تحياتي أخي الكريم


تفضل وبإذن الله نحاول نساعدك بكل ما نقدر


تمنياتي بالتوفيق

السلام عليكم ورحمة الله وبركاته

شن اخبارك يا بش مهندس
كنت كلمتك على مشروع نبي نديره قبل والحق اليوم حصلت في شوية حاجات فنتمنى انك تساعدني وتكون معاي لين نكمله لانه هوا مش مشروع تخرج ولا شي هوا زي ما تقول حلم وجت الفرصة بش نحققه والحق انت احسن واحد يقدر يفيدني لانك ماشاء الله قديم في الطيران وعندك خبرة كبيرة
فيا ريت لو تقدر تساعدني تقولي وان شاء الله حنبعتلك التصميم وكل شي على المشروع
مشكور جدا يا باشا وسامحني لو تعبتك معاي
ولو ما تقدرش تساعدني او عندك اشغال مانبيكش تضغط على روحك قولي عادي

في امان الله

الله يبارك فيك مشكور جداً

تحياتي أخي

ولا شكر على واجب
ربي ينجحك ويفتح طريق الخير قدامك

السلام عليكم ورحمة الله
والله يا بش مهندس مش عارف كيف بردلك جميلك بارك الله فيك وجعله الله في ميزان حسناتك.
ساعدتني هلبة وان شاء الله لو نجح المشروع حتكون انت واحد من اسباب نجاحه
مشكور جداً جداً

في أمان الله

أخي الكريم

هذه مقاطع أجنحة خاصة بالمراوح، ما احدثك عنها هو كالذي في الرابط
https://www.basiliscus.com/ProaSectio.../AppendixD.pdf

حيث NACA 0012 ويمكنك الحصول على مواقع المقطع لرسمه كما في الجداول، ومعاملات الرافع والكبح كما في الرسم البياني. وبالمناسبة المقطعين الذكورين جيدين للتصميم الذي تريد

تحياتي

بارك الله فيك اخي الكريم والله أدير فيا معروف
خشيت على موقع ناسا وولقيت مقاطع الأجنحة لكن ما فهمت منهم شي الحق
UIUC Airfoil Data Site
هادي الصفحة الرئيسية لقاعدة البيانات

في أمان الله

تحياتي
تغيير حجم الجناح لا يؤثر في معامل الرفع لأنه يعتمد على المقطع
سأحاول البحث في النت وأجيبك في أقرب فرصة


تحياتي

السلام عليكم ورحمة الله وبركاته
بارك الله فيك خوي على الرد وجعله الله في ميزان حسناتك
خوي تقصد اني لو ناخد تصميم جاهز للايرفويل من ناسا خير ؟
ولو ممكن تعطيني اي مصدر نلقى فيه هذه التصاميم بالجداول متعها
وسؤال تاني خوي ؟ لو غيرت في مساحة الجناح مش حياثر على معامل الرفع ؟
سامحني خوي كترت عليك. وبارك الله فيك

تحياتي أخي
الأمر يحتاج منك بعض العمل، إذ يمكنك العمل على وضع مجموعة من الخيارات لمقع الجناح NASA حيث عند اختيار المقطع يمكنك الحصول على معامل الرفع مباشرة من جدول خصائصه


تحياتي