[Capt747]

للأسف يا اخوان لحد الساعة هذي ما أعرف ولا واحد قبل في الابتعاث الداخلي


وش السالفة؟!



إيش إلي صاير!!



سمعت اشاعة أنو 2 فقط إلي انقبلوا من أصل أكثر من 36 شخص!؟



وحتى ألحين ما حددت مواعيد الدراسة وبدء الدورة والله شيء عجيب!!!!



مين عنده خبر!؟

[MR.7m000di]

شباب لاهنتوا سؤال سريييييييع
الحين ان شاء الله تيسرت وعدينا اختبار القدرات!!!
يعتبر قبول نهائي ؟؟او الفحص طبي والمقابلة الشخصية ممكن تكون سبب عدم القبول
او اذا عدينا القدرات خلاص نجهز شنطة السفر!!!!!!!!متفائل مررررررره
يااااااااااااااااااااااااااااااارب تيسر لكل واحد نفسة يكون طيار
امييييييين

[Capt747]

اقتباس:     المشاركة الأصلية كتبت بواسطة MR.7m000di  

شباب لاهنتوا سؤال سريييييييع
الحين ان شاء الله تيسرت وعدينا اختبار القدرات!!!
يعتبر قبول نهائي ؟؟او الفحص طبي والمقابلة الشخصية ممكن تكون سبب عدم القبول
او اذا عدينا القدرات خلاص نجهز شنطة السفر!!!!!!!!متفائل مررررررره
يااااااااااااااااااااااااااااااارب تيسر لكل واحد نفسة يكون طيار
امييييييين

حبيبي أتوقع يصير لكم زي إلي صار لنا بعد ما تعدون القدرات يمكن تأخذون كشف طبي مبدئي وبعدين تدخلوا على المقابلة الشخصية وإلي يعدي المقابلة يخش على الكشف الطبي النهائي وبعدين يمكن تحتاجون أقل شيء 4 شهور من الآن عشان السفر والله أعلم

لأن حسب علمي بين كل مرحلة ومرحلة انتظار مدة شهر!؟!؟!




وغن يا ليل مطولك :"(

[Capt747]

نصيحتي لكم يا طلاب الثانوي وإلي في بداية دراستهم الجامعية شدوا حيلكم بدراستكم ولا تفكرون بالخطوط إلا بعد القبول النهائي؟!


لأن بيني وبينكم بديت أحس وأشعر أن الواحد مستحيل يصير طيار بالخطوط إلا بالواسطة أو بمعجزة؟!؟!


أما تأخذها بعرق جبينك إنسى الموضوع تماماً



وبتشوفون وبذكركم لاحقاً

[MR.7m000di]

اقتباس:     المشاركة الأصلية كتبت بواسطة Capt747  

نصيحتي لكم يا طلاب الثانوي وإلي في بداية دراستهم الجامعية شدوا حيلكم بدراستكم ولا تفكرون بالخطوط إلا بعد القبول النهائي؟!


لأن بيني وبينكم بديت أحس وأشعر أن الواحد مستحيل يصير طيار بالخطوط إلا بالواسطة أو بمعجزة؟!؟!


أما تأخذها بعرق جبينك إنسى الموضوع تماماً



وبتشوفون وبذكركم لاحقاً

طيب ياغالي انا ودي اصير طيار وربي مو داخل مزاجي غير هالوظيفة
من جد كل مامرت طيارة اجلس اشوفها لين تغيب عاد لااحكيك عن الاحلام والاجواء اللي ادخلها بس يالله زي مايقولون احلم ببلاش
ربنا ييسر واللي مطمني للموضوع ان اذا لي بالموضوع نصيب راح يجيني لعندي وانا وكلت امري لربي وما خاب من توكل على الله :f52ar:

[The Genius]

اقتباس:     المشاركة الأصلية كتبت بواسطة MR.7m000di  

شباب لاهنتوا سؤال سريييييييع
الحين ان شاء الله تيسرت وعدينا اختبار القدرات!!!
يعتبر قبول نهائي ؟؟او الفحص طبي والمقابلة الشخصية ممكن تكون سبب عدم القبول
او اذا عدينا القدرات خلاص نجهز شنطة السفر!!!!!!!!متفائل مررررررره
يااااااااااااااااااااااااااااااارب تيسر لكل واحد نفسة يكون طيار
امييييييين

اللهم آمين يارب ..

يا حبيبنا باقي المقابله والفحص الطبي .. الله يوفقك

دعواتك يا غالي

[Fighter Jet]

اقتباس:     المشاركة الأصلية كتبت بواسطة Capt747  

للأسف يا اخوان لحد الساعة هذي ما أعرف ولا واحد قبل في الابتعاث الداخلي


وش السالفة؟!



