[hendaaa mahmoud]

أنا مش لاقية كلام أقولو بصراحة بعد كل الكلام اللي مكتوب ده,,,بجد مستغربة قوي
No Comment !!!!!!!!!!

[احمد من الزقازيق]

رغم كل الكلام ده انا حابب اضيف لكم حاجة انا لسة مكلمهم النهاردة وقالوا لي اننا لسة مستمرين في الاتصالات بالناس بكرة وبعدو حتى بالناس اللي مش نجحوا علشان الناس اللي لسة مش اتصلوا بيهم يطمنوا
ولكم مني أفضل التحيات والأمنيات

[kapotsha]

ya gama3a homa el nas eli 5adohom dol mo3zamhom mean ma3had alex concar 3ashan el sherka dei msh 3awza tet3eb nafsaha me3a 7ad bas ta7t el talad msh we7esh bardo

[Doda gh]

مش عارفه يا احمد فعلا انا حسه ان في حاجه لسه هتحصل
يعني لسه في شويه تفائل صغيرين كده يارب مش يضيعوا كمان

[احمد من الزقازيق]

تفائلوا بالخير تجدوه

[jehan7]

ياجماعه انتو مش واخدين بالكو من حاجه..طبيعي جدا ان تكون نسبة المقبولين بالنسبه للعدد الضخم من المتقدمين يكون قليل..ده مش بسببهم..ده بسبب عددنا الكبير واللي هما مضطرين يختارو منه العدد اللي هما عايزينه بس..يعني مش معقول حتي يتقبل من التلات ده الاف الف مثلا هايعملو ايه بألف مضيف ومضيفه...اللي حصل منطقي وكان متوقع

[مايا شريف]

انا الحمد للة يا جماعة نجحت انا و3 من اصحابى من 10 راحو من السنتر
وقالولنا انتم كدة جاهزين للتدريب فى الشركة على طول من غير حتى انترفيو مع ال hr واستنوا من الشركة تليفون
واللة يا جماعة انا مش عارفة اقولكو اية يمكن حظ الى متقبلش احسن مننا لانة مش هيعلق نفسة بامل
لكن احنا لا هنتعلق بامل واللة اعلم لحد امتى خاصة وانى سمعت ان الموضوع هيطول والشركة تقريبا هتبدا تتصل بالناس بعد شهرين ربنا معانا بقى على كل حال الواحد المفروض يقول الحمد للة وربنا ما يطول علية الفترة الباقية

[mtaa]

مايا متزعليش من كلامى انا هكلم بمنطق ممكن يزعلك , اولا ازاى ناس تشتغل فى شركة من غير انترفيو, ثانيا انتى قولتى قبل كدا انك بتدربى على الضيافة فى سنتر يبقى خلاص الموضوع اتعرف اكيد فيه علاقة بينكم و بين الناس دة لان يا مايا طبعا الكلام اللى بشوفة بيكتب مش مظبوط فيه حاجة غلط انا ازاى اقبل ناس من غير مشوفهم , مع العلم ان الرزق دا بتاع ربنا بس انا بكلم فى لوجيك و منطق

[mtaa]

يعنى ازاى اقيم و ادخل حد الشركة و اوظفة من غير مشوفة يبقى خلاص بالمعرفة و برضة مايا متزعليش منى والله انا مبقصدك انتى بالكلام انا بكلم فى العموم و المنطق و اللوجيك, اللى انا عارفة ان عشان اى حد فى العالم يتوظف فى اى شغلة سواء ضيافة او غيرة لازم يعمل انترفيو من الجهة المختصة بذلك , انما انى اقبل شخص من غير حتى مشوفة يعنى اقبلة من صورتة مثلا اكيد فيه واسطة

[مايا شريف]

اقتباس:     المشاركة الأصلية كتبت بواسطة mtaa  

مايا متزعليش من كلامى انا هكلم بمنطق ممكن يزعلك , اولا ازاى ناس تشتغل فى شركة من غير انترفيو, ثانيا انتى قولتى قبل كدا انك بتدربى على الضيافة فى سنتر يبقى خلاص الموضوع اتعرف اكيد فيه علاقة بينكم و بين الناس دة لان يا مايا طبعا الكلام اللى بشوفة بيكتب مش مظبوط فيه حاجة غلط انا ازاى اقبل ناس من غير مشوفهم , مع العلم ان الرزق دا بتاع ربنا بس انا بكلم فى لوجيك و منطق

