[مايا شريف]

اقدم اجمل التهانى القلبية لسنتر كونكورد للضيافة الجوية بالاسكندرية على اتفاقية التعاون المشترك بينة وبين الاكاديمية الجوية البحرية للعلوم بالقاهرة ( الوكيل المعتمد لاكاديمية فونيكس الجوية فى United Kingdom )مع تمنياتى القلبية بالنجاح والتوفيق الدائم

[فاطيما1984]

الف الف مبرك لسنتر كونكورد

[نورهان محسن]

الف الف مبرووووووووووووووووووووك لسنتر كونكورد ويارب دايما فى تقدم مستمر ويارب كل التوفيق والنجاح لفراشات السنتر

[كينج الطيران]

بجد جامد اوي عقد التعاون فكره حلوه وجود مشركه بين سنتر كونكورد والاكادميه الجويه ربنا يوفقكم

[mai.mostafa]

congratulations for you all
مبروك للجميع فى كونكورد ودية صورة من التعاقد https://www.facebook.com/home.php?#!/...52843014732275

[مايا شريف]

مبروك لكونكورد ومن نجاح لنجاح ان شاء اللة

[adham.khalifa]

مبروك لسنتر كونكورد بالاسكندرية ومبروك لاولاد سنتر كونكورد اتفاقية التعاون المشترك وان شاء اللة تعود عليهم بالخير ونشوفهم فراشات حول العالم

[emy 3abas]

الف الف الف مبروك لسنتر كونكورد وان شاء الله يكون احسن سنتر للطيران في العالم كله لانه بجد انا في حياتي ما شفت سنتر زيه بجد ونعم السنتر والف مبروك لمستر امير طبعا الي يعتبره اب ليه وهو فعلا اب لكل ابناء السنتر ويارب من نجاح لنجاح دايما يا مستر امير والف مبروك كمان مره لكل الطلاب والاساتذه وبحبكم اويييييييييييييييييييييييييييييييييييييييييييييييي يييييييي بجد

[علي طارق]

فعلا مستر امير اب لينا كلنا

[nody20]

tayeb momkin a3rf l centar da fen fi alex w 3yza a3rf eih l mwsfat l 3yzenha fil by2demo lil modefat w masref l drasa fi kam ty

[مايا شريف]

هاى نودى المعهد فى اليكس على محطة ترام بوكلى مباشرة ومصاريفة 2500 بالتقسيط
وبالنسبة للشروط هى
1- الثانويه العامه وما يعادلها وطلبه الكليات والمعاهد والخريجين
2- السن من 18 الي 30 عاماً
3- الطول لايقل عن 158 سم للاناث و168 سم للشباب ويتناسب الوزن مع الطول
4- اجاده اللغه الانجليزيه
وبالنسبة لمميزات المعهد
1-موادتأهيليه وتدريبيه رفيعه المستوي دائماًتخضع للتحديث.
2- استخدام تقنيه عاليه في التأهيل والتدريب.
3-مدربين محترفين عملوامن قبل في الخطوط السعوديه/ أير أطلنطا/ القطريه /جلف أير/ أنور أير/ مصرللطيران
4- مدربين للمهارات وخدمه العملاءوالعنايه الشخصيه ذوكفاءعاليه

[noha mahmoud]

مبروك بس المعاهد دى ملهاش اى لزمه مع احترامى

[مايا شريف]

بصى يا نهى
1-المعاهد بيبقى ليها لازمة لو الشركات تطلبت خبرة ودية انا شوفتها فى اكتر من شركات طيران بيطلبوا خبرة عمل يعنى اشتغلتى او خبرة دراسة يعنى تكونى درستى فى معهد وشوفتها اكتر فى الشركات المحجبات لانى متبعاها اكتر والدليل ان اخر اعلان لشركة ناس كانت هى دية متطلباتة

The minimum requirements are:
·Male & female aged between 21 and 35 years
· minimum high school certificate / diploma
· flying experience or in-flight service training is a plus
· Speak, read and write English & Arabic fluently
· Medically fit
· Excellent overall presentation
· Weight and height in proportion
· Full size photo & 4×6 photo

