[zaky2]

السلام عليكم أولاً
عايز افتح شركة سياحة فى مصر لحجز تذاكر طيران وبرى وبحرى واستأذن الاجابة عن الاسئلة :
1- ماهى الجهة المباشرة التى ساذهب إليها لأخذ الاجراءات القانونية وما حجم التأمين وهل ومبلغ4ميلون جنيه تأمين صحيح؟
2 - ما المتطلبات فى الشركة وبماذا تنصحونى لأبدأ الشغل صحيح من حيث نوع المكتب فى العمل وهل من الممكن اصبح وكيل معين أم فرع لشركة أم ...إلخ؟
3- هل من المفروض دراسة برامج غير الاماديوس؟

[safarycenter]

اقتباس:     المشاركة الأصلية كتبت بواسطة zaky2  

السلام عليكم أولاً
عايز افتح شركة سياحة فى مصر لحجز تذاكر طيران وبرى وبحرى واستأذن الاجابة عن الاسئلة :
1- ماهى الجهة المباشرة التى ساذهب إليها لأخذ الاجراءات القانونية وما حجم التأمين وهل ومبلغ4ميلون جنيه تأمين صحيح؟
2 - ما المتطلبات فى الشركة وبماذا تنصحونى لأبدأ الشغل صحيح من حيث نوع المكتب فى العمل وهل من الممكن اصبح وكيل معين أم فرع لشركة أم ...إلخ؟
3- هل من المفروض دراسة برامج غير الاماديوس؟

_________________________________________
وعليكم السلام ورحمة الله وبركاته
1 - الجهة هى وزارة السياحة ومبلغ 4مليون ده فعلا صحيح لو هتفتح شركة سياحة مستقلة جديدة ويمكنك اعطار فروع لاى حد ولكن لو هتفتح فرع من شركة سياحة يمكنك الاتفاق مع شركة سياحة بكده وعادة يكون التأمين 100الف جنيه
2 - متطلبات الشركة وهى متطلبات الاياتا ومقرها بالزمالك ودول اكتر ناس هيفيدوك ايه المفروض والمطلوب تواجده بالشركة وممكن تصبح وكيل لشركة
3 - مش شرط ممكن الاماديوس بس وممكن اماديوس او جاليليو او سسيبر او ممكن اى حاجة منهم ونصيحتى لو عندك الثلاثة يبقى ممتاز المهم حجم الشغل الى عندك ومقدار الضغط
4 - ايه رايك نفتح فرع بطنطا عندى مكان ممتاز وناخد فرع من شركة وعلى التفاصيل ابعتلى لو المبدا انت موافق عليه رسالة خاصة او ايميل ولحظتها ارد عليك فقط اعرف رد المبدئى وشكرا

[zaky2]

شكرا علي ردك و كلام جميل جدا و مفيد ربنا يخليك
بالنسبه لفرع الشركه في طنطا للاسف انا من الاسماعيليه و عايز افتح هنا انا اسف

[safarycenter]

مفيش مشكلة يا استاذ ذكى انا مستعد اننا نشترك معا ونفتح بالاسماعيلية

[الغاوى3]

السلام عليكم
اخوانى الاعزاء انا بعد التحيه
ارجوا افادتى كيف استطيع اخذ وكالة من شركة سياحية لحجوزات الطيران والحج والعمره فى احد المحافظات المصريه
وشكرا

[safarycenter]

اقتباس:     المشاركة الأصلية كتبت بواسطة الغاوى3  

السلام عليكم
اخوانى الاعزاء انا بعد التحيه
ارجوا افادتى كيف استطيع اخذ وكالة من شركة سياحية لحجوزات الطيران والحج والعمره فى احد المحافظات المصريه
وشكرا

يمكنك مراستى للتوصل معا بما يفيدك وسنصل ان شاء الله لتعاون مثمر

[الغاوى3]

اخى العزيز نشكركم على حسن تعاونكم معنا
ارجو من سيادتكم اعلامنا بكيفية التواصل مع سيادتك هذا رقم هاتفنا 0181968168

واسف اذا كان وضع رقم الجوال ممنوع لكن هذا للاهمية القصوى للتواصل
وشكرا لكم

[mahmoudmoiet]