لالا خالص كلام مش يزعل
صدقنى انا مش فرحانة لانى فعلا بدات اقلق واحبط اكتر من الاول
السبب الاول الى انت قولتة
والسبب التانى انهم ليسة هيبداو تدريبنا كمان شهرين
عشان كدة انا عايزة منكم يا جماعة طلب تحكولنا بالتفصيل كل الى هيحصل فى المقابلة وياترى الناس الى هتشفوهم دول انتوا حاسين انهم اصحاب لشركة ولا لا

[mtaa]

حكاية التدريب دة مش مشكلة لانك لو قبلتى مثلا فى الاماراتية او القطريه بتدربى 5 اسابيع على الاقل و على مبتبتدى شغلى يمكن بتدخلى على شهرين , بس انا عاوزك تكونى حريصة شويه و متستعجليش و خلى المنطق دا قدام عينك و هوة ازاى اقبل فى شركة طيران من غير انترفيو مع الاتش ار؟؟؟؟؟؟؟؟؟؟؟؟؟

[mtaa]

مع العلم ان فيه ناس بتقدم فى الاماراتية او القطريه او الاتحاد و عندهم خبرة فى الضيافة و عدد ساعات طيران و... و ... الخ و مع ذلك مبيتقبلوش , فخليكى حريصة انا والله بكلم لمصلحتك

[مايا شريف]

اقتباس:     المشاركة الأصلية كتبت بواسطة mtaa  

يعنى ازاى اقيم و ادخل حد الشركة و اوظفة من غير مشوفة يبقى خلاص بالمعرفة و برضة مايا متزعليش منى والله انا مبقصدك انتى بالكلام انا بكلم فى العموم و المنطق و اللوجيك, اللى انا عارفة ان عشان اى حد فى العالم يتوظف فى اى شغلة سواء ضيافة او غيرة لازم يعمل انترفيو من الجهة المختصة بذلك , انما انى اقبل شخص من غير حتى مشوفة يعنى اقبلة من صورتة مثلا اكيد فيه واسطة

صدقنى واللة انا ما فاهمة حاجة معرفش
فعلا معرفش
انا ولا لاقية سبب منطقى عشان اكدبهم لان اكيد كل المواقف الى مش حلوة الى حصلت مع الناس دية مش من مصلحتهم لان غالبية الناس اضيقوا منهم
ولا لاقية سبب اصدقهم لان فعلا صعب حد يوظف حد من غير ما يشوفة صعبة
عشان كدة بقولكو والة حظ الى متقبلش احسن بكتير جدا
اللة يكون فى ونا فى الموضوع الصعب دة الواحد مش ناقص دمار اعصاب كفاية علينا الخطوط السعودية والى عملاة فينا
قولوا يارب يا جماعة ربنا اكيد هيستجيب لينا لما يلقينا بندعى مع بعض

[mondy5]

واضح يا جماعة ان في علاقة بين اصحاب السنتر بتاع اليكس و المعهد دة او انهم حيتعاونوا مع بعض يعني حيستفيدوا من خبرة السنتر بتاع اليكس عادددددددددددددددي جدا

[nony nony]

باركوووووووووووووووووولي
انا اترفضت..لولولوووووووووووووووولي
ههههههههه

[nony nony]

انا اخيرا عرفت ايه هو الهم اللي يضحك
هو بالظبط الموقف اللي احنا فيه دة
يلا حسبي الله ونعم الوكيل

[naglaa mohsen]

اقتباس:     المشاركة الأصلية كتبت بواسطة nony nony  

انا اخيرا عرفت ايه هو الهم اللي يضحك
هو بالظبط الموقف اللي احنا فيه دة
يلا حسبي الله ونعم الوكيل

متزعليش نفسك هما موقفهم اساسا وحش جدا ومش كانوا صرحة فاى حاجة
وشوفى حياتك ولو وراكى شغل بتشتغليه او دراسه او شوفى كنتى بتعملى ايه فحياتك وكملية
وربنا يوفقكم جميعا :)

[مايا شريف]

اقتباس:     المشاركة الأصلية كتبت بواسطة mondy5  

واضح يا جماعة ان في علاقة بين اصحاب السنتر بتاع اليكس و المعهد دة او انهم حيتعاونوا مع بعض يعني حيستفيدوا من خبرة السنتر بتاع اليكس عادددددددددددددددي جدا

