[mido777]

ياريت كل الى قدم فى مصر للطيران اعلان الجديد يحكى التجربه عامل اية امتحانات ازاى عشان نتعلم منه

[Mai said]

,ana harou7 2a2dem el cv youm el talat isaaaa

[gogoo]

يالله ربنا يوفقك ياقمر
وبانتظار سرد تجارب العضوات اللي معانا
شكرا لك اخي عالموضوع
بالتوفيق للجميع

[mido777]

ربنا يكرمك ويلا عايزين كل الى قدم يقول من اول ما راح يقدم السى فى لحد اخر حاجة حصلت لى الى قبل والى مش قبل

[nona ozy]

بالتوفيق للجميع ومنتظرين نعرف اللى هايتم فى المقابله

[Mai said]

Hii
y agam3a ana ro7t anhrda w bt2dmy war2k ( sorat el mo2hal w sorat el bot2a w sorat shahdt el melad w sora sha5sya)w m3h kol da btmly application w bydbas fel war2 bt3k ..w fe modefa lazeza awii a3ded m3na tklm m3na 3n ay 7ga 3yzen n3rfha 3n el sho3'l w 2alona youm el talat elly gay nrou7 tny henak 3shn n3rf el exam bt3na emtaa isa w nmdy henak w n7gz lena makn.

[sad girl 2]

الى كل الناس اللى هيروحو يقدمو

الاوراق المطلوبه فى التقديم فى مصر للطيران وهى مايسمى بمضوغات التعيين :

• صورة المؤهل
• صورة شهادة الثانويه العامه
• صورة بالطول صورة صغيره
• شهادة الميلاد
• لو فى كورسات
• صورة البطاقه
• السى فى
• لو انت بتدرس تجيب صوة الكارنيه او مايثبت انك فى كليه
• التقديم عند مستر حسنى المبنى الادارى الجنوبى الموارد البشريه تقديم الضيافه
• وبعد كده هما بيبلغونا عن معاد امتحان الانجلش
• الامتحان مدته ساعه

وبعد مابنروح نمتحن الانجليزى بنمتحن اسئله نظرى وبنتسال اسئله شفوى وبعد كده النتيجه لما بتظهر اهما بيتصلو او احنا بنتصل بنروح نعمل انترفيو شكليا يانتقبل يا لأ يالا بالتوفيق للكل وبعدين مصر للطيران مش محتاجه ان الواحد يحكى تجربته فيها لانها شركه ناجحه جدا ومتقلقش ياميدو

[misstekka]

شكرا ليكى نوران انتى قولتى كل حاجة بس كنت عايزة اسال ناخد كام صورة وهل هى صور صغيرة ولا full size وكمان واحنا لما نمتحن اية الاسئلة الشفوى دى ياريت تقوليلنا عبارة عن اية و جزاكى الله كل خير:D

[dodoalfox]

كرا علي المعلومات

[sad girl 2]

بصى ياقمر خدى صورة صغيره وصورة كبيره وانتى واقفه فيها ماشى ؟؟
والاسئله عباره عن اختيارات وبراجراف وعندك انا كاتبه البراجراف بيتكتب ازاى

السلام عليكم: الموضوع بخصوص البراجراف اللى بيجى فى امتحانات الضيافه الجويه فى مصر للطيران او اى شركه او ضيافه ارضى او خدمات ارضيه

اولا انا عاوزة اطمن الناس اللى راحه تمتحن انجليزى من موضوع البراجراف ده لانه مش صعب كل الناس مفكراه صعب لاكن هو مش صعب انا هكتب شوية حاجات هنحاول نحفظها عشان نروح نكتبها فى اول البراجراف او فى اخره وفى النس نحاول نكتب فى صلب الموضوع يعنى مثلا لما هنيجى نتكلم عن موضوع مضر او مشكله او اى شئ هدام او سلبى بياثر على المجتمع بالسلب هيبقا لينا مقدمه هنقولها يعنى

مثال: write 10 sentences about smoke
اكتب عن التدخين طيب ماهو انا لو قاعد مع حد وبتكلم عن التدخين هقله والله من رائى الموضوع ده مشكله كبيره قوى بياثر على صحتنا وفلوسنا واولادنا وكل شى ولازم نحط حل للمشكله دى ونبقا ايد واحده


فهمتونى ؟؟؟ يعنى دى بتقا مقدمه انا بقا هكتبلكم شوية حاجات ياريت الناس اللى وراها امتحان وهيبقا فيه براجراف تحفظ المقدمات دى والنهايه وتكتبها مفيش اى مشكله هتدى منظر ان احنا فاهمين احنا بنتكلم عن ايه ؟؟؟ او بمعنى اصح اننا بنكتب موضوع سليم مش تافه ؟؟؟

مقدمه لنا من الاستاذ محمد صلاح
اهداء منه للموقع

PARAGRAPH WRITING

في الامتحان يطلب منك كتابة فقرة باستخدام الكلمات المساعدة أو الأفكار المعطاة وتكون صيغة
السؤال كالآتي:
- Write a paragraph of ……. sentences about "…………".

