[Reda M0hammed]

ليه ياعم انتا اعمل اللى عليك وقدم يمكن تتقبل مش هتخسر حاجة

[haidy R]

بالنسبة للتايب ريتينج فى كذا حاجة:
1) pan am : Airline Training Type Rating | Learn about Type Ratings | Pan Am Academy
2) aerostar : Airbus A320 Type Ratings and Training | AeroStar Training Services
3) aerosim : A320 Type Rating | A320 Type Rating Cost | A320 Type Rating USA | Cheap A320 Type Rating USA | Aerosim

اما بالنسبة للاين ترينينج لاى رخصة تبع منظمة الايكاو : www.skies-aviation.com

لاين ترينينج للرخصة الاوروبية فقط : Type Rating & Line Training programs. Airbus, Boeing, ATR

لاين ترينينج للرخصة الامريكية و لكل الرخص : Programs

[Jasper]

متشكر جدا بس يظهر فعلا ان اللاين تريننج غالي جدا
اكتر من مصاريف دراسة الطيران نفسها
يللا ربنا يسهل وندرس ونشوف

[Reda M0hammed]

انتا ادرس الاول بس وسبها على ربنا بعد كدا لان الارزاق مش بأيدك ولاا بأيدى
(وفى السماء رزقكم وما توعدون . فورب السماء انه لحق مثلما انكم تنطقون)
صدق الله العظيم

[Jasper]

انت صح
وان شاء الله ربنا يوفق واعمل تحرياتي ونكون مع بعض :D

[Reda M0hammed]

ربنا يسهل ان شاء الله

[عبدالسلام-1]

اخي الكريم
نصيحة لوجه الله خدها من مجرب ...متدرس طيران الا لو عندك عندك تصور كامل انتا هتعمل ايه بعد ماتخلص
وسيبك من الناس ال بتقول ادرس ومتفكرش في الشغل من دلوقتي..

لانك هتدفع مبالغ بعشرات الالاف وهتمضي وقت من عمرك وهيكون مستقبل
وفيه ناس كتير قاعده عل الارض من غير شغل

في مصر في حوالي 600 طيار قاعدين علارض لاسباب كتيرة ...

طيب لو عايز تشتغل بره مصر مش هيكون امامك الا انستراكتر يعني هتطير على c
172
يعني ساعتها مش هتاهلك لايرلاينز ولا طيرات تقيلة

اللاين ترايينج متوسط تكلفته 50 الف دولار ..لكن في نفس الوقت حتى لو المبلغ متوفر هتكون خايف من النصب او ان الشركة الفلانية متخليكش تعدي check ride وامتحانات السيملوتر وامور العقد مع الشركه وهكذا...وفلوسك تروح هباءا

نصيحة اصرف فلوسك في دراسه جامعية علمية ...اشتغل ولو معاك فلوس ادرس الطيران عشان هيكون عندك وظيفة مهندس مثلا تقدر تحصل منها على المال وبالتالي تكون سند ليك وتقدر تدرس الطيران...

مجال الايرلاين والتشارتر محدود جدا وعدد الوظايف قليلة بالنسبة لمن لا يملكون ساعات على الجيت ...او لا يملكون واسطه...

[Reda M0hammed]

ماهو لو كل واحد قال كدا محدش هيدرس طيران اصلا + لو انا بفكر اشتغل فى مصر بس يبقى غلط
انتا مش عارف انت بعد ماتدرس ايه اللى ممكن يتغير ومش عارف كمان ربنا كتبلك ايه ورزقكك فين ؟ مانتا ممكن تتخرج من هندسة ومتلاقيش شغل !! + فيها ايه يعنى لو اشتغل انستركتور وجمع ساعات وراح عمل تايب ؟ هيشتغل طبعا وفيها لو اشتغل فى شركات شجن وجمع ساعات ؟ انت تقدر تشتغل على فكرة ومن غير واسطة بس هيكون متعب شوية بس هتعمل ايه ؟ دا حلمك ولزم تسعى ليه مش هو هيسعى ليك . فى الاخر كل واحد يعمل اللى هو مرتحله اكتر

[Jasper]

