[روح المسك]

اخواني الكرام السلام عليكم
عندي لكم سالفه حابه ارويها لكم او بالاصح هي عباره عن معاناه حصلتلي انا وزوجي من موقع بوكينج دوت كوم لحجوزات الفنادق
اولا عندنا كان اجازه في السعوديه لمده اسبوع قلت نروح قطر كم يوم نغير جو وقلت لزوجي احجز من بدري عشان نحصل سعر جيد وفعلا حجزنا في الماريوت عن طريق موقع بوكينج وطبعنا الاوراق اللي هي تاكيد الحجز.. وتوكلنا على الله بعد ذلك وصلنا للفندق وكان زوجي يحمل معاه اوراق تاكيد الحجز من الموقع وتفاجأنا بمسؤول الاستقبال يعتذر من زوجي ويقوله ليس لدي حجز بهذا الاسم وان الفندق ممتلئ تماما، كان رده علينا صدمه كبيره وخاصه اننا كنا مرهقين من السفر تناقش زوجي كثير مع موظف الاستقبال بس كان يظل يردد ان هذا الحجز ليس موجود لدي .. المهم اتصل زوجي بمكتب الموقع في قطر وتكلم مع الموظفه التابعه للموقع مع موظف الاستقبال بعد ماشرحلها زوجي الموضوع تفاجأت طبعا المهم رجعت كلمت زوجي وقالتله لازم تدور على مكان ثاني واحنا ان شاء الله بنساعدك قالها طيب والحجز حاولت تتهرب طبعا من الموضوع
المهم اللي تبين معنا ان موقع بوكينج هم السبب وانهم اصلا ما حجزولي الغرفه في الفندق ليييييييش ماادري
وقمنا واحنا مرهقيييييين ندور اوتيل قريب الا اتصلت تقول اختارو أي اوتيل وشوف كم سعر الليله وادفع واحنا بوكينج نتحمل الفرق كان سعر الليله بالحجز السابق 1800 واحنا لقينا بعد التعب الليله 2400 ريال وبعد استنينا 3 ساعات لحد مالقينا غرفه ,, شوي الا رجعت اتصلت تقول والله اعتذر مديري ما وافق على العرض اللي حبيت اساعدكم فيه رفض دفع أي مبلغ بالعربي
قلتلها شكرا لا نريد منكم شيء
اخواني الاعزاء هذه هي قصتي وانتم من يحكم وانتم ايضا من ارغب بسماع ارائهم بطريقه اخذ حقي من الموقع
والله المستعان

[لاكلند]

بصراحه مفروض يصعد الموضوع ويتقدم بشكوى ... وينشر الخبر في جميع المواقع اللاكترونيه ليعرفوا

اللعب على العرب خاصه.......

[ياسمين عبدالرحمن]

موقع بوكينج يعتبر من أغلى مواقع الحجز، وحقيقة لا استخدم بوكينج إلا في أوقات معينة، لكن حقك ما تسيبه، انشر في كل مواقع ومنتديات السفر عن مشكلتك بالتفصيل

[نصف الدنيا]

انا. ولله. متعامل مع البوكنق. من 8 سنوات وتقريبا معدل من مرتين الي 3 مرات في السنه يعني متعامل معهم اكثر من 26 مره والحقيقه لم يصدفني اي مشكله معهم.