[Cpitano]

السلام عليكم ورحمه الله وبركاته
عندي استفسار عن التوظيف في طيران ناس او السعوديه تخصص الترحيل الجوي
1 -ايهم افضل من ناحية الاستقرار الوظيفي
2- اي افضل من ناحية الراتب والمميزات
انا حاصل على رخصة الترحيل الجوي وموظف في تخصص غير تخصص وأفكر اروح لطيران ناس لانه يقولون الرواتب افضل ياليت تفيدوني بالأسئلة الي فوق وإذا فيه سلم وظيفي حق العمليات الجويه للشركتين يكون افضل ولكم كل الدعاء وشكرا

[A/C - Dispacher]

السلام عليكم ورحمة الله وبركاته
حياك الله يا كابتن والله يا كابتن انا اعتقد ان الخطوط السعوديه افضل من باقي الشركات اولاً لكونها شركة ناقل وطني وثانياً اشوف اغلب الموظفين فيها مرتاحين نوعاً ما
اما بالنسبه لطيران ناس ما ادري عن الراتب والله لكنها شركة اقتصاديه ومجالها الان توسع وافضل من الاول لكن انا كأختياري الخطوط السعوديه ..

لكن ابي اسألك يا كابتن انت وين متوظف بأي شركة ؟

[Cpitano]

تسلم ياغالي على المرور وانا شغال بشركة علم
بعدين الخطوط السعوديه مشكلتها الواسطه وانا مامعي وأسطه وناس كذالك بس انا ودي اعرف وش طبيعة عمل شركة ناس وكم رواتبهم اول مااتوظف

[Cpitano]

وللعلم حاولت ابحث عن الشركتين كيف طبيعة العمل ورواتبهم بس ماحصلت

[Cpitano]

ماشاء الله عدد المشاهدات اكثر من الردود لا تبخلون علينا بمعلومة

[A/C - Dispacher]

الله يطولي عمرك ويرزقك باللي يسر خاطرك
الخطوط السعوديه اول ما تتعين رح يكون راتبك 9085 ريال وبدل مواصلات 600 ريال وبدل سكن ثلاث رواتب بالسنه هذا طبعاً بالجامعه اما بالثانوي اتوقع 6000 ريال والله العالم وطبيعة العمل ثلاث شفتات هذا بالنسبه للخطوط ،
اما طيران ناس مثل الخطوط السعوديه لكن الله العالم اتوقع ان الراتب بالجامعه يوصل لـ 11 الف ريال والثانوي 8000 ريال وعندك بدل سكن ومواصلات وطبيعة العمل نفس الخطوط السعوديه بالظبط او تفرق اشياء بسيطة ،

والله ياخوك انا حاصل على الرخصة لكن والله متحمس للعمل بأي وقت ممكن وجداً مليت من هالعطاله لكن مامن الله يأس

بالتوفيق ،،

[Cpitano]

ليش ماتروح وتقدم اوراقك يد بيد للعمليات الجويه بالمطار والله يبون
مطار الرياض طبعا

[Cpitano]

افيدونا أرجوكم

[soh_b12]

اقتباس:     المشاركة الأصلية كتبت بواسطة A/C - Dispacher  

الله يطولي عمرك ويرزقك باللي يسر خاطرك
الخطوط السعوديه اول ما تتعين رح يكون راتبك 9085 ريال وبدل مواصلات 600 ريال وبدل سكن ثلاث رواتب بالسنه هذا طبعاً بالجامعه اما بالثانوي اتوقع 6000 ريال والله العالم وطبيعة العمل ثلاث شفتات هذا بالنسبه للخطوط ،
اما طيران ناس مثل الخطوط السعوديه لكن الله العالم اتوقع ان الراتب بالجامعه يوصل لـ 11 الف ريال والثانوي 8000 ريال وعندك بدل سكن ومواصلات وطبيعة العمل نفس الخطوط السعوديه بالظبط او تفرق اشياء بسيطة ،

والله ياخوك انا حاصل على الرخصة لكن والله متحمس للعمل بأي وقت ممكن وجداً مليت من هالعطاله لكن مامن الله يأس

بالتوفيق ،،

أخي ممكن أعرف أنت من وين تحصلت على رخصتك ؟و كم عندك وانت قاعد و هل عملت انترفيوهات؟

[miro ali]

نسال الله لك التوفيق