يا جماعة بالله عليكم تتفاعلوا معايا !!!
بقى ده اسمه كلام !!! مشروع حجز تذاكر طيران محتاج الاستثمارات الضخمة دى !!!! ده شغل مش محتاج ائتمان اى بنظامم الفلوس قصاد التذكرة !!!!
ايه التخلف اللى وصلناله ده
العالم بيقطع تذاكر ووكلاء السياحة بقوا بيشتغلوا من البيت و بياخدوا عضوية الاياتان homa based travel agent
و احنا بنتكلم ف 4 مليون جنيه يعنى باختصار بيقضوا على اى امل لاى شاب عاوز يعمل مستقبل

[safarycenter]

انت فعلا كلامك صح وعارف ان فيه عقبات ملهاش اى داعى
طب ايه رايكو لما ننضم ونتحد ونعمل المشروع ويبقى كل واحد بتخصص جوة نفس الشركة وبكده اكيد كل واحد هيكون ناجح بكل جزء وبنفس الوقت بنساعد مع بعض

[mazagnge]

تحية طيبة اخي الفاضل

كان من امنيات حياتي فى فترة من الفترات عمل شركة سياحة ، لكن :

- منذ أواخر التسعينات و تم تغيير الرسوم و التأمين و المبالغ اللازمة نهاية بالتبرعات الاجبارية الان و اصبح المبلغ رهيب زى ما انت سمعت .

- غرضك من شركة السياحة :
(أ) شركات يرخص لها فى مباشرة جميع الاعمال ( داخلية / خارجية / حجز تذاكر / حج و عمرة ) .
(ب) شركات يرخص لها فى مباشرة اعمال بيع أو صرف تذاكر السفر
(جـ) شركات يرخص لها فى مباشرة الاعمال النقل من برية وبحرية وجوية ونهرية لنقل السائحين .
و كل نوع لة مصاريفة زمان كان الشركة أ = 100 الف ، ب = 20 الف ، ج = 8 الاف جنية ، دلوقتي بطلت أسأل من زمان عشان الجناااااان

أهم نوع هو النوع الاول عشان تأشيرات العمرة و الحج و دي ممكن توقف اى شركة على رجليها و قلبك جامد مع شوية شغل في السياحة الداخلية .
أعتقد ان غرضك هو الشركة (ب) و هو اقل فى الرسوم من ( ا ) لكن لازالت التكاليف كبيرة جداً علي اى واحد بيقول يااااااا هادي يا رب .

طيب الخلاصة عشان الاحباط :

انا راى تشوف شركة انت تشتغل فيها و تفهم الدنيا ماشية ازاى ، و بعدين تشتغل من الباطن لحسابك ( بمعرفة الشركة لانك ها تتعرف ها تتعرف ) ، و لما تعمل علاقات و تعرف الدنيا ماشية ازاى مع قرشين ، تبتدى تعمل شركة ( ج ) كصورة عامة و ترخيص و وجهه للعمل و بعدين ربنا يكرمك و يكرمنا و يمكن يغيروا القوانين العبيطة المنظمة للسياحة .

- أو تشوف ترخيص شركة قديمة و تحاول تشترية ، لكن لازم تسأل في وزارة السياحة عن الشركة دى عليها غرمات / موقوفة / الملاك المسجليين فى الوزارة عشان ما تلبسيش في الحيط ..... و لازم تسأل كويس قوي بصورة رسمية و غير رسمية لان ممكن حد يكون موصي انك لما تسأل يقولوا كل حاجة تمام و بعد ما تستلم تفاجاء بما لا تشتهي الانفس ، و في محاميين بتبقي شغلتهم الموضوع دة

، يا اما تاخد فرع لشركة و تدفع الرسوم و تجهيز المكان ، و تديهم نسبة من الارباح حواليى من 20% : 25 % ، و انت و شطارتك خصوصاً في الحصول علي حصة من تاشيرات الحج .