إيش إلي صاير!!



سمعت اشاعة أنو 2 فقط إلي انقبلوا من أصل أكثر من 36 شخص!؟



وحتى ألحين ما حددت مواعيد الدراسة وبدء الدورة والله شيء عجيب!!!!



مين عنده خبر!؟

السلام عليكم
تراني بأبقسك .. إشاعات أجل؟؟

اللي انقبلوا بس 2 واحد منهم معانا بالمنتدى واسمه Wa7eD والثاني ما أعرفه
خوينا Wa7eD خلص اموره من الفحص الطبي الأخير وتسليم الأوراق وقالوا له بنعلمك متى بداية الدورة
تراني مكلمة شخصيا قبل يومين .. لا تقولي تأكد من مصادرك

وصلت

[Cpt.Majed]

معقوووول 2 من اصل 36 !!!!!!!!

لو الخبر صحيح لحد يزعل ياشباب لأنو كلنا مؤمنين ونأمن بالقدر خيره وشره

على كل حال كل الي انقبلو الله يوفقهم وان شاء الله تكون بداية خير لهم وإلي لم يتم قبولهم خيره واختارها الله

سؤال: كم كان العدد الكلي في بداية التسجيل في البرنامج ؟؟؟

[Capt747]

اقتباس:     المشاركة الأصلية كتبت بواسطة Fighter Jet  

السلام عليكم
تراني بأبقسك .. إشاعات أجل؟؟

اللي انقبلوا بس 2 واحد منهم معانا بالمنتدى واسمه Wa7eD والثاني ما أعرفه
خوينا Wa7eD خلص اموره من الفحص الطبي الأخير وتسليم الأوراق وقالوا له بنعلمك متى بداية الدورة
تراني مكلمة شخصيا قبل يومين .. لا تقولي تأكد من مصادرك

وصلت

أخوي فايتر جت مش معقولة حتى ألحين ما يعرفون متى بتبدأ الدراسة أتذكر الغانم كان يقول بداية السنة الهجرية الجديدة 1433هـ ولا صار شيء

بعدين قال بداية السنة الميلادية الجديدة 2012م وللأسف ما صار شيء حتى الآن؟!



أتوقع والله العالم بيبدأون السنة الهجرية القادمة 1434هـ عشان يجمعون العدد الكافي!؟!



وغن ياليل مطولك!!! >_<

[Capt747]

اقتباس:     المشاركة الأصلية كتبت بواسطة Cpt.Majed  

معقوووول 2 من اصل 36 !!!!!!!!

لو الخبر صحيح لحد يزعل ياشباب لأنو كلنا مؤمنين ونأمن بالقدر خيره وشره

على كل حال كل الي انقبلو الله يوفقهم وان شاء الله تكون بداية خير لهم وإلي لم يتم قبولهم خيره واختارها الله

سؤال: كم كان العدد الكلي في بداية التسجيل في البرنامج ؟؟؟

هلا حبيبي ماجد


ماراح تصدق كلامي أبداً لأنه شيء لا يصدق



تخيل عدد الذين دخلوا التوفل في جميع مناطق المملكة قرابة 3000 طالب


نجح منهم وأحرز الدرجة المطلوبة 450 فما فوق تقريباً 100 طالب


المية دولي دخلوا الكشف الطبي المبدئي نجح منهم 50 طالب



الخمسين دخلوا لاختبار الPTC نجح منهم 36 طالب


ال36 دخلوا المقابلة الشخصية نجح منهم 2 فقط




ههههههههههههههههههههههههههههههه



عارف محد بيصدق إلا اذا صارت له في وجهه


وبتشوفون

[Capt747]

فايتر جيت صار معك شيء مع عبدالله الغانم ولا كلمته؟!

[محمد ابو عبد]

يا جماعة بالنسبة للابتعاث الخارجي ... هل هناكـ مقابلة شخصية ....؟؟ مع العلم انه لم يوضع هذا الشرط استنادا الى رابطهم .. علشان لا تقولوا محمد بيتكلم من راسه ..
الخطوط الجوية العربية السعودية - ابتعاث
في الشرط رقم 6 لا يوجد شيء اسمه مقابلة شخصية ... لكن الي ليه معرفه بالخطوط وعارف يا ريت يقلنا الكلام صحيح ولا لا ..
ويااا رب يوفقني ويوفق الجميع .. دمتم بخير ومحبة ^__^ ..