والله انا اتخذت قراري بدراسة الطيران وخلاص وان شاء الله بعد ما ادرس الظروف تكون بقت احسن
وفي نفس الوقت هقدم في كلية صيدلة واعتذر عن الامتحان سنتين لحد ما أخلص طيران اكمل صيدلة
لو لقيت شغل يبقى فرج من ربنا
لو ملقيتش اديني في صيدلة
وزي ما قال ربنا
وفي السماء رزقكم وما توعدون

[عبدالسلام-1]

تمام ...كده افضل بكتير واضمن انك تجمع مابين الدراسة الجامعية والطيران....فعلا الارزاق بيد الله لكن دراسة الواقع والاخذ بالاسباب يتلازامان مع الاتكال على الله تعالى

[يا رب عايز ابقى طيار]

نصيحة هقولهالك انا كنت هموت و أدرس طيران أكتر منك فى البداية بس بعد كده ندمت مجهود و فلوس زيادة اوى و فوق طاقتى بس اتحملت و وفرت الفلوس بس بعد كده !! . بالنسبة لتعيين مصر للطيران الواسطة الى مطلوبة منك انك تقنع الطيارين الى بيبقو فى لجنة التحكيم انك فاهم و يكون ليك حد فى مصر للطيران موصيين عليك و دى مش ازمة انك تلاقى حد كفاية انك تكلم اى طيار من بتوع مصر للطيران و وصلنى لكبير طيارين ال777 فى الشركة ( السابق ) كابتن كريم و اتعرفت عليه و اتكلمت معاه و راجل محترم جدا و قالى ساعة التقديم ربنا هيوفقك و احنا معاك و لو بصيت لأخر اعلان هتلاقى انى معظم المقبلوين ولاد طيارين دول مش وسايط دول ناس الطيران معاهم من طفولتهم و درسوا بجد شوية اكتر من الناس التانية و جابة درجات فوق ال95% فى الاكاديمية المصرية عشان كده اتقبلو كابتن كريم كان بيقولى احنا كنا بنسئل الطلاب أسئلة احنا نفسنا مش بنفكر فيها عشان نشوف رد فعلهم و اجابتهم هتكون عاملة ازاى و مدا سرعة التفكير و أجازة الاجابة الصحيحة و لو مشتغلتش فى مصر الفساد بره مصر موجود و منتشر و عشان تشتغل فى أمريكا لازم يكون معاك الجنسية و اوربا هتفضل تدرس الرخصة الاوربية و تتعب نفسك و هتاخدها فى الاخر و بمجموع كويس بس هتفكر الشركات الاوربية كلها High Class و مش هياخدو طالب حديث التخرج كده ف هنقول طب ارجع بلدى هتلاقى نفسك هتلبس فى معادلة و الحمدلله عملناها طب التوظيف استنا الاعلان دخلنا و معانا وسطة طب مجموعى مش كويس ليييه !! اصلى كنت بدرس اوربية و صعبة طب معلش ان شاء الله ربنا يوفقك ف من الاخر كده الى هنصحك بيه يا باشا متخليش الطيران كل حياتك و جيب مجموع محترم فى الثانوية العامة و أدخل الكلية الى انتا شايف انك هتلاقى ليها شغل و تطلب من الجامعة اجازة و تروح تدرس طيران و تخلص دراسة و ترجع تكمل كليتك اهو منها اخدت رخصك و هتنتظر الاعلان بتاع مصر للطيران و النصيحة برضوا بصر انك تدرس فى مصر عشان التعيين فعلا أكتشفت انه لطلاب الاكاديمية المصرية و لسبب بسيط جدا قالهولى طيار اسمه محمد العلالى على ال737-800 فى مصر للطيران واحد بيطير فى خمسة او ستة من مطارات مصر طول فترة دراسته و كمان فى