2-ممكن تكون المعاهد ملهاش لازمة فى شركات طيران وليها لازمة فى الاخرى عشان كدة الواحد بيعمل حسابة على كل الاحتمالات وكمان المعاهد بدربك قبل الانترفيو على اجتياز المقابلة لان اجتياز المقابلة شى مش سهل تماما لانك بحركة واحدة ممكن تدى ايحاء للى بيعملك المقابلة انك معندكيش ثقة بنفسك يعنى مثلا عدلتى طرحتك حركتى صوبعك قعدتك نفسها انا عندى واحدة صحبتى فى العربية سالوها تقبلى تغسلى حمام الطيارة ودية لو مكنتش مدربة كويس على الاسئلة دية كانت قالت لا طبعا لانها مش من مهامى لكنها قالت اقبل لانى بعتبر الطيارة دية بيتى وعشان السؤال دة اتقبلت وكل دية حاجات عمرنا ما كنا هنتدرب عليها او نعرفها الا من خلال مدربين الموارد البشرية

3-انا فى المعهد كتير شوفت اصحابى بيتسالوا فى معلومات فى الضيافة الجوي وبيصقتوا فيها لو مش جابوا والدليل اصحابى الى اتقبلوا فى اليمنية اتسئلوا فى معلومات فى الضيافة الجوية وخلى بالك كل سوال بتجاوبى علية بيرفع من نسبة قبولك ولو مش جاوبتى بيقلل واكيد لو مكنتش اسئلة الضيافة الجوية فى الانترفيوهات ليها لازمة مكنوش سالوها لان اصلا وقت الانترفيو متحدد وهما محددين اية الاسئلة الى المفروض تسئل وهى دية الى هتبين المؤهل من الى غير مؤهل

4- غير ان الخطوط السعودية كاتبة فى الابلكيشن بتاعها من ضمن اختيارات الدبلومات دبلومة ضيافة جوية اكيد اكيد لو تقدموا اتنين متساوين فى كل حاجة لغة وشكل واسلوب وواحدة معاها معهد ضيافة والتانية معهاش احتمال كبير جدا يفضلوا الى معاها معهد لانها بتسهل عليهم فى التدريب

يعنى المفروض نحاول نوفر فينا كل الامكانيات عشان الى بيعمل لينا الانترفيو يشوفنا كاملين ومش ناقصهم حاجة وحتى لو مكنش الواحد معاة معهد المفروض يقرا كتير فى الضيافة الجوية والمواد بتاعتها safety - service - first aid لانها فعلا فعلا مهمة وبتفرق فى القبول وربنا يوفقنا جميعا ونتقبل ان شاء اللة

[علي طارق]

ياجماعه اللي هيقدم في معهد لازم يكون متاكد منه جدا سمعته نسبة اللي اشتغله عن طريقه لانه بردوا مهما كان ده مبلغ واعلانات الضيافه بتنزل في الجرايد يعني ممكن تقدموا انتوا وتروحوا ده غير لو اتقبلة في شركة طيران بيكون ليك تريننج

[noriano]

مبروك يا مستر امير واحب اهنى كل فريق العمل فى سنتر كونكورد والمدربين في السنتر/ مجدي زاهر / كريم منجي / ايمان دعيه / ياسمين محمد / ادهم خليفه / رانيا احمد وبالتوفيق دائما ومن نجاح لنجاح ان شاء اللة

[noha mahmoud]

كلام جميل يا مايا مرسيه لذوقكك بجد انتى كلك ذوق وواضح انك مدربه كويس وبتعرفى تجيبى الاجابه الصح دليل ان المعهد فعلا مدربك صح صدقنى هتكونى مضيفه طيران شطاره وان شاء الله هتتقبلى فى السعوديه موفقه

[مايا شريف]