ياريتتتتتتتتت كلامك كان صح
اكبر دليل ان مفيش علاقة وثيقة ان عدد 4 بس الى اتقبلوا من عندنا من 10 راحو مدربين كويس ولا بسين يونى فورم وحلوا ومقبلوش الة اعلم لية
كمان المعهد لو كان على علاقة وثيقة بيهم كنا عرفنا التدريب امتى بالظبط
بجد ياريتتتتتتتتتتتت كان الواحد استريح
والكارثة ان صاحب السنتر امبارح بيبلغنى خبر نجاحى وفرحنى وكلة وبعدها يقولى ( واللة اعلم ) ليسة مش واثق اوى فيهم خاصة وانهم محددوش وقت التدريب

[robymuhammed]

ايه كل الي حصل دا انا غبت شهر اجي الاقيكو متبهدلين كدا وايه بس كل دا عموما متزعلوش ربنا يكرمكو ان شاء الله باحسن من كدا ومتزعلوش اكيد مخسرتوش كتير اكيد طلعتو حتي ولو بمعلومة من كل دا واحنا لازم نحاول ومنزهئش وان شاء الله يكون في حاجه لنا احسن من كدا

[mero853]

حسبى الله ونعم الوكيل

[sad smiles]

انا لسه واحد من هناك كلمني وقالي للاسف حضرتك رييوزد كابين كرو لكن الانجلش والابيرنس والكوميونكيشن سكيلز كلها بيرفكت جدا لكن الاولوية كانت للخبرة

وحضرتك هتبقي وتنج للشهر الجاي

طبعا مش رضي يقول اسم الشركة وقال انها نفس الشركة اللي هتيجي الشهر الجاي برضو

طبعا الحمد لله وقدر الله وماشاء فعل

[flydragon]

انا لسة جاى وهحكيلكوا اية اخر الاخبار انا كان معادى الساعة 2 كنت موجود انا وبنت تانية معاها ولديتها البنت للاسف اترفضت واللى كان معانا أ.محمد سالم فمن كلامة ان والدة البنت دى كانت عايزة تقدملها فى الدراسة هناك وكانت مصرة تعرف ان اهم حاجة هيبقى فية تعيين ولا لأ قالها الطلاب فى الدراسة بنقدملهوم فى 5 شركات _(الاماراتىة - القطرية- العربية- وشركتين تانين كدة مش فاكرهم ) المهم وقالها ولو مفيش نصيب فى دول بعد ماتخلص احنا بنقدم لها فى الشركة السعودية دى لان على حسب كلامة ان الشركة دى متعقده معاهم هما بس فى مصر لتوظيف الضيافة الجوية والكورس بيبقى ب 5000 مش اكتر ...............
انا بقى كلة عندى مقبول ماعدا طبعا الضيافة وقالى دة طبعا بسبب الاختصارات لان انا روحت يوم الجمعة اول ناس معرفتش قبلها حاجة المهم قالى ان انت واتينج خلال اسبوعين بحيث لو من المقبولين فى ناس اترفضت او فى عجز وعايزين ناس تانى يبقى بتوع الواتينج هيكلموهم طيب قولتله ازاى انا مرفوض فى الضيافة وهيخدونى بعد الناس الى هندها خبرة قالى مهوا بالاضافة للتدريب الناس الويتينج هتاخد كورس تانى عن معلومات الضيافة مع التدريب وطبعا مختش الورق بتاعى وبردة مرديش يقول اسم الشركة وقال انى الناس الى اتقبلت عرفت الشركة وهتروحها عشان الانترفيو هناك ياريت اللى اتقبل يقول الشركة اسمها اية وقال كمان ان التدريب عندهم على ايد مضيف جوى من مصر للطيران خبرة 10 سنين و التدريب هناك فى الفيلا دى وسألتة مفيش تدريب محاكاة قالى لا الكورس نظرى بس مش زى مهوا موجود فى الموقع بتاعهم يعنى فى الصور :iconloli:
كان معكم محدثكم منقلب الموقع fly dragon وشكرا

[hendaaa mahmoud]

انا كمان لسه مكلمني من شوية وقاللي اني في كله تمام بس هكون ويتينج علشان محلتش السؤال الأخير بتاع الاختصارات,,سألته طب ما انتو قولتو انه مش مهم قاللي في اكتر من 200 واحد حلوه وده العدد المطلوب !!! لكن لو في ناس منهم مش هياخدوهم هنشوف بقى الناس الويتنج,,, وقال لو عايزة تاخدي صورك اوك بس نسيب السي في عندهم علشان لو طلبو تاني !!!! ياللا بقى هنعمل ايه نصيبنا كده