راى الشخصي ادخل المجال لو انت غاوي ، اتعلم شوف الكبار بيعملوا اية ، مثلاً :
في ناس عملت شركات بالقانون الجديد الاجباري تعمل سياحة مش عارف كام مليون جنية في 3 سنوات ؟؟؟
و علية خدوا رخصة ، و كل سنة بيضربوا فواتير شغل و يسلموها و طبعاً مفيش علاقة بين الضرائب و وزارة السياحة ، و شوية و ها ينزل لهم حصة حج و عمرة و تبقي شركة قيمتها ملايين لو حبوا يبعوها ( صيااااااعة و شقااااااوة و تحايل اختار اللى يعجبك ).

[mazagnge]

اة خبر بايخ سمعتة من وزير السياحة / فخرى عبدالنور فى برنامج مصر النهاردة : مفيش تصريح بشركات سياحة جديدة حالياً ، لحين استقرار احوال السياحة و مراجعة اوضاع وزارة السياحة .

قوووول يا رب

[safarycenter]

بصراحة كلامك مفيد جدا وانتمنى نكون على تواصل دائما وفعلا بالنسبة للخارج يتم فتح شركة سياحة من خلال شهادة الاياتا و29يورو كمبلغ تسجيل بالغرفة التجارية مش اكتر واحنا عايشين بعصر وطرق غريبة

[mazagnge]

اقتباس:     المشاركة الأصلية كتبت بواسطة safarycenter  

بصراحة كلامك مفيد جدا وانتمنى نكون على تواصل دائما وفعلا بالنسبة للخارج يتم فتح شركة سياحة من خلال شهادة الاياتا و29يورو كمبلغ تسجيل بالغرفة التجارية مش اكتر واحنا عايشين بعصر وطرق غريبة

شكراً علي ردك الكريم اخي سفارى
و الصراحة الموقع مفيد انا نفسي اتعلمت حاجات كتير منة و معاكم ان شاء الله
و اعتقد ان هناك حاجة لقسم / موضوع جانبي لتوفير معلومات عن اجراءات تاسيس الشركات و الفروع بمختلف الدول العربية نظرا ً لتكرارا الاسئلة و الطلب عليها

تحياتي و بالتوفيق ، و نتمني ان نعرف اخر اخبار العضو زكي 2 و ما وصل الية

[mazagnge]

شروط منح الترخيص للشركات السياحية

1 - ان تتخذ المنشأة شكل شركة .

2 - الا يتضمن عقد الشركة اغراضا اخري غير مزاولة النشاط السياجي في المجالات المنصوص عليها .

3 - ان يكون للشركة مقر بجمهورية مصر العربية

4 - ان يكون للشركة مدير عام مصري الجنسية

5 - الا يقل راس مال الشركة عن مليوني جنيه ( ولا تدخل قيمة وسائل النقل في حساب الحد الادني لراس مال الشركة

6 - ان تؤدي تأمينا ماليا لوزارة السياحية وفقا للاتي :
200 الف جنيه لشركات السياحة فئة (أ)
175 الف جنيه لشركات السياحة فئة (ب)
150 الف جنيه لشركات السياحة فئة (ج)

ويدفع هذا التأمين ام نقدا او بشيك مقبول الدفع او بخطاب ضمان غير معتمد وغير مقيد باي شروط

ويشترط لمزاولة الشركات السياحية النشاط السياحي في مجال الحج والعمرة ان تكون من الشركات فئة ( أ ) ومضي علي الترخيص لها 5 سنوت ويشترط الاستمرار في مزاولة هذا النشاط الا يقل حجم اعمالها علي 30 مليون جنيه سنويا .

و هذا هو القانون حتي لحظة تاريخة
و أن كان هناك محاولة من أصحاب الشركات المؤسسة وفقاً للقانون الجديد بالتظلم لوزير السياحة الجديد / فخري عبدالنور ، لازالة هذا الشرط ، و يقابلة رفض من الشركات القديمة قبل هذا القانون لانة سيسحب من حصصهم في التأشيرات ، و أن اصحاب الشركات الجديدة ارتضوا هذا البند من القانون عند التأسيس
و مع الايام سنري الى اين سكون الحال

[safarycenter]

اقتباس:     المشاركة الأصلية كتبت بواسطة mazagnge  

شروط منح الترخيص للشركات السياحية

1 - ان تتخذ المنشأة شكل شركة .

2 - الا يتضمن عقد الشركة اغراضا اخري غير مزاولة النشاط السياجي في المجالات المنصوص عليها .

