[Medoplast]

ان شاء الله اي حد عاوز يقدم في الكليات العسكرية معاكم ملازم طيار احمد صلاح وان شاء الله اقدر افيده اذا كان عاوز يدخل الكلية الجوية او اي كلية عسكرية تانية.

[Cpt.Ahmad]

السلام عليكم
تحياتي حضرة الملازم وشكرا لعرضك ويشرفنا وجودك معانا .

[abd2006alg]

حبيبي طيب إيش هيا هاذي الكلية
وين موقعها
شكراااااا

[Cpt.Mohammed]

ما شاء الله , هي دى الشهادات ولا بلاش ...
اهلا بك اخى في المنتدي ...

وأعانك الله لأن معظم الأستفسارات عن الطيران الحربي ...

[karrar_pilot1990]

شكراا حضرة الملازم هل يمكن ان تفيدنا كم عدد ساعات الطيران الي بيطيرها الطيار العسكري كتقدير ويشرفنا وجودك معنا في المنتدى

[محمد علاء]

اهلااا بيك يا حضرة الملازم يا كابتن انا محمد من مصر قرايب يعنى من بلد واحدة وبجد هية دى الشهدات بالتوفيق ديما بجد وان شاء الله ابقى ذيك فى يوم من الايام ان شاء الله ..

[Abdallah Hindy]

ايه يا حضرة الملازم
انت نسيتنا ولا ايه

انا عبدالله من مصر من اسكندرية بالتحديد كنت عايز اسالك اسئلة كتير بس ان شاء الله لما تفضي لانك واضح انك مشغول جدا

تحياتي لك يا حضرة الملازم

[bobswim]

law sam7tnla ya captin emailk 2w rakm telephonek

[Ahmed_mes79]

بالتوفيق انشاء الله

[Medoplast]

طبعا الكلية الجوية تابعة للقوات المسلحة المصرية ولازم تكون مصري الجنسية

وباب القبول هايتفتح يوم في مقر الكلية الحربية1/7/2009 لخريجي الثانوية العامة والازهرية فقط.

[كابتن بارع]

مرحبا اخى الملازم ممكن تشرح لنا عن الاجانب يدرسون ولالا

[فني تايفون]

ما شاء الله
مبروك وعقبال كل من لديه الطموح

و الله يوفقك في حياتك العملية و العلمية

نتشرف بك في المنتدى

ياحضرة الملازم

[mtocf16]

السلام عليكم مرحبا هل يدققون علي الاذن في الكلية الجوية

[crazy_pilot]

لو سمحت انا عاوز اسأل عن الكشف الطبي و هلل ممكن لبس نظارة و لا لأ
و مبروك علي التخرج
تقبل تحياتي

[jacksparrow]

سؤال
ممكن للطيار المدني انه يصبح طيار عسكري ؟
وشنو المتطلبات لشخص انه يكون في القوات الجويه يعني شنو راح يطلبون اتكون عنده من رخص والخ ...

وشكر الجزيل لك

[Ehab Samy]

تحياتي لك حضرة الملازم والف مبروك لك / انا ما عندى سؤال محدد لكن اتمنى لو تسوي لنا موضوع عن قصة رحلتك مع الكلية الجوية المصرية و وش صار منذ الألتحاق و القبول حتى التخرج يعني تعطي فكرة عامة عن كل شئ لمن يفكر فى الدخول للكلية .

[Medoplast]

اقتباس:     المشاركة الأصلية كتبت بواسطة jacksparrow  

سؤال
ممكن للطيار المدني انه يصبح طيار عسكري ؟
وشنو المتطلبات لشخص انه يكون في القوات الجويه يعني شنو راح يطلبون اتكون عنده من رخص والخ ...

وشكر الجزيل لك

طبعا لا يمكن لأن الطيار المدني تدرب طول حياته علي الطياران المدني ولا يعرف اي شيئ عن الطياران الحربي مثلا لايعرف المناورات العسكرية - اطلاق صورايخ - قنابل- حجب رادارات الخ.... والعكس الصحيح اخي فمن السهل ان يصبح الطيار الحربي طيار مدني لسهولة قيادة الطائرات المدنية البسيطة التي تعتمد علي الكمبيوتر في الاساس..

[Medoplast]

اقتباس:     المشاركة الأصلية كتبت بواسطة bob_2005  

تحياتي لك حضرة الملازم والف مبروك لك / انا ما عندى سؤال محدد لكن اتمنى لو تسوي لنا موضوع عن قصة رحلتك مع الكلية الجوية المصرية و وش صار منذ الألتحاق و القبول حتى التخرج يعني تعطي فكرة عامة عن كل شئ لمن يفكر فى الدخول للكلية .

بسم الله الرحمن الرحيم
عن أبي العباس عبدالله بن عباس رضي الله عنه قال كنت خلف النبي صلى الله عليه وسلم يوماً فقال " يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف " رواه الترمذي..

