[my name is pilot]

السلام عليكم ورحمة الله و بركاته أعزائي الاعضاء .. طبعا دلوقتي عارفين كلنا ان مفيش شغل للطيارين و عشان كدا في شركات بتعمل cadet program و دا اللي هو الشركة بتبقل مسؤالة أنها تشغلك .. إذا سمحتم تقلولي عن أسماء الشركات اللي بتعمل cadet program .. لأني بحثت في النت و لقيت شركات زي القطرية و طيران العربية بيدوك الرخصة mpl و هي غير معترف بيها لمعظم شركات الطيران ... و شوفت في الامارتية برده عاملين cadet Program بس للي معه إقامة داخل البلد مع العلم اني مصري ... ياريت اللي يعرف عن أي شركة طيران بتعمل cadet program لغير أبناء البلد يعني تكون بتقبل أجانب ..افيدوني ... جزاكم الله

[my name is pilot]

آية يا أهل الخبرة أنتم فين !!!! حد يرود عليا .. يا مسهل الحال

[Captain mohamed ahmed]

بالنسبه لطيران الامارتيه هل هيا بتعمل البرنامج ده للمقيمين ولا للمواطنين بس
ولك جزيل الشكر

[khaled mostafa]

السلام عليكم
اخى صاحب الموضوع
my name is pilot
القطريه والامراتيه و طيران الاتحاد بيعملو وغيرهم بيعملو نظام ال cadet pilot بس لاهل البلد والمواطنين (اى الجنسين = اصحاب البلد ) وليس من لديه اقامه فى البلد .. الا لو جتلك منحه من امير فى دوله بس الغالبيه انهم لاصحاب البلد
ثانيا للرد على سوالك التانى انه فى حوار الشغل ... دلوقتى شركه طيران متعهداك = متبنياك من اول يوم دخلت فيه طيران و صرفت عليك اموال حتى اصبحت طيار .. فمش معقول انك بعد ما تدرس عندهم ببلاش هيسبوك تروح بلدك تانى .. اكيد بيبقى فيه عقد من اول ما هتدرس عندهم هيقولولك والله واحد اتنين ثلاثه و مثلا بعد ما هتتخرج هتقعد معانا فتره 10 سنين و راتب بتاعك (مثلا لو مساعد الطيار بياخد مثلا 10 الاف .. هيدوك انت مثلا 5 او 6 الاف علشان يعوض اللى صرفو عليك اثناء تدريبك ورخصك وتاهيلك )
ثالثا والسوال الاخير .. فى حوار رخصه ال mpl بصراحه انا مقرتش فى الموضوع ده او معنديش خلفيه عنه بس ازاى هتتخرج تكون طيار تابع لشركه طيران اللى هيا تابعه Federal aviation administration اللى هيا تابعه للمنظمه العالميه للطيران المدنى ... طب هتشتغل ازاى ......

ارجو ان اكون اوفيتك بالاجابه
والله ولى التوفيق

[my name is pilot]

Cadet Pilot Programme
هنا حضرتك الموقع بتاع الاماريتية و موجود عادي cadet program للأجانب بس بشروط اللي كاتبنها .. تاني حاجة حضرتك بتتكلم على نظام الشغل في الشركات و ان بدل مثلا ما الراتب يبقا 10,000 جنية هيبقا 5,000 جنية ... أحب أقول لحضرتك أحسن من لما ادرس و بعدها مالقيش شغل زي حال 1,500 طيار مصري عاطل .. اكيد هيبقا راتب قليل بس انت كسبان انك بتشتغل و دي حاجة مش موجودة في مصر و كسبان خبرة و عدد ساعات ..

[khaled mostafa]