How to write a paragraph

هناك جانبين للحديث عن القطعة الإنشائية:
1- الشكل: تبدأ القطعة الإنشائية على بعد مسافة قصيرة من أول سطر وينبغي مراعاة علامات
داخل الجمل.
2- المضمون: وله ثلاث مكونات:-
أولاً: المقدمة:
وتحتوى على الفكرة الرئيسية للموضوع الذي يتم تناوله بالكتابة ويمكن أن تبدأ
الفقرة أو الموضوع بأحد المقدمات الآتية:
- This is one of the most important topics which I'd like to throw light
on. I'd like to start writing about this topic saying…………………..
- In fact, much has been said and written about the (importance) or
(dangers) of (( اسم الموضوع in our life.
- It is known that….. من المعروف أن .....
- We cannot deny that …….. لا نستطيع أن ننكر أن
- As matter of fact…………. فى الحقيقة
- It is an established fact that……… أنه حقيقة ثابتة أن
- It is assumed that…………… من المسلم به أن
- It is clear that………………. من الواضح أن
- Indeed ……………….. فى الواقع
- All evidence prove that………. كل الشواهد تثبت أن
- In general……………. عموماً
- There is a general agreement that…… هناك اتفاق على أن
- In my option……………… في رأى
- Let's throw light on…………. لنلقى الضوء على
- From my point of view……….. من جهة نظري
- First of all…………… أولاً وقبل كل شئ
- To my mind……….. في رأيي
- There is a general agreement that……… هناك اتفاق على أن
- It is needless to say that………… لا داعي للقول أن
ثانياً: الموضوع:
ويتم فيه تناول المقدمة بالتحليل وكثيراً ما يتم استخدام الكلمات أو العبارات التالية فيه:
- On the one hand ………………. على الجانب الأول
- on the other hand ………………. ومن ناحية أخرى
- In addition to the above mentioned points…….بالإضافة إلى النقاط السابق ذكرها
- Sooner or later ………………….. عاجلاً أم آجلاً
- It is only to be hoped that…………… تأمل فقط أن
- Statistics show that……………… تدل الإحصائيات على أن
- Moreover……………………… وأكثر من ذلك
- In addition, ……… بالاضافه لذلك/ Besides………… علاوة على ذلك
- By the way………………….. على فكرة
- Above all فضلاً عن ذلك ................................
- We should give a hand because one hand can't clap.
يجب أن نساعد لأن اليد الواحدة لا يمكن أن تصفق.
- We should take into consideration……….. يجب الأخذ بالاعتبار
ثالثاً: الخاتمة:
وهى تلخيص ما وصلت إليه من ما سبق في الحديث عن الموضوع. وهناك عبارات يمكن
أن يختم بها الموضوع ومنها:
- Finally, I think I've covered all the points related to the subject.
- By the end……… في النهاية
- To sum up……… / وختام القول In conclusion……… وفى الختام
- Last but not least……… أخيراً وليس آخراً
- Thus we can put an end to that problem. وهكذا يمكننا أن نضع حداً لهذه المشكلة
- In short………… / In a word……… باختصار
- From the above mentioned points we come to the conclusion that……….

♣ وينبغي أن تعرف أن موضوعات التعبير على نوعين:-
1- / Descriptive paragraphs موضوعات وصفيه:
ويستخدم زمن المضارع البسيط عند الحديث عنها.
Ex. New Cities / Tourism / Exhibition / Pollution
2- / Narrative paragraphs موضوعات روائية:
ونتحدث فيها عن أحداث تمت بالفعل ولذلك نستخدم زمن الماضي البسيط عند الحديث عنها.
Ex. The story of a successful man. / A place once you visited.
A street accident once you saw. / A terrible experience once you faced.

