[راعي حشيمة]

ملاحظة

الايلتس او التوفل مش من الشروط المطروحة للدراسة في جامعة ابوظبي

بالإمكان دراسة كورس انجليزي في الستة الاولى بس لازم بعد الكورس او اثناء الدراسة تخلص الايلتس او التوفل

انا فتحت الأنيكس 2 الي فيه معلومات عن برنامج الدراسة في الجامعة الي وصلني من فاطمة

في اول سنة مكتوب

General education requirements that will provide Trainees with quantitative and critical writing, speaking and thinking skills.

الي فهمته انه الدراسة راح تكون عامة وفي كتابة ومحادثة ومهارات التفكير لحل المشاكل

يعني احتمال ندرس انجليزي

بس يمكن يريدوننا نخلص الايلتس علشان يحذفون مساق الانجليزي في اول سنة !!!

والله اعلم

اليوم بنعرف كل شي وانا راح اهجم على مكتب فاطمة هع

[Mr.Dreamer]

مثل ماقال راعي بالظبط اذا جبنا الايلتس راح نختصر سمستر او اثنين واذا ماجبناه راح تكون النتيجه مثل تحديد مستوى وراح يحطونا في كورس انجليزي وكل واحد وعلامته لكن في النهايه لازم نجيب الايلتس لانه من المقررات الجامعيه
شدو حيلكم وربي يوفقكم

[راعي حشيمة]

هلا بالمستر دريمر


نورت الموضوع


انا ربيعي اكد لي اكثر من مرة ان امتحان الايلتس يكون كل سبت في الجامعة


ما اعرف كيف في امتحان باجر للشباب ؟!


يمكن باجر السبيكينغ او المحادثة

[pilot7]

امتحان الايلس بسيط جدا ... وسكور 5 ترى سهل وايدين قدرو اييبونه

بالتوفيق ...

[Mr.Dreamer]

هلا راعي
نعم الامتحانات تكون كل سبت بس نحن يايين من طرف جهه خاصه وعددنا كبير عشان جي يخصصون لنا يوم لحالنا

[Mr.Dreamer]

هلا راعي
نعم الامتحانات تكون كل سبت بس نحن يايين من طرف جهه خاصه وعددنا كبير عشان جي يخصصون لنا يوم لحالنا

[pilot99]

مشكور اخوي راعي ع التوضيح
وانشاءلله يكون تحديد مستوى لاغير

[الكابتن أسامة]

السلام عليكم
انا اتصلوا فيني الجامعة وخبرتهم انه عندي شهادة الايلتس قالوا خلاص ماشي داعي
بس الاتحاد اتصلوا فيني امس طلبوا مني شهادة حسن سيرة وسلوك ؟؟؟؟ شباب حد طلبوها منه لا و ويبونها اليوم بعد يعني الوقت وايد ضيق يايين ع إجازة وعقبها سيدة دوام !!!
وانا بعدني لا عقد لا يونيفورم ولا فحص طبي !!؟!؟!؟ شو سالفتهم حد يعرف إخواني يفيدني يزاكم الله خير
لو سمحتوا إخواني و خواتي حد يطري لي الايميل مالهم

[الكابتن أسامة]

اقول هو نحن بنكون دفعات ولا كلنا نبدأ رباعه
لان اللي اشوفه ان اللي هني الشباب مفصلين اليونيفورم و العقود خلاص مطرشينها والفحوصات أخلصت وانا ماشي من ها كله شسالفه

[منى الحمادي]

اقتباس:     المشاركة الأصلية كتبت بواسطة الكابتن أسامة  

اقول هو نحن بنكون دفعات ولا كلنا نبدأ رباعه
لان اللي اشوفه ان اللي هني الشباب مفصلين اليونيفورم و العقود خلاص مطرشينها والفحوصات أخلصت وانا ماشي من ها كله شسالفه

بتكونون اعتقد بعدهم بفترة بسيطة .. يعني هم بيبداون قبلكم !!!