اقتباس:     المشاركة الأصلية كتبت بواسطة noha mahmoud  

كلام جميل يا مايا مرسيه لذوقكك بجد انتى كلك ذوق وواضح انك مدربه كويس وبتعرفى تجيبى الاجابه الصح دليل ان المعهد فعلا مدربك صح صدقنى هتكونى مضيفه طيران شطاره وان شاء الله هتتقبلى فى السعوديه موفقه

ربنا يخليكى يارب يانهى ويسمع منك ربنا فى الشهر المبارك دة واللة دية الحاجة الوحيدة الى بدعيها كل ما بفطر متعرفيش الواحد تعب اد اية من الانتظاريمكن عشان انتى جديدة هنا لكن لو سالتى اى واحدة محجبة من بتوع المنتدى وخاصة بتوع الخطوط السعودية هتلاقيهم جالهم اكتئاب واحباط وخلافة ههههههههههههههه ربنا يدينا كلنا على قد ما صبرنا ويدى كل واحدة محترمة مش عايزة تقلع الحجاب على قد نيتها

[noha mahmoud]

بصى انا يمكن جديده بس متابعه الموضوع من زمان بس كنت لوحدى الحمد لله لقيت شركاء انا كمان والله مستنيه من شهر 6 اللى فات يعنى سنه و3 شهور وانا كمان زهقت ونفسى اشتغل دلوقتى قبل كمان شويه بس بصبر نفسى شويه ومفيش اى اخبار وانا قريت الموضوع بتاع خطه التوظيف 2010 وحسيت اد ايه انتو زهقتو زى تمااااااام والله بس ان شاء الله نسمع خبر حلو بس حد ياكد لينا يا مايا هل مثلا فى احتمال ينزلو يعملو مقابلات السنه دى ويبعتو للناس على اول السنه الجديده بحيث انها تكون مع اول السنه الماليه للشركه ولا ايه بجد مش عارفه واسفه على الاطاله مايا

[مايا شريف]

اقتباس:     المشاركة الأصلية كتبت بواسطة noha mahmoud  

بصى انا يمكن جديده بس متابعه الموضوع من زمان بس كنت لوحدى الحمد لله لقيت شركاء انا كمان والله مستنيه من شهر 6 اللى فات يعنى سنه و3 شهور وانا كمان زهقت ونفسى اشتغل دلوقتى قبل كمان شويه بس بصبر نفسى شويه ومفيش اى اخبار وانا قريت الموضوع بتاع خطه التوظيف 2010 وحسيت اد ايه انتو زهقتو زى تمااااااام والله بس ان شاء الله نسمع خبر حلو بس حد ياكد لينا يا مايا هل مثلا فى احتمال ينزلو يعملو مقابلات السنه دى ويبعتو للناس على اول السنه الجديده بحيث انها تكون مع اول السنه الماليه للشركه ولا ايه بجد مش عارفه واسفه على الاطاله مايا

واللة يا نهى هو دة الى كنت بتكلم فية فى موضوع الخطوط السعودية ان مفيش خطة ادامنا نقدر نعرف منها على الاقل ترتيب الدول مش الوقت عشان كدة الواحد حاسس انة تايهة ومش عارف الدنيا هتمشى ازاى بعد كدة وانا جاتلى اللغبطة دية تحديدا بعد مصدر موثوق ما قال خطة 2010 خلصت ودخلنا فى خطة 2011 احتمال الخطة دية تبقى فى الخطوط السعودية الشركة نفسها لكن عندنا هنا احنا مبنسمعش غير خبر يلى خبر مش عدة اخبار الخطوط السعودية قررت تعملها ربنا يسهلنا كلنا يارب اهو الواحد بيعمل الى علية لو بيشد حيلة فى اللغة يعنى عقبال ما ربنا يحلها والواحد دايما بيصبر نفسة بكلمة (مفيش حاجة بعيد عن ربنا وربنا قادر على كل شى مهما كان صعب )

[beautifuleyes]

ياجماعة حد يعرف الدراسة فى المعهد ده كام شهر ولا اد ايه المده
وياترى فى test فى الاول ولا بيقبلوا اى حد

ياريت حد يوضحلى وباريت يوصفلى فين فى بوكلى بظبط

تحياتى لكم

[مايا شريف]

