[طالب الطيران]

السلام عليكم ...


انا طالب في الثنوية العامة والنسبة اللي حصلت عليها 83 قسم العلمي .. وطموحي الطيران , وعندي سؤالين عن الطيران عسب اعرف اذا كانت ظروفي تساعدني على دخول الطيران ...
اول سؤال :
1_ اذا تخرجت من الكلية كيف بيكون دوامي ... (كم يوم الدوام وكم يوم الاجازة) ؟

2_ كم بيكون الراتب للمساعد طيار وكم راتب كابتن طيار ؟



والسمووحة على الاطالة ارجو منكم الرد والاجابة على الاسئلة

ودمتم سالمين ^_^

[bandar]

وعلـيـك السـلام ورحمه الله وبركاته
مرحبابك اخويـه ..
اولاا مبـروك على هالنتيجه المفرحـه وبالتوفيـق دومـ
اخـويـه ف البـدايـه حـاب اوضحلك بعض النقـاط, المشوار من بدء دراسه الطيران للانتهاء منه مشوار صعب وطويل بمعنى اهم شي تكون عندك الرغبه القويه ف هالمجال
الشغلـه الثانـيـه بمـا انك بتلتحق بكليه الامارات للطيـران أعتقد بتكون مرتاح اكثر عن غيـرك هذا في حال تعديت امتحانات القبول,وانا عن نفسي قدمت عندهم وكانت صعبه ونجحت ف كل الامتحانات ماعدا امتحان السايكولوجي رسبت فيه والحين اكمل ف الخارج..
موضوع الراتـب انا بحد علمي خبروني ان مساعد الطيران يوم يتعين يستلم راتب وقدره19.000 وطبعا مع مرور السنوات والخبره وكذا يزداد الراتـب بشكـل عام رواتب الطيارين مجزيه (الكابتن مشوار طويل خلك اول ف المراحل الاولى هههه) ,وكذلك نظام الدوام يختلف من شركه لاخرى فهم كليه الامارات بيخبرونك بكل شي تبا تعرفه
أتمنـى انـي قدرت افـيدك
وبالتوفـيق ان شـاء اللـه
تحياتـي ..

[طالب الطيران]

تسلم الغالي على ردك .. عندي سؤال شو امتحانات القبول (مثلا السايكولوجي انا ماعندي اي معلومه عنه امتحن جذه بدون لا يعطوني اي شي اراجعه )..؟؟

[bandar]

الله يسـلمك وهذا واجبنا اخويه ما ببخـل عليـك بشي تامر أمر فديتك قتـلي شو

اختبارات القبـول وهي كالتـالـي :
1- رياضيات + فيزياء + انجليزي- هذه الاختبارات الثلاث بتاخذهن في جلسه ع فكره يطلبون منك شهاده توفل لا تقل عن 500 نقطـه عقـب ما تنجح ف هالثلاث اختبارات بيخبرونك بالنتيجه وبيعطونك موعد للاختبار الثاني.

2- اختبار الفحـص الطبـي (يشمل النظر الطول الوزن ...الخ) اذا تطابقت مواصفاتك الطبيه بالمقرر عندهم بيعطونك النتيجه وعقب بيعطونك موعد الامتحان الثالث

3- هذا الامتحان يشمل بعض أمور الطيران instrumentr =اجهزه وعدادت الطياره ونظام عملها ومؤشراتها ...الخ طبعا هالامتحان انت بتدخل عليه مثلي دخلت عليه ماعرف شي بس بتدخل على جهاز الكمبيوتر في البدايه بيشرحلك كل شي وعقب بيعطيك امتحان وانته تحل عن هالاجهزه طبعا هالاختبار يقيسون منه درجه ذكائك ع قولتهم وفي فرع ثاني من نفس هالاختبار يقيس سريعه البديهه يعني شغلانه تييب الارف ماعلينا عقب ما تنجح ف هالاختبار

4- اختبار الشخصيـه ومدى تعاونك الاجتماعي مع من حولك بيحطونك مع قروب يشوفون مدى تفاعلك وياهم وجي يعني عقب ما تنجح بينقلونك.

