[ETIHAD-AIR]

ف البداية احب اشكر القاىمين على هذا المنتدى الراىع


انا كان فيني فوبيا الطيران شديد جدا بش اشوف الطيارة اخاف منها وبحكم بيتنا عند المطار كل شوي اسمع صوت الطيارة ولا اشوف الطيارة وهي تهبط وخصوصا اشوف فيديوهات ف اليوتيوب عن الاقلاع اعرق وانا ف مكاني كنت متعقد من القلاع اكثر شي
وشكثر سفرات فوت على عمري بسبب الخوف من الطيارة كانت لي رحلة وانا صغير مدتها 45 دقيقة ما اتذكر فيها شي بس اذكر اني كنت بالع العافية وقاعد ف مكاني
المهم قررو البيت انهم يسافرون الى انا كنت شايل فكرة السفر من راسي لنه السالفة فيها طيارة ما اسمع بالخبر الى انهم حاجزين لي اني اسافر معاهم عقب الحجزوكل شي عرفت بالسالفة وانا اسبوعين لا ليلي ليل ولا نهاري نهار 24 ساعة افكر ف موضوع الطيارة


المهم لين يه يوم السفر وطبعا انا يوم السفر لا تكلمني كنت ف عالم ثاني واحنا رايحين المطار من الخوف صادني صخونه المهم لين ما وصلنا المطار خلصنا الشحن وكل شي وعقب ما خذنا البوردينغ وعدينا سوق الحرة و اخوكم ف عالم ثاني طبعا لين ما شفت طيارة من الزجاج جدامي مره وهني بغيت اصيح عسبت ارجع البيت كنت افكر ف مصيبة اسويها عسبت ارجع البيت :f55ar:

بس سبحان الله من ركبت الطيارة والله الخوف بكبره راح عني وحسيت اني مكبر الموضوع على الماميش وفعلا لما كانو يقول لي اني تافه ومكبر الموضوع فعلا كنت مكبر الموضوع قولو مااء الله بعد خوف دام 20 سنة تم التخلص منه



المهم خله نبدا بالتقرير وسامحوني على قلة الصور تعرفون بسبب الخوف و الوقت كان ف اللليل






نوع الطاىرة: : BOING 777_333



التاريخ : 5-9-2013




خط السير: ابوظبي -بانكوك



درجة السفر : السياحية



موعد إقلاع الرحلة : 9:45


الاقلاع الفعلي : 10:45



صورة من نافذة الطاىرة في مطار ابوظبي قبل الاقلاع





طبعا على كل كرسي يحطون لحاف ومال الاذون و العيون الي يبون يرقدون ف الرحلة







الشاشة الترفيهية الي سلني شوي ف الدرب صحيح ما اندمجت ف ولا فلم بس حق التعبث فيها














القاىمة الرىيسية لشاشة الترفيه





قاىمة الافلام





حط سير الرحلة








بعد الاقلاع تقريبا بساعتين قدمو وجبة العشاء كان دجاج بالليمون اكلهم لذيذ لكن ما كليت وايد





دخولنا للاجواء التاليندية










اخيرا الهبوط في مطار بانكوك الدولي





السوق الحرة ف بانكوك














وف هالمكان عبينا بيانات الويزا حق الدخول





انا سويت هالتقرير لسببين السبب الاول حق الي فيهم فوبيا الطيران لني حاس فيهم وكنت مثلهم واخس بعد

و السبب الثاني سويته لكم عسبت تستمتعون بالتقرير

واتمنى التقرير نال اعجابكم وانتظروني بتقارير ثانية

[La Capitano]

تقرير مختصر وحلو والحمدلله على سلامتك

[عاشق A380]

شكراً على التقرير والحمدلله على السلامة
وننتظر تقارير أفضل مستقبلاً

- يثبت

[بندر عبدالعزيز]

يعطيك العافية ان شاء الله كانت رحله مميزه لك
دم بخير

[masg]

يعطيك العافية عالتقرير الجميل وأنا بصراحة أتعاطف مع الي عندهم فوبيا لأني حاس بمعاناتهم


Sent from my iPad using Tapatalk HD

[mohammad alajmi]

شكرا على التقرير..
نقطة توضيحية فقط: للعلم اخي العزيز مواعيد الطيران 24 ساعه لذالك بالمرات القادمة ال9:45 مساءا هي بعالم الطيران 21:45
اشكرك على التقرير واهلا بك بالمنتدى ولتقارير افضل بالمرات القادمة.

[حسونه]

الحمدالله على السلامة
تقرير رائع وجميل
تحياتي لك

[Emarati]

مشكور على مشاركتنا تجربتك بهالتقرير الجميل

حمدالله على السلامة

[ETIHAD-AIR]

نورتو الموضوع بتواجدكم ورتكم

تسلم مراقبتنا على التثبيت

وانتظرو تقريري القادم

[mfk910]

الاتحاد انا سافرت عليه الى لندن ممتازة جداا

مشكوور على التقرير الرائع

[Y.S.F]

الحمدلله ع السلامه

تقرير مرتب

شكرا لك

[حياتي الطيران]

يعطيك العافية على التقرير مبدع...

[ETIHAD-AIR]

مشكورين على المرور

نورتو

[raaafa]

تقرير مميز