[mtaa]

باحترامى لشركة ايتيس ان شركة الامارات للطيران و القطريه ملهومش اى شركات وساطة فى اى مكان فى العالم و اللى يدخل على الويب سايت الخاص بيهم هيعرف دا و شركة الاتحاد كمان و هما منزليين على الويب سايت تحذري لدا

[ميسون تونز]

اقتباس:     المشاركة الأصلية كتبت بواسطة mtaa  

باحترامى لشركة ايتيس ان شركة الامارات للطيران و القطريه ملهومش اى شركات وساطة فى اى مكان فى العالم و اللى يدخل على الويب سايت الخاص بيهم هيعرف دا و شركة الاتحاد كمان و هما منزليين على الويب سايت تحذري لدا

وانا اوافقك الراى لان القطرية والاماراتية لما بيطلبوا بيعملوا يوم فى احسن اماكن فى مصر واسكندرية وبتاخد السى فيهات وبعدين بتتصل بالناس وبعدين اتيس دول فعلا مش صدقين لو كنا فكرنا شوية كنا عرفنا ان كل دة مش حقيقى لان لية شركة كبيرة توسط اكاديمية تاخد على كل فرد عشر الاف جنية دة يبقى افضلها لو نزلت اعلان مباشرة وكل الناس تقدم فية وهى تدربهم بعدك كدة بالفلوس دى

[ميسون تونز]

اقتباس:     المشاركة الأصلية كتبت بواسطة nony nony  

باركوووووووووووووووووولي
انا اترفضت..لولولوووووووووووووووولي
ههههههههه

مبروك يا جميل ويا رب عقبالى ودى حاجة اكيدة بس مفيش حد اتصل ومش واضح انهم هيتصلوا عادى مش مشكلة:iconloli:

[ميسون تونز]

لا خلاص يا جماعة باركولى انا اترفضت دلوقتى حالا

[ميسون تونز]

هاى يا جماعة انا مريم اخت ميسون انا استاذ احمد اتصل بيا وقالى ان ميسون ريفيوس بس انا ويتنج وان فى كتير جدا نجحوا وان الانترفيو بتا عهم يوم الاحد الى جاى ع طول وقالى والله ان الموضوع دة بجد مش بروبوجاندا واتكلم معايا بالتفصيل عن الموضوع وبرضوا لالاسف مرضاش يقول اسم الشركة وباركلى ان انا ويتنج وقولتلة هستنا اد اية انا والناس الويتنج قال ممكن سنتين

[mtaa]

على فكرة فى سوريا من فترة كان فيه اعلان نزل من شركة بتقولى انها وسيطة للاماراتية و لاقيت هنا فى المنتدى بيكلموا عنها كتير الموضوع دا يمكن كان من فترة مش كبيرة و الشركة عملت انترفيوهات هناك , و انا لما دخلت على الموضوع دا قولتلهم يا جماعة الخير شركة الاماراتيه ملهاش اى وسيط فى العالم و هما بيعملوا معاملة مباشرة مع اللى عاوزين ياخدوة و بعدها بكام يوم لقيتهم كاتبين فى المنتدى ان الشركة الوسيطة اجلت الانترفيوهات الفاينال لاجل غير مسمى و دا طبعا لانهم كانوا عاوزين ينصبوا تقريبا و معرفوش

[enew]

من واقع الكلام اللى شايفه اقدر اقول ان كل ده عباره عن دعايا للاكاديميه مش اكتر. واللى عايز يبقا او تبقا مضيفه جويه تروح تدرس لغه او اتنين بدل ما تدرس فى الاكاديميه لان دراسه الاكاديميه ملهاش لازمه عند التقديم فى شركات الطيران لان الناس اللى بتتقبل كده كده بتتدرب فمش هتفرق هو متدرب ولالا اهم حاجه عند شركات الطيران لما بتاخد المضيف او المضيفه تكون حسنه المظهر ومعاها اكتر من لغه ولبقه فى الكلام.. انا شغال فى مصر للطيران ومن واقع خبرتى ان اهم حاجه اللغه والمظهر بالنسبه للضيافه الجويه