هاى بيوتفل ايس عاملة اية انا شيلالك جميل معهد اللغات الى قولتلى علية طلع كويس خالص مرسى ليكى بجد وربنا يوفقك ان شاء اللة
بصى يا بيوتفل ايس المعهد مدة دراستة 3 شهور و3 محاضرات فى الاسبوع ومفيش تيست بيكون فى الاول ولكن لازم تتوفر فيكى الشروط دية
1- الثانويه العامه وما يعادلها وطلبه الكليات والمعاهد والخريجين
2- السن من 18 الي 30 عاماً
3- الطول لايقل عن 158 سم للاناث و168 سم للشباب ويتناسب الوزن مع الطول
4- اجاده اللغه الانجليزيه
ومكانة هو ادام محطة ترام بوكلى مباشرة وعلى العموم انا هبعتلك رقم الفون بتاعة فى مسج عشان لو عندك اى استفسارات

[nody20]

tayeb y gam3a plz 3yza a3rf 7aga ana toly 156 cm w wazni 50 kilo w l english bta3y kowies 3yza a3rf aro7 2a2dem 3ady wla malosh lazma 3shan mwdou3 l tool ??

[مايا شريف]

بصى يا نودى روحى الافضل انك تقابلى مستر امير ويشوفك هو عندة خبرة اكتر وعارف شركات الطيران ممكن تقبل الطول دة ولا

[noha mahmoud]

يعنى هو بالنسبه للطول متهيق لى صعب شويه بس تقريبا بيكون مثلا حسب كمان طول الذراع يعنى ممكن تكونى 156 بس طول الاذرع يخليكى توصلى للover head compartment اسألى برضو وتأكدى وربنه يوفق

[sad girl 2]

يااااااخت هنا مش موقع سنتر كونكورد عشان تعملى اعلان بصيغة تهنئه وانا بشدد نصيحتى للمره المليون المعاهد دى ملهاش دعوه بالتشغيل فى شركات الطيران وبقولها للمره المليون المصروفات الللى هندفعها هناك نروح ناخد بيها لغه تانيه غير الانجلش ونقدم فى شركات كتير فى مصر كل شويه بتطلب واحنا بنزل اعلانتها هنا بالتوفيق للجميع وياريت نحاول نراعى ربنا وننصح الناس منتوهمش عشان المصلحه الشخصيه

[الملكية الأردنية]

Good Words

[مايا شريف]

اقتباس:     المشاركة الأصلية كتبت بواسطة sad girl 2  

يااااااخت هنا مش موقع سنتر كونكورد عشان تعملى اعلان بصيغة تهنئه وانا بشدد نصيحتى للمره المليون المعاهد دى ملهاش دعوه بالتشغيل فى شركات الطيران وبقولها للمره المليون المصروفات الللى هندفعها هناك نروح ناخد بيها لغه تانيه غير الانجلش ونقدم فى شركات كتير فى مصر كل شويه بتطلب واحنا بنزل اعلانتها هنا بالتوفيق للجميع وياريت نحاول نراعى ربنا وننصح الناس منتوهمش عشان المصلحه الشخصيه