[abd7731]

اخي capt 747
انا مادري كم عدد اللي اخذوهم من برنامج الابتعاث
بس عندي معلومه عن الطيارين الدارسين على حسابهم الخاص يعني الشباب اللي معاهم رخص
اللي اختبرو PTC كان عددهم قرابه 38 او 40
للاسف اخذوا منهم 2 فقط
وهذي المعلومه انا متاكد منها ميه في الميه
عشان كذا لاتستغرب انهم ياخذوا 2 او 1 منكم لانهم ناس ماتخاف الله

[The Genius]

اقتباس:     المشاركة الأصلية كتبت بواسطة محمد ابو عبد  

يا جماعة بالنسبة للابتعاث الخارجي ... هل هناكـ مقابلة شخصية ....؟؟ مع العلم انه لم يوضع هذا الشرط استنادا الى رابطهم .. علشان لا تقولوا محمد بيتكلم من راسه ..
الخطوط الجوية العربية السعودية - ابتعاث
في الشرط رقم 6 لا يوجد شيء اسمه مقابلة شخصية ... لكن الي ليه معرفه بالخطوط وعارف يا ريت يقلنا الكلام صحيح ولا لا ..
ويااا رب يوفقني ويوفق الجميع .. دمتم بخير ومحبة ^__^ ..

هلا يا غالي والله لاحظتها من قبل ..

بس الدفعه الماضية والابتعاث الداخلي كلهم دخلوا مقابله .. فإن شاء الله بعد ما نعدي القدرات فيه مقابله بعد

دعواتك

[Capt747]

اقتباس:     المشاركة الأصلية كتبت بواسطة abd7731  

اخي capt 747
انا مادري كم عدد اللي اخذوهم من برنامج الابتعاث
بس عندي معلومه عن الطيارين الدارسين على حسابهم الخاص يعني الشباب اللي معاهم رخص
اللي اختبرو PTC كان عددهم قرابه 38 او 40
للاسف اخذوا منهم 2 فقط
وهذي المعلومه انا متاكد منها ميه في الميه
عشان كذا لاتستغرب انهم ياخذوا 2 او 1 منكم لانهم ناس ماتخاف الله

أجل شكلي عرفت الموضوع الأخ وحيد معاه الرخص طلع؟!

صح ولا لأ؟


والظاهر عددنا كان 20 دارسين على حسابهم

و20 ابتعاث داخلي وما بعد تطلع نتايج الابتعاث الداخلي على كذا؟!


إلا الأشخاص إلي تم استبعادهم مثل فايتر جيت طلعت نتايجهم لكن عن نفسي شكلي في قائمة الانتظار وطلبي تحت الدراسة ومثلي بعد الناس إلي ما جاتهم رسايل؟



كم واحد ما وصلته رسالة حق الابتعاث الداخلي؟



مجرد تخرصات؟



فايتر جيت وش صار يوباه معاك؟أنت مع خويك وحيد؟

[Fighter Jet]

أنا استبعدت للأسف
والأخ واحد كمل إجراءاته ومنتظر تاريخ بدء الدراسة

ضايق صدري والله من هالموضوع

[Capt747]

اقتباس:     المشاركة الأصلية كتبت بواسطة Fighter Jet  

أنا استبعدت للأسف
والأخ واحد كمل إجراءاته ومنتظر تاريخ بدء الدراسة

ضايق صدري والله من هالموضوع

أخوي فايتر وسع صدرك ولا تشيل هم



والحمدلله على كل حال قسمة ونصيب وتقدير الله رب العالمين ما فيه أحسن منه




ما تدري وش الخير إلي ربنا مخبيه لك في المستقبل كل واحد بيأخذ رزقة بالتمام والكمال




خل والدتك تدعيلك أن الله يكتب لك ما فيه صلاح الدنيا والدين










ومشكلتي مع هالخطوط المقرفين معلق ما أدري هل مقبول ولا مرفوض؟!؟

[The Genius]

اقتباس:     المشاركة الأصلية كتبت بواسطة Capt747  

ومشكلتي مع هالخطوط المقرفين معلق ما أدري هل مقبول ولا مرفوض؟!؟

طيب ليش ما تخلي احد الا وتتصل عليه ؟

ارسل ايميلات للتدريب والابتعاث و للموارد البشرية

[Capt747]

اقتباس:     المشاركة الأصلية كتبت بواسطة The Genius  

طيب ليش ما تخلي احد الا وتتصل عليه ؟

ارسل ايميلات للتدريب والابتعاث و للموارد البشرية

يا حبيبي ما بقى أحد ما كلمته كلا يقولون لي طلبك تحت الدراسة ومعلق pending بنكلمك الأسبوع الجاي وهذي حالتي معهم من أسبوعين!