اولا:
انا كنت طالب عادي جدا في الثانوية العامة المصرية ولكن كنت العب كرة القدم في نادي الزمالك المصري كنت اسرع عضو في فريق كرة القدم و المدرسة من المؤكد ان جسمي كان جسم رياضي انا كنت شعبة (ادبي ) يعني مليش في المذاكرة المهم قديت حياتي جدا في الدراسة وطلعت النتيجة وقدمت في التنسيق وجالي كلية التجارة جامعة القاهرة ..
ثانيا:
ارتباطي بالكلية الجوية
كنت معدي من شارع صلاح سالم واذا بي امر من امام الكلية الحربية لقيت زحمة كتيرة كأن مصر كلها هناك سألت الجندي الي كان هناك قالي دول الي بقدمو في الكليات العسكرية رحت اتفرج لقيت شروط القبول واللوحات والمجموع كلها منطبقة عليا كان معايا بالظبط ثمن الملف وقتها كان 35 جنيه علي ما اذكر دخلت اشتريت الملف ومليته وظبته
طبعا بعديها بأيام دخلت الاختبارات الطبية وعديت فيها الحمد لله واترشحت للمجلس الطبي الجوي ودا اصعب واصعب الكشف الطبي خمس ايام متواصلة علي عكس الكلية الحربية الحمد لله المهم اخذت النتيجة (لائق جوية) طبعا كل الي يقابلني يقلي انت خلاص بقيت طيار اقلهم لسة دا في كشف هيئة ومحدش بيعدي غير بالوسطة المهم كملت الاختبارات طلعت الاول في الاختبار الرياضي ووصلت الي كشف الهيئة طبعا كنت مرعوب علي الاخر دخلت علي المشير حسين طنطاوي القائد العام للقوات المسلحة ومديري الكليت العسكرية ال6 طبعا انتا داخل علي مشير ولواءات يعني لو مسكو اسلحة هايعلنو الحرب
طبعا نادو عليا دخلت مدير الجوية قام قفشني قال لي نوقفك من الكلية الجوية قلتله لائق قالي كويس قالي هاتعرف تركب الطيارة قلتله انا داخل الكلية الجوية المصرية اكيد لازم استرجل وانا واثق انهم علي كفاءة انهم يلعمو الطلاب قيادة الطيارت قال لي كويس كويس اتفضل انا سمعت كويس كويس قلت يا ولاد الكلب منا عارف من الاول انها بالواسطة ايه الي خلاني اقدم واضيع وقتي ومصيفش بس
يوم يعدي ورا يوم ويجي وقت اعلان النتيجة طبعا ولا رحت جبتها لأني عارف اني برة
عدي خمس ايام لقيت مندوب من الكلية الحربية بيخبط علي الباب فتحت قلت اكيد في حاجة غلط او هاتحبس او اي حاجة لقيته يقول مجتش ليه الكلية يا حضرة الطيار طبعا سمعت طيار من هنا قلت انا بحلم ولا ابه طبعا نديت علي والدي عملنا احتفال صغير كدة وكرمنا الراجل المندوب دا اخر كرم والله بقي مبسوط خالص المهم رحت تاني يوم الصبح الكلية الحربية دفعت المصاريف وقعدت بقي ثلاث شهور ربنا ما يوريك تأهيل عسكري عنيف جدا طبعا كنت داخل 70 كليو خلصت 3 شهور دول بقيت 50 كيلو خلص التأهيل اتحولنا طلبة الجوية للكلية الجوية الي مقرها بلبيس بمحافظة الشرقية كنا 120 طالب
وهناك بقي كل الطابة دخاو محاكي الطيارن البسيط الي ينجح يخش قسم الطيارين الي يسقط يخش قسم الملاحة كان من توفيق ربنا ان نجحت ودخلت قسم الطياران وداخل الكلية في كل سبل التعليم الحديث والراحة والملبس والمأكل علي نفقة الدولة سنة تعدي ورا سنة والتدريبات تصعب وتصعب والمحاكي الطيارن يصعب ويصعب لحد مجه وقت الطياران الحقيقي بعد ماجبت 100% في محاكي الطياران طبعا طائرة (الجمهورية) كان ليه الفضل في نشأتي و ساعتها الكلية كلها سقفت لي يوم ورا يوم تزداد خبرتي في الطيارة المذكورة تيجي طيارة اخري اخلصها وهكذا احد يوم التخرج اخر مستوي (الفا جيت) ولحد الحين اركب (الفا جيت) وان شاء الله الترقية قريبة ادعولي (mig 29) ان شاء الله
قصة التقديم
ملازم اول طيار /احمد صلاح

[kholio2150]

مشكور علي الموضوع الممتاز

[ميدو92]