صباح الخير يانوران اية مالك داخلة علينا حامية كدة لية على العموم انا مش هقدر اتكلم لانك واحشانى انا شخصيا وواحشة المنتدى كلة عشان مش بتدخلى كتير بصى يا نوران انا عايزة اوضحلك بعض النقط :
انا يا نوران فعلا بهنى المعهد بتاعى ومتعرفيش انا اد اية فرحانة لان انا عن نفسى كنت بعتبر المعهد بتاعى دة عبارة عن نقطة فى بحر معاهد كويسة انتى عارفاها وكان نفسى المعهد بتاعى يبقى زيهم يعنى معتمد من هيئة كويسة رغم ان دة ملهوش علاقة بالقبول فى الشركات بس برضة احب انة يبقى معتمد واحب كمان ان معهدى يبقى لية الفضل فى تشغيل ناس كتيرهتقوليلى مفيش معهد بيبقى لية الفضل فى التشغيل هقولك الفضل طبعا من عند ربنا فى الاول وبعدها لازم تتوفر فينا اسباب القبول عشان كدة المعاهد بتساعد فى الحاجات دية
اولا :
فى التدريب على اجتياز المقابلة الشخصية وطريقتها والتدريب عليها عمليا ودة شى مش سهل وفى حاجات كتير مكناش هنعرفها غير من غير مدربين الموارد البشرية زى ازاى تقعدى ازاى تتكلمى وحتى لو عرفتى المعلومات دية من اى حد او قرتيها مش هتعرفى تتدربى عليها بنفسك وحد يراقبك ويقولك خلى بالك وعايزة اقول ان دة اهم من كل شى الثقة بالنفس هى الى بتنجح فى شركات الطيران
ثانيا:
التبليغ بشركات الطيران على فكرة فى شركات طيران بتنزل اعلانات واحنا مبنكونش عارفين عنها حاجة زى الخطوط البريطانية
ثالثا :
فعلا فى شركات طيران بتطلب الافضلية لناس عندها عندها خبرة عمل يعنى اشتغلت او عندها خبرة دراسة ودية شوفتها فى شركة ناس ووهتلاقى الاعلان الاخير بتاعهم انا كتباة فى مشاركة من المشاركات الى فوق
رابعا:
شوفت كتير اصحاب لية بيترفضوا لانهم بيقولوا انهم خريجين معاهد ومش بيعرفوا يردوا على اسئلة الضيافة الجوية وناس تانية قبلوا الحمد لللة لانهم مذاكرين كويس وعلى فكرة زى ما قلت لنهى اسئلة الضيافة الجوية لو مكنش ليها لازمة فى الانترفيوهات وعليها درجة فى نسبة قبولك او رفضك مكنوش سالوها الانترفيو كلة لايتعدى 10 دقايق وهما محددين اية الاسئلة الى تبين المؤهل من للغير مؤهل