والله قهررررررررر ويرفعون الضغط




الحمدلله أني بأمريكا بس حاب أشوف وش صار على الآبليكيشن حقي ولا لو أنا في جدة كل يوم ناقز لمكتب الغانم أهوش معه




هههههههههههههههههههههههههههههههه





إلي وصله خبر لا يبخل علينا يا حلوين

[The Genius]

الله المستعان ..

بس اذا فرضا قالوا لك قبلناك تبي ترجع مثلا ؟

دعواتك

[abd7731]

اقتباس:     المشاركة الأصلية كتبت بواسطة Capt747  

أجل شكلي عرفت الموضوع الأخ وحيد معاه الرخص طلع؟!

صح ولا لأ؟


والظاهر عددنا كان 20 دارسين على حسابهم

و20 ابتعاث داخلي وما بعد تطلع نتايج الابتعاث الداخلي على كذا؟!

لا ياحبيبي
مااعتقد

[ك. شيخ باوزير]

بالتوفيق لللجميع

والحمد لله انا اليوم قطعت 10% من الطريق بحصولي على 84 ولله الحمد في اختبار القدرات ما باقي الا التوفل لانه المدرسة الى الان الحمد لله التراكمي حوالي 97 الحمد لله يا رب ولسا المشوار طويل وباذن الله وضع الخطوط يتحسن خلال هذه الفترة وتكون الاجراءات قصيرة وسريعه لانه شفت ناس هنا فقدت الامل بسبب طول الوقت

وبالنسبة للي ما لهم نصيب ترا هذا خير من ربي وش دراك وش كان ممكن يصير ويمكن ربي يرزقك بشيء افضل صح انه الي يحلم بالطيران ما يقدر يفكر بغيره لكن هذا النصيب والله يوفق الجميع

[MR.7m000di]

شباب الابتعاث الخارجي
لاهنتوا احد منكم وصلته رساله بالقبول ؟؟؟؟؟؟؟؟؟؟
بسرررررررررررررررعة اللي جاه رسالة يفيدنا
ابي اعرف واستقر نفسيا
الله يوفقنا كلنا ياااااااارب

[The Genius]

اقتباس:     المشاركة الأصلية كتبت بواسطة MR.7m000di  

شباب الابتعاث الخارجي
لاهنتوا احد منكم وصلته رساله بالقبول ؟؟؟؟؟؟؟؟؟؟
بسرررررررررررررررعة اللي جاه رسالة يفيدنا
ابي اعرف واستقر نفسيا
الله يوفقنا كلنا ياااااااارب

هلا يا غالي لا والله للحين ما فيه شيء ..

الله يوفقنا كلنا يااارب .. دعواتك .

[Agent-47]

اقتباس:     المشاركة الأصلية كتبت بواسطة MR.7m000di  

شباب الابتعاث الخارجي
لاهنتوا احد منكم وصلته رساله بالقبول ؟؟؟؟؟؟؟؟؟؟
بسرررررررررررررررعة اللي جاه رسالة يفيدنا
ابي اعرف واستقر نفسيا
الله يوفقنا كلنا ياااااااارب

هلا عزيزي:
إلى الان ما وصلنا شيء, لكن على فكرة وصلني خبر أن الدرجات أنتهوا من تصحيحها وكلها مسألة كم يوم وتوصل الرسائل وبإذن الله تبشرنا بقبولك ونفرح فيك ان شاءالله.

بعد تحديد المقابلة رح تطول الإجراءات وممكن تاخذ 4 شهور أو أكثر لانهم رح يبحثون عنك وعن سجلك المدني ويشوفون هل عليك سوابق جنائية أو لا.

يعني ترا مطوليييييييين جدا ونصيحة ركز على الإختبارات لاني أنا كثرت تفكير وضيعت في إختبارين

[MR.7m000di]

اقتباس:     المشاركة الأصلية كتبت بواسطة Agent-47  

هلا عزيزي:
إلى الان ما وصلنا شيء, لكن على فكرة وصلني خبر أن الدرجات أنتهوا من تصحيحها وكلها مسألة كم يوم وتوصل الرسائل وبإذن الله تبشرنا بقبولك ونفرح فيك ان شاءالله.

بعد تحديد المقابلة رح تطول الإجراءات وممكن تاخذ 4 شهور أو أكثر لانهم رح يبحثون عنك وعن سجلك المدني ويشوفون هل عليك سوابق جنائية أو لا.