انا معك حضرتك ان فى حوالى 1200 طيار غير عامل ودى النسبه الصح بس من الاخر كدا علشان تبقى طيار فى مصر للطيران عايز واسطه قويه جدا و يكون طيار كمان علشان متطرش تستنى اعلان مصر للطيران اللى بقاله فترة بينزل مش كل سنه بقى كل سنتين ثلاثه والكلام ده اقسم بالله اللى قالهولى طيار مصرى
ثانيا ... انت ممكن تكون مبسوط انهم بيدوك 5 الاف جنيه .. بس معلش يعنى انا لو خلصت جامعتى و اشتغلت بموهلى والله هجيب اكتر من كدا وبعدين هما فى الاول و فى الاخر بيستفادو بيك بنسبه 99 فى الميه قبل ما تكون انت المستفيد .. وانا بسمى العمليه دى من وجهه نظرى انهم بيعملو معاك عقد احتكار
ثالثا ... لو بصيت حضرتك فى الرابط اللى انت حطه هتلاقى مش مكتوب اى حاجه عن الاجانب دا كمان فى المتطلبات انه يكون اماراتى الجنسيه ومعاه جواز سفر اماراتى ويكون مطلع خلاصه القيد العائلى هتلاقى المتطلبات دى على ايدك اليمين مربع لونه بنى غامق شويه .. ركز فيه هتلاقى المتطلبات دى
رابعا انا كنت كلمت طيران الاتحاد على خصوص البرنامج للاجانب وقالولى بالنص انهم بيهتمو بالامارتين الجنسيه عن الاجانب وان مش بيحصل كتير اعلان ال cadet pilot للاجانب وطبعا الاتحاد منافس للخطوط الامارتيه و صعب انك تلاقى شركه عامله للاجانب وشركه عامله لمواطنى الدوله
.. انت ممكن تبحث وهتلاقى ربنا مش هيضيع تعبك لو انت مهتم بالموضوع

والله ولى التوفيق والمستعان

[pilot 500]

انا سمعت عن أكاديميتين هم STAA و ctc دول بيوظفوك في القطرية بعد التدريب مع عقد 5 سنين . بس المشكلة المصاريف 160,000$

[pilot 500]

اقتباس:     المشاركة الأصلية كتبت بواسطة khaled mostafa  

انا معك حضرتك ان فى حوالى 1200 طيار غير عامل ودى النسبه الصح بس من الاخر كدا علشان تبقى طيار فى مصر للطيران عايز واسطه قويه جدا و يكون طيار كمان علشان متطرش تستنى اعلان مصر للطيران اللى بقاله فترة بينزل مش كل سنه بقى كل سنتين ثلاثه والكلام ده اقسم بالله اللى قالهولى طيار مصرى
ثانيا ... انت ممكن تكون مبسوط انهم بيدوك 5 الاف جنيه .. بس معلش يعنى انا لو خلصت جامعتى و اشتغلت بموهلى والله هجيب اكتر من كدا وبعدين هما فى الاول و فى الاخر بيستفادو بيك بنسبه 99 فى الميه قبل ما تكون انت المستفيد .. وانا بسمى العمليه دى من وجهه نظرى انهم بيعملو معاك عقد احتكار
ثالثا ... لو بصيت حضرتك فى الرابط اللى انت حطه هتلاقى مش مكتوب اى حاجه عن الاجانب دا كمان فى المتطلبات انه يكون اماراتى الجنسيه ومعاه جواز سفر اماراتى ويكون مطلع خلاصه القيد العائلى هتلاقى المتطلبات دى على ايدك اليمين مربع لونه بنى غامق شويه .. ركز فيه هتلاقى المتطلبات دى
رابعا انا كنت كلمت طيران الاتحاد على خصوص البرنامج للاجانب وقالولى بالنص انهم بيهتمو بالامارتين الجنسيه عن الاجانب وان مش بيحصل كتير اعلان ال cadet pilot للاجانب وطبعا الاتحاد منافس للخطوط الامارتيه و صعب انك تلاقى شركه عامله للاجانب وشركه عامله لمواطنى الدوله
.. انت ممكن تبحث وهتلاقى ربنا مش هيضيع تعبك لو انت مهتم بالموضوع

والله ولى التوفيق والمستعان

حضرتك كلامك كله صح بس ازاي بتقول ان انت لو اتخرجت من الجامعة بمؤهل هتجيب الراتب ده انه تخصص في مصر اللي بيعمل كده .

[khaled mostafa]

حضرتك انا فى 4 كليه صيدله و بدرس حاجه اسمها كلينكال فارماسى
يعنى ممكن اشتغل اى حاجه ليها علاقه بالصيدلى
(دكتور مرافق مع الطبيب البشرى لكتابه الروشته حفاظا على الاثار الجانبيه وتقليل التفاعلات الدوائيه حفاظا على صحه المريض او ممكن اشتغل فى مصنع او شركه دوائيه او صيدلى فى صيدليه المستشفى او مندوب مبيعات للمستحضرات الدوائيه بالاضافه الى انى بفتح صيدليتين خارجيتين باسمى )
شوف حضرتك لو اشتغلت اى مهنه من دول + الصيدليه الخارجبيه هجيب اكتر من 5000 جنيه اللى قولتلك عليهم دا لو حسبتها فى اى دوله هتاخد كدا
بس بردوا ارجع واقولك الرزق بتاع ربنا بسم الله الرحمن الرحيم ( وفى السماء رزقكم وما توعدون)