[born to be a pilot]

شباب شو سوالكم ان شاء الله اموركم تمام
شو قالوا لكم عشان الايلتس

[الكعبـي]

اليوم رحت بخصوص الايلز .. قالولي اليوم بس تسجيل وشي امتحان السبت هذا الي ياي والسبت الي فتاريخ 3-9 .. طبعا انا اخترت 3-9 .. وفصلت اليونيفورم باقي حسن سير وسلوك لين الحينه ماطلعتها خخخخخ .. واليوم فليل بسير افحص فمستشفى النور فحص عيون والاحد عندي فحص شامل .. ورحت عند فاطمه اليوم قالت لي من تخلص الاحد الفحص ان شاء الله عقب العيد بيكون توقيع العقد النهائي والدوام بيبدأ تاريخ 11-9

والتوقيع بيكون تاريخ 4-9 ..

شباب عندي سؤال .. بخصوص السكن كل واحد يختار ربيعه فالغرفه ولاا يوزعون عشوائي ؟!

[راعي حشيمة]

منصور

ياخي شو فيك ؟!

ترا كل واحد يقدر يختار زميله في السكن

نحن مب في العسكرية يوزعوننا على كيفهم خخخخخخخخخخ

[راعي حشيمة]

الحمد لله مثل ما توقعت

ماشي امتحان ايلتس

عندي امتحان تاريخ 3\9


واقدر ادرس واييب سكور حلو


بالتوفيق للجميع

[born to be a pilot]

بالتوفيق شباب

[راعي حشيمة]

^


طبعا عليهم

[born to be a pilot]

بالتوفيق

[born to be a pilot]

راعي حشيمه
اذا انا عندي ايلتس او توفل هل بيمشونه

[راعي حشيمة]

اذا ايلتس نعم

التوفل يمكن.... مب أكيد .

[THE PILOT NASSER]

أهلا يا شباب السلام عليكم ورحمة الله وبركاته،،

حبيت أخبركم ويش صار معي أمس أثناء الإختبار

المهم كان عندنا ثلاث أوقات للذهاب للإختبار، الساعة 9 و11 و1 ظهرا

أنا وأخوي قررنا نروح الساعة 11،،المهم لما وصلنا الفندق أنا دخلت ورحت أشوف الأوضاع وبعدها الساعة كانت 9 وحاجة تقريبا، بس لما دخلت انصدمت من عدد المتقدمين الكبببببببببيييييييييييييييييير جدا جدا جدا،،وأخوي مسكين كان رايح للمسجد عشان ينام شويه وبعدين نروح للإختبار، فرجعت لأخوي وقلتله ما شي فايدة من الجلسة أفضل نروح نخلص أمورنا من الحين،،المهم رحنا وحطينا الأوراق عند الموظفين الإماراتين إلي كانوا جايينين يشرفوا على الإختبار، وأذكر كان توجد بنت أسمها "سميرة" على حسب ما سمعت واحد هناك جالس يناديها كذا إذا تعرفوها أو حاجة زين تعطونا معلومات عنها؟ لأنها كانت هي إلي تكلم المتقدمين وتخبرهم ويش يجيبوا من أوراق وهذي الأشياء،،

المقرر أن الإختبار يبدأ الساعة 11 بضبط، بس بسبب العدد الهائل من المتقدمين والفوضة في المكان دخلنا القاعة الساعة 12:20 دقيقة تقريبا




يتبع.......

[pilot99]

السلام عليكم

اليوم سرت امتحن ايلتس بس كان سبيكنج وماعرفت ارمس انجليزي خخخخ جنه اول مره ارمس
وقالولي الريدنج والرايتنج والليسنج انا اختار يا باجر (الجمعه ) او السبت قلتله السبت وانشاءلله خير

اخوي راعي طرشولك اليوم ايميل من الطيران ؟؟؟؟
مافهمت حاطيلي رقم سري وماعرف شو !!!

