[kazanouva_007]

أنا رحت النهاردة الإنترفيو فى فيرمونت .العدد كان كبير جدا جدا انا رحت علشان اشوف الجو جوا عامل إزاى وأخد خبرة الإنترفيو فى شركة كبيرة زى دى بس طبعا مش ناوى أشتغل حتى لوإتقبلت علشان موضوع الخمربس بصراحه اللى يزعل كمية الناس اللى كانت موجودة ومعندهاش أى مانع إنها تقدم خمور أو البنات المحجبة اللى عندها إستعداد انها تقلع الحجاب بالرغم من إنهم قالو فى أول التقديم إن البنت لازم تقلع الحجاب ولازم الكل يقدم الخمور ودا إجبارى وبرضة الناس مفيش مشاكل , أنا بس أحب أفكركم بحديث الرسول (صلى الله عليه وسلم)عن الخمر:

عن ابْنِ عُمَرَ قال قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( لَعَنَ اللَّهُ الْخَمْرَ وَشَارِبَهَا وَسَاقِيَهَا وَبَائِعَهَا وَمُبْتَاعَهَا وَعَاصِرَهَا وَمُعْتَصِرَهَا وَحَامِلَهَا وَالْمَحْمُولَةَ إِلَيْهِ ). وصححه الألباني في صحيح أبي داود .
ورواه الترمذي

عَنْ أَنَسِ بْنِ مَالِكٍ قَالَ : ( لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي الْخَمْرِ عَشْرَةً عَاصِرَهَا وَمُعْتَصِرَهَا وَشَارِبَهَا وَحَامِلَهَا وَالْمَحْمُولَةُ إِلَيْهِ وَسَاقِيَهَا وَبَائِعَهَا وَآكِلَ ثَمَنِهَا وَالْمُشْتَرِي لَهَا وَالْمُشْتَرَاةُ لَهُ ).

[sarah sasoo]

ANA KMAN RO7T

[iam alegend]

ana maro7tsh 3shan 7war el5amra dh

a elarf dh

[sarah sasoo]

m ana kman 7ta lw 2bloni msh hro7 3shan el 5mra,,el wa7ed msh na2es znob bsara7a w rabna yhdena kolna

[abdt]

شكررررراااا

[abdt]

شكرررررااااا

[just_for_one_a]

اية يا جماعة مفيش حد اتصلوا بية ولا اية

[sarah sasoo]

ana l2 :D :D

[kazanouva_007]

Ezzaher keda ma7adesh 3agabhom men el nas ely ra7et 5ales :D

[Naomi88]

ايوا العدد كان كبير جدا فى الاوبن داى
انا بعتولى وروحت الانترفيو يوم 30 الصبح
بس متوفقتش وقولت الحمدلله لانى كنت مترددة فى حكاية الخمرة دى
وكنت بفكر زيك i'm legend ان ساعتها هشوف حد يقدمها بدالى
بس مش مشكلة ربنا مش رايد

[ahmed_zaglol1]

اقتباس:     المشاركة الأصلية كتبت بواسطة cabincrew22  

انا كل الكتبتة فى المنتدى هو دة الحصل وهو دى كل المراحل الانا مرت بيها اثناء الاوبن داى
مش خبيت حاجة خالص رقم تلفونى بس للعاوز يعرف حاجات زيادة مش اكتر ولا اقل يعنى زى اسئلة الامتحانات بس
وبعدين انا اصلا كانت فية واحدة ساعدتنى للوصول ليهم وكانت مديانى اسئلة او matrial جميلة جدا عن كل اسئلة الانترفيو المفروض تتسال فى الانترفيو التانى وشكلك يبقى عامل ازاى ادامهم من اول الانترفو الاول لغاية الانترفيو الاخير وربنا يقدرنى واعرف اديكم الماتريال دة فى المنتدى ان شاء اللة
ب هو مش ها ينفعكم دلوقتى خالص لانى الانترفو الاول عبارة عن التعرف بيكم وعن الشركة وامتحانات لكن اليتاهل فيكم للانترفيو التانى ارجو ان يخبرنى على المنتدى بلاش تلفونات عشان ما فيش حد يضايق منى او الايميل وانا ان شاء اللة اكون حطيت كل الاسئلة الذاكرتها وتذكروها ان شاء اللة بس انتم عدوا فى الانترفيو الاول وربنا يسهل

انا خلصت امتحان الانجلش وعندى انترفيو تانى ؟ اية الى هيحصل بقى يا باشا ؟