[my name is pilot]

انا بدرس هندسة في الاكاديمية البحرية و برده الشغل في كثير اوى بس الفكرة أن انا بعشق طيران جدا .. انا مع الواحد يحاول و يحقق حلمه حتى لو كان بعد دراسة جامعة عشان يبقا في السليم أكثر على اساس ان حتى لو ملقتش شغل في طيران الاقي في هندسة بس الفكرة أن الواحد يحقق حلمه و انا لما لقيت ان في حاجة اسمها cadet program قولت ليه لأ طلما بتضمنلك الوظيفة حتى لو كان المرتب هيبقا اقل من شغل كمهندس ... بس هتبقا فخور أكثر و ناجح أكثر في الحاجة اللي انت بتحلم تحققها .. مش في الحاجة اللي انت اصلا مش حاببها بس واخداها زي احتياطي كدا عشان يبقا الواحد مأمن نفسه بس .. بعدين دي فترة معينة علي حسب العقد يعني و خلاص مش هتفضل طول عمرك شغال ب 5000 جنية مثلا ..اما بالنسبة ل staa و ctc اللي تبع قطر دول بيدوك mpl دي رخصة ليسة مش معترف بيها في معظم الشركات

[pilot 500]

اقتباس:     المشاركة الأصلية كتبت بواسطة khaled mostafa  

حضرتك انا فى 4 كليه صيدله و بدرس حاجه اسمها كلينكال فارماسى
يعنى ممكن اشتغل اى حاجه ليها علاقه بالصيدلى
(دكتور مرافق مع الطبيب البشرى لكتابه الروشته حفاظا على الاثار الجانبيه وتقليل التفاعلات الدوائيه حفاظا على صحه المريض او ممكن اشتغل فى مصنع او شركه دوائيه او صيدلى فى صيدليه المستشفى او مندوب مبيعات للمستحضرات الدوائيه بالاضافه الى انى بفتح صيدليتين خارجيتين باسمى )
شوف حضرتك لو اشتغلت اى مهنه من دول + الصيدليه الخارجبيه هجيب اكتر من 5000 جنيه اللى قولتلك عليهم دا لو حسبتها فى اى دوله هتاخد كدا
بس بردوا ارجع واقولك الرزق بتاع ربنا بسم الله الرحمن الرحيم ( وفى السماء رزقكم وما توعدون)

حضرتك برضوا أنا أخويا صيدلة كلينيكال وهو ولا بيشتغل تبع دكتور ولا حاجة الدكاترة عارفين شغلهم هو بيفتح صيدلية خاصة ودي على حسب امكانياته ورزق ربنا وفي الاخر أنا مثلا مااقدرش ادرس حاجة انا مابحبهاش أنا بحب الطيران وبس .

[pilot 500]

اقتباس:     المشاركة الأصلية كتبت بواسطة my name is pilot  

انا بدرس هندسة في الاكاديمية البحرية و برده الشغل في كثير اوى بس الفكرة أن انا بعشق طيران جدا .. انا مع الواحد يحاول و يحقق حلمه حتى لو كان بعد دراسة جامعة عشان يبقا في السليم أكثر على اساس ان حتى لو ملقتش شغل في طيران الاقي في هندسة بس الفكرة أن الواحد يحقق حلمه و انا لما لقيت ان في حاجة اسمها cadet program قولت ليه لأ طلما بتضمنلك الوظيفة حتى لو كان المرتب هيبقا اقل من شغل كمهندس ... بس هتبقا فخور أكثر و ناجح أكثر في الحاجة اللي انت بتحلم تحققها .. مش في الحاجة اللي انت اصلا مش حاببها بس واخداها زي احتياطي كدا عشان يبقا الواحد مأمن نفسه بس .. بعدين دي فترة معينة علي حسب العقد يعني و خلاص مش هتفضل طول عمرك شغال ب 5000 جنية مثلا ..اما بالنسبة ل staa و ctc اللي تبع قطر دول بيدوك mpl دي رخصة ليسة مش معترف بيها في معظم الشركات

بالنسبة لل mpl أنا سألت انها لو لوحدها صح هيكون مش معترف بيها بس انت معاك عقد 5 سنين ومع خطوط عالمية الخبرة دي هتغنيك عنها .