يعني ترا مطوليييييييين جدا ونصيحة ركز على الإختبارات لاني أنا كثرت تفكير وضيعت في إختبارين

الله يعطيكم العافية شباب وبخصوص الاختبارات خلها على الله كل امسك الكتاب واسمع طياره تروح المعلومات اللي حفظتها كللللها هههه
بس والله خفت من موضوع الشباب السابق اللي ما انقبل الا اثنين احس اني انفجعت بس الله ييسر
وبرضوا خايف من الوزن انا وزني شوي زايد بس بشكل عام متناسب مع الجسم اخاف ما انقبل بسبب الوزن واجلس الى التقديم الجاي ما اكلت ولا وجبة ((قوية صح؟؟))
في الاخير:
يااااارب يامن قلت في كتابك ((ادعوني استجب لكم))اسالك يارب ان تيسر لكل من في المنتدى حلمه يكون طيار يااااارب
بالتوفيق شباب

[The Genius]

جمعة مباركة شباب ..

دعواتكم الله يرضى عليكم ، الله يوفقنا كلنا يارب ونكون كلنا مقبولين بحول الله

[You & me]

اقتباس:     المشاركة الأصلية كتبت بواسطة MR.7m000di  

شباب الابتعاث الخارجي
لاهنتوا احد منكم وصلته رساله بالقبول ؟؟؟؟؟؟؟؟؟؟
بسرررررررررررررررعة اللي جاه رسالة يفيدنا
ابي اعرف واستقر نفسيا
الله يوفقنا كلنا ياااااااارب

لا باقي ما وصلنا شيء
الله يبشرنا بالقبووول


ركزوا على اختباراتكم
الله يووفقكم

[الصقر الاخضر]

السلام عليكم ورحمة الله وبركاته ..
يا شباب انا طالب بالثانوي والحمدلله بالقدرات قدرت اجيب فوق ال75 ونسبة فوق التسعين الحمدلله يا رب لكن ..
انا عندي سؤالين ..
1- هل البعثة بتكون مفتوحة السنة القادمة ؟ أقصد يعني احنا الآن طلاب الثانوية هل نستطيع التقديم على الابتعاث الخارجي بعد ما نتخرج ! ولا سوف يكون التسجيل مغلق ؟
2- بالنسبة للشروط كاتبين .. أجتياز اختبار اللغة الانجليزية واختبار القدرات للطيران ؟؟؟؟ وما مدى صعوبة الاختبار ! وكم عدد المقبولين

الرجاء الرجاء الرد يا اخوان انا طالب ثالث ثانوي أتمنى أصير طيار !!

[MR.7m000di]

اقتباس:     المشاركة الأصلية كتبت بواسطة الصقر الاخضر  

السلام عليكم ورحمة الله وبركاته ..
يا شباب انا طالب بالثانوي والحمدلله بالقدرات قدرت اجيب فوق ال75 ونسبة فوق التسعين الحمدلله يا رب لكن ..
انا عندي سؤالين ..
1- هل البعثة بتكون مفتوحة السنة القادمة ؟ أقصد يعني احنا الآن طلاب الثانوية هل نستطيع التقديم على الابتعاث الخارجي بعد ما نتخرج ! ولا سوف يكون التسجيل مغلق ؟
2- بالنسبة للشروط كاتبين .. أجتياز اختبار اللغة الانجليزية واختبار القدرات للطيران ؟؟؟؟ وما مدى صعوبة الاختبار ! وكم عدد المقبولين

الرجاء الرجاء الرد يا اخوان انا طالب ثالث ثانوي أتمنى أصير طيار !!

هلا اخوي اتمنى لك التوفيق
اول شي عندك تقديم في الصيف ابتعاث داخلي لأجنحة رابغ تكون شهادة دبلوم
الابتعاث الخارجي يكون في شهر 11 وحسب علمي ان راح يفتح يعني لسا يبون طيارين
بالنسبة لاختبار الانجليزي شد حيلك واذا يمديك بدورة تاخذ فيها كم مستوى يكون افضل لأنه سهل بس للي عنده معلومات اضافية غير اللي ندرسها بالمدرسة :protest:
القدرات لا تشيل همه ترا جدا سهل احنا اختبرناه كان مره سهل وبالعربي بس مشكلتنا في الوقت يعني كل سؤال يبيله ربع دقيقة والا شفت نفسك ماحتجاوب بدري ارمي اقرب اجابة تكون محتملة
شد حيلك بالامتحانات واتمنى لك التوفيييق ويارب يسهل لك امورك ونشوفك احلى كابتن