طبعا يا حضرة الملازم أولاًَ أهنيك على حصولك على شهاده البكالريوس والترقية
ثانيا أنا كنت عايز أسألك عدة أسئلة لو تكرمت .. .. .
1- انت لما دخلت الكلية كانت أقامتك فيها ولا لأ و لو أه لمده أقد ايه
2- الدراسة 4 سنين لو تكرمت أنا بس كنت عايز أعرف السنة الرابعة عبارة عن ايه
3- بالنسبة للحياه المادية هل هي مرضية ؟ ؟
4- لو تكرمت تشرح لينا الطبي خطوة خطوة ( أنا عارف انها كبيرة بس معلش حتقل عليك )
5- ايه هيا شروط القبول .. .
6-ياريت تكتب أنواع الطائرات الي اتدربت عليها من لحظة دخوللك الكلية

أنا عارف ان الأسئلة كتير بس ياريت تجاوب عليها لأنها مهمة جداًَ بالنسبة ليا وحكون شاكر أفضالك

[ميدو92]

و هل الموليدين خارج الدولة يمكن لهم الإلتحلق بالكلية

[Medoplast]

يا ميدو انا ارسلت لك رسالة بالاجوبة

[The protester]

السلام عليكم ورحمة الله وبركاته 000 أولا: ألف مبروك ياكابتن على التخرج بالرغم من أنها متأخرة شوية 0000 ثانيا: أعرفك بنفسى ؛ أنا The protester عضو جديد بالمنتدى. ثالثا: أحب استفسر من حضرتك ؟؟!! 00 ممكن الكلية الجوية تخرج طيار حربى أنثى ؛ بالاضافة 00 معلوماتى بتفيد ان فى هابطة مظلات مصرية اتخرجت الدفعة اللى فاتت من الكلية الحربية وكانت الاولى من نوعها 00 فهل ممكن أنا كمان أكون الاولى من نوعى كأول طيار حربى أنثى ؟؟!! 00 منتظرة من حضرتك اشارة التمام 00 أشكرك 00 وأسفة على الازعاج0

[klash91]

plz add me
[email protected]
انا عندي اسئلة كتيرة

[Medoplast]

اقتباس:     المشاركة الأصلية كتبت بواسطة The protester  

السلام عليكم ورحمة الله وبركاته 000 أولا: ألف مبروك ياكابتن على التخرج بالرغم من أنها متأخرة شوية 0000 ثانيا: أعرفك بنفسى ؛ أنا The protester عضو جديد بالمنتدى. ثالثا: أحب استفسر من حضرتك ؟؟!! 00 ممكن الكلية الجوية تخرج طيار حربى أنثى ؛ بالاضافة 00 معلوماتى بتفيد ان فى هابطة مظلات مصرية اتخرجت الدفعة اللى فاتت من الكلية الحربية وكانت الاولى من نوعها 00 فهل ممكن أنا كمان أكون الاولى من نوعى كأول طيار حربى أنثى ؟؟!! 00 منتظرة من حضرتك اشارة التمام 00 أشكرك 00 وأسفة على الازعاج0

للأسف الطياران الحربي المصري لا يعتمد علي الاناث ولا في الوطن العربي كله ممكن في المراقبة الجوية التابعة للقوات المسلحة

[captain mohamed]

يا اخى الملازم ممكن تكلمنا عن النظارات و النظر حتى نعرف هل يمكننا ان نابس نظارات ولا هيرفضونا ...........معلش يا ملازم هو ممكن احول بعد الكلية الجوية الى الطيران المدنى

[Medoplast]

لازم يكون نظرك علي الاقل 6/6 بدون نظارة

[captain mohamed]

اقتباس:     المشاركة الأصلية كتبت بواسطة Medoplast  

لازم يكون نظرك علي الاقل 6/6 بدون نظارة

معلش يا كابتن اذا نقص بصف او ربع

[Mr-X]

الف الف الف مبروك يا كابتن مع انى عارف انها متاخرة :) بس بجد قصتك جميلة اتمنى لك التوفيق من كل قلبي :) وانا بأذن الله هقدم السنة دي والى فيه الى خير اكيد ربنا هيقدمه بس ليا سؤال بخصوص اختبارات اللياقة ، انا عاوز اتجهز لها من دلوقتى مثلا اهتم بأيه واتمرن على ايه كتير !!! السباحة والجري وتمارين الضغط العقلة ؟ ! ولا ايه؟؟ وجزاك الله كل خير :)

[captain mohamed]

يا كابتن انا كان عندى سؤال هو ممكن بعد ان احول من الكلية الجوية الى الطيار المدنى يعنى ممكن بعد ما اكون انشاء الله طيار جوى ممكن احول لمصر للطيران و هيقبلونى .............واحب ان اسال هو الط
يارين الجويين هما الذين يتبعو لمطار الماظا