[khaled mostafa]

اقتباس:     المشاركة الأصلية كتبت بواسطة my name is pilot  

انا بدرس هندسة في الاكاديمية البحرية و برده الشغل في كثير اوى بس الفكرة أن انا بعشق طيران جدا .. انا مع الواحد يحاول و يحقق حلمه حتى لو كان بعد دراسة جامعة عشان يبقا في السليم أكثر على اساس ان حتى لو ملقتش شغل في طيران الاقي في هندسة بس الفكرة أن الواحد يحقق حلمه و انا لما لقيت ان في حاجة اسمها cadet program قولت ليه لأ طلما بتضمنلك الوظيفة حتى لو كان المرتب هيبقا اقل من شغل كمهندس ... بس هتبقا فخور أكثر و ناجح أكثر في الحاجة اللي انت بتحلم تحققها .. مش في الحاجة اللي انت اصلا مش حاببها بس واخداها زي احتياطي كدا عشان يبقا الواحد مأمن نفسه بس .. بعدين دي فترة معينة علي حسب العقد يعني و خلاص مش هتفضل طول عمرك شغال ب 5000 جنية مثلا ..اما بالنسبة ل staa و ctc اللي تبع قطر دول بيدوك mpl دي رخصة ليسة مش معترف بيها في معظم الشركات

ربنا يوفقك يا اخى .. وانا والله بفكر نفس فكرتك وربنا يسهلنا الحال
بس عايز اقولك حاجه ال mpl دى معناها multi crew pilot licence
وغالبا معترف بيها لان بيكون معظم الشركات عايزةالرخصه دى وهيا عاليه مش وحشه بس مش عارف ايه حوار انها معترف بيها ولا لا .. ياريت لو عندك خلفيه عنها تقولنا ايه معلوماتك

[khaled mostafa]

اقتباس:     المشاركة الأصلية كتبت بواسطة pilot 500  

حضرتك برضوا أنا أخويا صيدلة كلينيكال وهو ولا بيشتغل تبع دكتور ولا حاجة الدكاترة عارفين شغلهم هو بيفتح صيدلية خاصة ودي على حسب امكانياته ورزق ربنا وفي الاخر أنا مثلا مااقدرش ادرس حاجة انا مابحبهاش أنا بحب الطيران وبس .

حضرتك هوا مش تبع دكتور وهوا عارف شغله كويس بس ارجع حضرتك لكلامى هتلاقينى قولت مرافق للدكتور .. يعنى فى المستشفيات الخاصه لازم يكون فيه وحده صيدليه اكلينكيه يعنى الدكتور البشرى بيوصف الحاجه ويبعتلى تقرير وانا بناءا عليه بكتب ادويتى وشغلى واى حاجه غلط انا بتحملها ... ثانيه حضرتك لو عايز افتح صيدليه افتحها او مفتحاش دى حاجه بتاعتى وعلى حسب مادياتى .. مثلا انا مرتاح ماديا ومش عايز افتح صيدليه خلاص مش هفتحها وبلا وجع دماغ
ثالثا معلومه لحضرتك الدكتور البشرى بدون الصيدلى ولا اى حاجه .. هوا ما عليه بيكتب شويه ادويه وانا اصلا اللى بعملها فى شركه ولا فى مصنع يعنى هوا مش الكل فى الكل ..
رابعا ... ربنا يحققلك حلمك وتدخل طيران


والله ولى التوفيق والمستعان

[pilot 500]

اقتباس:     المشاركة الأصلية كتبت بواسطة khaled mostafa  

ربنا يوفقك يا اخى .. وانا والله بفكر نفس فكرتك وربنا يسهلنا الحال
بس عايز اقولك حاجه ال mpl دى معناها multi crew pilot licence
وغالبا معترف بيها لان بيكون معظم الشركات عايزةالرخصه دى وهيا عاليه مش وحشه بس مش عارف ايه حوار انها معترف بيها ولا لا .. ياريت لو عندك خلفيه عنها تقولنا ايه معلوماتك

أنا سألت كتير عن الرخصة دي وناس مختصين قالو هي هي دلوقتي معتمدة في الايكاو وجاري العمل على اعتمادها في كل انحاء العالم بس قالوا انت هتشتغل 5 سنين مع القطرية وده بحد ذاته كفاية وكمان ممكن تجدد عادي خالص .