♣ ويجب عند كتابتك لاُى موضوع أن تراعى ما يلي:-1- حاول تجميع أفكارك عن الموضـــوع الذي ستكتب فيـه وذلك بعـد قراءة رأس الموضــــوع
أكثر من مره.
2- يجب أن تعطى الجملة الأولى فكرة عن موضوع الكتابة.
3- لكي تبتعــد عـن الأخطـاء استخـدم كلمـات سهلـة وجمـل قصيرة بسيطة تامة مع الاهتمـام
باستخدام أدوات الربط.
4- لا تخرج عن الموضوع وتجنب التكرار.
5- الأفضل أن تكتب الكلمات كاملة أي بدون اختصارات.
6- بعدما تنتهي من الكتابة اقرأ الموضوع مرة أخرى بعناية وحاول تصحيح الأخطاء إن وجدت.
7- لا تكتب الفقرة بالغة العربية ثم تحاول ترجمتها إلى اللغة الإنجليزية.



صيغة لموضوع بناء (ايجابي)

No one can deny the fact that ……. is one of the most important things in our life as it plays a very important role in our life. Above all, it's considered the backbone of any civilized country. So, we must encourage and support it. In other words, we have to work together to improve and develop it. There's no doubt that……. is considered a part and parcel of any developed country. In short we can say that……… is the way to achieve welfare, progress and prosperity.

صيغة لموضوع هدام (سلبي)
صيغة لموضوع هدام (سلبي)

No one can deny the fact that …….is one of the most dangerous problems that faces the whole world nowadays. So, we must stand together in order to put an end to such a destructive problem that threatens us all. In other words, we must work hand in hand to put an end to such a hateful enemy that destroys our society. There is no doubt that………can't make our life happier or more comfortable. At last but not least, it is considered an obstacle in the way of progress and development.

[mido777]

نوران شكرا ليكى وانتى عاملة معانا شغل كبير وان شاء الله ربنا هيكرمك

[الاء عادل]

بجد يا نوران تسلم ايدك انتى فعلا انسانه اوى

[sad girl 2]

يا ألاء وياميدو انتو اخواتى ربنا يخليكو ياجماعه

[نادوو]

ربنا يوفق الجميع ويوفق يا نوران ان شاء الله

[misstekka]

نورااااااان بجد شكرا ليكى اوى معلشى هاطول عليكى اصل انا بحب اتاكد بس و متكنش حاجة ناقصانى هو انا لازم اكون لابسه فورمال فى الصوره full size

[sad girl 2]

بصى هو يستحسن تكونى لابسه جيبه مش شرط فورمال يعنى عشان يبان فى الصوره انك معندكيش اى حاجه فى رجلك فاهمانى وبعديييييين اى صورة يعنى هما مش بيبصو فيها قوى هيشوفوكى انتى فى الانترفيو

[misstekka]

نورااااااااااان شكرا ليكى بجد وان شاء الله يكون ليكى نصيب و تقبلى

[monna]

السلام عليكم ... انا هحكى عن تجربتى فى الموضوع ده من يوم ما قريت الاعلان .. ودا كان يوم الاحد 18 اكتوبر .. فسألت ورحت المبنى اللى هو جنب المطار القديم ده ، وكنت واخده
*سى فى
*صوره المؤهل
*صورة البطاقه
*وشهادات كورسات الانجليزى اللى اخدتها
*وبس
وسبت رخصتى عالباب عشان بطاقتى كانت ضايعه ، وطلعت المكتب عند استاذ حسنى تقريبا ، وبعدين كان فيه هناك 10 بنات كده ، وخدنا ابليكيشن ومليناه ، وجت مضيفه لذيذه كلمتنا عن الوظيفه
وسألناها عن كل حاجه ، وأحسن حاجه عرفتها ان شركة مصر للطيران مش بتقدم خمور ودى كانت حاجه مش هتخلينى اشتغل فيها ... وبعدين خلصنا الابليكيشن ودبسوه فى الورق وطلبوا مننا نيجى التلات الجاى بعدها باسبوع ... ويصراحه انا مش شايفه كان ليها اى لازمه المرواحه التانيه دى ، لانى رحت من اسكندريه للقاهره مخصوص عشان اشيل الورق من المكتبه احطه على المكتب ، وادونى ورقه عشان امتحان الانجليزى مكتوب فيها
مكان اختبار اللغه الانجليزيه
المطار القديم
مبنى قطاع التدريب بالشركه القابضه لمصر للطيران
مبنى s بلدنج _ الدور الثالث_ غرفه رقم 369
_ مدام داليا
_مدام رانيا
المطلوب
_20 جنيه
_قلم جاف
_البطاقه
_الحضور الساعه 8 ونص 16 / 11
وبس ده كل اللى حصل لى لحد دلوقتى وانا هناك اتعرفت على واحده اسمها مها واتصاحبنا وبنروح وننيجى مع بعض ، وبنخاف كمان مع بعض .... وربنا يوفقنا كلنا

[{yasmeen}]

ربنا معاكى يامنى ويوفقك انتى وكل البنات

اكيد المرواحة التانية دى عشان اختبار الانجليش

ان شاء الله نسمع عنكم كل خير ونباركلكم قريب

بالتووووفيق ,,

[Mai said]

hii y monna
ana kmn kont m3koo fe nafs el youm w bardo at3rft 3la maha.w hanmt7n sawa youm 16 isaaa.