وعلى فكرة عايزة اقولك حاجة مهمة ليكى يا نوران تقدرى تعتبرى معاهد الضيافة تكملة مش اساسى لان افرضى معاكى معهد ضيافة واللغة عندك مش كويسة خالص مش هتتقبلى
لكن اقدر اقولك لو معاكى معهد ضيافة جوية ومعاكى لغة ويكون مستواكى متوسط فى اللغة هتتقبلى اكيد احلفلك باللة ان كل اصحابى الى قبلوا فى شركات طيران اللغة عندهم مش قوى لكن لانهم خريجين معاهد ضيافة وكمان نجحوا فى االانترفيوهات واتسئلوا فى اسئلة الضيافة مع الشكل الكويس مع اللغة الكويسة فالحمد للة ربنا كرمهم ومتعرفيش انا اد اية ببقى فرحانة اوى لما حد من عندنا بيتقبل
خامسا :
عارفة وكمان الدليل على افضلية بنات وشباب المعاهد ان صاحب السنتر عندنا ودى سى دى للخطوط اليمنية عليها التدريب العملى لينا فصمموا انهم ياخدوا من عندنا بنات كتير ومش قادرة اقولك كانوا مصممين اد اية وكمان مصر للطيران بيكلموا مستر امير مخصوص عشان يسالوهم عن بنات راحت قدمت مرة ومش راحت تانى معتقدش ان لو مكنش لمعاهد الضيافة افضلية مكنوش طلبوا من عندنا بنات .وبرضة فى شركات طيران كتير شوفتها مش بتطلب خبرة بس بتاخد ناس اللغة عندهم جامدة فانا بعتبر ان معهد الضيافة دة تكملة لحد متكونش عندة اللغة قوية لان اى شركة طيران كبيرة ممكن مش يحتاجوا معهد ضيافة جوية ولكن لا يقبلوا ناس الا الكويسين جد فى اللغة لان اللغة اساسى فى القبول
سادسا:
عايزة اقولك انى فعلا بفرح جدا لما حد بيدخل المعهد عندنا وكمان بكيت لما اصحابى اتقبلوا من فرحتى بيهم مبقيتش قادرة اصدق ان معهدى طلع بنات موهلين انهم يتقبلوا ودة طبعا لان المعهد نشا فى ظل منافسة رهيبة انتى عارفاها فلما يحقق النجاح دة فدية حاجة انا فعلا افتخر بيها وممكن اقولك من كتر ما شوفت اصحابى بيتقبلوا من عندنا بقيت عايزة اقول لكل واحدة تيجى تقدم محدش عارف الخير فين عشان كدة الموضوع مش مصلحة شخصية لانى مش باخد حاجة فى جيبى لما حد بيدخل المعهد بس انا بحب الخير للجميع وبحب اقول يا جماعة المكان دة خير وانا شوفت منة خير كتير وكان وشة حلو على ناس مكنتش اتوقع خالص انها تشتغل منهم واحدة صاحبتى ليسة سامعة الخبر دة قدمت فى اماكن كتيرة وخيرا قبلت فى ميدويست رغم انهم فى اليمنية قالوا اوفر ويت واللغة عندها مش قوى دية كانت ليسة بتكلمنى على انها عايزة تاخد كورس يمكن دة بيحصل لان مستر امير طيب وبيراعى ظروف اليتامى وبيقسط فربنا بيكرمة
سابعا :
وخلى بالك يا نوران معظم ويمكن الكل شركات الطيران بتطلب الانجليش اساسى لازم يكون معاكى انجليش ويفضل لغة تانية مينفعش حد يكون ليسة مبقاش كويس فى الانجليش واقولة روح خد لغة تانية
كمان انا مقتنعة بحاجة احنا طول عمرنا بناخد انجليزى بس اغلبيتنا مش لغات عشان كدة طلعنا مش قوى فى اللغة يعنى بقالنا 23 سنة بناخد انجليزى عايزة تقوليلى انك لو اخدتى لغة تانية فى خلال سنة هتبقى بيرفكت زى حد خريج مدارس لغات من اللغة دية انا واصلا انتى هتبقى بتتكلمى اللغة التانية كويس زى حد خريج اللغات عاملة زى المقارنة بين واحد اجنبى وواحدة من مصر اخدت كورس عمرك ما تلاقيهم زى بعض والا كان كل الناس الى اخدوا كورسات لغة بقوا زى الاجانب وفى الانترفيوهات لو اتقدم اتنين حد خريج لغات ومتمكن من اللغة كويس اوى وحد واخد كورس فى لغة تانية وطبعا هيبان علية انة مش زى التانى طبعا هياخدوا الاولانى
اسفة على الاطالة عليكى بس يارب تكونى فهمتى وجهة نظرى
وعايزة اقولك فى نهاية كلامى انى مش عاملة الموضوع دة عشان اعلان الموضوع ان فى حدث قوى حصل عندن فى المعهد وهو الاتفاق المشترك بينا وبين الاكاديمية الجوية وحبيت ان الكل يشاركنا الفرحة فية مش اكتر

[noha mahmoud]

هاى يا نورهان انتى دخلتى معهد ضيافه قبل كدا علشان كده بتقولى الكلام دا؟
انا معاكى ان المعاهد دى ملهاش اى لزمه ومصاريف على الفاضى بس اذا ليى تجربه احكيها لينا ؟
ومرسيه يا جميله:)

[علي طارق]

المهم يا جماعه يكون بفايده وانا بقول لتاني مره اتاكدوا فعلا من كل حاجه عن المعهد

[mozfar]

اقتباس:     المشاركة الأصلية كتبت بواسطة علي طارق  

المهم يا جماعه يكون بفايده وانا بقول لتاني مره اتاكدوا فعلا من كل حاجه عن المعهد

النهاردة شركة ميدوست نزلت اعلان فى الأهرام طلبين فيه مضيفات جويات بس مش عارف عاوزين فى مضيفين و لالأ المهم الأولوية للى معهم لغة تانية و الخبرة سواء دراسة او عمل