5- المقابله الشخصيـه .بسألك واحد عندهم بعض اسئله ليش التحقت بالطيران ومن هالاسئله طبعا الخص لي بيسويلك المقابله شخص مجرد ما تشوفه بييك سبع ميه الف هاجوس ف انت خلك واثق بنفسك واي شي يسألك عنه اذا تعرفه جاوب ماتعرفه قوله عيد السؤال وضح السؤال المهم انك ما تجاوب وانت ماتعرف.

واذا خلصت من هالختبارات كلها ووفقك رب العالمين مع مشوارهم لي يرفع الضغط (اخوك طفران منهم تحصلني اطيح بهم ههه بس لي سووه فيني مب شويه ) بيودونك استراليا وهناك بعد فيه اختبارات يعني مب شرط اذا نجحت ف هالاختبارات لي في دبي تنجح هناك في استراليا لان في شباب وايد اعرفهم نجحوا هني بس رسبوا ف اختبارات استراليا وردوهم لا تسألني شو الاختبارات لي هناك لاني ماعرف .

اعـتـقد وضحتلك الصوره بشكل كلـي (لي يشوفنـي يقـول واحد من الاداريين عندهم سولي دعايه انته يوم تروح هناك بتحصل وحده اسمهعا شيمأء الحجاج هاي وحده طيوبه وايد ومتساهله مع المتقدمين).

وربـي يوفـقـك اخـويه ونسمـع عنك اخبـار طيبـه .نشـوفـك طيـار اماراتـي ^_*
واخـوك بندر ف الخدمه ف اي استفسـار
تحياتـي

[طالب الطيران]

يزااااااااك الله الف خير اخويه ماقصرت .. ههه اختباراتهم روحه بلوه الله يعيني على الاختبارات وان شاءالله اعديها ع خيير وتشكر ع مجهوودك يعطيك ربي العافية ويالتوفيق ان شاءالله .. وعندي اسفسارات بسيطة اذا ماكان عندك ماانع ([email protected])

[turki]

mr. bandar i want to talk to you important so could you add me in your email...my email is [email protected],,my name is abdulaziz am from kuwait,,,thanks

[zoom]

سلام عليكم ، لو سمحت أبغي أعرف إذا كان يقبلون واحد نسبته 71.8 وأبغي رقم الإستفسار .

[zoom]

ما شي رد ! أنزين أنزين ، مشكورين على ردكم الجميل !

[DUBAI ATCO]

عليكم السلام ورحمة الله وبركاته بالتوفيق إن شاء الله وللتسجيل شوف هذا الموضوع ؛ التسجيل اون لاين افضل من التسجيل عن طريق الذهاب لهم ؛ وللأخ zoom يمكنك الإطلاع على الشروط فالرابط اللي في الموضوع التالي والتسجيل ايضا" وبالتوفيق إن شاء الله كيف تصبح طيار في طيران الإمارات (لايفوتك) (الرجاءالتثبيت)

[turki]

?????????????

[turki]

يا اخوان اشرايكم اب horizon academy الي بل الامارات؟؟؟

[bandar]

هورايزون ممتازه وهي متعاقده مع الاتحاد

للطلـبــه الاماراتييــن فقــط

[UAE National Pilot]

هل يقبلون الي يلبس نظارات

[FBI]

الافضل ان تسئلهم ليعطونك اجابة جيدة .

[zoom]

شكرررررررررررررررررررررررراً

[احمد المنسي]

السلام عليكم ولله حسب المعلومات لازم تكون حاصل على 8000 ساعة طيران ورخصة atpl لاكن الصراحه مافهمت كيف بدك تحقق 8000 ساعة وشكرا