3 - ان يكون للشركة مقر بجمهورية مصر العربية

4 - ان يكون للشركة مدير عام مصري الجنسية

5 - الا يقل راس مال الشركة عن مليوني جنيه ( ولا تدخل قيمة وسائل النقل في حساب الحد الادني لراس مال الشركة

6 - ان تؤدي تأمينا ماليا لوزارة السياحية وفقا للاتي :
200 الف جنيه لشركات السياحة فئة (أ)
175 الف جنيه لشركات السياحة فئة (ب)
150 الف جنيه لشركات السياحة فئة (ج)

ويدفع هذا التأمين ام نقدا او بشيك مقبول الدفع او بخطاب ضمان غير معتمد وغير مقيد باي شروط

ويشترط لمزاولة الشركات السياحية النشاط السياحي في مجال الحج والعمرة ان تكون من الشركات فئة ( أ ) ومضي علي الترخيص لها 5 سنوت ويشترط الاستمرار في مزاولة هذا النشاط الا يقل حجم اعمالها علي 30 مليون جنيه سنويا .

و هذا هو القانون حتي لحظة تاريخة
و أن كان هناك محاولة من أصحاب الشركات المؤسسة وفقاً للقانون الجديد بالتظلم لوزير السياحة الجديد / فخري عبدالنور ، لازالة هذا الشرط ، و يقابلة رفض من الشركات القديمة قبل هذا القانون لانة سيسحب من حصصهم في التأشيرات ، و أن اصحاب الشركات الجديدة ارتضوا هذا البند من القانون عند التأسيس
و مع الايام سنري الى اين سكون الحال

لو لاحظنا اساسا القانون هنلاقيه فيه تضارب كتير جدا
كيف يكون راس المال مليون جنيه (كان الملايين دى شئ بسيط جدا) والنقطة اللى بتقول الا تقل حجم الاعمال السنوية 30مليون
يعنى هل يعقل ان من مليون واحد يجيب دخل 30مليون سنويا
النقطة الثانية وهى التأمين الذى لايرد وبدون سبب وده مش موجود فى دول كتير
النقطة الثالثة وهى ان مفيش نظام السجل المحاسبة المالية bsp وذلك لرفض مصر خروج الاموال خارج البلاد مع انه من الممكن الاتفاق مع احدى البنوك داخل مصر بالاتفاق مع الاياتا
النقطة الرابعه وهى استفادة وزارة السياحة من التأمين وبفوائدة ولا تعود اى حاجة منه على صاحب راس المال نفسه
النقطة الخامسة ان الترخيص متوقف فى مصر بدون اى سبب حتى هذه اللحظة على الرغم من الشروط المتخلفة
كل اللى بيشتغل بره مصر لو كلم اى شركة سياحة جوه مصر بيلاقى اختلاف رهيب فى التفكير والادارة وبجد مصر عايزة تغير شامل فى كل النقاط دى
هنا بنعمل بال100الف ريال يوميا حجوزات وتذاكر ولو سئلت شركة تدخل معاها شراكة بمصر وتسئله عن حجم المبيعات يقلك ان متوسط عدد مبيعات التذاكر 5تذاكر يوميا ؟؟؟؟!!!!!!
واللى يغيظ اكتر انه بيبقى فرحان جدا

[mazagnge]

كل اللى انت قلتة انا معاك فية يا اخ سفاري باستثناء النقطة الثالثة bsp ما فهمتهاش

لكن في نقطة انت مش واخد بالك منها : أنت بتتكلم بجد ... لكن اللي بيحصل تهريج

من الأخر عشان ما أطول عليك : أذا ارادت حل مشكلة فتوجه الي ظواهر المشكلة لتعرف اسبابها

يعني من الاخر برضة و من غير فزلكة ، اية اللى ترتب علي القانون دة :
- اولاً : قيمة الشركة القديمة كان 100 الف بقي 2 مليون و 200 الف تأمين ، يعنى لو انت عندك 3 شركات قبل القانون ( و طبعاً قبل ما يطلع القانون للنور كان كل واحد عندة شركة بقى معاة 2 و 3 ) تقوم تبيع 2 منهم و تكسب 2مليون و مئة الف للشركة الواحدة ، يعنى 4 مليون و 200 الف للشركتين ، و خلي بالك الشركات القديمة معاها تصريح بحصص حج و عمرة ، و دي قيمتها عل جنب .