[born to be a pilot]

اقتباس:     المشاركة الأصلية كتبت بواسطة THE PILOT NASSER  

أهلا يا شباب السلام عليكم ورحمة الله وبركاته،،

حبيت أخبركم ويش صار معي أمس أثناء الإختبار

المهم كان عندنا ثلاث أوقات للذهاب للإختبار، الساعة 9 و11 و1 ظهرا

أنا وأخوي قررنا نروح الساعة 11،،المهم لما وصلنا الفندق أنا دخلت ورحت أشوف الأوضاع وبعدها الساعة كانت 9 وحاجة تقريبا، بس لما دخلت انصدمت من عدد المتقدمين الكبببببببببيييييييييييييييييير جدا جدا جدا،،وأخوي مسكين كان رايح للمسجد عشان ينام شويه وبعدين نروح للإختبار، فرجعت لأخوي وقلتله ما شي فايدة من الجلسة أفضل نروح نخلص أمورنا من الحين،،المهم رحنا وحطينا الأوراق عند الموظفين الإماراتين إلي كانوا جايينين يشرفوا على الإختبار، وأذكر كان توجد بنت أسمها "سميرة" على حسب ما سمعت واحد هناك جالس يناديها كذا إذا تعرفوها أو حاجة زين تعطونا معلومات عنها؟ لأنها كانت هي إلي تكلم المتقدمين وتخبرهم ويش يجيبوا من أوراق وهذي الأشياء،،

المقرر أن الإختبار يبدأ الساعة 11 بضبط، بس بسبب العدد الهائل من المتقدمين والفوضة في المكان دخلنا القاعة الساعة 12:20 دقيقة تقريبا




يتبع.......

\


عسى حليت زين
متى قالو بيردو علينا انا ما سمعتهم زين

[pilot99]

الله يوفقك اخوي ناصر

[born to be a pilot]

مستر دريمر وبايلوت ومنى والكعبي وراعي حشيمه والشباب الباقين المقبولين
عاد من تروحو تدرسون لا تنسون تدشون المنتدى وتخبرونا جديدكم (لا تنسونا)
فيكم البركة وموفقين ان شاء الله

[منى الحمادي]

اقتباس:     المشاركة الأصلية كتبت بواسطة born to be a pilot  

مستر دريمر وبايلوت ومنى والكعبي وراعي حشيمه والشباب الباقين المقبولين
عاد من تروحو تدرسون لا تنسون تدشون المنتدى وتخبرونا جديدكم (لا تنسونا)
فيكم البركة وموفقين ان شاء الله

اولا :السلام عليكم .. شحالكم اخواني وخواتي ان شاء الله تمام .. وكل عام وانتو بخير مقدما خخخ

ثانيا .. اخوي Born to be a pilot < انا اليوم طرشت ايميل لفاطمه وكتبت لها اني خلصت الفحص وسيرة وعندي ايلس ومابمتحن وفصلت اللبس وسالتها متى بطرشين لي العقد , ومتى ببدا الدراسه ,,

الجواب كان " انه امن المطار مالي اظن بعده ماوصل لهم .. من يوصل بيطرشون لي العقد .

ثالثا: اخواني بايلوت ومستر والباقيين اظن الدفعه الاولى اللي بتكون في ابوظبي من يخلصون سنتين بينتقلون ان شاء الله الى العين ,, ااما انا بدرس بس ف العين فا اظن بتاخر لان في وايد دفعات ياسه اتقدم وهم اللي بياخرونا

فا اعتقد ببدا نص شهر 9 او شهر 11

اما الدفعه الاولى اللى بتدخل العين تاريخ 11-9- وعددهم قليل لانهم من زماااااان اول الصيف مقدمين

وشكرا

تحياتي .. اختكم منى
وان شاء الله مابنقطع عن المنتدى لان ها المنتدى حلقه وصل بينا وها المكان الوحيد اللي نقدر نساعد بعض فيه

[pilot99]

وانتي بخير اختي منى

وشدي حيلج ف العين لانج ماراح يأسسونج من البدايه شرات جامعة بوظبي ^^
ههههه انتي شو رايج تين عدنا وتبدين ويانا (امزح هههه)الله يوفقج انشاءلله ويوفق اختج زينب بعد
بالتوفيق خواتي