التجارى نزل فى القاهرة على الاقل مرتين و واخد على الاير سبيس المصرى و عارف كل الرولز بتاعته اخده هوا ولا الى جاى مش عارف حاجة خالص عن الاير سبيس الكصرى ولا الرولز بتاعتنا و فى اختلافات ؟! اكيد طالب الاكاديمية المصرية ده كمان غير التظبيط الى بيبقى بين الاكاديمية من قديم الازل و وزارة الطيران المدنى و الكوسة الى مخليا سعر الدراسة غالى جدا الى بيرزق منها الوزارة و الوزير و حاشيته ,, بص الموضوع عشان يتشرح عاوز صفحات و صفحات كتير جدا عشان الواحد يقول كل حاجة و فى الاخر هيأذونى زى ما عملوا معايا اخر مرة و خدونى للبحث الجنائى و المخابرات الحربية و كانو عاوزين يلبسونى تهمة سب و قذف لوزير الطيران و النظام الحاكم بس الحمدلله خرجت فى نفس اليوم عشان رئيس المباحث كان معرفة . و سبب بسيط عشان هتقولى ندمت ليه . كنت فى العريش عشان أسبوع العملى و فى الاسبوع ده والدتى أتوفت فيه و كانت عيانة و مقدرتش أفضل جنبها بسبب ظروف الدراسة ربنا يخليلكو كلكم اهلكو يا رب و متحسوش بالأحساس ده و مقدرتش أكون جنبها و كانت رافضة فكرة دراستى للطيران بس انا خالفت رأيها و عملت الى فى دماغى برضوا و كمان انى الشيفت بتاعى فى مصر للطيران على الطيارات المتوسطة بيوصل ممكن من بريف و مرحلة قبل الرحلة لحوالى ساعتين و مشوارى فى زحمة مصر للمطار ساعة يعنى 3 ساعات و الرحلة نفسها رايح جاى مش هتقل عن بتاع 8 ساعات او 7 و نزول و هرجع مهلوك مش هقدر أشوف عيلتى و ممكن رحلاتى تكون كل يوم و لما أترقى و أطلع للطرازات التقيلة زى ال777 و ال330 و مش هكون فاضى أشوف اولادى و عيلتى و كل التضحيات دى .. كل ده عشان كنت شب و بصيت لهدف انا بحبه و محسبتش الى هخسره فى المستقبل بعد كده بخلاف العمل المدنى ده غير ان فى شروط العقد مصر للطيران ممكن فى خلال السبع سنين الاوائل من توقيع العقد تسرحنى لأى سبب و ما أدراك بالتعسفات الى مالية مصر كلها و انتا اكيد عارف كده كويس فى العقد لما هما حضراتهم يقرروا انهم يفصلونى هدفع تكاليف التدريب بتاعت مصر للطيران لأنهم على الاقل بيخلوك تطير سيميلوتر حوالى شهرين قبل ما تبتقدى تطلع على الJump Seat و تكاليف التدريب اكيد هتكون فوق ال50 الف دولار ساعتها هجبهم منين و شرط جزائى مليون جنيه او نص مليون جنيه فى حالة انى حبيت أسيب الشركة و عشان اتوفظ بره مصر لو مثلا فى اى دولة اكيد الاولوية للطلاب اصحاب الجنسية و هبقى متغرب و احساس زبالة .. ده الى أقدر أقولهولك ادرس فى مصر و خد تايب ريتينج على اى طراز من الطرازات الى منتشرة عندنا زى ال737 او ال320 و ظبط الواسطة التمام و سيب الباقى على ربنا بس متنساش الخسارة الى هتقابلها فى حياتك العائلية و صدقنى احنا لسه شباب بس ده أحساسه قاسى اوى بعد كده تحياتى ليك و بالتوفيق لجميع الدارسين