- التأمين و التبرع الاجبارى : مش الغرض منهم فرض جزاؤات على الشركة بالخصم من التأمين في حال التجاوزات لانة كدة كدة بيوقف النشاط لحين ازالة المخالفة و الغرامة ، و انما هي ( أتاوة ) لزيادة ايرادات وزارة السياحة اخر العام و انجازات الوزير .

- سبب ايقاف التراخيص : هو ان الشركات القديمة (قانون 1977 ) ، و الشركات الجديدة قانون ( قانون 2009 ) وقعوا في بعض ، و كل واحد متقدم بمطالب ضد مصلحة الاخر ، و الكل بيهدد بالاعتصام فى الوزارة و رفع دعاوي قضائية علي الوزارة ، فتقامت الوزارة بإيقاف ملف الترخيص لشركات جديدة إلي حين معرفة كيف سيكون حال التعامل مع الشركات الحالية : لكن الخلاصة كلا المجموعتين بيتخانقوا على حصص تأشيرات الحج و العمرة خصوصاً ان الشركات هيبقي لها حصص محددة فى تأشيرات رمضان مثل تأشيرات الحج ، فالشركات الجديدة عايزة تنظم و بتتظلم من شرط منعها من التنظيم قبل 5 سنوات و قيمة اعمال 30 مليون ، و الشركات القديمة بتعترض تحت بند ان الشركات الجديدة ارتضت هذا في تعاقدها مع وزارة السياحة ، و ان حصة الحج محددة ، فحصول الشركات الجديدة على تأشيرات معناه خصم من حصصهم .... و هكذا .

مش عارف انا رأى انهم اذا كانت المشكلة فى حصة الحج و العمرة ، فتفصل من الخدمات التي تقدمها شركات السياحة ، و كل من يريد تقديم خدمات حج و عمرة يحصل علي رخصة برسوم محددة و شروط محددة .

و علية يمكن خفض قيمة ترخيص شركات السياحة إلي السابق 100 جنية مثلاً ، و يكون عملها في جلب السياحة الخارجية و الداخلية ، و حجز التذاكر ، و تنظيم المهرجانات .... و بالتالي :

* فتح باب الرزق الي الشباب الراغب فى انشاء مشروع بتكلفة معقولة و توفير فرص عمل اضافية .
* زيادة عدد الشركات يعني زيادة المتحصل بخزينة الدولة من رسوم و ترخيص و ضرائب .
* تنشيط السياحة ، حيث سيكون لن يقتصر عمل الشركة علي بيع حصة الحج السنوية لشركات أخري و كفي .
* انهاء سوق السماسرة بدرجة كبيرة ، حيث لا مبرر للعمل في الخفاء و هناك فرصة لانشاء غطاء قانوني يحميهم من سلطة القانون ، و هي ارباح ضائعة على خزانة الدولة .

مجرد اراء ..... و ربنا الهادي ، و ها نشوف ها ترسي على اية قول : يا رب

[tourism_manager]

السلام عليكم يا اهل الخبرة انا عايز افتح فرع لشركة سياحة ومحتاج اعرف شوية حاجات مهمة
اولا هل لازم ادفع تأمين فى وزارة السياحة عشان افتح فرع ؟
ثانيأ لو هاخد فرع من شركة سياحة لازم اشوف شركة بالقانون القديم ولا الجديد؟وايه مميزات كل واحدة منهم والمفروض مثلا اخد حصة كام فى الحج والعمرة؟
ثالثا : لازم ادفع فلوس كمان لصاحب الشركة ولا ممكن ياخد نسبة من الارباح؟
رابعا انا لو صاحب فرع ممكن استقبل مجموعات من الخارج واعمل الدعاية اللى انا عايزها مع اى شركة خارجية ولا ده ممكن يتعارض مع مصالح صاحب الشركة خاصة انه ممكن يكون بيتعامل مع واحدة من الشركات الخارجية اللى بابعنلهم عروضى السياحية؟
انا محتار وبافكر من زمان اوى فى الموضوع ده ونفسى بجد اعمل مشروع سياحى محترم وخاصة انه ليا علاقات كتير يشركات سياحية فى الخارج

[moh726]

السلام عليكم

إيش الجديد في الفتره الحاليه.