[monna]

بجد يا مى ! خلاص ان شاء الله اشوفك يوم الاتنين ونتعرف على بعض ... ربنا معانا

[Mai said]

isa y mona

[monna]

يا جماعه الامتحان بعد كام ساعه .... أنا خاااااااااااايفه ومش عارفه أعمل ايه ؟؟؟!!! ... مش كنا ارتحنا من الامتحانات وسنينها ....... يا رب انصرنا زى ما نصرت المنتخب ... يااااااااااااارب

[{yasmeen}]

اقتباس:     المشاركة الأصلية كتبت بواسطة monna  

يا جماعه الامتحان بعد كام ساعه .... أنا خاااااااااااايفه ومش عارفه أعمل ايه ؟؟؟!!! ... مش كنا ارتحنا من الامتحانات وسنينها ....... يا رب انصرنا زى ما نصرت المنتخب ... يااااااااااااارب

يامنى ياحبيبتى لازم يكون اعصابك هادية عن كدا

التوتر ده هيخليكى تعملى مش كويس وانتى ممكن تكونى كويسة فى اللغة

اهدى بس وربنا ان شاء الله هيعملك الخير

وابقى طمنينا عليكى ..

بالتوفيق ان شاء الله ,,

[كوكى كوكى]

ايه ده هو احنا ممكن نقدم حاجه تانيه غير البطاقه يعنى ممكن اسيبلهم كارنيه الجامعه بدل البطاقه يعنى دي اسبات شخصيه بس ولا لازم البطاقه ياريت حد يجوبنى ضرورى لان الموضوع ده متوقف على حاجات كتييييييييييييير

[Mai said]

ta2rebn ay 7ga asbat sha5sya momkn el ro5saaa 3ade

[beautyflower]

ايوه يا كوكي ممكن تسيبي اي اجه فيها اثبات شخصيه زي كارنيه الجامعه اصلا دي مجرد قصه روتينيه للامان ليهم مش اكتر فمش هتفرق و بعدين ما عادي انا لما رحت قدمت سيبت البطاقه تحت و ما كنتش مصوراها و نزلت اخدتها منه و طلعت بيها يعني الحكايه مش قضيه اوي مجرد روتين روحي يا بنتي و ما توقفيش القصه على البطاقه كارنيه الجامعه حلو اوي

[beautyflower]

انا امتحنت انجليش و قالوا بعد اسبوع بالظبط تيجوا عشان تعرفوا النتيجه بس و احنا بنمتحن مستر حسني قال ما تقلقوش يا جماعه كلكوا ان شاء الله داخلين الانترفيو الا اللي هيلاقوا في ورقته حاجه غريبه و بيتهيألي يعني قصده اللي هيلاقوه ضايع خالص و رحت فعلا بعدها بأسبوع و معاد الانترفيو الاخير بتاعي يوم 31\12 و على فكره ماحدش قال النتيجه بس اصلا و احنا بنمتحن مستر حسني قال ان نظام مصر للطيران اتغير زمان الامتحان ده كان في نجاح و سقوط انما دلوقتي مجرد قياس للغه و لعلمكوا هو هو الامتحان مش بيتغير الحاجه الوحيده اللي بتتغير البرجراف

[beautyflower]

بس انا نسيت حاجه يا كوكي اصلا من ضمن الورق صورة البطاقه و بتكتبي حاجات منها في الابليكيشن تاريخ صدورها و تاريخ انتهائها و الرقم بتاعك فلازم يبقى معاكي يطاقه اما تحت انتي ممكن تسيبيلهم اي حاجه انما انا مستر حسني وقفلي ورقي بسبب ان ما كنش معايا صورة بطاقه و قاللي لازم

[كوكى كوكى]

اقتباس:     المشاركة الأصلية كتبت بواسطة beautyflower  

بس انا نسيت حاجه يا كوكي اصلا من ضمن الورق صورة البطاقه و بتكتبي حاجات منها في الابليكيشن تاريخ صدورها و تاريخ انتهائها و الرقم بتاعك فلازم يبقى معاكي يطاقه اما تحت انتي ممكن تسيبيلهم اي حاجه انما انا مستر حسني وقفلي ورقي بسبب ان ما كنش معايا صورة بطاقه و قاللي لازم

مرسي اوى اوى لاهتمامك وردك