[منى الحمادي]

اقتباس:     المشاركة الأصلية كتبت بواسطة pilot99  

وانتي بخير اختي منى

وشدي حيلج ف العين لانج ماراح يأسسونج من البدايه شرات جامعة بوظبي ^^
ههههه انتي شو رايج تين عدنا وتبدين ويانا (امزح هههه)الله يوفقج انشاءلله ويوفق اختج زينب بعد
بالتوفيق خواتي

والله الود ودي اكون وياكم اخواني ,, عشان تغششوني هههههههه اسولف .. بشد حيلي وانت بعد شد حيلك والشباب كلهم بعد ,, لان الدراسه مابتكون سهله ^^

[born to be a pilot]

اقتباس:     المشاركة الأصلية كتبت بواسطة منى الحمادي  

اولا :السلام عليكم .. شحالكم اخواني وخواتي ان شاء الله تمام .. وكل عام وانتو بخير مقدما خخخ

ثانيا .. اخوي Born to be a pilot < انا اليوم طرشت ايميل لفاطمه وكتبت لها اني خلصت الفحص وسيرة وعندي ايلس ومابمتحن وفصلت اللبس وسالتها متى بطرشين لي العقد , ومتى ببدا الدراسه ,,

الجواب كان " انه امن المطار مالي اظن بعده ماوصل لهم .. من يوصل بيطرشون لي العقد .

ثالثا: اخواني بايلوت ومستر والباقيين اظن الدفعه الاولى اللي بتكون في ابوظبي من يخلصون سنتين بينتقلون ان شاء الله الى العين ,, ااما انا بدرس بس ف العين فا اظن بتاخر لان في وايد دفعات ياسه اتقدم وهم اللي بياخرونا

فا اعتقد ببدا نص شهر 9 او شهر 11

اما الدفعه الاولى اللى بتدخل العين تاريخ 11-9- وعددهم قليل لانهم من زماااااان اول الصيف مقدمين

وشكرا

تحياتي .. اختكم منى
وان شاء الله مابنقطع عن المنتدى لان ها المنتدى حلقه وصل بينا وها المكان الوحيد اللي نقدر نساعد بعض فيه

وعليكم السلام ورحمة الله وبركاته
وانتي بصحه وسلامه

انا امس امتحنت انجليش وسيكومترك والحمد لله الاختبارات سهلات والتوفيق من الله ودعواتكم الطيبه
ان شاء الله امن المطار مالج بيطلع وبتوقعين العقد
هل شرط شهادة الايلتس تكون يديده ولا عادي تكون مارة عليها فترة طويلة وهل التوفل بيمشي ولا ؟
السبت ان شاء الله بسير اقدم على كورس ايلتس وبشد حيلي عشان على طول ندرس بالعين اذا قبلونا ان شاء الله .
خلال البرزنتيشن الي عرضونه عن الشركة والبرامج قبل لا يبدون الاختبارات قالو لنا ان برنامج الطيارين بيكون 18 شهر في العين ومباشرة وبتكونون على اسطول الاتحاد


شو الخطوة الي بعد اختبار الانجليزي والسيكوميتر
شو بيختبرونا؟؟؟؟؟


دعواتكم

[born to be a pilot]

انا اتوقع راح تبدون شهر 11 اختي منى

[راعي حشيمة]

منى ..

كيف راح تدرسين في العين ؟

انتي عندج شهادة جامعية او من كلية التقنية ؟!

او انتي داخلة برنامج ثاني ؟!


\\\


بايلوت تسعه تسعه


شد حيلك في الباقي \ السرايتنغ والريدينغ
والليسيننغ سهل ان شاء الله


بالنسبة للإيميل


نعم وصلني ايميل من طيران الاتحاد

واللي فهمته ان لازم نعبي بياناتنا اون لاين


واللينك الموجود راح ينتهي بعد 5 ايام من تاريخ استلام الايميل


يعني حاول تعبي البيانات اليوم او باجر