[Jasper]

اولا اشكر جضرتك على مجهودك دا كله في الكتابة
ثانيا لو على المجهود والتعب في الدراسة فانا على استعداد تام ليه
مجموعي في تانية ثانوي كويس جدا وان شاء الله ممكن اجيب زيه في تالته
المشكلةبفى ان الدراسة في مصر محدودة على مصر للطيران
انما بره مصر بتاهلني لمجالات اكتر بكتير
وانا كده كده أن شاء الله هقدم في كلية واجل الدراسة فيها لحد ما أخلص طيران
انما الواسطة معتقدش انها سهلة زي ما حضرتك بتقول
يلا ربنا يسهل انابس اخلص امتحانات الاول

[يا رب عايز ابقى طيار]

لاء متقلقش الوسطة اسهل مما تتخيل انتا و انت بتعمل المعادلة اصلا ممكن يكون الانستركتور الى هيبقى معاك عارف رئيس مجلس الادرة نفسه الطيران كله اسرة مع بعضه و كلنا عارفين بعض مجرد ما هتخشه هتلاقى نفسك عرفت كل الناس بس يفضل و هقولها تانى يفضل انك تدرس فى مصر عشان مش هتواجه تعب نفسى زى بره

[النسر الجريح]

اقتباس:     المشاركة الأصلية كتبت بواسطة Jasper  

السلام عليكم ورحمة الله وبركاته

وعليكم السلام ورحمة الله وبركاته


إسمي إسلام السيد

والنعم فيك كابتن اسلام


طالب بالصف الثالث الثانوي وهأنتهي منها بعد شهر بإذن الله

ان شاء الله بالتوفيق


لغتي الإنجليزية جيدة جدا وأنوي تقويتها في الصيف

ممتاز استعد من الان


طولي 186 ووزني 100

يبغالك تنزل وزنك .. انصحك بممارسة كمال الاجسام نظام التنشيف


مصري الجنسية

اقدع ناس


ــــــــــــــــــــــــــــــــــــــــــــ
عرفت ان الطيران المصري العمل فيه لازم يكون بواسطة

ما عندي اي خلفية عن الطيران المصري ! لكن عموما الواسطة موجودة في جميع الدول العربية


وأنا بصراحة في مشاكل كثيرة مع أهلي هذه الأيام بسبب موضوع اني اريد دخول كلية الطيران

استخير الله عز وجل اولا .. وخذ رائي والديك


وفي الآخر إقتربوا من الموافقة أو وافقوا تقريباً

كويس .. الحمدلله


الكلية الأخرى المتاحة لي واللي المفروض أدخلها هي الصيدلة

انصحك بالطب كبديل اول للطيران


لكن أنا حلمي من وأنا عندي خمس سنين إني أكون طيار
مصاريف الدراسة في أي مكان غير إمبري ريدل وأكسفورد مش سهلة لكن موجوده
عاشق للطيران وعارف معلومات كتير جدا عنه من قبل ما أدخله

استخير الله عز وجل .. واذا عزمت فتوكل الله .. مدام انته خبير في الطيران ومعلوماتك جيدة له استمر

شوف حط في بالك الطيران لا يحتاج سوا العاشقين للطيران !

اذا كنت تريد دخول الطيران من اجل المال فالتجارة فيها المال وممكن تشتري طيارة !!


ـــــــــــــــــــــــــــــــــــــــــــ
السؤال هنا
أنا خايف أدخل كلية طيران ومتوظفش

تفائل بالخير اخي الكريم .. لا يوجد طيار اجتهدت ودرس بامانه واخلاص واستوفى جميع الشروط ولم يتوظف


وساعتها الكل هيشمت فيا اني ضيعت تقريباً أكتر من نص ميراثي أو ثلاث أرباعه عالفاضي

اذا انته حاط الناس في بالك ! صدقني ماراح تتقدم بخطوة


فهل تفضلو اني أدخل الطيران ؟

نعم وبشدة


ولو ربنا وفقني ودخلت الطيران أدخل أنهي جامعة او مدرسة ؟

بالتاكيد نعم


وهل في كليات تدرس علوم الطيران بأسعار أقل من امبري ريدل وأكسفورد ؟

تفضل الرابط راسل المدارس التي تعجبك

Flight Schools and Pilot Training Directory on Best Aviation Schools

ويوجد كم اكادمية تحدث فيها الاعضاء


وهل التوظيف سهل في مصر وللا فعلا محتاج واسطة ؟

ما عندي اي دراية عن الطيران المصري


ولو مش معايا واسطة أعمل ايه ؟

ياراجل ! دنته متشائم كده ليييييييييييييييييييييييييييييييه !!


ــــــــــــــــــــــــــــــــــــــــ
أرجو الرد لان نفسيتي تعبت فعلا من الموضوع ده :(
شكراً

استخير الله عز وجل اخي الكريم .. ووكل امرك لله

[Jasper]

رد حضرتك أكثر من مفيد وممتاز
انا متشكر حدا
امتحانات الثانوية العامة بكرة بقى ادعولي