[pilot 500]

اقتباس:     المشاركة الأصلية كتبت بواسطة khaled mostafa  

حضرتك هوا مش تبع دكتور وهوا عارف شغله كويس بس ارجع حضرتك لكلامى هتلاقينى قولت مرافق للدكتور .. يعنى فى المستشفيات الخاصه لازم يكون فيه وحده صيدليه اكلينكيه يعنى الدكتور البشرى بيوصف الحاجه ويبعتلى تقرير وانا بناءا عليه بكتب ادويتى وشغلى واى حاجه غلط انا بتحملها ... ثانيه حضرتك لو عايز افتح صيدليه افتحها او مفتحاش دى حاجه بتاعتى وعلى حسب مادياتى .. مثلا انا مرتاح ماديا ومش عايز افتح صيدليه خلاص مش هفتحها وبلا وجع دماغ
ثالثا معلومه لحضرتك الدكتور البشرى بدون الصيدلى ولا اى حاجه .. هوا ما عليه بيكتب شويه ادويه وانا اصلا اللى بعملها فى شركه ولا فى مصنع يعنى هوا مش الكل فى الكل ..
رابعا ... ربنا يحققلك حلمك وتدخل طيران


والله ولى التوفيق والمستعان

حضرتك والله ده نفس كلام أخويا . بس حضرتك احنا عندنا مستشفى خاص واخويا الكبير دكتور والاصغر منه صيدلي وعارف الكلام ده . وأنا في البداية واجهة رفض شديد لموضوع الطيران . والخلاصة في الكلام ده اصلا ان انا بحب الطيران اه طبعا هو مستوى مادي بس لو اتعرض عليا اي شغلة تانية بمرتب اعلى من الطيران مش هرضى . وربنا يوفق

[my name is pilot]

PILOT CAREER CENTER - Latest Pilot Jobs, Pilot Resume / Pilot CV Design, Interview Preps and more...

هنا موجود متطلبات كل شركات الطيران .. كلهم طالبين cpl/atpl .. و طبعا بجانب ساعات الطيران و المتطلبات الأخرى بس الفكرة مشوفتش شركة طالبين mpl خالص .. عشان كدا نصيحة مني و انا مش خبير في عالم الطيران بس خليك فى السليم و ادرس cpl انا عمري ما شوفت طيار دارس mpl ولا حتى شركة طالبها

[khaled mostafa]

اقتباس:     المشاركة الأصلية كتبت بواسطة pilot 500  

حضرتك والله ده نفس كلام أخويا . بس حضرتك احنا عندنا مستشفى خاص واخويا الكبير دكتور والاصغر منه صيدلي وعارف الكلام ده . وأنا في البداية واجهة رفض شديد لموضوع الطيران . والخلاصة في الكلام ده اصلا ان انا بحب الطيران اه طبعا هو مستوى مادي بس لو اتعرض عليا اي شغلة تانية بمرتب اعلى من الطيران مش هرضى . وربنا يوفق

والله كلامك يحترم ويتشال فوق الراس وربنا يوفقك فى موضوع الطيران وان شاء الله خير

[pilot 500]

اقتباس:     المشاركة الأصلية كتبت بواسطة my name is pilot  

PILOT CAREER CENTER - Latest Pilot Jobs, Pilot Resume / Pilot CV Design, Interview Preps and more...

هنا موجود متطلبات كل شركات الطيران .. كلهم طالبين cpl/atpl .. و طبعا بجانب ساعات الطيران و المتطلبات الأخرى بس الفكرة مشوفتش شركة طالبين mpl خالص .. عشان كدا نصيحة مني و انا مش خبير في عالم الطيران بس خليك فى السليم و ادرس cpl انا عمري ما شوفت طيار دارس mpl ولا حتى شركة طالبها

زي ماقولت لحضرتك ال mpl لوحدها مالهاش لازمة بس دي مع وظيفة وأنا سألت كتير عنها

[khaled mostafa]

اقتباس:     المشاركة الأصلية كتبت بواسطة pilot 500  

أنا سألت كتير عن الرخصة دي وناس مختصين قالو هي هي دلوقتي معتمدة في الايكاو وجاري العمل على اعتمادها في كل انحاء العالم بس قالوا انت هتشتغل 5 سنين مع القطرية وده بحد ذاته كفاية وكمان ممكن تجدد عادي خالص .