[فرعونية حلوة]

اقتباس:     المشاركة الأصلية كتبت بواسطة mazagnge  

تحية طيبة اخي الفاضل

كان من امنيات حياتي فى فترة من الفترات عمل شركة سياحة ، لكن :

- منذ أواخر التسعينات و تم تغيير الرسوم و التأمين و المبالغ اللازمة نهاية بالتبرعات الاجبارية الان و اصبح المبلغ رهيب زى ما انت سمعت .

- غرضك من شركة السياحة :
(أ) شركات يرخص لها فى مباشرة جميع الاعمال ( داخلية / خارجية / حجز تذاكر / حج و عمرة ) .
(ب) شركات يرخص لها فى مباشرة اعمال بيع أو صرف تذاكر السفر
(جـ) شركات يرخص لها فى مباشرة الاعمال النقل من برية وبحرية وجوية ونهرية لنقل السائحين .
و كل نوع لة مصاريفة زمان كان الشركة أ = 100 الف ، ب = 20 الف ، ج = 8 الاف جنية ، دلوقتي بطلت أسأل من زمان عشان الجناااااان

أهم نوع هو النوع الاول عشان تأشيرات العمرة و الحج و دي ممكن توقف اى شركة على رجليها و قلبك جامد مع شوية شغل في السياحة الداخلية .
أعتقد ان غرضك هو الشركة (ب) و هو اقل فى الرسوم من ( ا ) لكن لازالت التكاليف كبيرة جداً علي اى واحد بيقول يااااااا هادي يا رب .

طيب الخلاصة عشان الاحباط :

انا راى تشوف شركة انت تشتغل فيها و تفهم الدنيا ماشية ازاى ، و بعدين تشتغل من الباطن لحسابك ( بمعرفة الشركة لانك ها تتعرف ها تتعرف ) ، و لما تعمل علاقات و تعرف الدنيا ماشية ازاى مع قرشين ، تبتدى تعمل شركة ( ج ) كصورة عامة و ترخيص و وجهه للعمل و بعدين ربنا يكرمك و يكرمنا و يمكن يغيروا القوانين العبيطة المنظمة للسياحة .

- أو تشوف ترخيص شركة قديمة و تحاول تشترية ، لكن لازم تسأل في وزارة السياحة عن الشركة دى عليها غرمات / موقوفة / الملاك المسجليين فى الوزارة عشان ما تلبسيش في الحيط ..... و لازم تسأل كويس قوي بصورة رسمية و غير رسمية لان ممكن حد يكون موصي انك لما تسأل يقولوا كل حاجة تمام و بعد ما تستلم تفاجاء بما لا تشتهي الانفس ، و في محاميين بتبقي شغلتهم الموضوع دة

، يا اما تاخد فرع لشركة و تدفع الرسوم و تجهيز المكان ، و تديهم نسبة من الارباح حواليى من 20% : 25 % ، و انت و شطارتك خصوصاً في الحصول علي حصة من تاشيرات الحج .

راى الشخصي ادخل المجال لو انت غاوي ، اتعلم شوف الكبار بيعملوا اية ، مثلاً :
في ناس عملت شركات بالقانون الجديد الاجباري تعمل سياحة مش عارف كام مليون جنية في 3 سنوات ؟؟؟
و علية خدوا رخصة ، و كل سنة بيضربوا فواتير شغل و يسلموها و طبعاً مفيش علاقة بين الضرائب و وزارة السياحة ، و شوية و ها ينزل لهم حصة حج و عمرة و تبقي شركة قيمتها ملايين لو حبوا يبعوها ( صيااااااعة و شقااااااوة و تحايل اختار اللى يعجبك ).

السلام عليكم
من فضلك هو حضرتك بتشتغل في المجال بقالك كتير؟ ما شاء الله معلوماتك ممتازة بس لو سمحت لو انا مش في المجال وعايزة اتجه ليه اعمل ايه عشان اخد خبرة بسرعة