تمام ... يعنى لما تتخرج من المدرسه بتاعه الطيران دى بتشتغل تبع الخطوط القطريه ؟ وما هى المدرسه ؟ وفترة الدراسه ؟ وهل لازم للقطريين ام ممكن اجانب ؟

[my name is pilot]

الوظيفة دي حضرتك اللي هتبقا في القطرية وقت معين و خلاص يعني العقد مثلا هيبقا 5 سنين طيب بعد ال 5 سنين دول هتعمل آية ? .. هتقولي هروح شركة تانية .. اي شركة تانية هتبقا عايزة cpl/atpl

[khaled mostafa]

اقتباس:     المشاركة الأصلية كتبت بواسطة my name is pilot  

الوظيفة دي حضرتك اللي هتبقا في القطرية وقت معين و خلاص يعني العقد مثلا هيبقا 5 سنين طيب بعد ال 5 سنين دول هتعمل آية ? .. هتقولي هروح شركة تانية .. اي شركة تانية هتبقا عايزة cpl/atpl

تمام ما انا عارف ... انا بتكلم على فتره الدراسه بتقعد قد ايه وغالبا كدا على كلامك طالما هقعد اتعلم واشتغل .. يعنى مجمع ساعات طيران حلوة .. ممكن فى الحاله دى تراسل اى مدرسه طيران وتنزل على الامتحانات بتاعه ال cpl وتمتحنها على طول فى خلال فتره اجازتك السنويه لان انت كدا هتكون دارس كل حاجه فى النظرى وقوانين الطيران وكله .. وبكدا يبقى ضربت عصفورين بحجر واحد منك اشتغلت ومنك فى خلال اجازتك اخدت بقيه رخصك اللى نقصاك


والله ولى التوفيق والمستعان

[my name is pilot]

بس انا مش عارف لو ينفع تدرس mpl و تشتغل و بعدها تاخد cpl يعني هل الكلام دا ينفع اصلا ? يبقا معاك الاثنين mpl و cpl ? ... بلاش نستعجل لازم نشوف الأول كل حاجة كويس و نبقا متاكدين من كل خطوة بنعملها ... أنا والله قاعد على النت بالساعات عشان اشوف cadet program يكون بيقبل اجانب و في نفس الوقت الرخصة تكون cpl .. بس ليسة بشوف لو لقيت اي شركة طيران بتقبل اجانب و بتدرسلك تبع مدرسة تكون بتدي cpl هبقا اقولك .. إنما mpl دي بصراحة محدش من الطيارين اللي اعرفهم نصحني بيها خالص

[khaled mostafa]

اقتباس:     المشاركة الأصلية كتبت بواسطة my name is pilot  

بس انا مش عارف لو ينفع تدرس mpl و تشتغل و بعدها تاخد cpl يعني هل الكلام دا ينفع اصلا ? يبقا معاك الاثنين mpl و cpl ? ... بلاش نستعجل لازم نشوف الأول كل حاجة كويس و نبقا متاكدين من كل خطوة بنعملها ... أنا والله قاعد على النت بالساعات عشان اشوف cadet program يكون بيقبل اجانب و في نفس الوقت الرخصة تكون cpl .. بس ليسة بشوف لو لقيت اي شركة طيران بتقبل اجانب و بتدرسلك تبع مدرسة تكون بتدي cpl هبقا اقولك .. إنما mpl دي بصراحة محدش من الطيارين اللي اعرفهم نصحني بيها خالص

تمام مفيش مشكله وانا بدور لو لاقيت حاجه هقولك وان شاء الله نلاقى

[pilot 500]

اقتباس:     المشاركة الأصلية كتبت بواسطة my name is pilot  

الوظيفة دي حضرتك اللي هتبقا في القطرية وقت معين و خلاص يعني العقد مثلا هيبقا 5 سنين طيب بعد ال 5 سنين دول هتعمل آية ? .. هتقولي هروح شركة تانية .. اي شركة تانية هتبقا عايزة cpl/atpl

حضرتك دي مش فترة معينة وخلاص ده مكتوب اصلا مدة لا تقل عن 5 سنين وعشان نوفر الكلام كلم الاكاديمية وهتشوف انها وظيفة قابلة للتجديد لو انت عزت .

[mayar7]

وهل هذا البرنامج يشمل حديثي التخرج وهل له شروط للتقدم للمقيمين